ހިންމަފުށީ ރިހެބިލިޓޭޝަން ސެންޓަރު އޮތީ ހުހަށް. އޭގެ އަނެއްކޮޅުން ފަރުވާގެ ނިޒާމު ފެއިލްވެގެން ޖަލަށް ދާންޖެހޭ މީހުން ގިނަވަމުން ދާތީ ގޮންޖެހުންތަކާ ކުރިމަތިވާ ކަމަށް ބުނި.
ރައްޔިތުންގެ މަޖިލީހުގެ ޕެޓިޝަން ކޮމިޓީގައި ޑީއީޑީގެ ހެޑް، ސުޕްރިޓެންޑެންޓް އޮފް ޕޮލިސް ޝާކިރު ވާހަކަދައްކަވަނީ.-- ފޮޓޯ: އަހުމަދު އަވްޝަން/ މިހާރު
08 ސެޕްޓެމްބަރ 2021 - 13:32
11 comments
މަސްތުވާތަކެތި ބޭނުންކުރާ ކަމަށް ތުހުމަތު ކުރެވޭ 500 އަށް ވުރެ ގިނަ މީހުން މިދިޔަ ދުވަސްތަކުގެ ތެރޭގައި މާލޭގެ މަގުމަތިން ހިފަހައްޓާފައިވާ ކަމަށް ރައްޔިތުންގެ މަޖިލީހުގެ ކޮމިޓީއެއްގައި ފުލުހުން އިއްޔެ ބުނެފި އެވެ.
ނޭޝަނަލް ޑްރަގް އެޖެންސީ (އެންޑީއޭ) ބަދަލުކުރުމަށް ގޮވާލައި "ހޭންޑްސް ޓުގެދާ" އިން ހުށަހެޅި ޕެޓިޝަނާ ގުޅޭގޮތުން، ޕެޓިޝަން ކޮމިޓީގައި ފުލުހުންގެ ޑްރަގް އެންފޯސްމަންޓް ޑިޕާޓްމަންޓް (ޑީއީޑީ) ގެ ހެޑް ސުޕްރިޓެންޑެންޓު އޮފް ޕޮލިސް އަހުމަދު ޝާކިރު ވިދާޅުވީ ފާއިތުވި 10 ދުވަހު އެކަނި ވެސް މާލޭގެ އެކި ހިސާބުތަކުން 540 މީހުން ހިފަހައްޓާފައިވާ ކަމަށެވެ.
އެއީ އުމުރުން 18-30 އަހަރާ ދެމެދުގެ 157 މީހުން، 31-40 އަހަރާ ދެމެދުގެ 352 އަދި 50 އަހަރުން މަތީގެ 31 މީހުންނެވެ.
މަސްތުވާތަކެތި ބޭނުންކުރާ އައްޑާއެއް.-- ފޮޓޯ: ނިޝާން އަލީ/ މިހާރު
އޭގެ ތެރެއިން 335 މީހުންނަކީ އެކި ގޮތްގޮތުން މަސްތުވާތަކެތީގެ ފަރުވާގެ ނިޒާމުގައި ތިބެންޖެހޭ މީހުންކަމަށް ޝާކިރު ވިދާޅުވި އެވެ. އެކަމަކު، އެންޑީއޭއިން ހިއްސާކުރި މައުލޫމާތުތަކަށް ބަލާއިރު، ރާއްޖޭގައި މި ވަގުތު ހުރި ހަމައެކަނި ރެސިޑެންޝަލް ފަރުވާދޭ ސެންޓަރު، ކ. ހިންމަފުށީ ރިހެބިލިޓޭޝަން ސެންޓަރު އޮތީ ހުހަށެވެ.
ހިންމަފުށީ ސެންޓަރުގައި އެއްފަހަރާ 172 މީހުންނަށް ފަރުވާ ދެވުނަސް އެ ތަނުގައި މި ވަގުތު ތިބީ 26 މީހުން ކަމަށް އެންޑީއޭއިން ބުނެ އެވެ.
