ހިޔާ ފްލެޓްތަކުގެ ތަޅުދަނޑިތައް ދޫކުރުމުގެ ތެރެއިން: އެ ފްލެޓްތައް އެހެން މީހުންނަށް ކުއްޔަށް ދޫކުރަނީ ފާޅުގައި.---ފޮޓޯ: ނިޝާން އަލީ/މިހާރު
10 ސެޕްޓެމްބަރ 2021 - 21:42
161 comments
ހުޅުމާލޭގެ ދެވަނަ ފިޔަވަހީގައި އިމާރާތް ކޮށްފައިވާ "ހިޔާ" ފްލެޓްތަކުގެ ފިނިޝިން އާއި އަދި އެހެނިހެން ބައެއް ކަންކަން ފުރިހަމަ ވެސް ނުވަނީސް އެ ތަނުގެ އެޕާޓްމަންޓްތައް ބޮޑު އަގުގައި އެކި ފަރާތްތަކަށް ކުއްޔަށް ދޫކުރުމުގެ މަސައްކަތް ފަށައިފި އެވެ. އެ ފްލެޓްތަކުގެ ތަޅުދަނޑިތައް އެ ތަންތަނުގެ ވެރިފަރާތާ ހަވާލުކުރިތާ މަހެއް އަދި ނުވިޔަސް އެހެން މީސްމީހުންނަށް ފްލެޓްތައް ކުއްޔަށް ދޫކުރަން ފާޅުގައި މަސައްކަތް ކުރާއިރު އެއީ އެޗްޑީސީން މަނާކޮށްފައިވާ ކަމެކެވެ.
ސަރުކާރުތަކުން ކުރިއަށް ގެންގޮސްފައިވާ ބޯހިޔާވަހިކަމުގެ އެހެން މަޝްރޫއުތަކެކޭ އެއްގޮތަށް ހިޔާ ފްލެޓް ކަށަވަރުވި މީހުން ވެސް އެ ތަނުގައި ދިރިނޫޅެ، އެ ފްލެޓް ކުއްޔަށް ނުދެވޭނެ ކަމަށް ޕްލޭނިން މިނިސްޓަރު މުހައްމަދު އަސްލަމު ވެސް ވިދާޅުވެފައިވެ އެވެ. އަދި އެކަން ސާބިތުވެއްޖެ ނަމަ ފްލެޓް ދިން މީހާގެ އަތުން ފްލެޓް ދައުލަތަށް ނަގާނެ ކަމަށް އޭނާ ވިދާޅުވެފައި ވެ އެވެ.
މިއީ މަނާ ކަމެއް ކަމަށް ހަރު އަޑުން ސަރުކާރުން ބުނަމުން ދިޔަޔަސް، އެ ކަމަށް ފަރުވާލެއް ނެތި، ފްލެޓްތައް ކުއްޔަށް ހިފާނެ ބަޔަކު ހޯދުމުގެ މަސައްކަތް ކުރަމުންދާކަން "މިހާރު" އާ ވާހަކަ ދެއްކި ބައެއް މީހުންގެ ވާހަކަތަކުން އެނގެ އެވެ. އެޕާޓްމަންޓުތައް ކުއްޔަށް ދޫކުރަން ސޯޝަލް މީޑިއާގައި ހިންގާ ބައެއް ޕްލެޓްފޯމުތަކުގައި މި "ކުޅިވަރު" ހާމަކަން ބޮޑު ގޮތެއްގައި ވަނީ ފަށައިފަ އެވެ. އެގޮތުން މިހާރު ޖަހާފައިވާ ބައެއް ޕޯސްޓުތަކުގައިވާ ގޮތުން ނަމަ ހިޔާ ފްލެޓްގެ ދެ ކޮޓަރީގެ އެޕާޓްމަންޓެއް ކުއްޔަށް ދޫކުރަނީ މަހަކު 10،000ރ. އަށެވެ. އެއީ ހިޔާ ފްލެޓެއް ކަމާއި ފްލޯ ނަމްބަރާއި މޮބައިލް ނަމްބަރު ޖަހައިގެން މި އިޝްތިހާރު ކުރަނީ ސިއްރަކުން ނޫނެވެ.
ހިޔާގެ ފްލެޓެއް ލިބުނު މީހެއްގެ އަތުން އެ ތަން ކުއްޔަށް ނެގި މީހަކު ބުނީ ތަނުގެ ވެރިމީހާ އަށް ފިނިޝިންގެ ކަންކަން އަމިއްލަ އަށް ނުކުރެވޭތީ ކުއްޔަށް ދިނީ ކަމަށެވެ. އޭނާ ބުނީ، ތިމާގެ މީހެއްގެ އަތުން އެ ފްލެޓް ކުއްޔަށް ނެގީ މަހަކު 10،000ރ. އަށް ކަމަށެވެ.
