ރަން ޕްލޭޓްތަކެއް: ޑިކްލެއާ ނުކޮށް އެތެރެކުރި ރަންތަކެއް ދައުލަތަށް ނަގަން ވަނީ ހުކުމް ކޮށްފައި
20 އޯގަސްޓް 2021 - 15:02
22 comments
ގަވާއިދާ ޚިލާފަށް ރާއްޖެ އެތެރެކުރި 1.1 މިލިއަން ރުފިޔާގެ ރަން ދައުލަތަށް ނަގަން ކުރި ހުކުމް ސުޕްރީމް ކޯޓުން ވެސް ދަމަހައްޓައިފި އެވެ.
އިންޑިއާގެ މީހަކު 2014 ގައި ރާއްޖެ އައިއިރު އޭނާ ލައިގެން ހުރި ޖެކެޓާއި ފަޓްލޫނުގެ ޖީބުގައި ފޮރުވައިގެން 1.7 ކިލޯގެ ރަން ބުލިއަންތަކެއް އެތެރެކުރި އެވެ. އެ ތަކެތި އެތެރެކުރީ ޑިކްލިއާ ނުކޮށް ކަމަށް ވާތީ ކަސްޓަމްސްގެ ގާނޫނުގެ ދަށުން ކަސްޓަމްސް އިން ދައުވާކުރީ އެ ތަކެތި ދައުލަތަށް ނެގުމުގެ އަމުރަކަށެވެ. އެ މައްސަލާގައި ސިވިލް ކޯޓާއި ހައި ކޯޓުން ވެސް ނިންމާފައި އޮތީ 1.1 މިލިއަން ރުފިޔާގެ އަގު ހުރި އެ ރަންތައް ދައުލަތަށް ނެގުމަށެވެ.
އެ މައްސަލަ އެ މީހާގެ ފަރާތުން ސުޕްރީމް ކޯޓުގައި އިސްތިއުނާފު ކުރުމުން، އެ ކޯޓުން އިއްޔެ ކުރި ހުކުމުގައި ވަނީ އިމްޕޯޓް ޑިއުޓީ ދެއްކުމުން އިސްތިސްނާވާ މުދާތައް ފިޔަވައި އެހެން ބާވަތުގެ މުދަލެއް އެތެރެކުރާ ނަމަ، ޑިކްލިއާ ކުރަން ޖެހޭނެ ކަމަށެވެ. އަދި ރަނަކީ އެތެރެ ކުރުން މަނާ މުދަލަކަށް ނުވިޔަސް، ގާނޫނުގައި ބުނާ އިޖްރައާތު ފުރިހަމަ ނުކޮށް، އެ ތަކެތި އެތެރެ ކޮށްފައިވާތީ އެފަދަ މުދަލެއް ހިފެހެއްޓުމުގެ ބާރު ކަސްޓަމްސްގެ ގާނޫނުގެ ދަށުން ކަސްޓަމްސް އަށް ލިބިގެންވާ ކަމަށް ހުކުމުގައިވެ އެވެ.
ހުކުމުގައި ވަނީ ރަން އެތެރެ ކުރުމުގެ ކުރިން ޑިކްލިއާ ކުރަން ޖެހޭ ކަން އެ މީހާ އަށް އަންގާފައި ނެތުމަކީ އެކަމުން ސަލާމަތް ވެވޭނެ ކަމެއް ނޫން ކަމަށެވެ. އަދި ގައުމުތަކަށް ދަތުރު ކުރުމުގައި އެ ގައުމެއްގެ ގާނޫނުތަކާއި ގަވާއިދުތައް ބެލުމަކީ ދަތުރުކުރާ މީހުންގެ ޒިންމާއެއް ކަމަށް ސުޕްރީމް ކޯޓުގެ ހުކުމުގައިވެ އެވެ. އެ މައްސަލައިގައި އެ މީހާގެ މައްޗަށް ޖިނާއީ ދައުވާއެއް ނުކުރަން ދައުލަތުން ނިންމާފައި އޮތަސް، އެއީ ރަންތައް އަނބުރާ ދޭންޖެހޭނެ ސަބަބެއް ނޫން ކަމަށް ހުކުމުގައި ވެ އެވެ.
ސުޕްރީމް ކޯޓުގެ ތިން ފަނޑިޔާރުންގެ އިއްތިފާގުން ކުރެއްވި ހުކުމުގައި ވަނީ އެ ރަންތައް ދައުލަތަށް ނަގަން ކޮށްފައިވާ ހުކުމް ރަނގަޅު ކަމަށެވެ.
އެ މައްސަލަ ސުޕްރީމް ކޯޓުން ބެއްލެވީ ފަނޑިޔާރު މަހާޒް އަލީ ޒާހިރާއި ފަނޑިޔާރު އަޒްމިރަލްދާ ޒާހިރުގެ އިތުރުން ފަނޑިޔާރު އަލީ ރަޝީދެވެ.