އޭގެ އަނެއްކޮޅުން، ފަރުވާގެ ނިޒާމު ފެއިލްވެގެން ޖަލަށް ދާންޖެހޭ މީހުން ގިނަވަމުން ދާތީ ގޮންޖެހުންތަކާ ކުރިމަތިވާ ކަމަށް ކަރެކްޝަނަލް ސާވިސް އިން ވެސް ވަނީ ބުނެފަ އެވެ.
ސުޕްރިޓެންޑްޓު އޮފް ޕްރިޒްންސް އިބްރާހިމް ނާޝިދު ވިދާޅުވީ، ޖަލަށް ލާން ހުކުމްކޮށްފައިވާ މީހުންގެ 60 ޕަސެންޓު ހިއްސާ ކުރަނީ މަސްތުވާތަކެތީގެ އެކި މައްސަލަތަކާ ގުޅުން ހުރި މީހުން ކަމަށެވެ. މަސްތުވާތަކެތި ބޭނުންކުރުމާއި އެ ވިއްކުމާ ގުޅޭ ކަންކަމުގައި މި ވަގުތު ވެސް 556 މީހަކު ހުކުމް ތަންފީޒުކުރަމުންދެ އެވެ. އޭގެ ތެރެއިން ވެސް 86 ޕަސެންޓަކީ އެ ބޭނުންކުރާ މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1828
08 September 2021
ފަރުވާ ބޭނުމެއްނުވާނެ. އެތެރެކުރުން ހުއްޓުވާލީމައި އެނިމުނީ. އަނެއް ގޮތަކީ އެތެރެކުރާމީހުންނާއި ބޭނުން ކުރާމީހުން ވަގުތުން ވަގުތަށް މަރުގެ އަދަބު ތަންފީޒް ކުރުން.
ކޮރަލް
08 September 2021
ސައިކަލް ތައް ގެއްލެނީ އެވެ. މަގުމަތީ ދުވާލު އެންމެން ކުރިމަތީބޮނީ އެވެ. އެކަމު ބަންދު ކޮށްފަ ނުބެހެއްޓެ އެވެ.
ކުޑަ ރަދީފުގެ ބައްޕަ.
08 September 2021
ފުލުހުން ޔުނިފޯމް އާއި އެކުގައި ކުއިކްސިލްވާރ ފަދަ ބްރޭންޑް ފެންނާން ހުންނަ މާސްކް ފަދަ ތަކެތި ބޭނުން ކުރުމަކީ އަޙްލާޤީ މައްސަލައަކަށް ނުވަނީތޯ ؟
1828
08 September 2021
މައްސަލައަކަށް ވާންޖެހޭ ސަބަބެއް ނުވިސްނޭ
އައްޔަބޭ
08 September 2021
ޑްރަގްކޯޓު ހެދިފައިވަނީ މުޅި ފަރުވާގެ ނިޒާމް ބެލެހެއްުމަށް ކަން އެ ޤާނޫނު ބެލުމުން އެނގޭ.. އެކޯތަކީ ކޯޓުތަކުގެ ޤާނޫނުގެ ބަދަލުގައި ސީދާ މަސްތުވާތަކެއްޗާ ބެހޭ ޤާނޫނުގެ ދަށުން މިކަމަށް ހެދި ކޯޓެއް.. އެކޯޓުގެ ފަނޑިޔާރު މަހާޒުމެން ފަދަ ބޭފުޅުން ޤާބިލްކަމާހެދި އެތިބީ ހައިކޯޓަށްވެސް ނުގޮސް ސީދާ ސުޕްރީމްކޯޓުގަ.. ޑްރަްކޯޓުން މިހިސާބަށް ކަންތައްދާއިރު މި ކޯޓުގެ ފަނޑިޔާރުންގެ މައްސޫލިއްޔަތު ކޮބާ ؟؟؟؟؟
ލިޔާމް
08 September 2021
އެންޑީއޭއާ ސުވާލުކޮށްބަލަ ކީއްވެހޭ ޑްރަގް ކޯޓުން ފަރުވާއަށް ހުކުމު ކުރާ މީހުންނަށް ސެންޓަރުން ފަރުވާ ނުދެވެނީ. އެމީހުން ފަރުވާއަށް ނުގެންދެވެނީ؟ ކޯޓުން އެހާ ބުރަ މަސައްކަތުން މައްސަލަަތައް ނިންމާއިރު، ފަރުވާ ނުނިމިގެން އެތައް ބަޔަކު އެބަތިބި ކޭސް ނުނިމި އެއްކޮށް!
