ޚަބަރު / ސުހައިލް އަހުމަދު އެމްޑީ، (އެޗްޑީސީ)

ހިޔާ ފްލެޓުތަކުން ކުނި ނަގަން މައްޗަކަށް ނާރާނެ، ކުނި ބާލަން ޖެހެނީ ގްރައުންޑް ފްލޯއަށް

މާލެ: ޖޫން 24، 2020: ހިޔާ ފްލެޓުތައް މީޑިއާ އަށް ދައްކާލުން:.-- ފޮޓޯތައް: އަހުމަދު އަވްޝަން އިލްޔާސް /މިހާރު

އާނިފާ ހުސެއިން ސިރާޖް، މިހާރު

23 ސެޕްޓެމްބަރ 2021 - 11:08

ހިޔާ ފްލެޓްތަކުގެ ކޮންމެ އެޕާޓްމަންޓެއްގެ ދޮރުމަތިން ކުނި ނުނެގޭނެ ކަމަށާއި ކޮންމެ މީހަކު ވެސް ކުނި ނެރެން ޖެހޭނީ ފްލެޓްތަކުގެ އެންމެ ތިރިއަށް ކަމަށް އެޗްޑީސީން އިއްޔެ ބުނެފި އެވެ.

ހުޅުމާލޭގެ ދެވަނަ ފިޔަވަހީގައި އިމާރާތް ކޮށްފައިވާ 25 ބުރީގެ ފްލެޓްތަކުން ކުނި ނެގޭނެ އެއްވެސް ވަސީލަތެއް ނެތި ހަދާފައި ހުރީ ކީއްވެގެންތޯ މަޖިލީހުގެ ޕެޓިޝަން ކޮމިޓީގައި މެންބަރަކު ކުރެއްވި ސުވާލަކަށް ޖަވާބު ދެއްވަމުން އެޗްޑީސީގެ މެނޭޖިން ޑިރެކްޓަރު ސުހައިލް އަހުމަދު ވިދާޅުވީ، އެކަން އެހެން ދިމާވީ ހިޔާ މަޝްރޫއުގެ އެއްބަސްވުން އެކުލަވާލާފައިވާ ގޮތުން ކަމަށެވެ.

"އަޅުގަނޑުމެން މެނޭޖްމަންޓާ ހަވާލުވެފައި ގެނެވުނު ބަދަލުތަކުގެ ތެރޭގައި ކުނި އަޅާނެ ތަނެއް އަޅުގަނޑުމެން މި ހާއްސަކުރީ ކޮންމެ ޓަވަރެއްގެ ތިރީގައި. މިހާރު ހުންނާނެ ކުނި އަޅާނެ ތަނެއް،" ސުހައިލް ވިދާޅުވި އެވެ.

އެކަމަކު ހިޔާގެ ޓަވަރުތައް ޑިޒައިން ކުރިއިރު، ކުނި ފަދަ ބަރު ތަކެތި އުފުލުމަށް ބޭނުންވާ އެއްވެސް ސާވިސް ލިފްޓެއް ހިމަނާފައި ނެތް ކަމަށް އޭނާ ވިދާޅުވި އެވެ.

ހިޔާގެ ޓަވަރުތަކުގައި ދެ ސައިޒެއްގެ ބްލޮކު ހުންނަ އިރު، ކުދި ސައިޒުގެ ބްލޮކުތަކަށް ހާއްސަ ކޮށްފައި ވަނީ ތިން ލިފްޓެވެ. ބޮޑެތި ސައިޒުގެ ބްލޮކްތަކަށް ހަތަރު ލިފްޓު ބަހައްޓާފައިވީ ނަމަވެސް ސާވިސް ލިފްޓެއް ނެތެވެ.

ހިޔާ ފްލެޓުގެ ލިފްޓެއް--- ފޮޓޯ:މިހާރު

"އެހެންވީމާ އާންމުކޮށް ވެމްކޯ އިން ގޭ ދޮރުމަތިން ނޫނީ ފްލެޓު ދޮރުމަތިން ކުނި ނެގި ކަމުގައި ވިޔަސް، މިވަރު ތަނެއްގައި އަޅުގަނޑު ވެސް ހަމަ ގަބޫލުކުރަން އެހެންނެއް ނުނެގޭނެ. އެއީ ޕްރެކްޓިކަލް ކަމެއް ނޫން،" ސުހައިލް ވިދާޅުވި އެވެ.

ވެމްކޯ އާއި އެޗްޑީސީން މަޝްވަރާ ކުރުމަށް ފަހު އެންމެ ރަނގަޅު ހައްލަކަށް ފެނުނީ، ގްރައުންޑް ފްލޯ އިން ހުސްކުރާ ޖާގައިގައި ކުނި ނަގާނެ ތަނެއް ހެދުން ކަމަށް އޭނާ ވިދާޅުވި އެވެ.

ބައެއް ހިޔާ ފްލެޓުތަކުގައި މިހާރު މީހުން ދިރިއުޅެން ފަށާފައިވާއިރު، ލިފްޓުގެ ދަތިކަން ކުރިމަތިވާ ކަމަށް ބައެއް މީހުން ބުނެ އެވެ. އެހެންވެ، ސާވިސް ލިފްޓަކާ ނުލައި 24 ވަނަ ބުރިން ފެށިގެން ތިރިއަށް ކުނި ބޭލުން ވާނީ ވަރަށް އުނދަގޫ ކަމަކަށެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ރާއްޖޭގައި މިހާތަނަށް ހިންގި ބޯހިޔާވަހިކަމުގެ އެންމެ ބިޔަ މަޝްރޫއުގެ ދަށުން އިމާރާތް ކޮށްފައިވާ 25 ބުރީގެ 16 ޓަވަރުގައި 6،720 ފްލެޓު ހުންނަ އިރު، ހުރިހާ ފްލެޓެއްގައި މީހުން ދިރިއުޅެއް ފެށުމުން 35،000 އެއްހާ މީހުންގެ އާބާދީ އެ ސަރަހައްދުގައި ދިރިއުޅޭނެ ލަމާ ބެހޭ ފަރާތްތަކުން ލަފާކުރެވެ އެވެ.