ގަވާއިދާ ޚިލާފަށް އެތެރެކުރި ރަންތަކެއް ދައުލަތަށް ނަގަން ހުކުމް ކުރިއިރު، ދިރުވާލައިގެން ރާއްޖެ އަށް ރަންތަކެއް އެތެރެކުރި އިންޑިއާގެ މީހަކު ޖަލަށްލާން ދާދި ފަހުން ކްރިމިނަލް ކޯޓުން ހުކުމްކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު1
22 August 2021
މީ ހުރިހާ ގައުމެއްގައިވެސް މިކަން އޮންނަގޮތް. ނިކަން އޮޅުވާލައިގެން ސިންގަޕޫރަށް މިރަން އެތެރެކުރަން ދިމާކޮށްބަލަ. ހިފައިފިނަމަ އެއެއް އަނބުރާ ނުލިބޭނެ.
އަހުމަދު 00
21 August 2021
މިތާ ކޮމެންޓް ކުރާ ގިނަމީހުން ކޮމެންޓް މިކުރަނީ މިކަންތައް އޮންނަ ގޮތް ނޭގި.
ހަސަނު1
22 August 2021
ކެ ކެ ކެ.. އަހުމަދު ހީކުރީ މިކޮމެންޓް ސެކްޝަނުގައި ހުންނަނީ ހެޔޮވިސްނޭ މީހުން ވަރަށް ވިސްނާފައި ލިޔާ އެއްޗެހި ކަމަށްތަ؟ ގިނަމީހުން ކޮމެންޓް ކޮށްލަނީ ކޮއްލަންވެގެން ސުރުޚީ ބަލާލާފައި. ގިނަފަހަރު އެއްޗެއް ބުނާނީ ނެގަޓިވް ކޮމެންޓެއް އޮތިއްޔާ.
ލޫލާ
22 August 2021
ދެން އެނގޭ މީހުން ކޮމެންޓްކުރަންވީނު. އެއްބަޔަކު ކޮމެންޓްކުރަނީ ކަންކަން އަޕްޑޭޓްނުވެ ތިބެ މާކުރިން އެބަޔަކަށް ކަންކަން އެނގިފަ އޮތް ގޮތަށް. އަޕްޑޭޓްކޮށްދޭންވީ މީހުން ތިބެނީ އަޅާނުލާ.
އިމްޕޯރޓް ޑިއުޓީ
21 August 2021
ކަސްޓަމްސްގެ ގާނޫނުގަ އޮންނަ ގޮތަކީ ހުއްދަ ހޯދުމެއްނެތި ވިޔަފާރިކުރުމަށް އެތެރެކުރާ ތަކެތި ( ރާއްޖެ އެތެރެކުރުން މަނާނޫން ތަކެތި) ކަސްޓަމްސްގަ ބޮންޑު ކުރުމަށްފަހު ޑިއުޓީ ދެއްކުމަށް އެންގުން. އަދި ޑިއުޓީ ދައްކައިފި ނަމަ އެ މުދަލެއް ދޫކުރުން. މިގޮތަށް އަބަދުވެސް އަމަލުކުރަމުން ދަނީ،
އެނގިފަ ތިއޮތީ
21 August 2021
ތިޔަކަމުގަ އުޅޭ ވަކީލުންނަށާ ފަނޑިޔާރުންނަށް ގާނޫނު ތިޔަ ކިޔައިދެނީ؟
ޖަމީލު
20 August 2021
އިސްލާމީ ޝަރީޢަތުން ތި ގޮތަށް މީހެއްގެ އަމިއްލަ މުދަލެއް ނުފޭރެވޭނެ. އިސްލާމީ ޝަރީއަތުގައި ހުއްދަކަންކަން މަނާ ކުރާން ހަދާ ގާނޫނުތަކަކީ ބާޠިލު އެއްޗެއް.
ޙަމީލު
20 August 2021
އިސްލާމީ ޝަ ރީއަތުގައި ހަ ރާމް ކަންތައް ކޮށްގެން ހޯދާ ފައިސާ އަތުނުލެވޭތަ؟ ދީން އޮޅުވާލަން ނުހަދާ.
ޖަލީލު
21 August 2021
އޭނާ އެ ރަން ހޯދި ގޮތަކަށް ރިއާޔަތް ކޮށްފައެއް ނޫން ދޯ ހުކުމް ކޮށްފަ އޮތީ. އޮޅުވާ ނުލާ.
ސޯލިހު
21 August 2021
ކަލޭ އިސްލާމީ ޝަރީޢާ ކިޔެވި ތަނެއް ބުނެބަލަ
ކުއްރާސް
21 August 2021
އިސްލާމީ ޝަރީޢާ ދަންނަ ކާކު ތިތާހުރީ، ނިކަން ބުނެބަލަ، އިނގިރޭސި ރާނީގެ ހިރިޔާފާތުރާ ދަށުން ކޮމަންލޯ ކިޔަވައިގެންތިބި މީހުންގެ ދުވަސް މިއޮތީ އައިއްސަ، ދެކެންތިބެބަލަ.
