ތިމަރަފުށީ އެއާޕޯޓްގެ މައްސަލައެއްގައި 1.7 މިލިއަންގެ ބަދަލެއް މޯލްޑިވިއަން އިން ދައްކަން ޖެހިއްޖެ

މޯލްޑިވިއަންގެ މަތިންދާބޯޓެއް: ބަދަލުގެ ގޮތުގައި އަމިއްލަ ކުންފުންޏަކަށް 1.7 މިލިއަން ދައްކަން މޯލްޑިވިއަން އަށް ވަނީ ޖެހިފައި --- ފޮޓޯ/މިހާރު

މުއިއްޒު އިބްރާހިމް، މިހާރު

23 ސެޕްޓެމްބަރ 2021 - 14:32

11 comments

ތ. ތިމަރަފުށީ އެއާޕޯޓްގައި ކެފޭ ހިންގުމުގެ އެއްބަސްވުން ބާތިލުކުރި މައްސަލައިގައި 1.7 މިލިއަން ރުފިޔާގެ ބަދަލެއް އަމިއްލަ ކުންފުންޏަކަށް ދައްކަން މޯލްޑިވިއަންގެ މައްޗަށް ސިވިލް ކޯޓުން ހުކުމްކޮށްފި އެވެ.

ކެފޭ ތަރައްގީ ކުރުމަށް، މޯލްޑިވިއަން އެއާލައިން ހިންގާ އައިލެންޑް އޭވިއޭޝަން ސާވިސް (އައިއޭއެސް) އާއި ސެކިއާ ގްރީން ޕްރައިވެޓް ލިމިޓެޑާ އެކު 2017 ގައި ހެދި އެއްބަސްވުން އެ ކުންފުނިން އެދިގެން 2019 ވަނަ އަހަރު ވަނީ ބާތިލުކޮށްފަ އެވެ. ސެކިއާ ގްރީން ޕްރައިވެޓް ލިމިޓެޑުން ކެފޭ ހިންގަން ކުރި ޚަރަދުގެ ބަދަލު ދޭން ވެސް އެ ކުންފުނިން އެދުނަސް، އެ ފައިސާ މޯލްޑިވިއަން އިން ދީފައެއް ނުވެ އެވެ.

އެ ފައިސާ ހޯދަން ސެކިއާ ގްރީން ޕްރައިވެޓް ލިމިޓެޑުން ދައުވާ ކުރުމުން ސިވިލް ކޯޓުން އިއްޔެ ކުރި ހުކުމުގައި ވަނީ ކެފޭ ތަރައްގީކޮށް ހިންގުމުގެ އެއްބަސްވުން ނިމުމަކަށް ގެންނަ ހާލަތުގައި، އެ ތަނަށް ކޮށްފައިވާ ޚަރަދުތައް އަނބުރާ ދޭންޖެހޭނެ ކަން އެއްބަސްވުމަށް ބެލުމުން އެނގޭ ކަމަށެވެ. އަދި އެތަނުގައި ގެންގުޅުނު ސާމާނުތައް ހިމެނޭ ގޮތުން ބަދަލު ދޭންޖެހޭނެ ކަމަށާއި އެހެންވެ، އެތަނުގެ އިމާރާތާއި ގެންގުޅުނު ސާމާނުގެ ބަދަލުގެ ގޮތުގައި 1.7 މިލިއަން ރުފިޔާއަކީ އެކަށީގެންވާ އަދަދެއް ކަމަށް ހުކުމުގައިވެ އެވެ.

ހުކުމުގައިވަނީ އެއްބަސްވުމުގެ ދަށުން ސެކިއާ ކުންފުނިން ދައްކަންޖެހޭ ކުލި ދައްކާފައިނުވާ ކަމަށް މޯލްޑިވިއަން އިން ބުންޏަސް، ނުލިބި އޮތީ ކިހާ މުއްދަތެއް ކުލި ކަން ބުނެދެވިފައި ނުވާ ކަމަށެވެ. އަދި އެ ފައިސާ ނަގައި ދިނުމަށް މޯލްޑިވިއަން އިން އެދިފައި ނުވާތީ އެކަމާ މެދު ގޮތެއް ނުނިންމޭނެ ކަމަށް އެ ހުކުމުގައިވެ އެވެ.

އެކަންކަން ފާހަގަކޮށް، ހުކުމުގައި މޯލްޑިވިއަން އަށް އަންގާފައި ވަނީ ތިން މަސް ތެރޭގައި 1.7 މިލިއަން ރުފިޔާ ކޯޓަށް ދެއްކުމަށެވެ.

ސިވިލް ކޯޓް އައިލެންޑް އޭވިއޭޝަން ތ. ތިމަރަފުށި މޯލްޑިވިއަން އެއާލައިން ތިމަރަފުށި އެއާޕޯޓް

11 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިސާން

23 September 2021

ސެކިއާ ގްރީން ޕްރައިވެޓް ލިމިޓެޑް ގައި މޯލްޑިވިއަންގައި މަސައްކަތްކުރާ ސީނިއަރ މުވައްޒަފެއްގެ ހިއްސާ އޮންނަކަމަށް ވަރަށް މުއުތަބަރުފަރާތަކުން މައުލޫމާތުދެއްވާ. ވީމާ ސެކިއާ ގްރީން ޕްރައިވެޓް ލިމިޓެޑަށް ލިބޭ ކޮންމެ ނަފާއަކީ މިބޭފުޅުންގެ މޫނުމަތިން އުޖާލާކަން ގެނުވާނެކަމެއް. އެހެންވީމަ މިފަދަ މިފަދަ އެތައްކަމެއް ތަކުރާރުވުމަކީއާއްމުކަމެއް. ދިވެހިން ހައިރާންވެ ބަސްހުއްޓޭނެ ވަރުގެ ކަމެއްނޫން. މީ ރާއްޖޭގައި ތަކުރާރުވަމުންއަންނަ ސަގާފަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