ހިޔާ ފްލެޓްތައް އެހެން މީހުންނަށް ކުއްޔަށް ދޫކުރުމުގެ ފޯރި ދަނީ ގަދަވަމުން.
"އެ ތަން މަރާމާތު ކޮށްދިނުމަށް ފަހު ކޮންމެ މަހަކު 10،000ރ. ދައްކައިގެން [އަޅުގަނޑު] އުޅެން އެއްބަސްވެފައި އޮތީ،" އޭނާ ބުންޏެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން ހިންގި "ހިޔާ" މަޝްރޫއުގެ ދަށުން އިމާރާތްކުރި 7،000 ފްލެޓްގެ އެއްބަސްވުމުގައިވާ ގޮތުން ފްލެޓް ކުއްޔަށް ދީގެން މަންފާ ހޯދުމަކީ މަނާ ކަމެކެވެ. ނަމަވެސް ފްލެޓްގައި އާއިލާގެ އެހެން ބަޔަކު ގޮސް އުޅުމެއް ނުހުއްޓުވަ އެވެ.
ސިވިލް ސާވިސްގެ ކެޓަގަރީން ފްލެޓެއް ލިބުނު މީހަކު ބުނީ މި ވަގުތު އެތަން ބޭބެއަކަށް އަށް ދިނީ، ކޮންމެހެން ވަގުތުން ވަގުތަށް ގޮސް އުޅެން ނުޖެހޭތީ ކަމަށެވެ. އޭނާ މި ވަގުތު ދިރިއުޅެނީ ފިރިމީހާގެ އާއިލާ އިން ހުޅުމާލެ އިން ގަނެފައިހުރި ބިމެއްގަ އެވެ.
ވިސްނުން އެބަހުރި އެތަނަށް ދާން. އެކަމަކު ފްލެޓް މި ވަގުތަށް ކޮންމެހެން މުހިއްމެއް ނޫން އަވަސް އަރުވާލައިގެން ދާން. ދަރިން ތަންކޮޅެއް ބޮޑުވީމާ އެ ފްލެޓަށް ބަދަލުވުމުގެ ވިސްނުން އެބަހުރި،"
ހިޔާ ފްލެޓް ކުއްޔަށް ހިފި އެހެން މީހަކު ކިޔައިދިން ގޮތުގައި ފްލެޓް ނެގީ އަގު ހެޔޮވުމުންނެވެ.
"ފްލެޓް ކުއްޔަށް ދިން ފަރާތުން މި ވަގުތު ބޭނުންވަނީ މާލޭގައި އުޅެން. ސްކޫލު ބަދަލުކުރަން ބޭނުން ނުވާތީ ކަމަށް ބުނީ. އެހެންވީމާ [މަހަކު] 12،000ރ. އަށް ލިބޭތީ ކުއްޔަށް ނަގަން ނިންމީ،" އޭނާ ބުންޏެވެ.
އެޗްޑީސީގެ މެނޭޖިން ޑިރެކްޓަރު ސުހެއިލް އަހުމަދު ވިދާޅުވީ، ހިޔާ ފްލެޓްތައް ކުއްޔަށް ދޭ ކަމުގެ ޝަކުވާތަކަށް މިހާތަނަށް ލިބިފައި ނެތް ކަމަށެވެ. އޭނާ ވިދާޅުވީ، ޝަކުވާ ލިބިއްޖެ ނަމަ އެކަން ބަލައި ފިޔަވަޅު އަޅާނެ ކަމަށެވެ.
"މީގެ ކުރިން ވެސް ހުންނާނެ އެފަދަ ފަރާތްތައް ޖޫރިމަނާ ކޮށްފައި،" ސުހައިލް ވިދާޅުވި އެވެ.
