އާދިއްތަ ދުވަހު މަސައްކަތަށް ނުކުންނާނީ ކަޅު ހެދުމުގައި. ސަރުކާރުން ޖަވާބުދާރީ ނުވެއްޖެ ނަމަ ޖެހިގެން އަންނަ ހޯމަ ދުވަހު މަސައްކަތް ހުއްޓާލައި އިހުތިޖާޖުކުރާނެ
ދައުލަތުގެ އެންމެ ގިނަ އޮފީސްތައް ހުންނަ ވެލާނާގޭ ބިލްޑިންގަށް ބަޔަކު ވަންނަނީ.-- ފައިލް ފޮޓޯ: މިހާރު
16 ސެޕްޓެމްބަރ 2021 - 16:09
87 comments
މުސާރައިގެ މައްސަލައިގައި ސިވިލް ސާވެންޓުން އަންނަ ހަފުތާގައި މުޒާހަރާކުރަން ނިންމައިފި އެވެ.
ދިވެހި ސިވިލް ސާވެންޓު އެސޯސިއޭޝަނުން ބުނީ އަންނަ އާދިއްތަ ދުވަހު މަސައްކަތަށް ނުކުންނާނީ ކަޅު ހެދުމުގައި ކަމަށާއި ސަރުކާރުން ޖަވާބުދާރީ ނުވެއްޖެ ނަމަ ޖެހިގެން އަންނަ ހޯމަ ދުވަހު މަސައްކަތް ހުއްޓާލައި އިހުތިޖާޖުކުރާނެ ކަމަށެވެ.
"އަޅުގަނޑުމެން ސިވިލް ސާވިސްގެ އެންމެހާ މުވައްޒަފުން މި ތިބީ އެކުގައި،" އެ އެސޯސިއޭޝަނުން ވާހަކަދެއްކި އޮފިޝަލަކު ވިދާޅުވި އެވެ.
ސިވިލް ސާވެންޓުން ސަރުކާރަށް ކުރާ ޑިމާންޑުތަކުގެ ތެރޭގައި؛
- ދަށް ފަންތީގެ މުވައްޒަފުންގެ މުސާރަ ބޮޑުކުރުން
- ސެޓްފިކެޓް ހުށަހެޅުމުން ވަޒީފާގެ ކުރިއެރުން ލިބޭގޮތް ހެދުން
- ސިޔާސީ މަގާމުތަކުގައި ތިއްބަވާ ބޭފުޅުންނަށް ލިބޭ ގޮތަށް ސިވިލް ސާވެންޓުންނަށް ވެސް ލިވިން އެލަވަންސް ލިބުން
- މިނިމަމް ވޭޖު އަވަސްކޮށްދިނުން
- ސްކޫލުތަކުގެ އިދާރީ މުވައްޒަފުންނަށް އިތުރު އެލަވަންސެއް ހަމަޖައްސައިދިނުން
އޮފިޝަލް ވިދާޅުވީ އަންހެނުން ކޮމިޓީގެ މުސާރަ ދެގުނައަށް ބޮޑުކުރެވޭ އިރު ސިވިލް ސާވެންޓުން ދުވާލު ހަތަރުދަމު މަސައްކަތްކުރާ މުވައްޒަފުންގެ މުސާރަ ބޮޑުނުކޮށް ދެވެންވީ ސަބަބެއް ނެތް ކަމަށެވެ.
"ސިވިލް ސާވިސް ކޮމިޝަނުން މިކަން ހައްލުކޮށްދޭން މަސައްކަތް ކުރައްވާ ތަނެއް ނުފެނޭ. ސިޔާސީ ބޭފުޅަކު މި ވާހަކަ ދައްކާ އަޑެއް ނީވޭ. މި ފަހަރު އަޅުގަނޑުމެންގެ ހައްގުތައް ހޯދަން މި ތެދުވީ އަޅުގަނޑުމެން،" އޭނާ ވިދާޅުވި އެވެ.
އެސޯސިއޭޝަނުން ބުނީ އެ އިހުތިޖާޖުގައި މީހުން ދިރިއުޅޭ ހުރިހާ ރަށަކުން މީހުން ބައިވެރިވާނެ ކަމަށެވެ. އަދި ސިވިލް ސާވެންޓުންނަކީ އަގެއް ހުރި ބައެއްކަން ސަރުކާރުން ބަލައިގަންނަންޖެހޭ ކަމަށާއި ކުރާ މަސައްކަތުގެ އަގު ވަޒަންކޮށް ކޮންމެ އަހަރަކު ވެސް ބޯނަސް ދޭންޖެހޭ ކަމަށް އޮފިޝަލް ވިދާޅުވި އެވެ.
