ޓޫރިޒަމް މިނިސްޓަރު ޑރ. އަބްދުﷲ މައުސޫމް ފޯރަމްއެއްގެ ތެރެއިން. ޔޫކޭ ޓޫރިސްޓުން ވަރަށް ބޮޑަށް އިތުރުވާނެ--ފޮޓޯ: މިހާރު
18 ސެޕްޓެމްބަރ 2021 - 10:25
14 comments
އިނގިރޭސި ވިލާތުގެ ރެޑްލިސްޓުން މިހާރު ރާއްޖެ އުނިކޮށްފައިވާއިރު، ދެން ރާއްޖެ އަންނަ ފްލައިޓްތައް އެ ގައުމުގެ ޓޫރިސްޓުންނާ އެކު ފުރައިލާނެ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް މިއަދު ވިދާޅުވެއްޖެ އެވެ.
"މިހާރު" އާ ވާހަކަ ދައްކަވަމުން މައުސޫމް ވިދާޅުވީ، އިނގިރޭސި ވިލާތުގެ ރެޑްލިސްޓުން ރާއްޖެ ނެގުމުން މިހާރަށް ވުރެ ވެސް ޓޫރިސްޓުން އަންނަ ވަރު އިތުރުވާނެ ކަމަށެވެ.
"ކުރިއަށް މި އޮތް ހަފުތާގައި ފްލައިޓްތައް އިތުރު ވާން ފެށުމުން އަދަދެެއް އަންދާޒާ ކޮށްލެވޭނެ،" އޭނާ ވިދާޅުވި އެވެ.
މައުސޫމު ވިދާޅުވިގޮތުގައި، ވެލާނާ އިންޓަނޭޝަނަލް އެއާޕޯޓުގެ ތާށިކަން ހައްލުކުރަށް އެމްއޭސީއެލްއާ އެކު އަންނަނީ މަސައްކަތްތަކެއް ކުރަމުންނެވެ. އެ ކަމަށް ހައްލުތަކެއް ވަރަށް އަވަހަށް ލިބޭނެ ކަމަށް އޭނާ ވިދާޅުވި އެވެ
މި އަހަރުގެ މޭ މަހުގެ ނިޔަލަށް ރާއްޖެ އަށް އެވްރެޖުކޮށް 2،500 ޓޫރިސްޓުން އިނގިރޭސި ވިލާތުން އަ އެވެ. މިއީ ކޮވިޑްގެ މި ހާލަތުގައި ރާއްޖެ އަށް އަންނަ ޓޫރިސްޓުންގެ ނިސްބަތަށް ބަލާ އިރު ވަރަށް ބޮޑު އަދަދެކެވެ.
ރާއްޖޭގެ ކޮވިޑްގެ ހާލަތު މޭ މަހު ގޯސްވުމާއެކު، އިނގިރޭސި ވިލާތުން ދަތުރުކުރުން މަނާ ގައުމުތަކުގެ ލިސްޓަށް ރާއްޖެ އިތުރުކުރި އެވެ. އެއާ އެކު އެ ގައުމުން ޓޫރިސްޓުން އަންނަ ވަރު މިދިޔަ ޖޫން މަހު 500 އަށް ތިރި އެވެ.
ރެޑް ލިސްޓުން ރާއްޖެ އުނިވުމުން އިނގިރޭސި ވިލާތަށް އެނބުރި ގޮސް ކަރަންޓީން ވާން ޖެހޭނީ ހޮޓަލުގެ ބަދަލުގައި އެ މީހަކު އުޅޭ ގެއެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިނބޫ
18 September 2021
???? ޕައުންޑް ހިފައިގެން އައްޑުއަށް ފުރަން ކަލޭ ތައްޔާރުވާންވީނު. ޖަކަކަކެކެ
އޮނަރަބްލް އަފީފު ދީދީ
18 September 2021
ރައީސް ކަމާއި ވަޒީރު ކަމަކީވެސް ވަގުތު ކަޑައެޅިފައިވާ މަޤާމް ތަކެއް. ސޯލިޙްގެ ވެރިކަމުގައި އިޖްތިމާއީ އަދާލަތުޤާއިމްކޮށް ދައުލަތުގެމުއްސަނދިކަން މުޅި ޤައުމަށް ބެހިގެންދާނެގޮތަށް ކަންކަންކުރާން އަހުދުވި. މަނިކުފާނު ވަނީ ވަޒީރުކަމުގައި އައްޑުއަށް ފަތުރުވެރިކަން ފަތުރާލައްވާނެކަމަށް ބުނެފަ. # މަނިކުފާނުގެ ވަޒީރު ކަމުގެ ދައުރުގައި އެންމެ ކުޑަމިނުން މާލެ-ގޭން-ހޮންގކޮން އަދި ރިޓާރން ހޮންގކޮން-ގޭން-މާލެ އަށް މޯލްޑިވިއަން ދަތުރު ފެއްޓޭތޯ ބައްލަވާ ދެއްވާ.