ސޯޝަލް ހައުސިން ސްކީމްގެ ތެރެއިން ލިބޭ ފްލެޓްތައް ކުއްޔަށް ދޭތީ، ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީ އަށް މުއައްސަސާތައް ހާޒިރުކޮށް ވެސް މި ކަމުގައި މަޝްވަރާ ކޮށްފައިވެ އެވެ. އެ މުއައްސަސާތަކުން އަބަދުވެސް ބުނަނީ އެފަދަ ކަމެއް ސާބިތުވެއްޖެ ހާލަތެއްގައި ފްލެޓް ލިބުނު މީހާގެ އަތުން އެ ތަން އަތުލާނެ ކަމަށެވެ. އެކަމަކު ކުއްޔަށް ދީގެން މަންފާ ހޯދާ އެއްވެސް މީހެއްގެ އަތުން މިހާތަނަށް ފްލެޓް އަތުލައިފައެއް ނުވެ އެވެ. ޖޫރިމަނާއަކުން ފުއްދައިލަނީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައުންސެލަރު
12 September 2021
ކުއްޔަށް ދިނީމަ ދޭމީހާ ގޯސްވާނީ. ފްލެޓްގެ ހައްގުވެރިންނަށް ޕޮއިންޓް ދިން މާކުސް ޝީޓް ބެލީމާ އެނގޭނީ ޕޮއިންޓްދީފަ ހުރިގޮތް. ތިޔަބުނާ ހައްގުވެރިންނެއް ނޭނގެ. ހައްވައްތަމެން ކަހަލަ މީހުން ނުވޭނު ހައްގުވެރިންނަކަށް. ހައްގުވެރިންނަށްވަނީ ޕާޓީ،ކަންކަމުގެ ކަރުން ނާރުނަގާފަ ވީދޭ މީހުން. އެހެންވެ ވާގޮތްމީ
ހުަވަފެންބެ
12 September 2021
އެއްކަމެއްވެސް ނުވާނެ މީގެ ކުރިންވެސް ފުލެޓްތަށްވަނީ ކުއްޔަށް ދީފައި. ވީ އެއްވެސް ކަމެއް ނެތް.
ވހޫން
12 September 2021
އެމީހެއްގެ މިންވަރުގަ ނެތް އެއްޗެއް ނުލިބޭނެ، ހިޔާ ފްލެޓް ނުލިބިގެން ހަޅޭލަވާ، އެހާ ފާޑުކިޔާ ކަމުދާ ތަނަކަށްވެސް ނުވި.މީހުންގެ އެވަގުތެއްގެ ޙާލަތު އިނގެނީ ކާކަށް، ހަދައިގެން ދެވެންނެތިގެން ވެސް ހަދާ މީހަކަށް ދީފާނެ، އުމުރު ދުވަހަށް ތަން ދޫކޮށްލަންވީއޭތަ ތިބުނަނީ ނިކަމެއްޗަކަށްވީތީ، އާންމު ރައްޔިތުމީހާ ތަން ފިނިޝިންގ ނިންމާގޮތުގެ ދިރާސާއެއް ކޮށްބަލަ. ހުރިހާކަމެއްގަވެސް ފައިދާ ނަގަނީ ސަރުކާރުން ލޯންތައް ބޮލުގަ އަޅުވާ. ދިވެހިންނަކީ ވާބައެއް.
މިސްކީނު
12 September 2021
ހާލަތު ދެރަވެގެން ތަން ހަދަން ބޮޑު ހަރަދުކުރެވެން ނެތް މީހުން އެތިބަގެން ތަރަފާލު އަޅައިގެންވެސް ގޮސް ނިދަނީ.. އެތަނަށް ބަދަލުނުވެ ތަން ކުއްޔަށްދޭނީ ތިމާމެން އުޅެންކަމުދާ ވަރަށްވުރެ ތަން ފެންވަރުދަށްކަމަށް ފެންނާތީ، އެއަށްވެރެ މޮޅުގަ ފަސޭހައިގަ އުޅެވެން އޮތަތީވެ.. އިތުރު ބަހަނާ ދައްކާނެ ކަމެއް ނެތް..
ވހޫން
12 September 2021
ބަންޑާރާގޯތި ކުއްޔައް ދީގެން މަންފާ ހޯދަންވީ. އަކަފޫޓްގެ މަގުން އަގު ޖައްސާ ވިއްކާލަންވެސް ރަގަޅު. އެވެސް ސަރުކާރުންދޭ ތަންތަން. ހިޔާ ފްލެޓް މިއަދި އަގުކޮށްފަ ދޭ ތަނެއް ، ތަން މިލްކްވާއިރު އޮންނާނި ބޮލައް ވެއްޓިފައި. 2.5 މިލިއަން ހަރަދުކޮށް ނިންމާ އިރު ތަނުގެ ހާލު އަންދާޒާވެސް ނުކުރެވޭ. ތިމަންނަ މެންނަށް ނުލިބެއޭ ނިދަނީ އެއްކޮޓަރީ 05 ދަރިން ގޮވައިންނޭ ކިޔާފަ މިތާ ކޮމެންޓް ކުރާ ގިނަ މީހުންވެސް ދޭނި ކުއްޔަށް ލިބޭއިރަށް، މީހަކަށް ހެވެއް ނޭދެނީ
ތަކުރު00
12 September 2021
އަމިއްލައަށް ހޯދާ ފައިސާ ދައްކާ ތަނަކަށް ބޭނުން ގޮތެއް ހެދެންވާނެ.. ސޯޝަލް ކިޔާފަ ސަރުކާރުން ހިލޭ ދޭނަމަ ކުއްޔަށްދިނުން މައްސަލައެއް...
