ޑެޕިއުޓީ މޭޔަރު ނަރީޝް މިއަދު ނޫސްވެރިންނާ ބައްދަލުކުރައްވަނީ. ވެމްކޯ އިން ގޭގެއަށް ވަދެ ކުނި ނަގަން އެޗްޕީއޭ އަކުން ހުރަހެއް ނާޅާ ކަަމަށް ނަރީޝް ވިދާޅުވި --- ފޮޓޯ: އަހުމަދު އަވްޝަން/މިހާރު
16 އޯގަސްޓް 2021 - 18:43
15 comments
ރާއްޖޭގައި ކޮވިޑް-19 ގެ ހާލަތު ރަނގަޅު ވެފައިވާއިރު، މާލޭގެ ގޭގެ އަށް ވަދެ ވެމްކޯ އިން ކުނި ނަގަން އެޗްޕީއޭގެ އުސޫލުތަކުން ހުރަހެއް ނެތް ކަމަށާއި އެފަދަ ހުރަހެއް އޮތް ކަމަށް ގަބޫލު ވެސް ނުކުރާ ކަމަށް މާލޭ ސިޓީ ކައުންސިލުން މިއަދު ބުނެފި އެވެ.
މާފަންނު އަވަށުގެ މީހުންނާ އެކު ސިޓީ ކައުންސިލުން މިދިޔަ ބުރާސްފަތި ދުވަހުގެ ރޭ ބޭއްވި ބައްދަލުވުމުގައި، މާލޭގެ ގޭބިސީތަކުގެ ބޭރުން ކުނި ނަގާ ނެގުން ނިމުމަކަށް ގެނެސް ކުނި ނަގާ އުސޫލު އަންނަ ހޮނިހިރު ދުވަހުން ފެށިގެން ކުރީގައި އޮތް ގޮތަށް އިޔާދަވާނެ ކަމަަށް މޭޔަރު ޑރ. މުހައްމަދު މުއިއްޒު ވިދާޅުވެފައި ވެ އެވެ.
ނަމަވެސް މުއިއްޒުގެ ވާހަކަ ދޮގުކޮށް، މާލޭގެ ކުނި މެނޭޖުކުރާ ވެމްކޯ އިން މިދިޔަ ހޮނިހިރު ދުވަހު ނެރުނު ބަޔާނެއްގައި ބުނީ ކުނި ނެގުމުގެ އުސޫލަށް ބަދަލު ގެނެސްފައިވާ ވާހަކައަކީ ހަގީގަތެއް ނޫން ކަމަށާއި ކަމާބެހޭ ފަރާތްތަކާ އެކު މަޝްވަރާކޮށް، ގޮތެއް ނިންމުމަށް ފަހު، އެ ކޯޕަރޭޝަނުން އެކަން ރަސްމީކޮށް އިއުލާނު ކުރާނެ ކަމަށެވެ.
ސިޓީ ކައުންސިލުން މިއަދު ބޭއްވި މީޑިއާ ބްރީފިންގައި ޑެޕިއުޓީ މޭޔަރު އަހުމަދު ނަރީޝް ވިދާޅުވީ، އެޗްޕީއޭގެ ގައިޑްލައިނާ ހިލާފަށް އަމަލުކުރަން އެއްވެސް އިރެއްގައި ވެމްކޯ އަށް އަންގާފައި ނުވާނެ ކަމަށެވެ. އޭނާ ވިދާޅުވީ ރާއްޖެ މިހާރު އޮތީ "ނިއު ނޯމަލް" ގެ ހާލަތުގައި ކަމަށާއި މި ހާލަތުގައި ހުރިހާ އެންމެން ވެސް އަމަލު ކުރަނީ އެ ހާލަތާ އެއްގޮތަށް ކަމަށެވެ.
