އިންޑަސްޓްރިއަލް ވިލެޖުގެ ބިންތަކާ ސިޓީ ކައުންސިލަކަށް ނުކުޅެވޭނެ: ޕްލޭނިން މިނިސްޓްރީ

ކުރީގެ ސަރުކާރުން މާލޭގެ ހުޅަނގު ފަރާތުގައި އިންޑަސްޓްރިއަލް ވިލެޖު ހެދުމަށް ހިއްކި ބިމުގެ ސަރަހައްދު.-- ފައިލް ފޮޓޯ / މިހާރު

އިފްރާޒް އަލީ، މިހާރު

09 އޯގަސްޓް 2021 - 12:48

30 comments

އިންޑަސްޓްރިއަލް ވިލެޖަކީ މާލޭ ސިޓީ ކައުންސިލްގެ އިހުތިސާސްގެ ތެރޭގައި ހިމެނޭ ތަނެއް ނޫން ކަމަށާއި އެ ތަނުން ދޫކޮށްފައިވާ ބިންތަކާ ކައުންސިލަށް "ނުކުޅެވޭނެ" ކަމަށް ޕްލޭނިން މިނިސްޓްރީން މިއަދު ބުނެފި އެވެ.

އެ މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން "މިހާރު" އަށް ވިދާޅުވީ ސްޓެލްކޯ އަށް އިންޑަސްޓްރިއަލް ވިލެޖުން ދޫކޮށްފައިވާ ބިމެއް ސިޓީ ކައުންސިލުން ހުސްކުރި މައްސަލައިގައި، އެކަން އެގޮތަށް ނުކުރެވޭނެ ކަން އަންގައި މާލޭގެ މޭޔަރު ޑރ. މުހައްމަދު މުއިއްޒަށް ނޯޓިސްއެއް ވެސް މިހާރު ފޮނުވާފައިވާ ކަމަށެވެ.

ސްޓެލްކޯ އަށް ދޫކޮށްފައިވާ ބިމަކީ ސިޓީ ކައުންސިލްގެ ބިމެއް ނޫން ކަމަށާއި އެ ބިން އަނބުރާ އެ ކުންފުންޏާ ހަވާލުކުރުމަށް ޕްލޭނިން މިނިސްޓްރީން ފޮނުވި ނޯޓިސްގައި އެދިފައި ވެ އެވެ.

"ވަކި ބަޔަކަށް ނުދީ އޮންނަ ބިމަކީ ދައުލަތުގެ ބިން. ދައުލަތުން ބިން ބަލަހައްޓަނީ ސަރުކާރުން، މިނިސްޓްރީން އޮފް ޕްލޭނިން އިން،" އަކްރަމް ވިދާޅުވި އެވެ.

"އިންޑަސްޓްރިއަލް ވިލެޖަކީ ވަކި ބަޔަކާ ހަވާލުކޮށްފައި އޮތް ތަނެއް ނޫން. ސިޓީ ކައުންސިލަކަށް އެތަނަށް އަތެއް ނުލެވޭނެ. އެއީ އެމީހުންނާ ހަވާލުކޮށްފައި އޮތް ބިމެއް ނޫން."

ސްޓެލްކޯ އަށް އިންޑަސްޓްރިއަލް ވިލެޖުން ދޫކޮށްފައިވާ ބިމުގައި ހުރި މުދާތައް ނަގައިގެން މާލޭ ސިޓީ ކައުންސިލުން ބޭނުންކުރަމުންދާ ކަމަށް ތުހުމަތުކުރާ މައްސަލަ އެ ކުންފުނިން މިހާރު ވަނީ ފުލުހުންނަށް ވެސް ހުށަހަޅައިފަ އެވެ.

މާލެ ސަރަަހައްދަށާއި ބައެއް ރަށްރަށަށް ކަރަންޓުގެ ހިދުމަތް ދޭ ސްޓެލްކޯގެ އޮފިޝަލަކު މީޑިއާގައި މިދިޔަ ހޮނިހިރު ދުވަހު ވިދާޅުވީ، އެ ކުންފުނީގެ މުދާތައް ސިޓީ ކައުންސިލުން ނެގީ އެންގުމަކާ ނުލައި މިދިޔަ ބޮޑު ޗުއްޓީ ބަންދުގެ ތެރޭގައި ކަމަށެވެ. ސްޓެލްކޯގެ ބިމުގައި ހުރި ފެންސުތައް ނަގައި ކައުންސިލްގެ ބިމެއްގައި އެ ފެންސްތައް ޖަހާފައިވާ ކަމަށް ވެސް އޭނާ ވިދާޅުވި އެވެ.

STELCO ge bimugai huri mudhaa nagaigen Male' City council in beynun kuraa kamuge thuhumathu!