މުސާރައިގެ މައްސަލައިގައި ސިވިލް ސާވެންޓުން އިހުތިޖާޖަށް ނުކުންނަން ނިންމިއިރު، ޕައިލެޓުންގެ މުސާރަ އަދި ޑޮކްޓަރުންނާއި ނަރުހުންނަށް ވަޒީފާގެ ކުރިއެރުން ނުލިބި ލަސްވަމުންދާތީ ރައީސް އިބްރާހިމް މުހައްމަދު ސޯލިހުއާ ބައްދަލުކުރައްވާފައިވެ އެވެ. އެ މައްސަލަތަކަށް ހައްލު ހޯއްދަވައިދެއްވާނެ ކަމުގެ ރައީސް ވަނީ ދެއްވައިފަ އެވެ.
ޕައިލެޓުންގެ އެންމެ ބޮޑު ކަންބޮޑުވުމަކީ ކޮވިޑު-19 އާ ގުޅިގެން ކުޑަކުރި މުސާރަ އިއާދަ ނުކޮށްދިނުމެވެ. އިގުތިސޯދީ ގޮތުން ކުރިމަތިވި ދަތި ހާލަތާ ގުޅިގެން ޕައިލެޓުންގެ މުސާރައިގެ 40 ޕަސެންޓު ކުޑަކުރި އެވެ. ނަމަވެސް އެ ބައްދަލުވުންތަކަށްފަހު ސަރުކާރުން ވަނީ އަންނަ މަހު މުސާރައިގެ 80 ޕަސެންޓު އަދި އަންނަ ޑިސެމްބަރު މަހަށް ފަހު ބާކީ ބައި ޕައިލެޓުންގެ މުސާރަ އަށް އިތުރުކުރަން ނިންމައިފަ އެވެ.
އެ އަށްފަހު، އައިޖީއެމްއެޗްގެ ޑޮކްޓަރުންނާއި ނަރުހުން ވެސް ވަނީ ފަންނީ އޮނިގަނޑުތަކުގެ ވަޒީފާތަކުގައި ތިބި މީހުންނަށް ޕާފޯމަންސް އެޕްރެއިސަލްއަށް ރިއާޔަތްކޮށް ދޭ ގްރޭޑް ކުރިއެރުން ދިނުން ވަގުތީ ގޮތުން މަޑުޖައްސާލުމުން އެކަމުގެ ކަންބޮޑުވުންތައް ހިއްސާކޮށް ރައީސަށް އިއްޔެ ޕެޓިޝަނެއް ހުށަހަޅައިފަ އެވެ.
އެކަމާ ގުޅިގެން ރައީސް އޮފީހުގައި މިއަދު ބޭއްވި ބައްދަލުވުމާ ގުޅޭގޮތުން، ތަރުޖަމާނު މަބްރޫކް އަޒީޒް ވިދާޅުވީ ޕްރޮމޯޝަން ދިނުން މެދުކަނޑާލަން އެންގުމަކީ މިދިޔަ އަހަރު މާޗު މަހު ހިސާބުގައި ކޮވިޑާ ގުޅިގެން އެޅި ފިޔަވަޅެއް ކަމަށެވެ. ނަމަވެސް އެއީ ވަގުތީ ނިންމުމެއް ކަމަށާއި މާލީ ހާލަަތު ރަނގަޅުވަމުން އަންނަ މިންވަރަކުން އެކަންތައް ބަދަލު ކުރައްވާނެ ކަމަށް އޭނާ ވިދާޅުވި އެވެ.
އަންނަ އަހަރު އެންމެ އަވަހަށް މުސާރައިގެ އޮނިގަނޑަށް ބަދަލު ގެންނާނީ ސިއްހީ އަދި ތައުލީމީ ދާއިރާގެ މުވައްޒަފުންނަށް ކަމަށާއި އިތުރަށް ރަނގަޅު ކުރެވެން ހުރި ކަންކަން ބަލައި މައްސަލަތަކަށް ހައްލު ހޯދައިދެއްވާނެ ކަމުގެ ޔަގީންކަން ރައީސް ދެއްވާފައިވާ ކަމަށް ވެސް މަބްރޫކް ވިދާޅުވި އެވެ.