"މި ހާލަތުގައި އެޗްޕީއޭގެ އުސޫލަތެކެއް ވެސް ނުވަތަ ގައިޑްލައިންތަކެއް ވެސް ހުރަހެއް ނާޅާ ވެމްކޯ އެކަން [ގޭގެ އަށް ވަދެ ކުނި ނަގާކަށް] ކުރާކަށެއް. އެއްވެސް ވަރަކަށް ހުރަހެއް ނާޅާ. އެހެންވެ އަޅުގަނޑުމެން ކައުންސިލަކުން ނުދެކެން މި ކަމަށް އެޗްޕީއޭގެ ގައިޑްލައިންގައި އެއްވެސް ހުރަހެއް އޮތް ކަމަކަށް،" ނަރީޝް ވިދާޅުވި އެވެ.
މާލޭގައި ވެމްކޯގެ މުވައްޒަފުން ކުނި ކޮތަޅު ނަގާ އުކާލަނީ --- ފޮޓޯ: އަހުމަދު އަވްޝަން/މިހާރު
ޑެޕިއުޓީ މޭޔަރު ވިދާޅުވިގޮތުގައި، އާންމުންނަށް ދިމާވާ ދަތިތަކުގެ ސަބަބުން މާލޭގައި މިހާރު އަމަލު ކުރަމުންދާ ކުނި އުކައިލާ އުސޫލަށް ބަދަލު ގެންނަން ވެމްކޯގެ މެނޭޖިން ޑިރެކްޓަރު އާދަމް މުހައްމަދު ހިމެނިވަޑައިގަންނަވާ ގޮތަށް، އެ ކޯޕަރޭޝަނުގެ އިސް ބޭފުޅުންނާ އެކު ކައުންސިލުން މިދިޔަ އަންގާރަ ދުވަހު ކުއްލި ބައްދަލުވުމެއް ބާއްވާފައިވާ ކަމަށެވެ.
"އަލުގަނޑުމެން ވެމްކޯ އަށް ދެންނެވިން އަޅުގަނޑުމެން ކައުންސިލުން ނިންމުމެއް ނިންމަން އެބަ ބޭނުންވެއޭ މާލޭގެ މަގުތަކުގައި ހައުސްހޯލްޑުތަކުން މި ނެރޭ ކުނިތައް މަގުމަތީގަައި ބެހެއްޓުން ނިމުމަކަށް ގެނައުމަށްޓަކައި ކުރަންޖެހޭ ކަންތައްތައް ކުރުމަށް. އަޅުގަނޑުމެން ވެމްކޯ އަށް އެންގުމަށްޓަކައި ނިންމުމެއް ކައުންސިލްގެ ބައްދަލުވުމުގައި ނިންމަން އެބަ ބޭނުންވެއޭ،" ނަރީޝް ވިދާޅުވި އެވެ.
އޭނާ ވިދާޅުވީ، ކުރިއެކޭ ވެސް އެއްގޮތަށް ކުނި އުކައިލުމާ ގުޅޭ ގޮތުންނާއި ވެމްކޯ އަށް ދިމާވާ ދަތިތަކާ މެދު އެ ބައްދަލުވުމުގައި މަޝްވަރާ ކުރި ކަމަށެވެ. ނަމަވެސް ވެމްކޯގައި މިހާރު ތިބި މުވައްޒަފުންނާ އެކު އެކަން ކުރެވޭނެ ކަމަށާއި އެކަން ކުރުމާ މެދު އެއްވެސް އިއުތިރާޒެއް ނެތް ކަމަށް އެ ކުންފުންޏާ ހަވާލާދީ ނަރީޝް ވިދާޅުވި އެވެ.
"ވެމްކޯ އިން އަޅުގަނޑުމެންނަށް ތަކުރާރުކޮށް ދެންނެވި އެއް ވާހަކައަކީ ކައުންސިލުން އެފަދަ ނިންމުމެއް ނިންމައިފި ކަމުގައި ވަނީ ނަމަ ވެމްކޯ އިން އެ ކަންކަން އިމްޕްލިމެންޓު ކުރާނަމޭ، ތިބި މުވައްޒަފުންތަކެއް ލައިގެން އޮޕަރޭޝަނަލީ އެ ކަންކަން ކުރެވޭނެއޭ. ވެމްކޯ ގެ އެކަމާ އެއްވެސް އިއުތިރާޒެއް ނެތޭ،" ނަރީޝް ވިދާޅުވި އެވެ.
