އެމްޑީޕީގެ ދަފްތަރުން ރީކޯ މޫސަ އާއި އަލްހާން އުނިކޮށްފި

އެމްޑީޕީގެ ކުރީގެ ޗެއާޕާސަން ރީކޯ މޫސާ މަނިކާއި (މ) އެމްޑީޕީގެ ކުރީގެ ނައިބު ރައީސް އަލްހާން (ވ). - ފޮޓޯ: ޗެނަލް13

މުހައްމަދު ޔާމީން، މިހާރު

28 ނޮވެމްބަރ 2016 - 20:30

އެމްޑީޕީގެ ކުރީގެ ޗެއާޕާސަން، ހުޅުހެންވޭރު ދާއިރާގެ މެމްބަރު ރީކޯ މޫސާ މަނިކާއި އެ ޕާޓީގެ ކުރީގެ ނައިބު ރައީސް އަލްހާން ފަހުމީ އެމްޑީޕީގެ ދަފްތަރުން މިއަދު އުނިކޮށްފި އެވެ.

އިލެކްޝަންސް ކޮމިޝަންގެ މެމްބަރު އަހުމަދު އަކްރަމް ވިދާޅުވި ގޮތުގައި މޫސަ އާއި އަލްހާން އެމްޑީޕީގެ ދަފްތަރުން އުނިކުރަން އެ ޕާޓީން ހުށަހެޅުމުން އެކަން ދިގުލައިގެން ދިޔައީ ބަލަންޖެހޭ ކަންތައްތަކެއް ހުރުމުން ކަމަށެވެ. ނަމަވެސް އެކަމާ ގުޅޭ އިތުރު ތަފްސީލެއް އޭނާ ނުދެއްވަ އެވެ.

"ބަލަން ޖެހޭ ކަންކަން ބަލާފައި، މޫސަ އާއި އަލްހާން ވަކިކޮށް އެމްޑީޕީއަށް ސިޓީއަކުން ވަނީ އަންގާފައި،" އަކްރަމް ވިދާޅުވި އެވެ.

ނަމަވެސް އެމްޑީޕީގެ ޗެއާޕާސަންގެ ނައިބު އަލީ ނިޔާޒް ވިދާޅުވީ މޫސަ އާއި އަލްހާން އެ ޕާޓީން ވަކިކުރިކަން އަންގައި އިލެކްޝަންސް ކޮމިޝަނުން ފޮނުވި ސިޓީ އަދި ލިބިފައިނުވާ ކަމަށެވެ.

"އޮފީސް ބަންދު ކުރުމުގެ ކުރިން ކޮމިޝަންގެ ސިޓީއެއް ލިބިފައެއް ނެތް،" ނިޔާޒް ވިދާޅުވި އެވެ.

އަލްހާން އެމްޑީޕީން ވަކިކުރީ އެޕާޓީއަށް ގެއްލުންވާ ގޮތަށާއި އެ ޕާޓީގެ މަސްލަހަތު ގެއްލޭ ގޮތަށް އަމަލުކުރާ ކަމަށް ބުނެ އެމްޑީޕީގެ ގައުމީ މަޖިލީހުގެ 50 މެމްބަރަކު ސޮއިކުރައްވައި މައްސަލަ ހުށަހެޅުމުންނެވެ.

މޫސަ އެމްޑީޕީން ވަކިކުރަން ނިންމީ ސުޕްރީމް ކޯޓުގެ ފަނޑިޔާރުން މަދު ކުރަން ރައްޔިތުންގެ މަޖިލީހުގައި ނެގި ވޯޓުގައި ޕާޓީގެ ތްރީ ލައިން ވިޕާ ޚިލާފުވެ ވަޑައިގަތް މައްސަލައިގަ އެވެ.

ފިޔަވަޅު އަޅާ ކޮމެޓީން ނިންމީ ދެ ބޭފުޅުން މައާފަށް އެދިވަޑައިގަތުމަށް ފަހު، 50 މެމްބަރުންގެ ސޮޔާ އެކު އަލުން ޕާޓީ އޮފީހަށް ފޯމް ހުށަހެޅުމަށެވެ. އަދި އެމްޑީޕީގެ އެއްވެސް އިންތިހާބެއްގައި ވާދަކުރުން ވަކި މުއްދަތެއް ވަންދެން ދެ ބޭފުޅުންނަށް ވަނީ މަނާކޮށްފަ އެވެ. ނަމަވެސް ފިޔަވަޅު އަޅާ ކޮމެޓީން އެންގި ގޮތަށް އެއްވެސް ބޭފުޅަކު އަމަލެއް ނުކުރައްވަ އެވެ. އެ ދެ ބޭފުޅުން ވެސް ވިދާޅުވެފައި ވަނީ މާފަށް އެދިވަޑައިގަންނަވަން ޖެހޭ ވަރުގެ ކަމެއް ކުރައްވާފައި ނުވާނެ ކަމަށެވެ.

