13 ސެޕްޓެމްބަރ 2021 - 10:15
31 comments
ރާއްޖޭގައި އުޅޭ ބިދޭސީންގެ އަދަދު 281،000 އަށް އަރާފައިވާ ކަމަށާއި އޭގެ ތެރެއިން 100،000 އަށް ވުރެ ގިނައީ ބަންގްލަދޭޝްގެ މީހުން ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ރައްޔިތުންގެ މަޖިލީހުގައި މިއަދު ވިދާޅުވެއްޖެ އެވެ.
އޭނާ މިހެން ވިދާޅުވީ، ރާއްޖޭގައި ބިދޭސީން ދިރިއުޅޭ އަދަދާ ގުޅޭ ގޮތުން މެދު ހެންވޭރު ދާއިރާގެ އެމްޑީޕީގެ މެންބަރު އަލީ އާޒިމް ކުރެއްވި ސުވާލަކަށް ޖަވާބު ދެއްވަމުންނެވެ.
އިކޮނޮމިކް މިނިސްޓްރީން މިހާތަނަށް އެއްކުރި މައުލޫމާތުތަކަށް ބަލާއިރު 281،000 ބިދޭސީން އެބަތިބި ކަމަށާއި އޭގެ ތެރެއިން 63،754 ބަންގްލަދޭޝް މީހުން އުޅޭ ކަމަށް ރެކޯޑް ކުރެވިފައިވާ ކަމަށް ފައްޔާޒު ވިދާޅުވި އެވެ. ނަމަވެސް ގަވައިދާ ހިލާފަށް އުޅޭ އަދި ރަނގަޅަށް ސާފު ނުވާ ހިސާބުތައް ހިމަނައިގެން ބަންގްލަދޭޝް މީހުންގެ އަދަދު 100،000 އަށް ވުރެ ގިނަ ވެދާނެ ކަމަށް މިނިސްޓަރު ވިދާޅުވި އެވެ.
އެކަމަކު، އެކްސްޕެޓް ސިސްޓަމްގެ ތެރެއިން މައުލޫމާތު ރަނގަޅަށް ސާފު ކުރެވޭނެ ގޮތް އަދިވެސް ފަހިވެފައި ނުވާތީ ގަވައިދާ ހިލާފަށް އުޅޭ ބިދޭސީންގެ ސީދާ އަދަދެއް ކަށަވަރު ނުކުރެވޭ ކަމަށް ފައްޔާޒު ވިދާޅުވި އެވެ. ނަމަވެސް މިހާރު އޮތް ލިސްޓުގައި 70،000 މީހުން އެބަތިބި ކަމަށް އޭނާ ވިދާޅުވި އެވެ.
"އިމިގްރޭޝަނުން ފުރާއިރު ލިންކު ނުވެ އޮންނާތީ އަދިވެސް ސާފު ނުވޭ. ރެކޯޑު އަތުން ބަލަހައްޓާތީ، ބޯޑާ ހުރަސްކޮށް ދާ މީހާ އަޕްޑޭޓު ނުވާތީ، ރެކޯޑުތައް ހުންނަނީ ރަނގަޅަކަށް ނޫން. މި ގެންނަންމުންދާ ބަދަލުތަކާއެކީ އެކަން ސާފުވަމުން މިދަނީ،" ފައްޔާޒު ވިދާޅުވި އެވެ.
ފައްޔާޒް ރައްޔިތުންގެ މަޖިލީހުގެ ޖަލްސާއެއްގައި ވާހަކަ ދައްކަވަނީ.
ގަވައިދާ ހިލާފަށް އުޅޭ ބިދޭސީން ރީ-ރެގިއުލޭޓް ކުރުމަށް ސަރުކާރުން ހުޅުވައިލުމުން 43،000 ބިދޭސީން ރަޖިސްޓަރީ ކުރި ކަމަށް މިނިސްޓަރު ވިދާޅުވި އެވެ. އޭގެ ތެރެއިން 8،938 މީހުން އަމިއްލަ އަށް އެދިގެން ފުރުވައިލި ކަމަށާއި 15،000 މީހުން އަމިއްލަ އަށް ފުރައިގެން ދިޔަ ކަމަށް އޭނާ ވިދާޅުވި އެވެ. މިދިޔަ އަހަރާއި މި އަހަރު 3،000 މީހުން ފުރާފައިވާ ކަމަށް ވެސް މިނިސްޓަރު ވިދާޅުވި އެވެ.
"ކޮންމެ މީހަކާ ފޭސްޓު ފޭސް ކުރަން ޖެހޭ މަސައްކަތަކަށް ވާތީ ގަލޮޅުދަނޑުގައި އެކަން ކުރަމުން އައި. ނަމަވެސް ކޮވިޑާ ގުޅިގެން އެ މަސައްކަތް މެދު ކަނޑާލަން ޖެހުނީ،" ފައްޔާޒު ވިދާޅުވި އެވެ.
