ސާލިމް އުމުރުން ދުވަސްވީ މީހާއާއެކު އުޅޭ ދަނގެތީ ނެދުރުގެ: އެތަނަށް މިއަދު ފުލުހުން ވަނީ އޭނާ ގެންގޮސްފައި -- ފޮޓޯ: ނިޝާން އަލީ/ މިހާރު
17 އޮކްޓޯބަރ 2021 - 15:40
އދ. ދަނގެތީގެ ވިޔަފާރިވެރިޔާ މަހުމޫދު އަބޫބަކުރު މަރާލުމުގެ ތުހުމަތަށް ހައްޔަރުކޮށްފައިވާ ބަންގްލަދޭޝްގެ މީހެއް ކަމަށްވާ ސާލިމް ދިރިއުޅުނު ގެއަށް މިއަދު ފުލުހުންގެ ބެލުމުގެ ދަށުން ގެންގޮސްފި އެވެ.
މި ރަށު އުމުރުން ދުވަސްވީ މީހެއް ބަލަހައްޓަން ހަވާލުކޮށްފައި ހުންނަ ސާލިމްގެ ފަރާތުން، މަހުމޫދު ގެއްލުނު ރޭ ޝައްކު ކުރެވޭ މަންޒަރެއް ފެނިފައި ވުމާ އެކު، އިއްޔެ ކޯޓު އަމުރެއްގެ ދަށުން ފުލުހުން އޭނާ ވަނީ ހައްޔަރުކޮށް ބިޑި އަޅުވައިގެން މި ރަށު ޕޮލިސް ސްޓޭޝަނަށް ގެންގޮސްފަ އެވެ. އެކަމަކު، އޭނާއާ މި މަރާ ގުޅުވޭ ހެކިތަކެއް ފެނިފައިވާ ކަމެއް ފުލުހުން ހާމައެއް ނުކުރެ އެވެ.
އެނގިފައިވާ ގޮތުގައި ރޭ ދަނގެތީ މެޖިސްޓްރޭޓު ކޯޓުން 15 ދުވަހަށް ސާލިމްގެ ބަންދު އިތުރުކޮށްފައި ވާއިރު އޭނާ އުމުރުން ދުވަސްވީ މީހާއާ އެކު ދިރިއުޅުނު ނެދުންގެއަށް ވަނީ ގެންގޮސްފަ އެވެ. އޭނާ ގެޔަށް ގެންދިޔައީ ތަހުގީގުގެ ބޭނުމަކަށް ކަމެއް ނުވަތަ އެހެން ބޭނުމެއްގައި ކަމެއް އަދި ނޭނގެ އެވެ.
ސާލިމް ގެޔަށް ގެންދިޔަ ފަހުން އެ ގެޔަށް ދެ އުދަލި ވެއްދިކަން ވެސް "މިހާރު" އަށް ވަނީ އެނގިފަ އެވެ.
އޭނާ ފުލުހުންގެ ތަހުގީގަށް އެއްބާރުލުން ދޭކަމެއް ނުވަތަ ނޫން ކަމެއް ވެސް އަދި ނޭނގެ އެވެ. ސާލިމް ނޫން މީހަކަށް މި މަރާ ގުޅިގެން މިހާތަނަށް ފުލުހުން ރަސްމީކޮށް ތުހުމަތެއް ނުކުރެ އެވެ. އަދި އޭނާއާ މި މަރާ ގުޅުވޭ ހެކިތަކެއް ލިބިފައިވާ ކަމެއް ވެސް ހާމައެއް ނުކުރެ އެވެ.
ފުލުހުން، ސާލިމް ދިރިއުޅޭ ނެދުރުގެ ކައިރީގައި: ފުލުހުން ވަނީ ސާލިމް ދިރިއުޅޭ ނެދުރުގެ ވަށައިގެން ކޯޑޮން ކުރި ސަރަހައްދެއް ބޮޑުކޮށްފައި -- ފޮޓޯ: ނިޝާން އަލީ/ މިހާރު
ފުލުހުން މިއަދު ވަނީ ނެދުންގެ ވަށައިގެން ބަންދުކޮށްފައިވާ ސަރަހައްދު ބޮޑުކޮށްފަ އެވެ. އެ ސަރަހައްދުގެ ތެރޭގައި ފުލުހުން އަންނަނީ ހަރަކާތްތެރިވަމުންނެވެ.
މިހާރު ބަންދުކޮށްފައިވާ ސަރަހައްދުގައި ހިމެނޭ މި ރަށު ޕްރީ ސްކޫލުގެ ނިކަގަސް ކައިރި ފުލުހުން ބަލަމުން ދިޔަ މަންޒަަރު "މިހާރު"ގެ ނޫސްވެރިންނަށް ވަނީ ފެނިފަ އެވެ.
މި މަރު ތަހުގީގު ކުރުމަށް ފުލުހުންގެ ހާއްސަ ޓީމެއް މި ރަށުގައި އަންނަނީ ހަރަކާތްތެރިވަމުންނެވެ. ފުލުހުން މީގެ ކުރިން ވަނީ މަހުމޫދު މަރުވެފައި އޮއްވައި ފެނުނު ވަޅު ހުރި ގޯތި ވެސް ބަލައި ފާސްކޮށްފަ އެވެ.
