ރައްޔިތުންގެ މަޖިލީހުގެ މިއަދުގެ ޖަލްސާގައި ހަޔާ އެޑިއުކެޝަން މިނިސްޓަރު ޑރ. އިބްރާހީމް--- ފޮޓޯ:މަޖިލިސް
29 ސެޕްޓެމްބަރ 2021 - 10:28
3 comments
ހއ. ދިއްދޫގައި ޖޫނިއާ ކޮލެޖެއް އިމާރާތްކޮށް، އެ ތަނުގައި ކިޔަވައި ދިނުމަށް ރައީސް އިބްރާހިމް މުހައްމަދު ސޯލިހު ވެވަޑައިގެންނެވި ވައުދު ފުރިހަމަ ވާނީ 2023 ގައި ކަމަށް ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން ރައްޔިތުންގެ މަޖިލީހުގައި މިއަދު ވިދާޅުވެއްޖެ އެވެ.
އޭނާ މިހެން ވިދާޅުވީ، ޖޫނިއާ ކޮލެޖުގެ އަމަލީ މަސައްކަތް އަދިވެސް ނުފެށި ލަސްވާ ސަބަބާއި އެ ތަނުގައި ކިޔަވައިދޭން ފެށޭނެ އިރެއް ސާފުކުރުމަށް ދިއްދޫ ދާއިރާގެ އެމްޑީޕީގެ މެމްބަރު އަބްދުﷲ ވަހީދު މިއަދުގެ ޖަލްސާގައި ސުވާލު ކުރެއްވުމުންނެވެ.
ޑރ. އިބްރާހިމް ހަސަން ވިދާޅުވީ، ޖޫނިއާ ކޮލެޖުގެ މަސައްކަތް އެއްކޮށް ނިންމައި، 2023 ވަނަ އަހަރު ފެށޭއިރު އެ ތަނުގައި ކިޔަވައިދޭން ފެށޭނެ ކަމަށެވެ.
ދިއްދޫގައި ޖޫނިއާ ކޮލެޖެއް ގާއިމުކުރުމަކީ 2018 ގެ އިންތިިހާބުގެ ކެމްޕެއިންގައި ރައީސް އިބްރާހިމް މުހައްމަދު ސޯލިހު ވެވަޑައިގެންނެވި ރިޔާސީ ވައުދެއް ކަމަށް ވާއިރު، އެ ކަމަށް ދައުލަތުގެ ބަޖެޓުގައި ފައިސާ ހިމަނާތާ ދެ އަހަރު ވެއްޖެ އެވެ. އެ މަސައްކަތަށް 2019 ވަނަ އަހަރުގެ ބަޖެޓުގައި 1.6 މިލިއަން ރުފިޔާ އަދި މި އަހަރު ތިން ލައްކަ ރުފިޔާ ހިމެނި ނަމަވެސް އަމަލީ ގޮތުން ސަރުކާރަށް ކަމެއް ނުކުރެވުނެވެ.
ދިއްދޫ ދާއިރާގެ މެންބަރު އަބްދުﷲ ވަހީދު ރައްޔިތުންގެ މަޖިލީހުގެ މިއަދުގެ ޖަލްސާގައި ހަޔާ އެޑިއުކެޝަން މިނިސްޓަރާ ސުވާލު ކުރައްވަނީ--- ފޮޓޯ:މަޖިލިސް
މެމްބަރުންގެ ސުވާލުތަކަށް ޖަވާބު ދެއްވަމުން ހަޔާ މިނިސްޓަރު ވިދާޅުވީ ސަރުކާރުން ބޭނުންވަނީ މުޅި ކޮލެޖުގެ މަސައްކަތް އެއްކޮށް ބަޔަކާ ހަވާލުކޮށްގެން އެއްފަހަރާ ނިންމަން ކަމަށާއި އެ ކަމަށް ކަނޑައަޅާ ފައިސާއަކީ އެ މަސައްކަތް އެއްފަހަރާ ނިންމޭ ވަރުގެ އަދަދެއް ނޫން ކަމަށެވެ.
"އަޅުގަނޑުމެންގެ ވިސްނުމުގައި ހުރީ މިކަން ވީހާ ވެސް ފުރިހަމައަކަށް، ރަނގަޅަށް ކުރަން. އެކިއެކި ފޭސެސް ތަކަށް ބަހާލައިގެން ފަހަރަކު ތަންކޮޅެއްގެ މަސައްކަތް ކުރުމުގެ ބަދަލުގައި މި ޕްރޮޖެކްޓު އެއްކޮށް ކޮމްޕްލީޓުކޮށްފައި ޕްރޮޖެކްޓު އެއްކޮށް ފަށައިގަންނަން،" އޭނާ ވިދާޅުވި އެވެ.