މާލޭ ސިޓީ ކައުންސިލުން މިއަދު ބޭއްވި މީޑިއާ ބްރީފިންގައި ޑެޕިއުޓީ މޭޔަރު ނަރީޝް (މ) ނޫސްވެރިންގެ ސުވާލުތަކަށް ޖަވާބު ދެއްވަނީ.---ފޮޓޯ: އަހުމަދު އަވްޝަން/މިހާރު
އޭނާ ވިދާޅުވިގޮތުގައި، ގޭގެ އިން ކުނި ނެގުމުގައި ކުރިން އަމަލުކުރާ އުސޫލަށް އާންމުން ހޭލުންތެރި ކުރުމުގެ ގޮތުން މަސް ދުވަހުގެ މީޑިއާ ކެމްޕެއިނެއް ވެމްކޯއާ ގުޅިގެން ހިންގަން ވެސް ސިޓީ ކައުންސިލުން ހުށަހެޅި އެވެ، އެހެންވެ، އަންނަ ހަފުތާއިން ފެށިގެން މާލެ ސަރަހައްދުގެ ގޭބީސީތަކުން ކުނި ނަގަން ޖެހޭނީ ގޭގެ އަށް ވަދެގެން ކަމަށް ވެސް ނަރީޝް ވިދާޅުވި އެވެ. އަދި ކައުންސިލުން ބޭއްވި ބައްދަލުވުމަށް ފަހު ރަސްމީކޮށް ވެމްކޯ އަށް އެކަން އަންގަން ނިންމަވާފައިވާ ކަމަށް ވެސް ވިދާޅުވި އެވެ.
އެކަމަކު، ވެމްކޯ އިން އެކަމާ ފަހުން ދެކޮޅު ހަދައި، ނެރުނީ ޒިންމާދާރުކަން ކުޑަ ނޫސްބަޔާނެއް ކަމަށާއި އެކަމާ ގުޅިގެން އެ ކޯޕަރޭޝަނާ އެކު އިއްޔެ ދެވަނަ ބައްދަލުވުމެއް ބޭއްވި ކަމަށް ނަރީޝް ވިދާޅުވި އެވެ.
ނަމަވެސް މުވައްޒަފުން މަދު ވާހަކަ އެ ކޯޕަރޭޝަނުން އިއްޔެގެ ބައްދަލުވުމުގައި ސިޓީ ކައުންސިލާ ހިއްސާކުރި ކަމަށާއި މާލޭގެ ގޭބީސީތަކުން އަންނަ ހަފުތާ އިން ފެށިގެން ކުރީގެ އުސޫލަށް ފައްތައިގެން ކުނި ނެގުން އުނދަގޫވާނެ ކަމަށް ވެމްކޯ އިން ބުނި ކަމަށް ނަރީޝް ވިދާޅުވި އެވެ.
އެހެންވެ، ސިޓީ ކައުންސިލުން ވެމްކޯގައި އެދުނީ، ނަރީޝް ވިދާޅުވިގޮތުގައި ގޭބީސީތަކަށް ވަދެ، ކުނި ނަގަން ފެށޭނެ ތާރީހެއް ދިނުމަށެވެ. އެކަމަކު އަދި އެ ތާރީހެއް ނުދޭ ކަމަށް އޭނާ ވިދާޅުވި އެވެ.
ކޮވިޑް-19 އާ ގުޅިގެން ވެމްކޯ އިން ހަމަޖައްސާފައިވާ ގޮތުން ގޭގެ އިން އުކާލާ ކުނި ބަހައްޓަން ޖެހެނީ މަގުމައްޗަށް ނެރެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސިސް
17 August 2021
ވެމްކޯ އިން ކުރާ ކަމެއް، ސިޓީ ކައުންސިލް އިން އެމީހުންނާ ވާހަކަ ދައްކާފަ އެމީހުން ލައްވާ އިއުލާން ކުރިނަމަ ތި ހުރިހާ ވާހަކައެއް ދައްކާކަށް ނުޖެހޭނެ. ފިތުނަ އުފައްދަން ނޫން ކޮންކަމެއް ދެން.
