ކުރީގެ ޓޫރިޒަމް މިނިސްޓަރު އަލީ ވަހީދު: ހައްޔަރު ކުރި ފަހުން ފުރަތަމަ ފަހަރަށް އޭނާ ވަނީ ރޭ ޓްވީޓެއް ކުރައްވާފައި -- ފޮޓޯ: އަހުމަދު އަވްޝަން/މިހާރު
11 ސެޕްޓެމްބަރ 2021 - 00:42
64 comments
އިނގިރޭސި ވިލާތުގެ އިމިގްރޭޝަންގެ ކުށްތަކެއްގައި އެ ގައުމުގައި ހައްޔަރު ކޮށްފައިވާ، ރާއްޖޭގެ ކުރީގެ ޓޫރިޒަމް މިނިސްޓަރު އަލީ ވަހީދު ކުއްލި ގޮތަކަށް ރޭ ޓުވީޓެއް ކުރައްވައި ދިވެހި ދައުލަތަށް މެސެޖެއް ދެއްވައިފި އެވެ.
މިއީ ޓޫރިޒަމް މިނިސްޓްރީގެ މުވައްޒަފުންތަކަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއްގައި ދައުވާ އުފުލާފައި ވަނިކޮށް، ބޭސްފަރުވާ އަށް އިނގިރޭސި ވިލާތަށް ވަޑައިގެންނެވި ގޮތަށް، ރާއްޖެ ވަޑައިނުގެން އެ ގައުމުގައި ހުންނަވަނިކޮށް، މިދިޔަ މަހުގެ 25 ގައި އަލީ ހައްޔަރުކުރި ފަހުން ކުރެއްވި ފުރަތަމަ ޓުވީޓެވެ. ނަމަވެސް މި ޓުވީޓް އޭނާ ކުރެއްވިއިރު އިނގިރޭސި ވިލާތުގެ ކަމާ ގުޅޭ އިދާރާގެ ބަންދުން އަލީ މިނިވަންވި ކަމެއް އަދި ނޭނގެ އެވެ. ވިސާގެ މުއްދަތު އިތުރު ކުރަން ނުވަތަ ނުކުރުމާ މެދު އެ ގައުމުގެ ކަމާ ބެހޭ ފަރާތްތަކުން ގޮތެއް ނިންމި ކަމެއް ވެސް އަދި އެނގިފައެއް ނުވެ އެވެ.
އަލީގެ ޓުވީޓުގައި ވިދާޅުވީ، ސިޔާސީ ދަޢުވާތަކާއި މީހުން ފްރޭމް ކުރުމާއި އަނިޔާވެރިކަމުގެ ކުރިމަތީގައި ފަހަތަށް ޖެހިވަޑައިނުގަންނަވާނެ ކަަމަށެވެ. އަދި ވިދާޅުވީ، އިންސާފުވެރި، އަދުލުވެރި ޝަރުއީ ނިޒާމެއް ދިވެހި ރައްޔިތުންނަށް ހޯދައިދިނުމަށްޓަކައި ވެވަޑައިގަންނަވަން ޖެހުނު "ކޮންމެ ގުރުބާނީއެއް ވާނަން" ކަމަށެވެ.
"އިރާދަފުޅުން ދައްކަން އުޅުނު ވާހަކަ ދައްކާނަން. އެނބުރި އަންނާނަން،" ދިވެހި ސަރުކާރުގެ ކަމާ ބެހޭ އިދާރާތަކުގެ ހުއްދައާއެކު ބޭސްފަރުވާ އަށް އިނގިރޭސި ވިލާތަށް ވަޑައިގެންނެވި އަލީ ވިދާޅުވި އެވެ.
ސިޔާސީ ދަޢުވާތަކާއި މީހުން ފްރޭމް ކުރުމާއި އަނިޔާވެރިކަމުގެ ކުރިމަތީ ފަހަތަށް ނުޖެހޭނަން.އިންސާފުވެރި ޢަދުލުވެރި ޝަރުޢީ ނިޒާމެއް ދިވެހި ރައްޔިތުންނަށް ހޯދައިދިނުމަށްޓަކައި ވާން ޖެހުނު ކޮންމެ ޤުރުބާނީއެއް ވާނަން.އިރާދަފުޅުން ދައްކަން އުޅުނު ވާހަކަ ދައްކާނަން. އެނބުރި އަންނާނަން 🇲🇻
— Ali Waheed (@ali20waheed) September 10, 2021
އަލީގެ ޓުވީޓް
އަލީގެ ގާތް މީހުން ބުނެފައިވާ ގޮތުގައި މީޑިއާ ބްރީފިންގައި އޭނާ އުޅުއްވީ މިހާތަނަށް ނުދައްކަވާ، މުހިންމު މައުލޫމާތުތަކެއް އާންމު ކުރެއްވުމަށެވެ. އޭނާ ކުއްލި ގޮތަކަށް ހައްޔަރުކުރީ އެހެންވެ ކަމަށް ބުނެ އަލީގެ ގާތް މީހުން ވަނީ ދިވެހި ސަރުކާރުގެ ބޮލުގައި ތުހުމަތުތަކެއް އަޅުވައިފަ އެވެ. ނަމަވެސް ދިވެހި ސަރުކާރުގެ ކަމާ ގުޅޭ އިދާރާތަކުން ބުނަމުން އަންނަނީ ހައްޔަރުކުރިކަން ވެސް އެނގުނީ އިނގިރޭސި ފުލުހުން އެންގުމުން ކަމަށެވެ.