އޭނާ ވަނީ ކުރީގެ ރައީސް އަބްދުﷲ ޔާމީންގެ ސަރުކާރާއި އަދި މި ސަރުކާރުން ބިދޭސީން ގެނައުމުގެ ހުއްދަ ދޫކޮށްފައިވާ ވަރު ތަފާސްހިސާބުގެ އަލީގައި ރައްޔިތުންގެ މަޖިލީހުގެ މެމްބަރުންނަށް ވިދާޅުވެ ދެއްވައިފަ އެވެ.
އެގޮތުން ފައްޔާޒު ވިދާޅުވިގޮތުގައި 2013 އިން 2018 އާ ހަމައަށް ވަނީ ބަންގްލަދޭޝްގެ މީހުން ގެންނަން 115،800 ޕާމިޓް ދޫކޮށްފަ އެވެ. ނަމަވެސް މި ސަރުކާރުން 2019 އިން 2021 އާ ހަމައަށް ދޫކުރީ 11،113 ޕާމިޓް ކަމަށް ވިދާޅުވި އެވެ.
އިންޑިއާގެ މީހުން ގެންނަން 2013 އިން ފެށިގެން 2018 އާ ހަމައަށް 43،100 ޕާމިޓް ދޫކޮށްފައިވާ ކަމަށާއި 2019 އިން ފެށިގެން 2021 އާ ހަމަޔަށް 23،000 ޕާމިޓް ދޫކޮށްފައިވާ ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
13 September 2021
މިކަންހުއްޓުވުމަށާއި ޤައުމު ސަލާމަތްކުރުމަށްޓަކާ އިމިޤްރޭޝަންޤާނޫނު އިސްލާޙްކޮށް އީޔޫގެ ޤައުމުތަކާއި، ސްވިޓްޒަލެންޑް، އެމަރިކާ، ކެނަޑާ، ޗައިނާ، ޖެޕާން، ސިންގަޕޯރ، ކޮރެއާ، ސައުދީ، ޤަޓަރ، ކުވެއިތު، ޔޫއޭއީ، ސައުތުއެފްރިކާ، އޮސްޓްރޭލިއާ، ނިއުޒީލަންޑް، ރަޝިޔާ، އަދި އިންޑިޔާ އާއި ސްރީލަންކާގެ އޯލްޑިނެރީ ޕާސްޕޯޓް ހޮލްޑަރުންނަށްމެނުވީ އެޑްވާންސް ވީސާނެތި ރާއްޖެނާދެވޭގޮތަށްހަދާ އެހެންޤައުމުތަކުގެ އޯޑިނަރީ ޕާސްޕޯޓް ހޮލްޑަރުން ވީސާނަގާންޖެހޭގޮތަށް ހައްދަވާ.
ޢަލީބެ
13 September 2021
ކީއްވެ ނުބެލެންވީ. ކޮންމެ ކައުންސިލެއްގަ ބުނީމަ އެރަށެއްގަ އުޅޭ ބިދޭސީންގެ މައުލޫމާތުދޭނެ. މާލޭފަ ކުއްޔަށްއުޅޭ މީހުންގެ މައުލޫމާތު ގޭވެރިފަރާތުން ބަލަންޖެހޭގޮތް ހެދީމަ އެކަންވެސް ވާނެ.
ދިމާނުވޭ
13 September 2021
އިހަކަށް ދުވަހު މި ނޫހުގައި ކިޔާފަ އޮތް އަދަދުތަކާ މިހާރު ކިޔާފަ މިހިރަ އަދަދުތަކާ ދިމަލެއްނުވޭ.
އީމޮން
13 September 2021
ެޑޮލަރ ގަންނަން އެކްސްޗޭންޖް ކުރާތަނަކަށް ދިޔައީމަ ބޭރުގަ ހުންނަ ބަންގްލަދޭޝް މީހެއް ބުނަނީ ޑޮލަރ ލިބެނީ 17/65 އަށް، މިހާރާ ބަލާފަ އަގު ހެޔޮވީމަ، އެތަނަށް ވަތް އިރު ކައުންޓަރ ގަ އިނީ ދިވެހި އަންހެން ކުއްޖެއް. ޢޭނަ ކައިރީ ބަންގަލަދޭޝް މީހާ ބުނަނީ މީނަ އަށް ޑޮލަރ ދޭށޯ 17/65 އަށް. ކޮންޓްރޯލް ކުރަނީ ބަންގަލަދޭޝް މީހާ...
