ޚަބަރު / އަލީ ވަހީދު، ކުރީގެ ޓޫރިޒަމް މިނިސްޓަރު

އަލީ ވަހީދު ހައްޔަރުކޮށްފައި ހުރިކަން ޔޫކޭގެ ފުލުހުން ކަށަވަރުކޮށްދީފި

އަލީ ހައްޔަރުކުރިކަން ކަށަވަރުވީ އޭނާ ހައްޔަރުކުރިތާ 11 ދުވަސް ފަހުން

ކުރީގެ ޓޫރިޒަމް މިނިސްޓަރު އަލީ ވަހީދު: އޭނާ ޔޫކޭގައި ހައްޔަރު ކުރިކަން ފުލުހުންނަށް ވަނީ ކަށަވަރު ކުރެވިފައި -- ފޮޓޯ: އަވްޝަން އިލްޔާސް/މިހާރު

ނަޖާހް މަސްއޫދު، މިހާރު

06 ސެޕްޓެމްބަރ 2021 - 21:52

31 comments

ޖިންސީ ގޯނާގެ ދައުވާތަކެއް އުފުލާފައިވާ ކުރީގެ ޓޫރިޒަމް މިނިސްޓަރު އަލީ ވަހީދު އިނގިރޭސިވިލާތުގައި ހައްޔަރުކޮށްފައިވާކަން އެ ގައުމުގެ ފުލުހުން ކަށަވަރުކޮށްދީފި އެވެ.

މިދިޔަ މަހުގެ 25 ގައި އަލީ ވަހީދު ހައްޔަރުކުރީ އޯވަސްޓޭ ވެގެން ކަމަށް ކުރިން ވެސް ވަނީ މައުލޫމާތު ލިބިފަ އެވެ. އެ ދުވަހުގެ ހެނދުނު އަލީ ގޭގައި ހުންނަވަނިކޮށް އޭނާ ހައްޔަރުކޮށްގެން ގެންގޮސްފައި ވަނީ އިނގިރޭސި ވިލާތުގެ ގެޓްވިކްގައި ހުރި ޖަލަކަށެވެ. ނަމަވެސް އޭނާ ހައްޔަރު ކުރިކަން ސަރުކާރުގެ ކަމާ ބެހޭ ފަރަތްތަކަށް އަންގާފައި ނެތް ކަމަށް އައީ ބުނަމުންނެވެ.

ނަމަވެސް، މިރޭ ފުލުހުން މީޑިއާތަކަށް ފޮނުވި މެސެޖެއްގައި ބުނީ "ކުރީގެ ޓުއަރިޒަމް މިނިސްޓަ އަލީ ވަހީދު އިމިގްރޭޝަން ކުށްތަކެއްގައި އިނގިރޭސި ވިލާތުގައި ހައްޔަރުކޮށްފައި ހުރި ކަން އެ ގައުމުގެ ފުލުހުންނާ ހަވާލާދީ ދިވެހި ފުލުހުންގެ ހިދުމަތަށް ރަސްމީކޮށް މިއަދު ވަނީ މައުލޫމާތު ލިބިފައި" ކަމަށެވެ.

އަލީ ވަހީދު ހައްޔަރުކުރިތޯ ފުލުހުން ބެލީ އިންޓަޕޯލްގައި އެދިގެން ޔޫކޭގެ ކަމާބެހޭ ފަރާތްތައް މެދުވެރިވެގެން ކަމަށް ފުލުހުން ކުރިން ބުނެފައިވެ އެވެ.

އަލީ ވަހީދު ބޭސްފަރުވާ އަށް އިނގިރޭސި ވިލާތަށް ވަޑައިގެންނެވި ފަހުން ރާއްޖެ ވަޑައިގެންފައި ނުވާތީ އޭނާގެ ޕާސްޕޯޓް ހިފަހައްޓަން މިދިޔަ މަހު ފުލުހުން އެދުމުން ކްރިމިނަލް ކޯޓުން ނިންމީ އެ އަމުރު ނެރެ ނުދިނުމަށެވެ. އެ މައްސަލަ އިސްތިއުނާފް ކުރުމުން އޭނާގެ ޣައިރު ހާޒިރުގައި ނުބެލޭނެ ކަމަށް ހައި ކޯޓުން ނިންމި ނަމަވެސް، މައްސަލަ ބެލޭނެ ކަމަށް ސުޕްރީމް ކޯޓުން ނިންމާފައިވާތީ މިހާރު ދަނީ މައްސަލަ ބަލަމުންނެވެ. އެހެންނަމަވެސް، އަލީ ވަހީދުގެ ޕާސްޕޯޓު ހިފަހައްޓާފައިވާ ކަމެއް އަދި އެނގިފައި ނުވެ އެވެ.

ސުޕްރީމް ކޯޓުން މައްސަލަ ބެލި އިރު އަލީ ކޯޓަށް ހާޒިރުވުމުގެ އަމުރާ ހަވާލުވެ ކޯޓަށް ހާޒިރުވެފައި ނުވާތީ ދެ މަސް ދުވަހަށް ޖަލަށް ލާން ވަނީ ހުކުމްކޮށްފަ އެވެ.

