އިންޑިއާއާ އެކު މިއަދު ރާއްޖެއިން އެމްއޯޔޫގައި ސޮއި ކުރަނީ: އެ އެމްއޯޔޫގެ ދަށުން މުދާ އެތެރެ ކުރުމާއި ބޭރު ކުރުމުގައި އިތުރު ފަސޭހަތަކެއް ލިބިގެންދާނެ ކަމަށް ކަސްޓަމްސް އިން ބުނޭ --- ފޮޓޯ/ކަސްޓަމްސް
22 ޖުލައި 2021 - 14:33
9 comments
މުދާ އިމްޕޯޓް/އެކްސްޕޯޓް ކުރުމުގައި އިތުރު ލުއި ފަސޭހަތަކެއް ދިނުމާ ގުޅޭ އެމްއޯޔޫއެއްގައި ރާއްޖެ އާއި އިންޑިއާ އިން މިއަދު ސޮއިކޮށްފި އެވެ.
"އެކްސްޗޭންޖް އޮފް ޕްރީ އެރައިވަލް އިިންފޮމޭޝަން ފޯ ފެސިލިޓޭޝަން އޮފް ޓްރޭޑް އެންޑް ކަސްޓަމްސް ކޮންޓްރޯލް އޮން ގުޑްސް" ގެ އެމްއޯޔޫގައި ރާއްޖޭގެ ފަރާތުން ސޮއިކުރެއްވީ ކޮމިޝަނާ ޖެނެރަލް އޮފް ކަސްޓަމްސް އަބްދުﷲ ޝަރީފެވެ. އިންޑިއާގެ ފަރާތުން އެ އެމްއޯޔޫގައި ސޮއިކުރެއްވީ އިއްޔެ ރާއްޖެ ވަޑައިގެން އުޅުއްވާ، ސެންޓްރަލް ބޯޑް އޮފް އިންޑައިރެކްޓް ޓެކްސަސް އެންޑް ކަސްޓަމްސްގެ ޗެއާމަން އަޖިތު ކުމާރެވެ.
ކަސްޓަމްސުން ބުނީ އެ އެމްއޯޔޫގެ ދަށުން މުދާ އެކްސްޕޯޓް ކުރާއިރު، ބަނދަރާ ހަމައަށް މުދާ ގެންދިއުމުގެ ކުރިން ލިޔުންތައް ބަދަލު ކުރެވޭނެ ނިޒާމެއް ގާއިމުކުރާނެ ކަމަށެވެ. އޭގެ ސަބަބުން ކަސްޓަމްސްގެ އިޖުރައާތުތައް ފުރިހަމަ ކުރަން ހޭދަވާ ވަގުތު ކުޑަވެ، ދެ ގައުމުގެ ކަސްޓަމްސްގެ މަރުހަލާތައް ހަލުވިވާނެ ކަމަށް ކަސްޓަމްސުން ބުންޏެވެ. އަދި ވިޔަފާރި އާއި ސަޕްލައި ޗެއިންގެ ސެކިއުރިޓީ އިތުރަށް ވަރުގަދަ ވާނެ ކަމަށް ވެސް ކަސްޓަމްސުން ބުންޏެވެ.
މި އެއްބަސްވުމުގެ ދަށުން ހިއްސާކުރާ މަޢުލޫމާތުގެ ޒަރިއްޔާ އިން، ކަސްޓަމްސްގެ އާންމު ގަވާއިދުގައި ބަޔާންކޮށްފައިވާ "މުއާމަލާތުގެ އަގު ނުވަތަ ޓްރާންސެކްޝަނަލް ވެލިއު" ކަނޑައެޅުމަށް ބޭނުންވާ ފުރިހަމަ މައުލޫމާތު ވަގުތުން ވަގުތަށް ލިބޭނެ އެވެ. އަދި މުދަލުގެ ބާވަތާއި ސައްހަ އަގު އެނގި، ކަސްޓަމްސް އަށް ދައްކަންޖެހޭ ޑިއުޓީ ކަށަވަރު ކުރުމުގައި ފަސޭހަވެ، އެކްސްޕޯޓް މަރުހަލާގައި ހަދާ "ކޮމާޝަލް ފުރޯޑް" ދެނެވޭނެ ކަމަށް ކަސްޓަމްސްއިން ބުނެ އެވެ.
އެ އިދާރާ އިން ބުނިގޮތުގައި ރާއްޖެ އާއި އިންޑިއާއާ ދެމެދު މުދާ އެކްސްޕޯޓްކުރާ މިންވަރު އިތުރުވަމުންދާއިރު، މިއަދު ސޮއިކުރި އެމްއޯޔޫގެ ދަށުން ދެ ގައުމުގެ ދެމެދުގައި އިތުރަށް ގުޅުން ބަދަހިވެ، ވިޔަފާރިިތަކަށް ފަސޭހަވާނެ އެވެ.