1828
18 September 2021
މައުސޫމޫ، އައްޑޫ މީހުން އެބައުޅެ ޔޯ ސްޓަރލިން ޕައުންޑާއި ހެދި އައްޑޫގައި ދިރިއުޅެން އުނދަގޫވެގެން. ފުރަތަމަ އެކަން ހައްލުކޮށް ދެއްވާ. މައުސޫމު އައްޑޫ މީހުންގެ ޖީބަށް ވަންނާނީ ޕައުންޑޭ ބުނީމައި، އައްޑޫ މީހުނަށް އެއުޅެނީ ހަތްގުރަސް ފެންމަތިވެގެން. ހެޔޮނުވާނު އައްޑޫ މީހުންނަށް އެހާ އުނދަގޫ ޖައްސާކަށް
ކޮރަލް
18 September 2021
ފްލައިޓް ތައް ފުރާލިއަސް ރިސޮޓް ދިވެހިމުވައްޒަފުންގެ ހައްގު ތައް ވަނީ ނިގުޅައިގަނެފަ އެވެ. ރިސޯޓް ތަކުގަ ގިނައީ ބަންގާޅޫ މީހުންނެވެ. މަތީ ފަންތީގަ ދިވެހީންނާ ބިދޭސީންގެ މުސާރައިގެ ފަރަގު އެއްމަގާޟެއްގަ ހުރެ އެވެ.
އިބިރިހިންބެއްޔާ
18 September 2021
ދެން ބައެއްގެ ޖީބަށް ޕައުންޑު؟
މޯލްޑިވިޔަން ފެޓްރޮއިޓް
18 September 2021
2013 އިން ފެށިގެން އެއޮތީ ބޮޑު ޓެކްސީވޭއް ނިންމާފަ އެއަރފޯޓުގައި. އަދި މިހާރު ތިޔަ އެއަރފޯޓްގައި ސީއީއޯ އަކަށް އެހުރީ ތިޔަބުނާ ދޮންމީހެއް. ކީއްވެ ނުވަނީ؟ ބުނެވޭނީ ހަމަ ނާގަބިލޭ!!!! ދެންރަނގަޅުވާނީ ބާރަށް އަތްޖަހާ މޮޅޮވާހަކަ ދައްކާ.
ބުރުގާ
18 September 2021
އިންޑީޔާއިން ރާއްޖެއައި ޓްރާންސިޓު ވޭރިއެންޓުތައް އައިސް ނިމުނީތަ މިހާރު؟!
ބިލްޓް
18 September 2021
ރާއްޖެ އަށް ޔޫކޭއިން ގެސްޓުން އަޔަސް އެމެރިކާ އިން ގެސްޓުން އަޔަސް އަދި ޗައިނާ އިން ގެސްޓުން އަޔަސް އާންމު ރައްޔިތުންނަށް އެއިން ކުރާ އެއްވެސް ފައިދާ އެއް ނެތޭ ވަޒީފާ ހޯދާ މީހާ އަށް ވަޒީފާ އެއް ނުލިބެއޭ ރިސޯރޓަކުން ސަރުކާރުން އުފައްދާފައިބާ ޖޮބް ސެންޓަރުގައި ހުންނަނީ މުޅިން މަސައްކަތު މީހާގެ ވަޒީފާ އާއި ސަރުކާރުގެ ވަޒީފާ ތަކޭ އިއުލާން ކުރެވިފައި އެންމެ ރިސޯރޓެއްގެ ވަޒީފާ އެއް ވެސް ނެތޭ އިއުލާން ކުރެވިފައި ބޭރުމީހުންނަށް ވިސާދެނީ ހިފެހެއްޓުމެއް
ރެޑްމޭން
18 September 2021
މި މިނިސްޓަރު މީ ފޮނިކެނޑުމުގެ ބައި ވަރަށްމަތީގައި އުޅޭ މިނިސްޓަރެއްކަން ފާހަގަ ކުރެވޭ.
ހޮރުގައިފިލާފައޭ
18 September 2021
ރާއްޖޭގައި 200 ރިސޯރޓް ހުރި އިރު ކޮންމެ ރިސޯރޓެއްގައި 200 ވަޒީފާ މަދުވެގެން ހުންނާނެއޭ އެހެން ކަމަށްވާނަމަ 40 ހާސް ވަޒީފާއޭ އެއީ އެކަމަކު 200 ރިސޯރޓްގެ ހުރިހާ ވަޒީފާ ތައް އެއްކޮށް ލުމުން ވަޒީފާ އަދާ ކުރާ ދިވެހިންގެ އަދަދު ނާރައޭ 4 ހާހަށް މީ ސީދާ ޓޫރިޒަމް މިނިސްޓަރު ކޮރަޕްޓް ކަމުންނާއި އަދި އިހްމާލް ކަން ބޮޑު ކަމުންވާ ގޮތްތަކޭ ކޮންމެ މިނިސްޓަރަކު ވެސް ހަނީ މޫން ސްޓޭޖް ގައި މީޑިއާ ތަކަށް އަރާ ރައްޔިތުންނަށް ރޯ ބުހުތާނު ދޮގޭ ހަދަނީ ދެން ތިބެނީ