ރޭގެ އަލިފާނުގެ ހާދިސާ: 13 މީހަކު ވަގުތީ ހިޔާވައްސަށް

ހުޅުމާލޭގައި އަލިފާނުގެ ހާދިސާ ހިނގި 147 ވަނަ ފުލެޓް.

އިފްރާޒް އަލީ، މިހާރު

31 އޯގަސްޓް 2021 - 14:42

ހުޅުމާލޭގެ 147 ވަނަ ފުލެޓުގައި ރޭގައި ހިނގި އަލިފާނުގެ ހާދިސާ އަށް ފަހު ހާލުގައި ޖެހުނު މީހުންނަށް ވަގުތީ ހިޔާ ހަމަޖައްސާދީފައިވާ ކަމަށް ޑިޒާސްޓާ މެނޭޖްމަންޓް އެޖެންސީން ބުނެފި އެވެ.

އެ އިދާރާ އިން ބުނީ އެ އަލިފާނުގެ ހާދިސާގައި ހާލުގައި ޖެހުނު ދެ އާއިލާއެއްގެ 13 މީހަކަށް ވަގުތީ ހިޔާ ހަމަޖައްސާދީފައިވާ ކަމަށެވެ. އަދި އެ މީހުންނަށް ކެއިންބުއިމުގެ ކަންކަން ވެސް ވަނީ ހަމަޖައްސައިދީފަ އެވެ.

އެންޑީއެމްއޭގެ ޑެޕިއުޓީ ޗީފް އެގްޒެކެޓީވް މެނޭޖަރު އުމަރު ފިކުރީ "މިހާރު" އަށް ވިދާޅުވީ މި ފުލެޓުގައި ހިނގި އަލިފާނުގެ ހާދިސާގައި ލިބުނު ގެއްލުންތައް ބެލުމަށް، އެކަމާ ގުޅުންހުރި ފަރާތްތަކާ އެކު އެސަސްމަންޓް ހެދުމަށް މިހާރު ތައްޔާރުވަމުން އަންނަ ކަމަށެވެ.

އެ ފުލެޓްގެ ދެ ވަނަ ފުލޯގައި އަލިފާން ރޯވީ ރޭ 19:17 ހާއިރެވެ. އަލިފާން ރޯވިތާ ބައިގަޑިއިރެއްހާއިރުގެ ތެރޭގައި އެމްއެންޑީއެފުން ވަނީ އަލިފާން ފެތުރުން ކޮންޓްރޯލްކޮށްފަ އެވެ. މި ހާދިސާގައި އެ ފްލެޓްގެ ތިން ވަނަ ފުލޯގެ އެޕާޓްމަންޓަށް ވެސް ގެއްލުންވެފައިވެ އެވެ.

މިފަދަ ހާދިސާތަކުގައި އަމަލުކުރަމުން އަންނަ އުސޫލުގެ ދަށުން، އެސަސްމަންޓް ހެދުމަށް ފަހު، ލިބުނު ގެއްލުންތަކަށް ބަލައި، އާއިލާތަކަށް އެހީގެ ގޮތުގައި ސަރުކާރުން ވަކި އަދަދަކަށް ފައިސާ ދެ އެވެ.

އަލިފާނުގެ ހާދިސާ އެމްއެންޑީއެފް އެންޑީއެމްއޭ ފަޔާ އެންޑް ރެސްކިއު

2 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮނާޑު

02 September 2021

ސަރުކާރުން ވަކިަދަދަކައް ފައިސާދިނުމުގެ ބަދަލުގާ ހުރިހާ ފުލެޓެއް ފުލެޓުލިބުނު ފަރާތްތަކުން އިންޟުއަރ ކުރަން މަޖުބޫރު ކުރުވާނުވަތަ ސަރުކާރުން ކުރަން ޖެހޭ ތިފަދައުސްއިމާރާތްތަކެއް ސޭފުޓީއެހާދަށުދަރަޖޢިގަހުރީއިންޟުއަރ ނުކޮއް އިންސާނުންތިތާ ދިރިއުޅެންހެޔޮނުވާނެ ތިއައްވުރެމާބޮޑަތި މަސްއަލަތައްކުރިއައްއޮތްތާ ދިމާވުމަކީވެސް އެކަށީގެންވާކަމެއް!!