އަލީ ވަހީދު
08 September 2021
ތިނޫން މީހެއްމިގައުމުގަ އެބައުޅޭތަ މަޖިލިހުންފެށިގެން
ފާނަކޮށި
08 September 2021
އެހެންވީމާ މީގެން އެނގެނީ މަސްތުވާތަކެތި އެތެރެކޮށް އެވިއްކާމީހުންގެ ސަބަބުން ތިޔަބޯންބޭނުން ކުރާމީހުން ގިނަވާނީ.......... މަސްތުވާތަކެތި އެތެރެކޮށް އެވިއްކާމީހުން ހައްޔަރުކޮށް ޖަލަށް ލާންވީ.....އެމީހުން ދޫކޮށްލާތީ މައްސަލައަކީ....
ކަމީލާ
08 September 2021
އެމީހުން ލައްވާ ގަދައަށް މަސައްކަތް ކުރުވާ، ކަސްރަތް ކުރުވާ، އެމީހުންގެ ބެލެހެއްޓުމުގެ ހަރަދު އެމީހުން ލައްވަަ ކުރުވާ މަސައްކަތުން (ގާއެޅުން ކަހަލަ) ހަމަޖައްސަބަލަ! އެމީހުން ނަށް އޯގާތެރިކަމާއި އަޅާލުމާއި ވަކި ތަރުތީބަކުން ދިރިއުޅުން ދައްކާދީބަލަ! އޭރުން ތިޔަ 500 މީހުންނަކީ ދައުލަތަށް އަދި މުޅި މުޖުތަމައަށް ބަލަދު އަރާބަޔަކަށް ނުވާނެ! ދެން ސިޔާސީ މީހުންގެ ތެރޭގައި ތިބި ބަނގުރާ ޑްރަގްސް ނަގާ މީހުން ހިފާ ހައްޔަރުކޮށްބަލަ! އާދޭކޮށްފަ ބުނަން!
ގުދުގުދުލީބެއްޔާގެ މާމަ
08 September 2021
ޑުރަގުބުއިމަކީ ބައްޔެއްނޫން. އެއީ ދީނުގާ ހައްދުކަނޑައެޅިގެންވާ ފާފައް. އޭގެ ހައްގުއަދަބު އެމީހުންނަށް އިސްލާމީޝަރީއަތުގެމަތިން ދެވެންޖެހޭނެ.
އަލިބެއްޔާގެކަލޯ
08 September 2021
މަސްތުވާތަކެއްޗާމެދު ދިވެހިން ދެކޭގޮތް ވަރަށް ތަފާތު.... ބަނގުރާފަދަ އެއްޗެއްސާމެދު ދެކޭގޮތަށްވުރެ މާ ލީނިއަންޓްކޮށް ދިވެހިން ދެކެނީ.. އެކަމަކު މަސްތުވާތަކެއްޗޭމިކިޔާ އެއްޗެއްސަކީ މީހާ މުޅިން ފުނޑާލާއެއްޗެިހ... ވިސްނުން ބަދަލުކުރޭ....ދީނޭ ކިޔެނިކޮށް އޯކޭވާނެ... ދީނީގޮތުން މަސްތުވާތަކެތި ކުޑަކޮށްނަމަވެސް "އޯކޭ" ވުމަކީ މީހާގެ ޢަޤީދާ އާއި މެދު ސުވާލު އުފެދޭ ކަމެއް...ދީނީގޮތުން ނުރައްކާތެރިކަމެއް..