އިނގިރޭސި ވިލާތުގެ ފުލުހުން އަލީ ހައްޔަރުކުރީ މިދިޔަ މަހުގެ 25 ގައި ދިވެހި ނޫސްވެރިންނާއެކު އޮންލައިން މީޑިއާ ބްރީފިންއަކަށް ތައްޔާރުވެވަޑައިގަންނަވަމުން ގެންދަވަނިކޮށް އެ ދުވަހުގެ ހެނދުނެވެ. އޭނާ ހައްޔަރުކުރީ އިނގިރޭސި ވިލާތުގައި ދިރިއުޅުއްވާ ގޭގައި އުޅުއްވަނިކޮށް ކަމަށް ވާއިރު، ހައްޔަރުކޮށްގެން ގެންދާ މަންޒަރު ފެންނަ ވީޑިއޯއެއް ވެސް އަލީގެ ގާތް ބައެއްގެ ފަރާތުން މީޑިއާ އަށް ލިބުނެވެ.
އިނގިރޭސި ވިލާތުގައި އޭނާ ހައްޔަރުކޮށްފައި ހުރިކަން އެ ގައުމުގެ ފުލުހުންގެ ފަރާތުން ދިވެހި ފުލުހުންނަށް ލިބުނީ މި މަހުގެ ހައެއްގައި ކަމަށް މޯލްޑިވްސް ޕޮލިސް ސާވިސް އިން ވަނީ ބުނެފަ އެވެ. އެއީ އޭނާ ހައްޔަރުކުރިތާ 13 ދުވަސް ފަހުންނެވެ.
އަލީ ރާއްޖެ ގެނައުމަށް ދިވެހި ފުލުހުން މިހާރު އަންނަނީ މަސައްކަތް ކުރަމުންނެވެ. އެއީ އޭނާ ސުޕްރީމް ކޯޓުގެ ހުރުމަތް ކެނޑި މައްސަލައިގައި ކޮށްފައިވާ ދެ މަހާއި 12 ދުވަހުގެ ޖަލު ހުކުމް ތަންފީޒު ކުރަން ގެނައުމަށް ކަރެކްޝަންސް އިން އެދިފައިވާތީ އެވެ.
އަލީގެ ގާނޫނީ ވަކީލުން ނެރުނު ބަޔާނެއްގައި ބުނެފައި ވަނީ ދިވެހި ދައުލަތުން އޭނާ ފްރޭމް ކޮށްފައިވާ ކަމަށެވެ. މެކްސީމް ޗެމްބާސް ލޯ ފާމުން ނެރުނު ނޫސްބަޔާނެއްގައި ބުނީ، އޭނާގެ މައްޗަށް ހިންގި ޖިނާއީ ތަހުގީގާއި ޝަރީއަތުގެ އެކި މަރުހަލާތަކުގައި އަލީއާ ދެކޮޅަށް ބޭއިންސާފާއި އަނިޔާވެރިކަން ދައުލަތުން އިސްކޮށް، ކުށެއްގެ ތުހުމަތުގައި ކަމަށް ބުނެ ފްރޭމް ކޮށްފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާރިހަތު ޖަލީލު
13 September 2021
އަހަރެން ދެކޭގޮތުގައި މިކަހަލަ ޕޮލިޓީޝަނުންނަކީ މުނާފިގުން. ދައްކަނީ ރަގަޅު ވާހަކައަކަށް ވެދާނެ. މިއޮތް ހުރިހާ ދުވަހު މިވާހަކަ ނުދެއްކީ އިބޫސޯލިހުކައިރުން ކޮންމެވެސް ބެނެފިޓެއް ލިބޭތޯ؟ ގޮތް ހުސްވީމަ ދެން ކޮޅުބަދަލުކުރަނީ. Say No to Cheap Politicians!
