މޯލްޑިވިއަން އިން ދިއްލީއަށް ދާން ހިލޭ ދެކޮޅު ޓިކެޓު ހޯދުމުގެ ފުރުސަތު

މޯލްޑިވިއަންގެ ބޯޓެއް ވެލާނާ އިންޓަނޭޝަނަލް އެއާޕޯޓު ރަންވޭގައި.--- ފައިލް ފޮޓޯ: މިހާރު

އިދުހާމް ނައީމް، މިހާރު

12 އޮކްޓޯބަރ 2021 - 13:47

ގައުމީ އެއާލައިން، މޯލްޑިވިއަން އިން ދިއްލީއަށް ދާން ބޭނުންވާ މީހުންނަށް ހިލޭ ދެކޮޅު ޓިކެޓު ހޯދުމުގެ ފުރުސަތު ހުޅުވާލައިފި އެވެ.

މިއީ ރާއްޖެއާއި ދިއްލީއާ ދެމެދު ސީދާ ދަތުރުތައް ފެށުމާ ގުޅުވައިގެން އިންސްޓަގްރާމުގައި މޯލްޑިވިއަން އިން ފެށި ގިވްއަވޭއެކެވެ. މި ގިވްއަވޭއިން ހޮވޭ ނަސީބުވެރިއަކަށް ދިއްލީއަށް ދެކޮޅު ޓިކެޓުގެ އިތުރުން ތިން ދުވަހުގެ ހުރުން ވެސް ލިބޭނެ އެވެ.

މި ގިވްއަވޭގައި ބައިވެރިވާން ބޭނުންވާ މީހުން ޖެހޭނީ އިންސްޓަގްރާމުގައި މޯލްޑިވިއަން އެއާލައިންގެ ޕޭޖު ފޮލޯ ކުރުމަށް ފަހު ޕޯސްޓަށް ލައިކް ކުރާށެވެ. އެއަށްފަހު ޕޯސްޓުގައި ތިން ރައްޓެއްސަކު ޓެގުކޮށް އެ ޕޯސްޓު ސްޓޯރީގައި ޝެއާ ކުރަން ޖެހޭނެ އެވެ. ސްޓޯރީގައި ޕޯސްޓް ޝެއާ ކުރާއިރު މޯލްޑިވިއަން ޓެގު ކުރަން ޖެހޭނެ އެވެ. އަދި ޕްރައިވެޓް އެކައުންޓެއްނަމަ ސްޓޯރީގެ ސްކްރީންޝޮޓެއް އެ އެއާލައިންގެ ޕޭޖަށް ފޮނުވަން ޖެހޭނެ އެވެ.

މޯލްޑިވިއަން އިން މި ފުރުސަތު ހުޅުވާލާފައިވަނީ މި މަހުގެ 17ގެ ނިޔަލަށެވެ. މި ގިވްއަވޭގެ ނަސީބުވެރިޔާ މި މަހުގެ 18 ގައި އިއުލާން ކުރާނެ ކަމަށް އެ އެއާލައިނުން ބުންޏެވެ.

އައިލެންޑް އޭވިއޭޝަން ނިއު ދިއްލީ ރާއްޖެ-އިންޑިއާ މޯލްޑިވިއަން އެއާލައިން

4 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުސްލިމާ.

12 October 2021

ކޮން އިރަކުންތޯ ގަމުން ބެންގަލޫރަށް ދަތުރު ފައްޓަނީ. މިމަހުގައި އަދި ތިބޭފުޅުން ވަނީ މިމަހުން ފެއްޓިގެން ގަމުން މިސަރަޙައްދުގެ ޑޮމެސްޓިކް ހުރިހާ އެއަރޕޯޓް ތަކަށްވެސް ދަތުރު ކުރަން ބުނެފައިވޭ. އެކަންތައް ކޮބާތޯ.