23 September 2021

ގާތް މީހުންނަށް ބަޖެޓް ބަހާލަނީ. އެޓާނީ ޖެނަރަލް ކޮބާތަ؟ ކުލި ދައްކަންޖެހޭ އަދަދާއި މަހުގެ އަދަދު ނޭގުމަކީ ދެން އަރަތެއް؟ ކޮމްޕިއުޓަރުގަޑަކާއި މުވައްޒަފެެއްވެސް ނެތީބާ އައިލެންޑްއޭވިއޭޝަނުގައި އެކަންކޮށްލަން.. އަދިވެސް 70000 ދީ ތިންހަތަރު މެނޭޖަރުން ލާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންނޫދީ

23 September 2021

ކުންފުނީގަ ލޯޔަރެއްހުރެ މިކަހަލަ ގަމާރުކަންތައްވީމަ ދެރަދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގާނަމަ

23 September 2021

ލޯޔަރުންނާ ކަމާބެހޭ މީހުން އެހާ ބޮޑަށް ފަރުވާކުޑަކުރީމަ އެ ފަރުވާ ކުޑަ ކުރި މުވައްޒަފުންގެ އަތުންވެސް އެ ގެއްލުމުގެ ބައެއް ދޭން ޖެހޭ ގޮތް ހަދާނަމަ މީހުން އިތުރަށް ކަންކަމުގަ ފަރުވާ ބަހައްޓަން ފަށާފާނެ. ހަމައެކަނި ވަޒީފާއިން ވަކިކޮށްލީމަ އެ ނިމުނީކީ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުގާ

23 September 2021

ދެން އަވަހައް ހައިކޯޓައް، ނުވިތާކައް ސުޕުރިން ކޯޓައް މައްސަލަ ޕާސްކޮއްލާ. އޭރުން ނުޖެހޭނެ މޮކޮސްވެސް ދައްކާކައް. މީ ރާއްޖޭޖެ ޝަރުއީ ހާލު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯޔަރުވައްޑެ

23 September 2021

ބާއީ ތީ ޝަރުއީ ނިޒާމު މަސައްކަތްކުރާގޮތް އިނގޭ. 70 އަހަރުތަކުގެހެން ޖަސްޓިސްމިނިސްޓަރު ނިންމީމަ ބިމުނީކީނޫން. ޢެޕީލް ޕްރޮސެސް ހިނގާނެ ބާއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

23 September 2021

މިހާރުވެސް 25 މިލިޔަނާއި ގާތްކުރާ އަދަދެއްގެ ދަރަނި ބޮލުގައި އެޅިފައިވާ ކުންފުނީގެ ވެރިންނާއި ބޯޑު ބަދަލުނުކޮށް އަތްނުފޯރާ ހިސާބަށް ދަރަނި އުފުލިގެންގޮސް ކުންފުނި ބަޤުރޫޓުވަންދެން އެމީހުނަށް މުސާރަ ދީގެން ގެންގުޅެން ސޯލިޙްގެ ސަރުކާރު ބޭނުންވަނީ ކީއްވެގެންތޯ. # ތިޔަ ކުންފުނީގެ ބޯޑުގައި މަސްލަޙަތު ފުށުއަރާ ވާދަވެރި މަންތާ އެއަރގެ އާއިލީ ވިޔަފާރި ކުންފުންޏެއްގައި މަހު މުސާރަލިބޭ ބޯޑު މެންބަރަކު އިނުމަކީ ހަމަޖެހޭ ކަމެއްތޯ؟! މިއީ ވަރަށް ދެރަކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޕްޓަން އަމީން

23 September 2021

ކުންފުނި ބަނގުރޫޓިވާވާހަކަ 2019އިންސުރެ އެކަމު ކުންފުނި ދަނީ ބޮޑު ޕެންޑެމިކެއްގެތެރޭގަވެސް އެއްދުވަހަށް ވުރެ އަނެއްދުވަހު ވަރގަދަވަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައިބު ކައްޕި.

23 September 2021

ކުންފުނި ބަރުރޫތިވުލެއް ލަސް. ކުދިކުދި ރަށްރަށުގައި އެއަރޕޯޓް ތައް ހަދާފައި ދަތުރު ކުރަން ކޮޅަކަށް 4 މީހުން ތިބިކަމުގައިވިޔަސް ސަރުކާރުން އޮތީ އަންގާފަ ޝެޑިއުލް ދަތުރުތައް ކުރަން. ދެން ކުންފުންޏަށް ވާނީ ކޮން ފައިދާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޕްޓަން ސްނޫޕީ

23 September 2021

ޢަސްލުވެސްދޯ. ޢަބަދު ބަނގުރޫޓުވާ ވާހަކަ. ޢެކަމަކު ވިޔަފާރި ރަނގަޅުވެ މުސާރަވެސް ބޮޑުކޮށްފިދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޕްޓަން ޝާމް

24 September 2021

އަމީނޫ ކިތަންމެ ވަރަކަށް ފޮނުއެރުވިޔަސް މަގޭ މަގާމެއް ނުލިބޭނެ. ތިހެން ގޭސް ގަނޑު އެނބުރިޔަސް މަށަށް ކަހެރުވަކޭވެސް ހީވެސް ނުވާނެ. ލައްކައެކޭ ހީވީތަ؟ ރޯމަހެއްހެން ތެޅިތެޅި ހުރޭ