ކާނާ
17 August 2021
ކާއެއްޗެހިވެސް ޑެލިވަރކޮށްދެނީ ގިނަ ރެސަޓޯރަންޓްތަކުން ގްރައުންޑަށް އަދިވެސް. ސިޑިގޮޅިން ކޮވިޑް އަރާނެޔޯ ޑެލިވަރީ ބޯއީ ބުނީ
ސިކުނޑި
16 August 2021
ކުނި ނަގާ އުޅަނދުވެސް މިހާރު އޮތީ ކުނިގަނޑަކަށްވެފައި! އެކަން ހައްލުކޮށް ތަހުޒީބު މީހުން ކަން ކުރާގޮތަށް ކުރުން ބުއްދިވެރި! ކުނި މަދު ކުރުމަށް އާންމުން ހޭލުންތެރި ކުރުވުމާއި ކުނި ވަކި ކުރެވޭނެ ގޮތެއް ހެދުން މުހިންމު! ގޭބިސީތަކުން ކުނި ޖަމާކުރާނެ ތަނެއް ކަނޑައަޅަައި އެތަނުގައި ޑަސްބިން ބެހެއްޓުމަކީވެސް ކުރެވިދާނެ ކަމެއް! މަގުތީގައި ބެހެއްޓީމާ ބުޅާތައް އައިސް ކުނިކޮތަޅު ފަޅާލާ! ނުވިތާކަށް އެ ހާވާ މީހުންވެސް އުޅޭ!
ގާލްފުރެންޑުގެ ފޯނު
16 August 2021
ދުނިޔޭގެ އެއްވެސް ގައުމެއްގަ ކުރާ ކަމެއް ނޫން ގޭއެތެރެއަށް ވަދެ ކުނި ނެގުމަކީ. އެކަމަކީ މާލޭގަވެސް ދެން ފަށައިގެން ވާނެ ކަމެއް ނޫން. ކޮންމެ ބުލޮކަކަށް ވެރިއެއް ހަމަޖެއްސުމުގެ ބަދަލުގާ ކޮންމެ ބުލޮކަކަށް ކުނިއަޅާނެ ޑަސްބިން މަގުމަތީ ބެހެއްޓީމަ ނިމުނީ.
ނަމްބަރު
17 August 2021
ތަހުޒީބު ބަޔަކަށްދޯ ދުނިޔޭގަ ކަންކަން ހިނގާގޮތް އެނގޭނީ. މިއީ އެއްކަލަ އެބުނާ "ބެގް، ބޮރޯ އޯ ސްޓީލް" ބޯއިސް.
ޥެމްކޯ
16 August 2021
ޔަގީނާ ގާތަށް އިނގޭކަމަކީ މަގުމަށްޗަށް ކުނިނެރޭ މީހުންގެ ބޮޑުބައެއް ވެމްކޯއަށަ ފީ ނުދައްކާނެކަން. އަދި ވެމްކޯ މަސައްކަތް ތިކުރަނީ ހިލޭސާހަކަށްނޫންކަން.
ޑަސްބިން ބޭރުގަ
17 August 2021
ގޭގެ ކުލީގެ ތެރެއަށް ވެމްކޯފީ ހިމަނާފަ ގޭގެ ވެރިފަރާތުން ވެމްކޯއަށް ފީދެއްކީމަ ނިމުނީ!
ހަސަންކަލީ ތިނަދޫ
17 August 2021
ޑަސްބިން ބޭރުގަ ތިބުނީ ކއަތޮޅު މާލޭ މީހާ އާއި ކުނި އުކާލުމުގެ ފީ ޙަވާލު ކުރާށޭތަ ؟ ގޭގެ ކުއްޔަށް ދީގެން ހޯދާ އާމްދަނީން ދައުލަތަށް ދައްކާން ޖެހޭ ޓެކްސް ނުދައްކާ ބަޔަކާއި ތިފަދަ ފައިސާ ޙަވާލު ކުރަންވާނެތަ ؟
އޮނަރަބްލް އަފީފު ދީދީ.