ސިވިލް ސާވެންޓުންގެ ގޮތުގައި މި ވަގުތު 26،668 މުވައްޒަފުން އެބަތިއްބެވެ. އޭގެ ތެރޭގައި ގިނައީ އަންހެނުންނެވެ. އެއީ 16،593 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޑަ
18 September 2021
މުސާރަ އަކީ ރާސްލާފައި ބޮޑުކުރަންވީ އެއްޗެއް ނުން، އޭގެ ސަބަބުން އިޤްތިޞާދު ހަލާކުވާނީ، ދެމެހެއްޓެނިވި ގޮތަކަށް މުސާރަ ބޮޑުވަމުން ދާންވީ، ސިވިލް ސާވަންޓުންނަށް ދޭ ބޯނަސްގެ ބަދަލުގައި ބޭސިކު ސެލެރީ ވަކި ޕަސެންޓަކަށް ބޮޑުވަމުން ދާންވީ، އޭރުން، މުސާރަތައް ދާނީ ބޮޑުވަމުން އޭގެ ޒާތުގައި. މައްސަލައަކީ މުސާރަ ބޮޑުވާނެ އެފަދަ އުޞޫލެއް ނެތުމުން. ކުއްލިއަކަށް ދޭ އެކިއެކި އެލަވަންސްތަކާއި ބޮޑު މުސާރައިން މިހާތަނަށް ވެފައި ހުރީ ބޮޑު ގެއްލުން.
ބޮޑޮމަނިކު
17 September 2021
ގައުމެއް ހިންގަން ރަނގަޅުވާނީ އޮބިނޯންނަ ވަރުގެ ބޮޑުމުސާރަދެވޭ މަގާމުތަކާ އަދަދު ނުކުރެވޭ ގިނަމިނިވަން މުއައްސަސާތަކާ އެކިޒާތުގެ ކޮމެޓީތަކާ ނުކުޅަދާނަ ވާވަރަށް ދަރަނިވެރިވެ ލޭންދޭނު ޖަހައިގެން ކަންނޭނގެއެވެ. ރަނގަޅަށްވެސް އެހެން ނިޒާމެއް އޮންނަންޖެހެއެވެ.ވަޒީފާ އަދާކުރާ ބައެއް ފަންތިތަކުގެ ފަކީރުންގެހާލުއެނގި ހަމަ ދެރަވަނީއެވެ.
މަދަނީންނޭ
17 September 2021
ނުދެނެ ހުރިން
ދުއްމާރި
17 September 2021
ރާއްޖޭގެ އާއި މުޅި ދުނިޔެ އިގްތިސާދީގޮތުން މިހާ ދަތި ދުވަސްވަރެއްގަ ކޮންމެ ކަމަކަށް ޖަމުއިއްޔާ ހަދައިފެން ސަރުކާރަށް ޕްރެޝަރ ކުރަނީ ރައްޔިތުންނަށް ހެޔޮއެދޭ ބައެއްކަމަކަށް ގަބޫލެއްނުކުރަން. ވަޒިފާ އަދާކުރާމީހުން އެކަންޏެއްނޫން، ހުރިހާއެންމެންގެވެސް ދަތިވާނެ. އެބަޔަކުކުރާ މަސައްކަތުން ލިބޭ އާމްދަނީ ދައްވާނެ. ރާއްޖެޔަށް އާމްދަނީލިބޭ އެންމެ ބޮޑު އިންޑަސްޓްރިޔަކީ ޓޫރިޒަމް، ދުނިޔޭގެ އެތައްގައުމަކުން އަދިވެސް ޓޫރިސްޓުން ރާއްޖެއައުން ވަނީ މަޑުޖައްސާލާފަ.
ދިޔާސީ މީހުން.
17 September 2021
އާނ. އެހެންވެތާ އެ ސިޔާސީ މުވައްޒަފުން ނަގަނީ ނުކަތާ ވަރަށް. އެއިން ކޮންމެ މީހަކު ގެންދާނެ މަދު ވެގެން ބައި ލައްކަ މަހަކު. އެ މީހުން ނެގުން ހުއްޓައެއް ނުލާ. އެކަމަކު ކުރާނީ ގިނަ. މިހާރު ވެސް 350 ވުރެ ގިނަ މީހުން އުޅޭތޯއްޗެއް ?
@ ދުއްމާރިއަށް ރައްދު
17 September 2021
ދަތި ދުވަސްވަރުގަ ފާސްކުރި ގާނޫނުގަ ކަނޑައަޅާފަ އޮތް މުސާރަ ކަމު ނުގިސްގެން ބޮޑުކުރީ ކީއްވެތޭ އަންހެނުންގެ ކޮމެޓީއަށް ހަމަ އެހެން ކަނޑައަޅާފަ އޮތް މުސާރަ ބޮޑުކުރީ ދެނޯ
ހަސަނާއި
17 September 2021
ތި އިހުތިޖާޖުގައި އެންމެ ބޮޑު ދެ މިނިސްޓްރީން ބައިވެރި ނުވާނެ. ޕްލޭނިންގ އާއި ފިނޭންސްގެ ކޮންމެ މުވައްޒަފަކާށް %35 ކުރިއެރުމެއް ދީގެން އުޅެނީ.