މި ސަރުކާރު އައި ފަހުން އިންޑިއާ އާއި ރާއްޖެއާ ދެމެދު ގިނަ ދާއިރާތަކަކުން ވަނީ އެއްބަސްވުންތަކުގައި ސޮއިކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
23 July 2021
އިންޑިޔާމީހުން ފުތަތަމަ ބަލާބަލަ އިންޑިޔާ ކުރިއެރުވޭތޯ ވިލެޖުތަކުގަތިބި މީހުނައް އަރާނެ ފައިވާނެއް ދެވޭތޯހެނދުނު ހޭލައިގެން ފުޅައްބުޑައް ކުޑަކަމުދިޔުން ހުއްޓުވޭތޯ 24 ގަޑިއިރު ކަރަންޓު ދެވޭތޯ ފެނުގެ ހިދުމަތް ދެވޭތޯ ކޮންމެހެން ރާއްޖެޔާ އަޅައިނުގަނެ ހީނުކުރާތި ފިޔާކިލޯއަކައް ދިވެހިންގެ ސިކުނޑި ދޮވެލެވޭނެ ކަމައް ނުވާނެ އެކަމެއް ދެންޔާމިނު އަރާފަ ސިންގަޕޫރު ރައްޔިތުން ބޭނުންކުރާ ހުދުފިޔާ ދިވެހިން ކާން ހުންނާނެ ބަލަންތިބޭތި
ހާސަރު
23 July 2021
ތަނެއްދޮރެއް ނޭގުނަސް ކޮމެންޓްކުރަންޖެހޭވިއްޔަ. ބަލަ މިއެއްބަސްވުމުން އިންޑިއާ އަށް ވާނެފައިދާއެއްނެތް. މިކަމަކީ މިތަހުޒީބު ޒަމާނުގައި ދުނިޔެ ވިޔުގައިން ގުޅާލުމުގެ ބައެއް. ރާއްޖެއަށް މުދާ އިމްޕޯޓްކުރާއިރު ފޯމްތައް ނުނިމި ލަސްވުން މިކަމުގެ ސަބަބުން ނިމޭނެ. އަދި އޮޅުވާލައިގެން ނުބައި އަގުގައި މުދާގެނައުންވެސް ހުއްޓޭނެ.
ނަސީ
23 July 2021
މިގައުމް މެއްނެތް ސަރިންނޭ 2023 ގައި ކޮއްމެގޮތެއްހަދައިގެންނަމަނެސް ރައިސް ޔާމިން ނެރޭ
ޖާބެ
22 July 2021
ދިވެހިްނައް އިންޑިޔާއަށް ދާން ވިސާ ކިއު މިއީ މަލާމާތްކުރުން ސެކިޔޯރިޓީއަކީ ކޮބާބާ ގޮހޮރުދިނުންތޯ އިންޑިޔާއަށް އަޖައިބު ވެއްޖެ ނާޤާބިލުަމުން އިންތިހާޔައް މިކަންގޮސްފި މިހާރު، ރާއްޖެވައްދާ މުދާވެސް އެމީހުންދޯ މިހާރު ޗެކުކުރާނީ، މިގަޢޫމުގެ އިޤްތޮސާދު ހަލާކޮށްފި ހުރިހާއެްއޗެއް ވިއްކާ ހުސްކޮށްފި.. މިހާރު ދެން ވިޔަފާރިވެސް ކުރާނީ އެމީހުން މިތަނުގަ
އެމެރިކާ
22 July 2021
މިއައްވުރެ ގުޅުން ބަދަހި ވެއްޖިޔާ ޤައުމުގެ ދުވަސް ދާނެ
ކަކުނިބޯ
22 July 2021
ޢިންޑިޔާއަށް ރާއްޖެއިން އެކްސްޕޯޓްކުރާތީވެ ހަޖަ މްނުވެގެން އެއުޅެނީ އިންޑިޔާސަރުކާރަށް،ހަހަހަ ރާއްޖެއަށް އި މްޕޯޓްވާއެއްޗެއްގެ މައުލޫ މާތުދޭކަށްނޫން އިންޑިޔާގެ މަސްލަހަތު
ގެދޮރު ނެތް މާލޭމީހާ
22 July 2021
އެމް އޯ ޔޫ ތަކާ އެއްޗެހީގަ ސޮއިކޮށް ހަދާއިރު ފުރުމުގެ ކުރިން ވިސާނެގުމަކާނުލާ ދިވެހިންނަށް އިނަޑިއާ އަށް ދަތުރު ކުރެވޭ ގޮތް ނުހެދިގެން މި އުޅެނީ ކީއްވެބާއޭ ހިތަށް އަރާ. ދިވެހކރާއްޖެއާ އިނަޑިއާ އާއި ދެމެދު އޮތް "ގާތް" ރަޙުމްތެރިކަމުގެ ސަބަބުނަ ތޯއްޗެއް.
އިސްތަށި
22 July 2021
ސުބުހާނަﷲ ޙުރިހާ ބާރެއް އިންޑިޔާ އައް ދިނީ!!!
ހުވަދޫބޮޑުފޯއް
22 July 2021
ޥަރަށް ރަނގަޅު ކަމެއް ރައްޔިތުންނަށް ނުހަނު ފަސޭހަ ވާނެ ޝުކުރިއްޔާ