The most trusted news source in the Maldives

Mihaaru

އޭނާ ވިދާޅުވިގޮތުގައި، ސްޓެލްކޯގެ ބޭނުމަށް ސީސީޓީވީ ކެމެރާ ހަރުކުރަން ބަހައްޓާފައި ހުރި ތަކެތި ވެސް ވަނީ ގެއްލިފަ އެވެ.

ސްޓެލްކޯ އަށް އިންޑަސްޓްރިއަލް ވިލެޖުން 21،000 އަކަފޫޓުގެ ބިމެއް ދޫކުރީ އެ ކުންފުނީގެ ބެކަޕް ޕަވާ ހައުސް އަކާއި ބެކަޕް ބެޓަރީ ސްޓޯރެޖެއް ހެދުމުގެ ބޭނުމަށެވެ. އެ ބިން ލެވެލްކޮށް ސާފު ކުރުމަށް ވެސް އެ ކުންފުނިން ފަސް ލައްކަ ރުފިޔާ ހޭދަކުރި އެވެ.

މި ބިމުގައި ބެކަޕް ޕަވާ ހައުސްގެ އިތުރުން ގްރިޑް ޕްރޮޖެކްޓުގެ ދަށުން ތިލަފުއްޓާއި މާލޭގެ ކަރަންޓު އެއް ވިއުގައަކުން ގުޅުވައިލަން ބޭނުންވާ 132 ކިލޮވޮޓުގެ ސަބްސްޓޭޝަނެއް ވެސް ބަހައްޓާނެ އެވެ. މި ސަބްސްޓޭޝަން އަޅަން ނިންމާފައި ވަނީ ތިލަމާލެ ބްރިޖާއެކުގަ އެވެ.

މާލެ ސިޓީ ކައުންސިލް އިންޑަސްޓްރިއަލް ޒޯން ސްޓޭޓް މިނިސްޓަރު އަކްރަމް ކަމާލުއްދީން ޑރ. މުހައްމަދު މުއިއްޒު، މާލޭގެ މޭޔަރު

30 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ ރަމީޒު

10 August 2021

ތިޔައުޅެނީ ޕިންކު ކުދިންކޮޅެއް. ދޮގުހެދުމުގެ މުބާރާތުން ވަނައެއް ދޭންޖެހޭނެ މިހާރުގެ މޭޔަރަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާ

10 August 2021

ލާމަރުކަޒު ގާނޫނު މީ އޭރަކު ވެރިކަމެއްގަ އޮންނަ ސަރުކާރެއްގެ ޕާޓީއެއްގެ ކައުންސިލް ތަކަށް ލިބޭބާރެއް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބޭސއ

09 August 2021

ތިޔަ އަކުރަމުއަށް ނޭގޭނެ އިރު އެރިޔަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އމއމޕއރސ

09 August 2021

އަކުރަމްމެން ފަދަ ގާނޫނަށް ނުފަރިތަ މީސްމީހުން ސްޓޭޓް މިނިސްޓަރުންނަށްލީމަވާނެ ހައެއްޗެއް އެވަނީ. މިހާރު ތީ މާލެ ސިޓީ ކައުންސިލްގެ އިހުތިޝޯސްގެ ތެރޭ ހިމެނޭތަންތަން. ކައުންސިލްގެ ބާރު ހިނގާނެ އެއީ މާލޭގެ ބައެއް މިހާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެކްސްޓް

09 August 2021

ކައުންސިލްއަށް ކުޅެވޭނެ ތަންތަނުގެ ލިސްޓެއް ގެޒެޓްކުރަންވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކުރާ

09 August 2021

ސްޓެލްކޯއިން އެ ކުންފުންޏަށް ބޭނުން ނުވާވަރަށް ބިންތައް ނަގާ ވެރި ކުރަމުންދަނީ. ނިކަން ބަލާބަލަ ސްޓެލްކޯ ވަށައިގެން ހުރި ހުރިހާ މަގެއް ބަންދުކޮށްގެން ސްޓެލްކޯގެ އަމިއްލަ ބިންތަކަކަށް ހަދައިގެން އެބިންތައް ބޭންކުރަމުންދަނީ އެންމެ ފުރިހަމަ ގޮތުގައެއް ނޫން. މުއިއްޒަކީ ގަޑު ހުރި މީހެއް. ސްޓެލްކޯވެސް އަދި ސަރުކާރުގެ އެހެން ކުންފުންޏަކަށްވެސް ބޭނުންހާ ގޮތެއް ހަދަން ބިންތައް ދޫކޮށްގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމާރުލްގައުމު

09 August 2021

ދިވެހިރާއްޖޭގެ ޤާނޫނުތަކާ ކަނޑައެޅިގެން ޚިލާފު ނިންމުމެއް. މާލޭގައި ހިއްކާފައި ހުންނަ ބިންތަކާއި ފަޅުތަކާއި ފަޅުން ބޭރުގައި ހުންނަ ތަންތަނަކީވެސް މާލޭގެ ބައެއް. އެކަން ގާނޫނުގައިވަނީ ބަޔާންވެފައި. އެއާ ޚިލާފަށް އަންގާ ކޮންމެ އެންގުމަކީ ޤާނޫނާ ޚިލާފު އެންގުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންދީ

09 August 2021

އިންޑަސްޓްރިއަލް ޒޯނަކީ މާލޭ ސިޓީ ކައުންސިލާ ބެހޭތަނެއް ނޫނޭވެސް ބުނީ ހަމަ މުއިއްޒު... މީ އެ މުއިއްޒެއް ނޫންތަ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރުމުރު

09 August 2021

ހަސަންދީ އޭރު ގާނޫނުގައި އޮތްގޮތާ މިހާރު އޮތްގޮތް ހާސްބައި ތަފާތުވާނެ. ބިމުގެ ހުރިހާ ކަމެއް މިހާރު މަތިކޮއްފަ އޮންނަނީ ކައުންސިލްއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކަލޯ

10 August 2021

އެހެންވިއްޔާ މުޅި ރާއްޖެވެސް އެވަނީ މާލެއަށެއްނު. ހޯމް މިނިސްޓްރީ އާ ޓްރާންސްޕޯރޓްވެސް މޭޔަރު މުއިއްޒުގެ ދަށުންތާ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުދާރުު މާލިމީ

10 August 2021

މަކަލޯ ޖަދަލު ކުރުމުގެ ކުރިން ގާނޫނަށް ގެނަވުނު ބަދަލު ކިޔާލަން ރަނގަޅުވާނެ. އެރަށެއްގެ ފަޅު ކޮންމެ ބަޔަކު ހިއްކިޔަސް އެލިބޭނީ ކައުންސިލް، އެރަށެއްގެ އުރަފަށުން 700މ އަކީ ކައުންސިލްގެ ބާރު ހިނގާނެތަންތަން މިހާރު. މިނިސްޓްރީ ތަކަކީ މިހާރު ރެގިއުލޭޓް ކުރާގޮތަށް ބަދަލުކޮއްފަކައުންސިލްތަކަކީ ހިދުމަތްތަށްދޭ ތަންތަނަށް ބަދަލުގެންނަމުން އެދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ިމާލެމީހާ

09 August 2021

ދިވެހިރާއްޖޭގެ ޤާނޫނުއަސާސީގެ ޖަދުވަލު 1 ގައި މާލެއަކީ ކޮބައިކަން އޮތީ ބަޔާންކޮށްފައި. އެއަށް ބަދަލުގެނައުމުގެ ބާރެއް އެއްވެސް މީހަކަށް ލިބިގެން ނުވާނެ. މާލޭގެ ފަސްގަނޑުން ބައެއް ހިއްކިޔަސް ފަޅުތެރޭގައި އޮތަސް ފަޅުން ބޭރުގައި އޮތަސް ގާނޫނުއަސާސީގައި ބަޔާންވެފައިވާ ގޮތަށް ނޫން ގޮތަކަށް ކަމެއް ނިންމުމަކީ ގާނޫނުއަސާސީއާ ޚިލާފު ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންފުލިކުޓު

09 August 2021

މަ އަޑުއެހިން ދައުލަތުގެ މުދަލާ ހަވާލުވަނީ ފިނޭންސް މިނިސްޓްރީކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮސްގޮވާ

09 August 2021

ބަލަ އަސްލަމް އެވެ. ލާމަރުކަޒީ ގާނޫނުގައި ކައުންސިލްގެ އިހްތިސާސް ހިމެނެނީ އެރަށުގެ އުރަފަށުން ފެށިގެން 700 މީޓަރަށެެވެ. އެހެންކަމުން ތިޔަ އިންޑަސްޓްރިއަލް ވިލެޖް ވާނީ ސިޓީ ކައުންސިލްގެ އިހްތިސާސސް ތެރޭގައެެވެ. އަދި އަސްލަމާއި، އަސްލަމް އުޅޭ ގެއާއި މަސައްކަތްކުރާ މިނިސްޓްރީ ހުރި ބިންވެސް ހިމެނެނީ ކައުންސިލްގެ އިހްތިސާސްގެ ތެރޭގައެވެ. އެހެންކަމުން އިހްތިސާސްގައިވާ ތަންތަން ބޭނުންކުރެވެމުންދާގޮތް ކައުންސިލަށް އެގެންޖެހެވެ.