ގައުމުގެދޫ
17 September 2021
ގައުމު ހަލާކުރީ ސިޔާސީ މީހުން. އެ މީހުން ބޭނުންވަރަކަށް މުސާރަ ހަދާފައި ކުންފުނިތަކުގެ އެމްޑީންނަށް މަހަކު ދޮޅުލައްކަރުފިޔާގެ މުސާރަ ހެދީ ކޮންކަމެއް ކުރާތީތަ! މަޖިލީހުގެ މެންބަރުންގެ މުސާރަ 82ހާހަށް އަރުވާނީ ކޮންކަމެއް ކުރާތީތަ! މިނިވަން މުވައްސަސާއޭކިޔާ ތަންތަން ހަދާފައި މީހަކަށް ބައިލައްކައެއްހައި ރުފިޔާގެ މުސާރަހެދީ ކޮންކަމެއް ކުރަންތަ! ރައްޔިތުންނަށް ޚިދުމަތްދޭން އޮތް ސިވިލް ސަރވަންޓުންނަށް މަހަކު 5 ހާސް ރުފިޔާ ހަމަނުވާތާ 13 އަހަރުވެއްޖެ.
ސަލަފު ފާތުމަ
17 September 2021
މިއޮތީ ކުޅި ގަނޑެއް ފެށި ފައި. ޕއްިލެޓުން . ޑަކުތަރުން. ސިވިލް ސާވަންޓުން ދެން މާދަމާ ކުންފުނި ތަކުގެ މުވައްޒަފުން....ކިހާ ދެރަކަމެއް...
ފަހުދު
17 September 2021
ރައްޔިތުންނައް ޚިދްމަތް ދޭން ބޭނުންނުވާ މީހުންނަކީ ސިވިލް ސާވަންޓުން ނުވަތަ ރައްޔިތުންގެ ޚިދްމަތް ތެރިންނެއް ނޫން. ވަޒީފާއައް ނުކުންނަން ބޭނުންނުވާ މީހުން ވަގުތުން ވަޒީފާއިން ވަކިކުރަން ގޮވާލަން. ހަމަ ޔަގީނުންވެސް އެތާންގަ ތިބޭނެ ރައްޔިތުންނައް ޚިދްމަތް ދޭން ބޭނުންވާނެ މީހުން. ތިތަނުން %75 މީހުންނަކީ މިހާރުވެސް ހައްދަވައިގެން ކަމެއް ކުރާ ބައެއްނޫން. އެމީހުންގެ މުސާރައައްވީބައި ދެންތިބި %25 މީހުންނައް ދިނީމަ ނިމުނީ. ހައްގުވެރިންނަކީ އެއީ.
ބުރިޓޯ އަލީ
17 September 2021
100% ގެ ވާހަކައެއް
ޚިޔާލީ
17 September 2021
ސިވިލް ސަރވިސްގަ މަސައްކަތް ކުރަނީ 26600 މުވައްޒަފުން ގާތް ގަނޑަކަށް. ކިހިނެއް ވާނެ ސިޔާސީ މުވައްޒަފުން އަދި މަޖިލިސް މެމްބަރުގެ މުސާރައިން އެންމެ 1000 ކަނޑާފަ، ދަށު ފަންތީގެ ގަނަ ތެޅޭ ލެވެލް ގެ މުވައްޒަފުންނަށް އެއްހަމައަކަށް ބަހާލިއްޔަ؟ އަދި އިތުރަށް ދެތިން ސިޔާސީ މުވައްޒަފުން މަދު ކުރިއްޔާ އެ ބައިން އެކަނި ވެސް ލިބޭނެ މިލިެަނއްހާ ރުފިޔާ މަހަކު. އެއް ރުފިޔާ ވެސް ބޮޑު ވިއްޔާ ރަނގަޅު ތާ.
ޙަބީބު
17 September 2021
ާހަމަތިގޮތް ރިސޯޓު މުވައްޒަފުންނައްވެސް އެތައް މަސްތަކެއް އަނބިދަރިންނާ ދުރުގަ ވަޒިފާ އަދަކުރާއިރު މުވައްޒަފުންގެ އެކަމަޑެޝަން ހުންނަންވިގޮތާ މިހަބޮޑު ބުރައެއް އުފުލައިގެން ގައުމައް ބެނުންވާ ޑޮލަރު ވައްދަދެއިރު އެދައިރާގެ މުވައްޒަފުންނައް ހަމަޖައްސަންވާނެ އެލަވަންސްތަކާ ބޭންކުތަކުން ރިސޯޓު މުވައްޒަފުންނައް ލުއިފަސޭހަ ގޮތަކައް ލޮނުދިނުން ފަދަ ކަންކަންވެސް ހައްުލު ކޮއްދޭންޖެހޭ އެހެންނޫން ކަމުގަވާނަމަ ރިސޯޓު ތަކުގަވެސް މުޒާހަރާ ކުރންޖެހޭ