އެމްޑީޕީ އަލްހާން ފަހުމީ މޫސާ މަނިކު (ރީކޯ) އިލެކްޝަންސް ކޮމިޝަން

14 ކޮމެންޓް, 91 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޫސަ

29 November 2016

ރީކޯ މޫސަ އާއި އަލްހާން ގެ ބޭނުން ވަރަށްފުރިހަމަޔަށް ސަރުކާރުން ހިފައިފި. ކެޔޮގަނޑު ކަޑާލީމަ ގަހުގެ ބޭނުމެއް ނޯންނާނެ. ވަރަށް ސަލާމް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮކަންޑި މޭން

29 November 2016

އަލްހާންއަށާއި މޫސައަށް ދިވެހި ރާއްޖޭގެ ކޯޓްތަކުން އިންސާފު ލިބޭނެކަމާއިމެެދު އަޅުގަނޑު ހިތުގައި ޝައްކުގެ ކުނޑިފުކެއްގެ މިންވަރުވެސް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްމާސް

29 November 2016

އެމްޑީޕީ ގައި ރަސްކަންކުރަންވާނީ ކެނެރީގޭ ޢާއިލާ މީހުން ނުވަތަ އެމީހުން ރުހޭ ބަޔަކު. އެނޫން މީހަކަށް ލާހިކެއް ނޫން ހިންދެމިލާކަށް. މިއީ ތިޔަ ބުނާ ''ޑިމޮކްރަޓިކް'' ޕާޓީގެވެސް ހުރި ފަންވަރަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަށަށް ހަމަ ހެވެނީ

29 November 2016

މި ފޮޓޯ އިން ފެންނަ ކޮންމެވެސް ބަޔަކު އަތުގައި ރޮލެކްސް ގަޑި އެއް އޮތްކަން ދެއްކުން އެމީހުން ތިބި ޕާޓީ އެއް ހާމަކުރުމަށްވުރެން މުހިއްމު ހެން އެބަ ހީވޭ! މާއްދިއްޔަތަށް ގޮސް އޭގެ އަޅުންނަށް ވެފައި ތިބޭ މީހުންނަކީ ވެސް މާ ވަރެއްގެ ބައެއްކަން ދިވެހިން ހީކުރާތީ ހަމަ ހެވެނީ! ވަރަށް ސަލާމް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮގުބާ

29 November 2016

ޕީޓީއިން މީހުންވަކިކުރަނީ ވަކިކުރިމީހުންލައްވާ މަޖުބޫރުކޮށްގެން ޕާޓީއަށް މީހުންވަށްދަންދޯ ނުވާނެ ތިކަމެއް އެމްޑީޕީއަށް ވަންނާނެ ކޮހަކުނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

28 November 2016

ރީކޯ މޫސަ ވަކިވާން 2 އަހަރު. ފާރިޝް މައުމޫނު ވަކިވާން ފަޅި ސިކުންތެއް. އެހެންނޫންތޯ ވާނީ މިއީ ސުލައިމާނު ހިންގަވާ އަމިއްލަ ކުންފުންޏެއް ވިއްޔަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޝަނަލިސްޓް

28 November 2016

އިލެކްޝަންސް ކޮމިޝަން ހިނގަން މިވަގުތު ތިބި މީހުން ގެ ކަމަށް އެކަށޭނަ ނޫން ކަމުގެ އިތުރު މިސާލެއް! މިމީހުންނަށް މިހާބޮޑު މުސާރައެއް ދީފައި ބައިތިއްބަންޖެހޭ ސަބަބެއް ނުވިސްނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރޭ

28 November 2016

ސިޔާސީ ދެ ފޭލިއަރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

28 November 2016

ދެން އަވަހަށް ޕީ.ޕީ.އެމް އޮތްކޮޅަށް ނަގޫޖެހިތާ ބޯޖަހާފަ ދުވޭ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުމީ

28 November 2016

ހައްހައްހައް!! ސުލައިމާނު ހާދަ ހެޔޮފުޅޭ!! ޒަމާން ގަނޑެއް ނަގައިފިތާ ތިޔަ ނިންމުން ނިންމަން!!! އެކަމަކު ފާރިޝް ދަފުތަރުން އުނި ކޮށްލީ ފުއްލާ ސްޕީޑްގަ ދޯ؟؟ ދެން އިތުރަށް ބުނެފިއްޔާ އަބުރުގެ ގާނޫނު އައިސް މަގޭ ޒިންދަގީ ދުއްވާލަފާނެ