ދޯޢަލީވަޙީދު
12 September 2021
މިވެސް ޢަލީ ވަޙިދެއް ދޯ؟
ޝަފީރު
12 September 2021
ބޭކާރު ވާހަކަ. ކޮބައިތަ ފަހަތަށް ނުޖެހިފައި. ތިމާމީހާގެ ބާރުކެނޑި އަތްފައި ބަނދެވުނީމާ ފަހަތަށް ނުޖެހޭނަމޭ ބުނުމަކީ ފިނޑިކަން. އަމިއްލައެދުން ބޮޑުކަން. އޭރު ނުދެއްކުނުވާހަކައެއް ދެންދައްކާނީ އޮޅުވާލަން. ހިތްވަރު ހުރުމަކީ އިޚްލާޞްތެރިވުމަކީ މަޤާމުނަހުރެ ކަންކަން ރައްޔިތުންނަށް ހާމަކޮށްދިނުން. އެހިނދު މަޤާމުން ފޮޅާލީމާގޮސް މިހާރު ތިހުރިގޮތަށް އަމިއްއަށް އަރުވާލެވުމުން ރައްޔިތުގެ އިތުބާރު އޮންނާނެ. މިހާރު ބޭކާރުމީހެއް.
ޗޮސްބެ
12 September 2021
އަމިއްލަޔަށް އަރުވާލެވިގެން ވެސް ނުހުރެވުނު. ހިފާ ހައްޔަރުކޮއްފި. ދެން ފޮނުވާލާނީ ރާއްްޖެޔަށް. އަދިވެސް ރޭޕްކުރެވޭތޯ ބަލާތި.
ހަމަ އަސްލުވެސް
11 September 2021
މިސަރުކާރުން އެންމެ ފުރަތަމަވެސް ކުރިކަމަކީ އެމް.އެމް.ޕީ.އާރް.ސީ އާއި ގުޅުންހުރި މީހުންހޯދަނ ނެރެފައިއޮތް ރެޑްނޯޓިސްއުވާލުން. އެވެރިން މިނިވަންކަމާއެކު ޔޫކޭގައި. ދީނަށް ފުރައްސާރަކުރިމީހުންނަށް އަދަބެއްނުދެވި އެވެރިން މިނިވަންކަމާއެކު ޖަރުމަނުގައި. އަދީބު ގޭގައި. ވެންޓޮލޭޓާރު އަމީން ގޭގަ. ސަފާރީ ރޭޕްއަކީ ނުހިނގާކަމެއް. އަލީ ފްރޭމްކޮށް އެވާހަކަ އަބަދު ނޫސްތަކުގައި ރައްޔިތުންނަށް އޮޅުވާލުމަށް
ހަގީގީ1
12 September 2021
ސޯލިހް ހީކުރީ ދިވެހިންނަށް ވެސް ތަންދޮރު ނޭނގޭ ކަމަށް އެސޮރަށް ނޭންގޭތީ، ދިވެހިން ދުއް އެއްމެ ނާގާބިލް ހިނގުންތެރިކަމައްނެތް ރައީސް އަކީ ސޯލިހް. ތަބަކަށް ވެރިކަން ލާފަ ދިނީމަ ހޮވުނީމަވެސް ސައިޒް އޮޅިގެން އުޅެނީ. 2023 އަށް އިންތިޒާރު ކުރޭ.
ހަމަހަމ
11 September 2021
މިރާއްޖޭގައި ބުނާހާގޮތެއް ނަހަދާއިފިނަމަ އެމީހަކާ ޖައްސާލާ ދޮގު ބަދުނާމުއަޅުވާ، މީހެއްގެ ޒަމާންދުއްވާލަން. ފަހެއްނުޖެހޭ. ދޮގު ތުހުމަތުކޮށް ދޮގު ދައުވާ އުފުލުން އާންމުކަމަކަށް ވެއްޖެ. ހަގީގީ ކުއްވެރިން މިނިވަންކަމާއެކު. ޕްރެސް ބާންވަންބުނީމަ އަލީ ހައްޔަރުކުރިގޮތައް އމ.އމ.ޕ.އރ.ސ ހިޔާނާތުގެ މީހުންވެސް ޔޫކޭއިން ހައްޔަރުކުރެވެންޖެހޭ.
ރައިހާނާ
12 September 2021
ދޮގުތެދު އެގޭނީ ޝަރީޢަތެއް ކުރެވިގެން. ފިލާނީ ކުއްވެރިވާކަން އަމިއްލަ ނަފްސައްވެސް ގަބޫލްކުރާތީ.
