ރާއްޖޭގައި ފަރުނީޗަރު ވިޔަފާރީގައި ކުރިއަރަމުން އަންނަ ހައި އެންޑް ފަރުނީޗަރުން މާލޭގައި އާ ފިހާރައެއް ހުޅުވައިފި އެވެ.
ހައި އެންޑް ފަރުނީޗަރުގެ މާލެ ފިހާރަ ހުޅުވީ މެދު ޒިޔާރަތް މަގު، ދަރުމަވަންތަ ސްކޫލު ކުރިމައްޗަށްވާ ގޮތަށެވެ. މިއީ ހައި އެންޑް ފަރުނީޗަރުގެ ދެ ވަނަ ފިހާރަ އެވެ. ހައި އެންޑުން ހުޅުމާލޭގައި ވެސް ފިހާރައެއް ހިންގަ އެވެ.
އެ ފިހާރައިން ބުނީ އަލަށް މާލޭގައި ހުޅުވި ފިހާރައިން ވެސް ހައި-އެންޑް ލަގްޒަރީ ފަރުނީޗަރު ލިބޭނެ ކަމަށެވެ. ގިނަ ޑިޒައިންތަކެއްގެ ފަރުނީޗަރު ވަގުތުން ގަންނަން ލިބޭ ގޮތަށް އެ ފިހާރާގައި ހުންނާނެ ކަމަށާއި މިތަކެތި ގޭގެއަށް ޑެލިވަރީކޮށް ހިލޭ ރާވައި ވެސް ދޭނެ ކަމަށް އެތަނުން ބުންޏެވެ.
ފަރުނީޗަރުގެ ވިޔަފާރި 2017 ގައި ފެށި އެ ފިހާރައިން ވިއްކާ ހައި އެންޑުން ޕްރީމިއަމް ކަލެކްޝަން އެނދާއި ހައި އެންޑް ލަގްޒަރީ ކަލެކްޝަންގެ އެނދާއި ހައި އެންޑް އެފޯޑަބަލް ރޭންޖްގެ އެނދުތައް ލިބެ އެވެ. މީގެ އިތުރުން ގޭތެރެއަށް ބޭނުންވާ އެހެން ބައެއް ފަރުނީޗަރު ވެސް އެފިހާރައިން ލިބޭނެ އެވެ.
އެ ފިހާރައިން ވިއްކާ ތަކެތީގެ މައުލޫމާތު އެތަނުގެ ފޭސްބުކް، އިންސްޓަގްރާމް ޕޭޖުން ވެސް ހޯދޭނެ އެވެ.