ހިޔާ ފްލެޓްތައް: މީހެއްގެ އަތުން އަތުލި ފްލެޓެއް އެހެން މީހަކަށް ނުދޭން ކޯޓުން ވަނީ އަމުރު ކޮށްފައި --- ފޮޓޯ/މިހާރު
14 ސެޕްޓެމްބަރ 2021 - 19:48
9 comments
ހިޔާ މަޝްރޫއު އިން ފްލެޓް ލިބިފައި އޮއްވައި ފްލެޓް ގެއްލުނު މީހަކު ދައުވާކުރުމުން، އެހެން މީހަކަށް އެ ފްލެޓް ނުދީ މަޑުޖައްސާލަން ހައި ކޯޓުން މިއަދު ވަގުތީ އަމުރެއް ނެރެފި އެވެ.
ހިޔާ މަޝްރޫއުގެ ދަށުން ސިވިލް ސާވިސް މުވައްޒަފުންނަށް ޚާއްސަކުރި ސަޕޯޓް ސާވިސް ކެޓަގަރީން މީހަކަށް ފްލެޓް ލިބިފައިވާކަން އަންގާފައިވާ ވަނިކޮށް ފަހުން ސަރުކާރުން ވަނީ އޭނާއަށް ފްލެޓް ނުދޭން ނިންމައިފަ އެވެ. އެ ފްލެޓް ހޯދަން އެ މީހާގެ ފަރާތުން ސިވިލް ކޯޓަށް ހުށަހެޅި މައްސަލާގައި، އެ މައްސަލަ ނިމެންދެން އެހެން ފަރާތަކަށް އެ ފްލެޓް ނުދޭން ވަގުތީ އަމުރެއް ނެރެން އެ މީހާގެ ފަރާތުން އެދުނެވެ. އެކަމަކު ސިވިލް ކޯޓުން ނިންމީ އެފަދަ އަމުރެއް ނެރެނުދެވޭނެ ކަމަށެވެ.
އެ މައްސަލަ އެ މީހާގެ ފަރާތުން ހައި ކޯޓުގައި އިސްތިއުނާފް ކުރުމުން އެ ކޯޓުން މިއަދު ކުރި ހުކުމުގައިވަނީ މައްސަލަ ނިމޭ ގޮތަކުން އެ މީހާއަށް އަލުން ފްލެޓް ދޭން ޖެހިއްޖެ ނަމަ، އެ މީހާއަށް އަވަސް މުއްދަތެއްގެ ތެރޭގައި ފްލެޓެއް ދެވޭނެ ކަމުގެ ޔަގީންކަން ދައުލަތުން ދީފައި ނުވާ ކަމަށެވެ. އަދި އެފަދަ ހާލަތެއް ކުރިމަތިވެއްޖެ ނަމަ، އެއީ އެ މީހާއަށް އިއާދަ ނުކުރެވޭނެ ގެއްލުންތަކެއް ލިބިގެންދާނެ ކަމެއް ކަމަށާއި އެހެންވެ، އޭނާއަށް ހިމާޔަތް ލިބެންޖެހޭ މައުޟޫއީ ހައްގެއް އެބައޮތް ކަމަށް އެ ހުކުމުގައިިވެ އެވެ.
އެކަންކަން ފާހަގަކޮށް، އެ މައްސަލަ ބެއްލެވި ތިން ފަނޑިޔާރުންގެ އިއްތިފާގުން ކުރެއްވި ހުކުމުގައިވަނީ ފްލެޓް ލިބޭނެ މީހުންގެ ލިސްޓުގައި އޭނާގެ ނަން އޮތް އޮތުން ތަންފީޒު ކުރަން ހުރަސް އެޅޭނެ އެއްވެސް ކަމެއް ނުކުރަން ހައުސިން މިނިސްޓްރީ އާއި ކަމާބެހޭ މުއައްސަސާތަކުގެ މައްޗަށް އަންގާ ކަމަށެވެ.
ފަނޑިޔާރު އަލީ ސަމީރު ރިޔާސަތު ބެލެހެއްޓެވި އެ މައްސަލަ ބެލި ބެންޗުގައި ދެން ތިއްބެވީ ފަނޑިޔާރު ޝުއައިބު ހުސައިން ޒަކަރިއްޔާ އާއި ފަނޑިޔާރު ހުސައިން ޝަހީދެވެ.