ފެންނަނީއޭ
13 September 2021
ބަންގާޅުން ގެނައުން ހުއްޓާލާ އިންޑިއާ އިން މީހުން ގެންނަނީ އެއްވެސް ހިފެހެއްޓުމެއް ނެތް މިންވަރަށޭ އިންޑިއާ އިން މިވަރަށް ރާއްޖެ އަށް މީހުން ގެނައުމަކީ އެއީ ރާއްޖޭގައި ދާާޚިލީ ހަމަނުޖެހުމަކަށް ކަން މަގުފަހިވާނެ ކަމެކޭ މާލެ އަތޮޅުގައި ހުރިއްޔާ ހުރި ހުރިހާ ރިސޯރޓްްސް ތައް އެއީ ސީދާ މިހާރު ލަންކާ އިންޑިއާ އަވަށް ތަކޭ އިތާފުށި ދެން ރީތި ރަށް ރިސޯރޓް ދެން ކުޑަ ހުރާ ދެން ހުޅުލެ އައިލެންޑް ހޮޓާ ދެން ހުވަފެންފުށި ދެން މެރިއޮޓް ފުލްމޫން ދެން ކްރޮސް ރޯޑް
ގައުމެއް ނެތް
13 September 2021
މާރުކޭޓްގައިވެސް ބޭރު މީހުން ، ކަންނެލީގައިވެސް ބޭރު މީހުން . ރިސޯޓް ރަނގަޅު ޖޮބުތަކުގައި ވެސް .
ހުއްޓުވޭނެ
13 September 2021
ހަގީގަތުގައި މިއީ ކޮންޓްރޯލުނުކުރެވޭނެ ކަމެއް ނޫން. ސަލާމަތީ ޚިދުމަތްތަކާއި އިމިގްރޭޝަނާއި މީރާއާއި ކަމާއިބެހޭ އެންމެން ގުޅިގެން މިމީހުންކުރާ ވިޔަފާރިތައް ހުއްޓުވޭނެ. ގަވާއިދާއި ޚިލާފަށް ރާއްޖޭގައި އުޅުން ހުއްޓުވޭނެ. ކޮންމެ އިދާރާއެއް ވަކި ސަރުކާރެއްގެ ގޮތުގައި މަސައްކަތްލުރާނަމަ ގައުމުގައި ހުރި މައްސަލަތަކައް އެދެވޭ ކުރިއެރުމެއް ނުލިބޭނެ. ގައުމުގައި ހުރި ބޮޑެތި މައްސަލަތައް ހައްލުކުރުމުގައި މުއައްސަސާތަކުގެ ގުޅުން ވަރުގަދަކުރުން މުހިއްމުވާނެ.
ސައިޚް
13 September 2021
ފައްޔާޒް، ހެޔޮނުވާނެ ތިހުރިހާ ބަންގާޅިން ބޭރުކޮއްދީބަލަ، އެކަކުވެސް ނުބަހައްޓާ ބޭރުއަރުވާލަދީބަލަ، ދިވެހިން ތާހިރު ދިރިއުޅުމެއް އުޅުނަދީބަލަ،
އަލީބެ
13 September 2021
ފައްޔާޒަކަށް ނުބުނެވޭނެ ތިމަންނައަކަށް ނޭނގެއެކޭ. އެއްމެ މީހަކު ގަވާއިދާ ހިލާފަށް އުޅުނަސް ފައްޔާޒު ޒިންމާވާން ޖެހޭނެ.
އޮނަރަބްލް އަފީފު ދީދީ
13 September 2021
ކަމުގެ ސީރިއަސްކަން ނޭގޭތީ ވަޒީރުންވެސް މިފަދަ މީހުންނަކީ "ޤަވާއިދާއި ޙިލާފަށް އުޅޭ މީހުންކަމަށް" ބުނަނީ. # ތިޔަ ބުނާ ޤަވާއިދާއި ޙިލާފު މީހުންނަކީ މި ދައުލަތުގެ ޤާނޫނާއި ބައިނަލްއަޤުވާނީ އެންމެހާ ޤާނޫނުތަކާއި ހިލާފަށް ރާއްޖެއަށް އެތެރެވެ "ވަގަށް" ރާއްޖޭގައި ފިލާތިބި ބައެއްނޫންތޯ؟ މިފަދަ ހާލަތެއްގައި ތިބިބަޔަކީ "ޤަވާއިދާއި ޙިލާފަށް" ތިބި ބައެއްކަމަށް ބުނުމުން އެމީހުން ކޮށްގެން ތިބި ކުށުގެ ދަރަޖަ އެތައްތަނަކުން ލުއިވެ ސީރިއަސްކަން ކުޑަވެގެންދޭ.
ހާސަރު
13 September 2021
ގަވައިދާ ޚިލާފަށް އުޅޭމީހުން އުޅެނީ މަގުމަތިން މަސައްކަތް ލިބޭތީ ، މަގުމަތިން މަސައްކަތު މީހުން ނަގަނީ ވަގުތީ މަސައްކަތްްތައް ކުރާނެ ބަޔަކު ލިބެން ނެތީމަ . ހައްލު ވަރަށް ސިމްޕަލް މީހުން ވަގުތީމަސައްކަތް ތަކަށް ލިބޭނެ އިންތިޒާމެއް ގަވައިދުގެ ތެރެއިން ހަދަންވީ . އެކަމަށް ރަޖިސްޓްރީ ކޮށްގެން މީހުން "ކުއްޔަށް" ނެގޭނެ ގޮތް ހަދަންވީ.