ރާއްޖެ އައި ޓޫރިސްޓުންތަކެއް ވެލާނާ އިންޓަނޭޝަނަލް އެއާޕޯޓުގައި: ވެކްސިން ނުޖަހާ ޓޫރިސްޓުންނަށް ވެސް މިހާރު ރަށްރަށަށް ދެވޭނެ-- ފޮޓޯ: ނިޝާން އަލީ/ މިހާރު
11 އޯގަސްޓް 2021 - 11:16
4 comments
ކޮވިޑް-19ގެ ވެކްސިން ފުރިހަމަ ނުކުރާ ޓޫރިސްޓުންނަށް ރަށްރަށަށް ދެވޭ އުސޫލެއް އެޗްޕީއޭ އިން މިއަދު އާއްމުކޮށްފި އެވެ.
އެޗްޕީއޭ އިން ކުރިން ނިންމާފައިވާ ގޮތުގައި ގެސްޓުހައުސްތަކަށް ޗެކިން ކުރެވޭނީ ވެކްސިން ފުރިހަމަ ކޮށް 14 ދުވަސްވެފައިވާ ޓޫރިސްޓުންނަށް އެކަންޏެވެ. ނަމަވެސް ރަށުގެ އާބާދީގެ ވެކްސިން ރޭޓަށް ބަލައި ވެކްސިން ފުރިހަމަ ނުކުރާ ޓޫރިސްޓުންނަށް ވެސް މިހާރު ރަށްރަށަށް ދަތުރު ކުރެވޭނެ އެވެ.
ވެކްސިން ނުޖަހާ ޓޫރިސްޓުންނަށް ދަތުރު ކުރެވޭނީ އެ ރަށެއްގެ މުޅި އާބާދީގެ 60 ޕަސެންޓު ވެކްސިން ފުރިހަމަ ކޮށްފައިވާ ނަމަ އެވެ. އަދި އެ ރަށެއްގައި ޓޫރިސްޓުންނަށް ހިދުމަތް ދޭ މީހުންގެ 95 ޕަސެންޓު މީހުން ވެކްސިން ފުރިހަމަ ކުރަން ޖެހޭނެ އެވެ.
މީގެ އިތުރުން ޓޫރިސްޓުން ދަތުރު ކުރާ ރަށުގައި އުޅޭ 65 އަހަރުން މަތީގެ އާބާދީގެ 90 ޕަސެންޓު މީހުން ވެކްސިން ފުރިހަމަ ކޮށްފައި ހުންނަން ޖެހޭނެ އެވެ.
ވެކްސިން ފުރިހަމަ ނުކުރާ ޓޫރިސްޓުން މީހުން ދިރިއުޅޭ ރަށަކަށް ދާނަމަ އެ ރަށަކަށް ދާތާ ހަތް ދުވަސް ހަމަވުމުން ޕީސީއާރު ޓެސްޓެއް ހަދަން ޖެހޭނެ އެވެ.
ރާއްޖެގައި މިވަގުތު އާބާދީގެ 60 ޕަސެންޓު ވެކްސިން ފުރިހަމަ ނުކުރަނީ މަދު ރަށެއްގަ އެވެ. މީގެ ތެރޭގައި މާލެ ވެސް ހިމެނެ އެވެ. އެހެންކަމުން 60 ޕަސެންޓު މީހުން ވެކްސިން ފުރިހަމަ ނުކުރާ ރަށްރަށަސް ދަތުރު ކުރެވޭނީ ހަމައެކަނި ވެކްސިން ފުރިހަމަކޮށް 14 ދުވަސްވެފައިވާ ޓޫރިސްޓުންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒިމޭ
11 August 2021
ދިވެއްސެއް ވެކްސިން ފުރިހަމަ ނުކުރީމަ ދެކޮޅުން ހަންބާލާނެ..ބޭރުމީހުން ވަރިހަމަ ކޮރޯނާ އަތަށްލާގެން އަޔަސް އެނުވޭ މައްސަލައަކަށް.. އިންޑިޔާމީހުން ރާއްޖެއެއަންނަނީ ބޮއްކުރާގަވެސް ވެކްސިން ނުޖަހާ.. ދެން އެބުނަނީ ރަށްރަށަށް އަރުވާށޭ.. ބޮލަކަށް ލިބޭ 1500 ޑޮލަރުގެ ދަހިވެތިކަމުގައި ރަށުގެ ދެން ތިބި ރައްޔިތުން ހަނާ އަރުވާލަނީ....
ކޮބާ ހަމަހަމަ ކަން
11 August 2021
އެކަމަކު ދިވެހި ރައްޔިތުންނަށް އެއްވެސް ޚިދުމަތްނުދީ ތަފާތުކުރުމުގެ ހުއްދަދީފަ ، ފާޑުފާޑުގެ ޝަރުޠުކުރެވޭ
2 ސްޓޭޓް ސޮލިއުޝަން
11 August 2021
އެޗްޕީއޭ ތި ބުނާ ކޮވިޑް ތެރޭ: 1. އިންތިހާބް ބާއްވަން ބޭނުންކަމަކަށް ހުއްދަދިނީ. 2. ކެމްޕެއިން ޖައްސަން ސިޔާސީ ފަރާއްތަކަށް ގަންޑުކޮޅާ އެކީ ހުއްދަ ދިނީ. 3. އަދިވެސް ވެރިންނަށް ބޭރައްގޮސްގޮސް އާދެވޭ. އާންމުން ވީމަ އައިސޮލޭޝަން. 4. މިސްކިއްތައް ބަންދު ކޮއްޕަ ކެފޭ ރެސްޓޯރެންޓްތައް ބެހެއްޓީ. 5. މިހާރު ގެސްޓުންނަށް ލުއިފަސޭހަކޮށްފަ އާންމުންނަށް ދަތިކުރަނީ. އެޗްޕީއޭ މިކަމުގެ ފުރިހަމަ ޒިންމާނަގަން ޖެހޭ. އަމާނާތަށް ވަނީ ކޮޅުފާންޖަހާފަ.
ޥެކް
11 August 2021
ޥެކްސިން ނުޖަހާ ހަރުކަށި ޓޫރިސްޓުން މިގައުމަށް އެތެރެކުރަނީ ކީއްކުރަން؟ ޢެމީހުންގެ ފަރާތުން ނުފެތުރެނީތަ؟ ޙެއްވާ ގަވާއިދެއް. ޥެކްސިން ނުޖަހާ ދިވެހި މީހާ އޭނާގެ ރަށަށް ދާނަމަ 14 ދުވަސް ކަރަންޓީން. ޢެވެސް ދާން ޖެހެނީ ފަތާފަ. ޓޫރިސްޓު މީހާ 7 ދުވަސް. ޢިންސާނީ ހައްގުވެސް މިމީހުން ނުދަންނަނީބާ؟