މިއީ ހިޔާ މަޝްރޫއުގެ ފްލެޓެއް ގެއްލުނު މީހެއްގެ މައްސަލާގައި ކޯޓަކުން އެފަދަ އަމުރެއް ނެރުނު ފުރަތަމަ ފަހަރެވެ. އެ މަޝްރޫއުގެ ދަށުން ފްލެޓް ލިބުނު މީހުންނާ އެކު އެއްބަސްވުން ހެދުމަށްފަހު އެތަން ހަވާލު ކޮށްފައިވާއިރު، ގިނަ ބަޔަކު މިހާރު ދަނީ އެތަނަށް ބަދަލުވުމަށްޓަކައި ކުރަންޖެހޭ މަސައްކަތް ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
16 September 2021
ދިރިއުޅެން ދޭ ފުލެޓުތައް ކުއްޔަން ދިނުން ހުއްޓުވުމަށް ކޯޓަށް ދާން ޖެހޭ އެބަ. ތިމާއުޅެން އެތަން ކަމު ނުދާނަމަ ދޫކޮށްލަން ޖެހޭނީ. ކުއްޔަށް ދީގެން މާލީ ފައިދާ ނެގުން ރަނގަޅެއްނޫން. އެފަދަ މަގު ހުޅުވިފައިވާނަމަ މަހުޖަނުން ވެސް " ކޮތަރު ކޮށިން " ނާއި " ކުކުޅު ކޮށިން " ވެސް ކޮޓަރި ހޯދާފައި ކުއްޔަށް ދީގެން ފައިސާ ހޯދާނެ.
އޮނަރަބްލް އަފީފު ދީދީ
16 September 2021
ސޯޝަލް ހައުސިންގ ސްކީމްގައި ހުރި ނާޖާއިޒު މަންފާލިބޭ ކަންކަންހުއްޓުވާން ރައްޔިތުންގެފަރާތުން ޝަރުޢީމަރުހަލާއަށް ދިއުމަކީ ރަނގަޅުކަމެއް. # ދައުލަތުން ޙަރަދުކޮށްގެން ހަދާ "ސޯޝަލް ހައުސިންގ ފްލެޓް ތަކަކީ ވަކިރަށެއްގެ މީހުނަށް އާމްދަނީ ހޯދަން ސަރުކާރުން ވެދުމަކަށް ދޭތަންތަން" ކަމުގައި އޮތް އޮތުމަށް ނިމުން ގެނެވޭނީވެސް މިހެން ހަދައިގެން. # ހުކުމުގައި "ސޯޝަލް ހައުސިންގ އަށް ދޮގު މައުލޫމާތު ދިނުމަކީ ހުއްދަކަމެއް ނޫންކަމަށް" ކަޑައަޅާފައި ނިންމަވާދެއްވާ.
ގާޒީ
15 September 2021
އެމްމެން ވެސް ހަދަންވީ ގޮތަކީ 2 ބުރުން ފުލެޓަށް ފޯމްލާއިގެން 2 މަފިރިންނަށް 2 ފުލެޓް ހޯދަންވީ މީ އިންސާފް
ބުރުނީ ހުސޭނު
15 September 2021
ދެމަފިރިންނަށް 2ބުރުން 2 ފްލެޓް ދީގެން ފްލެޓް ކުއްޔަށް ދީގެން އާމްދަނީ ހޯދާ މީހުންގެ ޝަކުވާ ހުށަހަޅާނެ ފޯނު ލައިނެއް ބުނެބަލަ މިނިސްޓްރީން، އެއީ ގައިމުވެސް އެހެން ޢާއިލާއެއްގެ ޙައްޤެއް ނޫންތަ. މޑޕ ވެރިކަމެއްގަވިއްޔާ އަބަދުވެސް އުޅޭނީ ސިވިލްސާވަންޓުނަށް ދެރައެއް ނުދެވިގެން.