ލަވަކިޔުން ހުއްޓާލި އަލީ ރަމީޒުބެ
20 August 2021
ރައްޔަތުންގެ މެދުގައި ހަމަހަމަ އުސޫލަކުން ތިޔަ ބަހާލުން އެއީ އެންމެ ރަންގަޅު ގޮތް ކަމަށް އަޅުގަނޑު ދެކެން
ނާރުޖަހާ
20 August 2021
ތިޔަކަން މާދަމައި އޮޅިގެން ޚަބަރަށް ނާރައިފިއްޔާއި ކިތަންމެހައިވެސް ރަނގަޅު. ޤަވާއިދާއު ޚިލާފުވުމުން އަދަބު ދެވެންވާނެ. ލޯނު ނަގައިފައި އޮތުމަކީ އެހެން ކަމެއް. އެކަމައި ގުޅުވައި ދޫކުރެވިގެން ނުވާނެ. ދިވެހިންނަކީވެސް މިނިވަން ބަޔެއް.
ހަޑިކަމެއް
20 August 2021
ތީކީ ޑްރަގްސްނޫނީ އެފަދަ ނުރައްކާ އެއްޗެއްނޫން، ތި ދައުލަތަށް ނެގުމުގެ ބަދަލުގާ، އެކަށީގެންވާ ޖުރިމަނާއެއް ކޮށްފާނަމަވެސް ތިޔަ ރަންތައް އޭގެ ވެރިމީހާއަށް ދިނުން ވަރަށް ރަގަޅުކަމަށްފެނޭ. މަށަށް ވައްތަރުވަނީ ފޭރުމުގެ އަމަލަކާ.
ގެރިކުޑޭ
20 August 2021
ހައި ކޮމިޝަނުން ތިމީހާޔަށް ލާރިލިބޭގޮތަށް ހަދާން ފިނޭންސަށް އަންގާނެ!
ޙަދަން
20 August 2021
ހައިކޮމިޝަނުން ތަ އެމީހާއަށް ލާރިދޭން ޖެހެނީ؟ ރަނގަޅަށް އެއްޗެއް ލިޔަން ނޭނގުނަސް ކޮމެންޓްކުރާތި. ތިޔަ ޖުމުލަ ލިޔަންޖެހޭ ގޮތަކީ "ތިޔަމީހާއަަށް ލާރި ލިބޭގޮތަށް ހަދަން ހައިކޮމިޝަނުން ފިނޭންސަށް އަންގާނެ" މިގޮތަށް.
ކޮމެންޓުކިޔާ ކުއްޖާ
20 August 2021
ހޫ ތިރަންތައްވެސް ކަޓުޖައްސަވާ ބޭފުޅު ކުދިންކޮޅުގެ މެދުގަ ބަހާލާ
ޙިނި
20 August 2021
ޢިންސާފޭކިޔާފަަ މީހުންގެ މުދާ ފޭރުމަކީި މުޅިގައުމައް އޭގެ ނިކަމެތިކަން ލިބޭނެކަމެއް.
ކޮބާ ޕީޕީ ކުދިންނަށް ފެނޭތަ؟
20 August 2021
އެއޮތީ އިންޑިއާ މީހަކަށް 2014 ގައި، އާދެ އިންޑިއާ އާ ގާތްގުޅުމެއް އޮންނަ ރ. ނަޝީދުގެ ވެ ރިކަމުގައި ކު ރި ދަޢުވާގެ ޙުކުމް ރައީސް ޞާލިޙް ސަ ރުކާ ރުގައި ވެސް ދަމަހައްޓާފައެވެ. ފަހު ޕެ ރެގް ރާފްގައި އިންޑިއާ މީހަކު ދާދިފަހުން ޖަލަށް ލާން ޙުކުމް ކު ރި ވާހަކަ ވެސް އެބައޮތެވެ. ޕީޕީއެމް ގެ ފަސާދަ އުފައްދާ ނުބައި ބައިގަނޑަށް ފެނޭހެއްޔެވެ؟
ކޯޗެއްފެންނަން
22 August 2021
2013އިން ފެށިގެން ވެރިކަމުގެ ހުރީ ޔާމީން ކަމަށް ހުރިހާ އެއްޗެއްގަ ލިއެފަ އޮންނަނީ. 2014ގަ ނަޝީދު ވެރިކަންކުރިކަމެއް ފެންނާކަށް ނެތް. ފަސާދަ އުފައްދާ މީހުންނާ ދިމާކުރަންވެސް ތަންކޮޅެއް ރަގަޅަށް ފެކްޓްސް ޗެކްކުރަންވީނު. އަދި ލައިކްޖަހާ މީހުންވެސް ކޮމެންޓް ރަގަޅަށް ކިޔަން އާދަކުރަންވީނު.