ސާލިމް ބަލަހައްޓާ އުމުރުން ދުވަސްވީ މީހާގެ އާއިލާއިން "މިހާރު" އަށް ބުނި ގޮތުގައި އެ މީހާއަށް ސާލިމްގެ ފަރާތުން ޝައްކު ކުރެވޭ އެއްވެސް ކަމެއް ފެނިފައެއް ނެތެވެ. އެ މީހާގެ ގެ ފުލުހުން ބަލައި ފާސްކުރީ ވެސް އެ މީހާ އެހެން ގެއަކަށް ފޮނުވާލުމަށްފަހު އެވެ.
މަހުމޫދުގެ ހަށިގަނޑު ފެނުނު ވަޅު: އެ ވަޅަކީ އޭނާގެ އާއިލީ ގޯއްޗެއްގައި ހަދާފައި ހުރި ވަޅެއް. މިހާރު ފުލުހުން ހުރީ އެ ވަޅު މަތީގައި ހުދު ސަތަރި ދަމާފައި -- ފޮޓޯ: ނިޝާން އަލީ/ މިހާރު
މަހުމޫދުގެ ހަށިގަނޑު ފެނުނު އިރު އޭނާގެ ފައިސާ ދަބަހާއި ފޯނު ވެސް ނެތެވެ. މަހުމޫދު ދަންނަ މީހުން ބުނާ ގޮތުގައި އޭނާ އަކީ އަތުގައި އަބަދުވެސް ހާހުން ފައިސާ ގެންގުޅޭ މީހެކެވެ.
މަހުމޫދުގެ ހަށިގަނޑު ފެނުނު ގޯއްޗަކީ މަހުމޫދު އުޅެ ބޮޑުވި ގޯތި ކަމަށާއި އެތަން ތަޅާލާފައި ހުރީ ދެ ބުރިއަށް ގެއެއް އެޅުމަށް ކަމަށް ވެސް އޭނާގެ އާއިލާގެ މީހުން ބުންޏެވެ. އޭނާ މަރާލާފައި އޮއްވާ ފެނުނު ވަޅަކީ ވެސް އެ ގެ ހެދުމަށާއި އެތަނުގައި ހުންނަ ގަސްތަކަށް ފެން ދިނުމަށް މަހުމޫދު ބިދޭސީންތަކެއް ލައްވައި ކޮނުނު ވަޅެކެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ބެންގާލް
17 October 2021
މީނާތަ މި ނުބައި އަމަލު މި ހިންގީ. މަރަށް މަރު ހަމަ
ގައުމީ ވަންތަ އިބުރާހީމް ފުޅު
17 October 2021
ބަންގާޅީން ފަސޭހައިން ދޫވާ ބައެއް
އޮނަރަބްލް އަފީފު ދީދީ
17 October 2021
މިތަނުގައި އުޅޭ ބަންގްލަދޭޝް މީހުންގެ ފަރާތުން ދިވެހިންނަށް ނުލިބޭ ގެއްލުމެއް އަނިޔާއެއްނެތް. # އިމިޤްރޭޝަން ޤާނޫނާއި ޙިލާފަށް އުޅޭ ގިނަމީހުންނަކީ ވަގުވިޔަފާރިއާއި ޑްރަޤް ވިއްކުމާއި ސެކްސްރިންގް ފަދަ މާފިއާ ޖަމާއަތް ތަކުން ހިންގާފަދަ ޖަރީމާ ހިންގާ ބައެއް. # ތުއްތު ތުއްތު ކުދިންނަށް ޖިންސީ އަނިޔާ ކުރުމާއި ބޮޑެތި މީހުނަށް ފުރައްސާރަ ކުރުމުގެ އިތުރަށް މީހުން މެރުން ފަދަ ޖަރީމާތަށް ހިންގާއިރު މިމީހުން ރާއްޖެ އެތެރެވުން ނުހުއްޓުވޭ ސަބަބަކީ ކޮބާތޯ؟!
އެއްބަސްވީހެން ހީވަނީ......
17 October 2021
ބެލެވޭ ގޮތުގައި، ސާލިމް އެގެއަށް ފުލުހުން އެ ގެންދިޔައީ ކުށަށް އިޢުތިރާފް ވީމައެވެ. އަދި 2 އުދަލި ވައްދާނީ ކޮނެގެން އެއްޗެއް ހޯދުމަށް ނުވަތަ ކްރައިމް ހިންގި ގޮތް ސާލިމް ލައްވައި ރިޕީޓް ކުރުމަށް ނުވަތަ އެކްޓް ކުރުވަންށެވެ.
ޑޮކްޓާރ. ބަނާނާ
17 October 2021
އިއްޔެގަ ބަނގުލާދޭޝް ބޭޅަކު ދިވެއްސަކު މާރާލި ކަމުގެ ތުހުމަތުހައި ހައްޔަރު ކުރެވުނީ މިއަދު ޑްރަގް މައްސަލައިގެ ތެރޭ ވެސް ބަނގުލާދޭޝް ބޭފުޅުން! . މިބޭޅުން ގެ އުނދަގޫ އިންތިހާއަށް ބޮޑުވެގެންމިދަނީ.. ރައީސް ސޯލިހު އަށް ދަންނަވަން މިބޭޅުން ގެ މައްސަލައަށް ގޮތެއްނިންމާ ގަވާއިދުން ބޭރުގައި ތިބި ގާނޫނޫ ނުހިގާ ބަނގުލާދޭޝް ބޭޅުން ގައުމުން ބޭރުކުރަން.
ވަހީދު
17 October 2021
ޓިކެޓް ނުލިބިގެން ބަންގާޅިން އަރުވާލި ވަރުން ވެސް އެކަނި އެނގޭ އެމީހުންގެ ބާރު ރާއްޖޭގައި އޮތް މިންވަރު.