އަލީ ވަހީދު، ކުރީގެ ޓޫރިޒަމް މިނިސްޓަރު ރާއްޖެ-އިނގިރޭސިވިލާތް އިގިރޭސިވިލާތް ފުލުހުން ޖިންސީ އަނިޔާ ޖިންސީ ގޯނާކުރުން އަލީ ވަހީދު ފުރުވާލުން ވީސާ

31 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުލުހާ

07 September 2021

އިނގިރޭސިވިލާތް ކަހަލަ ގައުމެއްގަ ހައްޔަރުކުރިތާ 11 ދުވަސް ފަހުން އެކަން ކަށަވަރުކޮށްދިނީމަ މިގައުމުގެ ފުލުހުން އަދި ކަންކަމުގަ ފަހަތުގައެއް ނޫނެއްނު އެއުޅެނީ. ވަގުތުން މެއިލް، މެސެޖް، ޓްވީޓްކުރެވޭ ޒަމާނެއްގަ އަދި އަވަސް ތިވަރުވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޕްލައި

07 September 2021

ދެން އެމެސެޖަށް ރަސްމީކޮށް ޖަވާބުދެއްވާ އޭނާއަކީ ރާއްޖެއަށްވެސް "ވޯންޓެޑް" މީހެއްކަމާއި ވީހާވެސް އަވަހަށް އޭނަ ރާއްޖެއަށް ޑީޕޯޓްކޮށްލަދެއްވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމީލާ

07 September 2021

ދެން އޭނެ ގެނެސް ދޫކޮށްލާ! ދެން އޭނައަށް ޕޮލިސް ބޯޑުގެ މެންބަރުކަން، ގައުމީ ޔުނިވާސިޓީގެ ކައުންސިލް މެންބަރުކަން ނޫނީ ރައީސް އޮފީހުގެ ބޮޑު ސިޔާސީ މަގާމެއް ދީ! އެއީ މައުމޫނު، ނަޝީދު، ޔާމީން، ވަހީދު ކަންކަން ކުރި ގޮތް! އަދި އިބޫ ވެސް ކަންކަން ކުރާ ގޮތް! ވަރަށް ވާހަކަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖްވާ

07 September 2021

އަލީ ވަހީދު ބަސްޓުކޮށްލީ އެތާ އުޅުއްވާ ފުއްނާބު އުސް ލޯޔަރެއްގެ އަނބިކަނބަލުން ކަމަށް ވަނީ، އެއީ އެ ބޭފުޅާ ހީކުރެއްވީކަމަށް ވަނީ އެ ބޭފުޅާ އަށް މިނިސްޓަރުކަން ލިބިދާނެ ކަމަށް! އެއީ ކިހާ ވަރެއްގެ ތެދެއްބާވެއޭ ހިތަށް މި އަރަނީ! އިނގިރޭސި ފުލުހުންނަށް އެކަމާ ބެހޭ ގޮތުން އެއްވެސް ވަރެއްގެ އެހީތެރިކަމެއް ވެދެވިދާނެތޯ ހިތަށް އަރާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯޓަރމެލަން

07 September 2021

ގޭމް އުފައްދާ މީހުން އަބަދުވެސް ބަލާނީ އެހެން މީހުން ޝައުޤުވެރިވާފަދަ ގޮތަކަށް އެ ގޭމެއް އުފެއްދޭތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

07 September 2021

މައުލޫމާތު ލިބޭނީ ދިވެހިފުލުހުންގެ އިދާރާއަށް "ދިވެހި ފުލުހުންގެ ހިދުމަތަކަށްނޫން" (ޕެރެގުރާފު3) ފުލުހުންގެ އިސްމަގާމުތަކުގައި ދިވެހިބަހުން ހަމަޔަށް ވާހަކަދައްކަންނޭގޭމީހުން ތިބުމަކީ ލަދުވެތިކަމެއް، ސުޕުރީމްކޯޓުން މި ތޮއްޑޫއަލީވަހީދު 2 މަސްދުވަހަށް ޖަލަށްލާން ހުކުމެއްކޮށްފައިވޭ، ބޭސްފަރުވާއަށޭކިޔާފަ ގޮސް އަންނަންޖެހޭ ދުވަހަށް ނައިސް ފިލައިގެންއުޅޭ ކުއްވެރިއެއް، މީނާ ގެނައުމާބެހޭގޮތުން ފުލުހުން ބަހެއްނުބުނީ ކީއްވެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިހާފީ

07 September 2021

ރާއްޖޭގައި އިގިރޭސި އެމްބަސީއެއް ހުރޭ- އިގިރޭސި ވިލާތުގައި ދިވެހި އެމްބަސީއެއްހުރޭ އެކަމަކު 11 ދުވަސްވީއިރު ނޫސްތަކަށް ސުވާލެއް ކޮށްލަން ނުކެރުނު، އީމޭލެއް ލިޔެނުލެވުނު.