ޢަލީ މުޞްޠަފާ
12 September 2021
ޙަޤީގަތުގައި ފްލެޓަށް އެދެނީ އުޅޭނެތަނެއް ގޮތެއް ނެތުމުން. ގިނަ ޕޮއިންޓް ލިބެނީ ސަބަބުތަކާ ހެކި ސާބިތުކޮށްދީގެން، ނަމަވެސް ފްލެޓް ލިބުނީމަ އުޅޭނެ ތަންތަންލިބި ނުގޮސްފަރުޖެހޭނެ ބަހަނާތައް ދައްކައިގެން ބޮޑުކުއްޔަށްދޭއިރު ސަރުކާރުން ބަލަންޖެހޭ. އަދި އަހަރުން އަހަރަށް އިންސްޕެކްޓްކޮށް ފިޔަވަޅުއަޅަންޖެހޭނެ.
މުރުތަލާ
12 September 2021
ދޭފްލެޓުތައް ދެވިގެން މިއުޅެނީ ހައްގުވާފަރާތަށްތޯ އިނގޭނީ ކުޑަކޮށް ހާވާލީމަ. ގިނަވާނެ ބޮޑުއަގުގައި ކުއްޔަށްދީފަ ހުންނަތަން.ބޮޑު ވިޔަފާރިއެއްގެގޮތުގައި. މާލޭމީހަކަސް ދިނަސް، ޓީޗަރުން ނަރުހުން ފުލުހުންނަށް ދިނަސް ބަލަންޖެހޭ މާލެއިން ހުޅުމާލެއިން އެމީހަކަށް ލިބެންވާ، ލިބިފައި ހުރި އެހެން ގޯއްޗެއް ފުލެޓެއް ހުރިތޯ. ފުލެޓުގަންނާނެ މުއްސަދިކަން ހުރިތޯ. އެހެންނޫނީ ކޮޅުންލާނެކަމެއްނޫން. އަސްލު ފުލެޓުބޭނުންވާމީހާ ކުރިއެކޭވެސް އެއްގޮތަށް މަގުމަތިވެފައި..
ޝަފީރު
12 September 2021
ތިގޮތަށް ކަންކަން ވެފައިވާނަމަ ފްލެޓް ހައްޤުވެ ފްލެޓް ނުލިބޭމީހުން ޙައްޤު ހޯދުމަށް ދަޢުވާކުރުމުގެ ޙައްޤު އެބައޮތް. އަދި ދައުލަތަށް އޮޅުވާ ލުމުގެ ދަޢުވާ ކުރުމުގެ ޙައްޤުވެސް ފުލެޓް އަތުލުމުގެ ޣައްޤުވެސް އެބައޮތް.
ހ
12 September 2021
މިކަމަކީ ވޯޓުހޯދާމީހުނާއި ވޯޓުދޭމީހުނާއި، ދިދަޖެހި ތަންތަނާއި ތަކެތީގައިއުޅޭ އެންމެނަށް އެނގިގެންހިންގޭ ބޮޑުޖަރީމާއެއްކަން އެއެންމެނަށާއި އުންމަތަށް އެނގޭ، އެކަމަކު ނުއިނގޭކަމަށާއި ނުދެނެހުރިކަމެއްކަމުގައި ދައްކައިގެންހިންގާ ބޮޑުޖަރީމާއެއް. މިއަދު މިކަމުން ފައިދާނެގިދާނެއެވެ. އެކަމަކު އެދުވަސް އަންނާނެކަން ހަނދާނައްތާލައިގެންތިބެ ގަނަންނަގަޑަށް ޖަވާބުދާރީވާންޖެހޭދުވަހު ދައްކާނީ ކޮންބަހަނާއެއްބާވައެވެ؟ ނުވަތަ ކުރާނީ ކީއްބާވައެވެ؟
ބޮރިކް
12 September 2021
ހިޔާ ފުލެޓަކީ އިންސްޓޯލް މަންޓށް ފައިސާ ދައްކައި އަގު ހަމަ ކުރަން ޖެހޭ އެއްޗެއް. ސައިކަލުވެސް ގަންނަނީ އެގޮތަށް. ހިލޭ ދިން ތަންތަނެއް ނޫން. އަތްމަތި ދަތިކަމުން 8500 ރުފިޔާ ނުދެއްކިދާނެ ކަމުގެ ބިރު އޮތިއްޔާ 8500 ރުފިޔާ ހޯދާނެ ގޮތްގޮތް ވިސްނާނެ.