ލާލާ
11 September 2021
ޢަލީ ވަޙީދުގެޓުވިޓާއެކު ބޮޓުންތައް އެކްޓިވޭޓް ވާންފަށައިފި. ހަމަ އިންތިޒާރުގައި މިހުރީ ތިޔަ ދައްކަންބުނި ވާހަކަތަކުގެ.
ފަރީޝާ
12 September 2021
ބޮޓްތަކެއްނޫނޭ، އެއީ ހަމަ އަލީވަހީދު އެކި ނަންނަމުގައި ގަންނަގަޑޭ. ރޭޕްކުރާމީހުންގެ ބޮޓުން ތިބޭތަ. ސާބަސް ކަލެޔަށް.
ފަތިސްހަނދުވަރު
11 September 2021
އަލީވަހީދުވީމާ ކަރާ ކިޔާ، އޭނާގެ ހުންނަ ސިފައަށް މަލާމަތްކޮށް ދިމާކޮށް ބޭނުންހާއެއްޗެއް ކިޔާއިރު ހަމަ އޯކޭ. އެއީ ބުލީކުރުމަކަށްވެސް ނުވޭ. ކިތަންމެ އެއްޗެއްކިޔަސް ކިތަންމެ ވަރަކަށް އަބުުކަތިލިޔަސް މިހާރު ދެން އިތުރަށް އަލީއަށް ގެއްލޭނެއެއްޗެއްނެތް އެހެންވީމާ އޭނާ ޖެހިލުމެއްނުވާނެ ހަގީގަތްހާމަކުރުމަކަށް. ފްރޭމްކުރެވިގެން ނުވާނެ. އަބުރުކަތިލެވިގެންވެސް ނުވާނެ ތިމާ ކިތަންމެ ނުރުހޭމީހަކަސް
ދިމާކުރާތީ1
12 September 2021
މީ އެކިޔާ ރީތި ދިމާކުރާތީ ނިޒާމް. ސަފާރީ ރޭޕްކޭސް އިބޫ ސޯލިހް ބާލިސް ދަށަށް ލައިގެން އުޅެނީ ކޮއްކޮ ފިރިމީހާ ވީމަ. 2023 އިޒް ވެއިޓިން.
ކަޅުމެއިލު
11 September 2021
ބޮޑަށް ވައްތަރީ މަހުލޫފު ކޮޕީ ކުރީކަމަށް. މަހުލޫފު މިފަދަ އިބާރާތަކުން ސަރުކާރު ބިރުގަންނުވާލާއިރަށް އޭނާގެ މައްސަލަ ހިނދިއްޖެ. މިނިސްޓަރުކަމުން ވަތްކެއް ނުކުރެވުނު. މަލީހުމެންފަދަ އޯޑިއޯ، ވީޑިއޯފަދަ ހެކިނެތް ބޭފުޅުން ޖެހުނީ އިސްތިއުފާދޭން.
ނަސޭހަތް
11 September 2021
ބަޔަކު ކިޔާހާ އެއްޗަކަށް ބަލާނެކަމެއްނެތް، ތިޔަ ދައްކަވަން އުޅުއްވާވާހަކައެއް ދެއްކެން އޮތްގޮތަކަށް ދައްކާ. އަހަރެމެން އަޑުއަހާނަން.
ޗޮސްބެ
12 September 2021
ބުނަން އޮތްހާވެސް ވާހަކަޔަކީ އެކަން ކުރެވުނޭ މާފްކުރާށޭ.
ންޒާއްރަ
11 September 2021
އެންމެނަށްވެސް އިނގޭ ބޮޑު ސިއްރެއް އަލީ ވަހީދުއަށްކޮށްފައި އޮތީ ދޮގު ދައުވާތަކެއްކަން. ފްރޭމްކުރުމެއްކަން. އެކަމަކު އެކަށްވެސް ފާޅުގައި އެވާހަކަ ދައްކަންނުކެރޭ. އެވާހަކަ ދެއްކި މީހަކާވެސް ޖައްސާލާ އެމީހެއްގެ އަބުރުކަތިލާ ބައެއް އެބައުޅޭ، ވައްތަރީ ހަމަ އަލީ ފްރޭމްކުރިމީހުން ކުރާ ކަމާކާ. އަލީ އަވަހަށް ހުތިހާ އެއްޗެއް ކިޔާދީބަލަ. ނެތްތޯ ޕްރެސްއެއް. އަދިވެސް ހައްޔަރުގަތޯ ތިޔަ ހުންނެވީ؟