އެޗްޑީސީ ވޭސްޓް މެނެޖްމެންޓް ސުހައިލް އަހުމަދު އެމްޑީ، (އެޗްޑީސީ) ވެމްކޯ ހިޔާ ފްލެޓްތައް ކުނި ހުޅުމާލޭ ދެ ވަނަ ފިޔަވަހި

30 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުންސުރުސަރުކާރު

24 September 2021

ހިޔާފްލެޓާހުރެ ކިތަންމެ ހިތްދަތިވިޔަސް އަސަރު ކުރިޔަސް ތަޅާކުދިންކޮޅަސް ލާރިކޮޅެއް ދީގެން އެތާ ރޯކޮށްލުން ކަހަލަ ކަމެއް ނުކުރައްޗޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީޙާނު.

24 September 2021

މާލޭ މީހުންގެ ހާދަ ކަންތައްގަޑު ބޮޑޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮލުހިޔާ

24 September 2021

‫ބިލްޑިންސާރވިސް އަށް ދައްކާ 1000ރ އިން ގޭތެރެ ކުނިކަހާފަ ކުނިކޮޅު އުކެންވާނެ...އަދި ބާޒާރުވެސް ކޮއްދޭންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު.

23 September 2021

ޥީ މާކޮން މެ ބުލޮކެއްގެ މެދުގަ އެވާ ހުސްޖާގައިގަ ކުނިއަރުވާބާލާނެ ލިފްޓެއް ގާއި މުކުރޭ ނޫނީ ވާވަރު ބަޔަކާ ހަވާލުކޮއްފަ ފައިބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަރޭ

23 September 2021

ނަސީބެއް އެޕާޓްމަންޓަށް ވަންނަން ދޮރެއް ކަނޑާފަ ހުރިކަން ޕްލޭން ކުރިއިރު.. ސުހެއިލްގެ ވާހަކަ މި ހުންނަނީ ހާދަދެން ޒިންމާދާރުކަން ކުޑަކޮށޭ ކޮންމެ ކަމެއްގަވެސް... މުޅިންވެސް ކަމުން ތިމާމެން ރެކުން ނޫން ކަމެއް ނޯވޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްލެއް

23 September 2021

ހައްލަކީ ކޮންމެ ފްލޯއެއްގަ ބޮޑެތި ފުރޮޅުލީ ޑަސްބިން ބަހައްޓައި، މެއިޓެނަނސް މީހުން ޑަސްބިންތައް ތިރިއަށް ބާލާ ގޮތައް ހަމަޖެއްސުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލްްް

23 September 2021

ވާލުމަސްކާން އާދަވެފަތިބި ސީނުކަރައިގެ ކުދިންކޮޅެއްލައްވާ އެއްވެސް ފެންވަރެއްނެތް އިމާރާތްތަކެއް ހެދީމަ ހުންނާނީ ތިހެން. ކުނިވެސް ޖެހޭނީ އަމިއްލަޔަށް ތިރިއަށް ބާލަން. އައިޑިއޮލޮޖީ އާއި ކިރިއޭޓިވިޓީ ހުންނަ މީހުން ހަދާތަންތަނުގަ އެޕާޓްމަންޓްގަ ހުންނާނެ ކުނިދޫކޮއްލަން ހާއްސަ ތަނެއްހަދާފަ. އޭރުން ކުނިކޮތަޅު ވެއްޓޭނީ ތިރީގަހުންނަ ޑަސްޓްބިނަށް. ހުޅުމާލޭގަ ހުންނަ ރެއިންކުރެސްޓްގެ އެޕާޓްމެންޓްތަކުގަ ހުންނަނީ އެގޮތަށް. ވ. ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

23 September 2021

ހޯލްވޭގައި އޮތް ހުސް ޖާގަޖެހޭގަ ޕުލީއަކުން ކުނި ތިރިއަށް ބޭލޭނެ ނިޒާމެއް ހެދިދާނެ. އޭރުން ސްޓާފަކު ގޮސް ކޮންމެ އެޕާޓްމަންޓަކުން ކުނި ކޮތަޅު ނަގައި އެ ފްލޯއަކާ ދިމާލުން އެއްކަލަ ވާފަށުގައި ގޮތަޅު އަޅުވާލާނީ. ދެން އެގަޑީގަ ތިރީގަ ހުންނަންވާނެ ކުނިކޮތަޅު ނަގާނެ މީހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

23 September 2021

ކުނި ބާލާ ގަޑީގަ ކޮންމެ ލިފްޓަކުން ކުނި ކޮަތަޅަކާއެކު މީހަކު އަރަންޏާ ލިފްޓުން ތިރިއަށްގޮސް މައްޗަށް އަރަން ހާދަ ގިނައިރެއް ނަގާނެޔޭދޯ؟ އެހެން ގައުމުތަކުގައި ކޮންމެ ފްލޯއެއްގައި ހުރޭ ކުނި ސްޓޯކުރާ ތަނެއް. އެތަނަށް ލީމަ ސްޓާފުން ތިރިއަށް ވައްޓާލަނީ.