ހިދުމަތުގެ އަމުރު
15 September 2021
ހިންގުމުގެ ފުރިހަމަ ނިޒާމެއްގެ އިންތިޒާރުގައި ވީމެވެ. ނުފޫޒަށާއި ރިޝްވަތުން ކަންކުރަން ބޭނުމެއް ނޫނެވެ. މަގޭވެސް ގައުމެވެ. ސަރުކާރުގެ މިނިސްޓްރީ އަކަށް ހިދްމަތަކަށް އެދި ފޯމެއްލުމުން ހަބަރެއްނުވެ އެތަކެއް ހަފްތާތަކެއް ދުއްވާލާ، ގުޅީމަ އެކަކު އަނެކަކުގެ ނަންބަރުދީފަ، ހަބަރެއްނުވެ ދަންޏާ ކިހިނެއްތަ ހަދަންޖެހެނީ މިގައުމުގަ؟އިގޭ ކުއްޖަކު ބުނެލަދީބަލަ.
ސާސްތު
14 September 2021
މީގެ ހެއްވާ ކަމަކީ އިބްރާހިމް 2 އަހަރާއި 6 މަސްދުވަސް ވަންދެން މުސާރަދީ އެބުނާ" އިބްރާހިމްގެ އިންސާފްވެރި ފުލެޓް ކޮމިޓީން" އެމީހަކީ ފުލެޓް ހައްގުވާ މީހެއްކަން ކަނޑައަޅާ ކޮންނަ ވަރަކަށްކޮނެ، ވަގުތީ އަދި ދާއިމީ ލިސްޓުގަ ނަން ހިމަނާ ގެޒެޓްކޮށްފައިވާކަން، މިގޮތަށް އަމަލުކޮށްފައިވާ ހުރިހާ ސިވިލް ސަރވަންޓުންނަށް ވަގުތުން ފުލްޓް ހަވާލުކުރުމަށް ސާލިހުއަށް ހަރުއަޑުން ގޮވާލަން!
ތަސް
14 September 2021
ހަގީގަތުގައި މިއީ ސިވިލް ސަރވަންޓުންގެ ތެރެއިން ދާއިމީ ލިސްޓުގައި ނަން ހިމަނައި ގެޒެޓް ކުރުމަށް ފަހު އެއްމެ ފަހުވަގުތު ފުލެޓް ނުދީތިބި ފަރާތްތަކަށް ލިބޭ ކުޑަނަމަވެސް ހިންހަމަޖެހުމެއް! ހުރިހާ މަރުހަލާއަކަށް ފަހު ސަރުކާރުން އިތުރު ޝަރުތެއް ކުރިމަތިކޮށް ބޯހިޔާވަހިކަމުގެ އަސާސީ ހައްގު ނިގުޅައިގަތުމަކީ ވަރަށްބޮޑު ޖަރީމާއެއް! ކޯޓުތަކުން މިކަމަށް އިންސާފު ހޯދާދޭންޖެހޭ!
ބަބުރަންޖީ ހާޖީ
14 September 2021
ސުރުހީ ފުރަތަމަފެނުމުން ހީކުރީ ލިބިފައިއޮތްފުލެޓެއް އެހެންމީހަކަށް ކުއްޔަށްނުދިނުމަށް އަމުރުއައީކަމަށް. އެކަމަކު މުޅިންހެންކަމެއް މިއުޅެނީ.
ޖެކް
14 September 2021
މީ ވަރަށް ރަނގަޅު ހުކުމެއް! ސިވިލް ކޯޓުން އެބަޖެހޭ ރަނގަޅަށް ހުކުމްކުރަން ކެރެން! ރިސޯޓް ހަދަން ރަށްތައް ދީ ދައުލަތުން އެރަށްތައް އަތުލުމުން ސިވިލް ކޯޓުން ވަރަށް ފަސޭހައިން މަހުޖަނުންނާ އެއްކޮޅަށް ބަދަލުދޭން ހުކުމް ކުރޭ! އެކަމަކު ނިކަމަތި ސިވިލް ސަރަވަންޓަކަށް ފުލުޓް " އިބްރާހިމްގެ އިންސާފްވެރި ފުލެޓް ކޮމިޓީ" ލިބި ދާއިމީ ލިސްޓުގަ ގެޒެޓް ކޮށް ނުދީ މި ތިބެނީ ސަރުކާރުން! މިހެން ނެހެދޭނެ މީ ސަދޫމްތަ؟ ސާބަސް ހައިކޯޓް!