16 August 2021
މޮޅުކަމެއްކަމަށް ހީކޮށް މުއިއްޒުމެން ކުރާން ތިއުޅެނީ އެއްވެސްގޮތަކުން ރަނގަޅުކަމެއްނޫން. # ތިއީ ތަހުޒީބު އެއްވެސް ޤައުމެއްގައި ތިކަންކުރާ ގޮތެއްވެސް ނޫން. މިގޮތަށް މިކަންކޮށްފިނަމަ އޭގެސަބަބުން ނިކުންނަ ސިއްޙީ މައްސަލަ ތަކުގެ އިތުރުން އެހެނިހެން ކިތަންމެ ކަމަކާއި ވެމްކޯގެ މުވައްޒަފުން ކުރިމަތިލާން ޖެހުމަކީ އެކަށީގެންވާކަމެއް. # ތިބޭފުޅުންގެ ތެރެއިން ބައެއްގެ "ބޮޑާކަމާއި ކަންނެތްކަމުގެ ސަބަބުން" ތިކަންކުރި ކަމުގައިވިޔަސް މިނޫންގޮތެއް އޮންނާންވާނެ.
މުލޭ
16 August 2021
ގޭބިސީގެ ދޮރުމަތިން ކުނި ކޮތަޅު ނުނެގެންޏާ 150 ރުފިޔާއަށް ބިލްކޮށްގެން ނުވާނެ. މިހާރުވެސް ޙައްގުނޫން ކިހާ ފައިސާއެއް އަހަރެމެން އަތުން ތިޔަަ ނަގަނީ. ވެމްކޯ މެނނޭޖްމަޓުން ހިތަށް އެކައްޗެއް ވެސް ނާރަނީތަ ހަމަ؟
ސަކީބާ
16 August 2021
ރަގަޅުވާހަކައެއް އެޗްޕީއޭ ގެ ގައިޑުލައިން އިން މިހާރު ހުރަހެއްނެތް ގޭގޭއަށް ވަދެކުނިނެރެން. އެކަމަކު އެގޮތައް ކުނިނެރެ ގެންދިއުމަކީ އެހާހަމަޖެހޭކަމެއްނޫން. ކުނި ނެރެ ބަހައްޓާފައިހުއްނަންވާނީ ފަސޭހައިން ގެންދެވޭކަހަލަގޮތަކަށް ގެއިން ބޭރުގައި.
ލޫކް
16 August 2021
މާލެ މިއޮތީ ހުޅުވާލާފަ. ސްކޫލް އޮފީސްތައް ކެފޭ ރެސްޓޯރަންޓް އޮޕަރޭޓްވާއިރު ކުނި ނަގަން ގެޔަށް ނުވަދެވެންވީ ސަބަބައް ނެތް. ކުނި ނަގަނީ ކައުންސިލުން ފައިސާ ދީގެން ކަމަށްވަންޏާ ހުރަހެއް ނެތިއްޔާ ކައުންސިލުން ބުނާގޮތަށް ހަދަންޖެހޭނެތާ. ކީކޭ ބުނާނީ ދެން.
2341
16 August 2021
ގޭބިސީތަކަށް ވަދެ ކުނިނެގޭނެ އިންތިޒާމު ހަމަޖެހެންދެން ކޮންމެ ގެއަކުން ނަގަމުންދާ ފީ ގެ %25 ކަނޑާލަ ދިނުން އެދެން. މުއައްޒަފުން މަދުވެގެން އެކަން ނުކުރެވޭ ކަމަށް ވަންޔާ މުސާރަޔަށް ހިނގާ ހަރަދުވެސް ވަރަށް ކުޑަވާނެތާ މިހުރިހާ ދުވަހަކު.