މިނިސްޓަރު ވިދާޅުވިގޮތުގައި، އެ ކޮލެޖު އިމާރާތް ކުރުމަށް އެކަށީގެންވާ އިންވެސްޓަރަކު ލިބިއްޖެ ނަމަ މި އަހަރު ނިމުމުގެ ކުރިން ވެސް އަމަލީ މަސައްކަތް ފެށޭނެ އެވެ.
"ޕީޕީޕީގެ ދަށުން މިހާރު އަޅުގަނޑުމެން ވާނީ އެކްސްޕްރެޝަން އޮފް އިންޓްރަސްޓް ހުށަހަޅަން އިއުލާނުކޮށްފައި. މި މަހުގެ 30 ގެ ނިޔަލަށް މުއްދަތު ހަމަވާނީ،" އޭނާ ވިދާޅުވި އެވެ.
"އަޅުގަނޑުމެން ބޭނުންވަނީ މި އަންނަ އަހަރުގެ ފަހުކޮޅުގައި މި ތަންތަނުގައި [ދިއްދޫ ޖޫނިއާ ކޮލެޖުގައި] ކިޔަވައިދިނުމަށްޓަކައި ކޯސްތަކަށް ކުދިން ނަގަން އިއުލާނުކޮށް، 2023 ވަނަ އަހަރު ފެށޭ އިިރު މި ތަނުގައި ކުދިންނަށް ކިޔަވައިދޭ ތަން އާންމުންނަށް ފެނިގެން އިދުން،"--- ހަޔާ އެޑިއުކޭޝަން މިނިސްޓަރު
ދިއްދޫގެ ޖޫނިއާ ކޮލެޖުގައި ކިޔަވައިދޭނެ ކަރިކިއުލަމާ ބެހޭ ގޮތުން ވެސް މިހާރު މަޝްވަރާ ކުރަމުން އަންނަ ކަމަށް އިބްރާހިމް ހަސަން ވިދާޅުވި އެވެ. އަދި އެ ކޮލެޖުގެ ތަފުސީލީ ކުރެހުމާ ގުޅޭ ކަންކަން ވެސް ކުރިއަށް ގެންދާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައީސް ސޯލިހަށް
29 September 2021
ރައީސް ސޯލިހަށް ވެދުން ސަލާމް، މިހާރު ހުރި އަތޮޅު ސްކޫލް އިމާރާތްތައް ނޭޝަނަލް ޔުނިވާރސިޓީ އަތޮޅު ކެމްޕަސްތައް ގޮތުގައި ބަދަލުކޮށް، ކޮންމެ އަތޮޅެއްގައި މާލޭ ފެންވަރުގެ ސްކޫލްތަކެއް އިމާރާތް ކޮށްދެއްވައިފިނަމަ، މުޅި ތައުލީމީ ނިޒާމަށް އިންގިލާބީ ބަދަލުތަކެއް އަންނާނެ. އޭރުން ކޮލެޖް ޔުނިވާރސިޓީ ކެމްޕަސްތަކެއް ފަސޭހަކަމާއެކު ލިބި، އަތޮޅުތަކުގެ ފަށާ ތައުލީމާއި، ސާނަވީ ތައުލީމާއި، މަތީ ސާނަވީ ތައުލީމަށް މުޅިން އައު ރޯޝަންކަމާއި ދިރުމެއް އަންނާނެ.
ޙަބީބު.
29 September 2021
ރަނގަޅުވާނެ އިތުރުކަމެއް ނުކުރިޔަސް ވޯޓުދޭނެ އޭރުން ވޯޓުދުވަސްވަރު ހުޅުވާނީވެސް ކެންޕޭނުތެރޭގަ
އެލެކޮސް އޮބި
29 September 2021
ތި ޖޫނިޔާ ކޮލެޖުގެ ހުވަފެން ބިލާހަކަށް ނުވެ ނިމިއްޖެއްޔާވާ ސާބަސް. ހއ.ޓާރސަރީ ހޮސްޕިޓަލުން ހިދުމަތް ލިބެން އަންނަނީވެސް 23ހުގެ އިންތިހާބުގަ ވޯޓްލާން ފަށާހިސާބުން. "ނަނާ ހުވަފެން" ދެއްކިހިސާބުން ފެށިގެން އެމްޑީޕ މެނިފެސިޓޯގަ ވީ ވައުދުތައްވެސް މިއޮތީ "ބާރަކަށްވެސް މީހަކުގެ ނުމެލާ" ރަނުން ރަނަށް ފުދިފަދޯ "ޓިންޓިން"