ދޫކުރި ރަށްތަކުގެ ތެރެއިން 50 އަށް ވުރެ ގިނަ ރަށް ހުރީ ނުހެދި. އޭގެތެެރެއިން 21 ރަށެއްގެ މުއްދަތު އިތުރުކޮށްދޭން ވެސް އެދިފައިވޭ. މީގެ ތެރޭގައި އެއްވެސް މަސައްކަތެއް ނުކޮށް 10-15 އަހަރުވެފައިވާ ރަށްތައް ވެސް ހިމެނޭ
ބ. އަތޮޅުގެ ރަށްތަކެއް: ރިސޯޓް ހަދަން ދޫކުރި ރަށްތަކުގެ ތެރެއިން ގިނަ ރަށްތަކުގައި މަސައްކަތް ނުފެށި ހުރުމުގެ ކަންބޮޑުވުން ކައުންސިލްތަކުން ދަނީ ފާޅުކުރަމުން. --ފޮޓޯ: ބ.އަތޮޅު ބައޮސްފިއާ ރިޒާވް
19 އޮކްޓޯބަރ 2021 - 12:27
30 comments
ޓޫރިސްޓު ރިސޯޓް ތަރައްގީކުރަން ދޫކޮށްފައިވާ ރަށްތައް، ތިން އަހަރުގެ ތެރޭގައި ނުހުޅުވައިފި ނަމަ އޮޓޮމެޓިކުން އަތުލެވޭ ގޮތަށް، އަލުން އެއްބަސްވުމެއްގައި ސޮއިކުރަން ނިންމާފައިވާ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެ އެވެ.
ލާމަރުކަޒީ ގާނޫނުގެ ދަށުން ކައުންސިލްތަކަށް އާ ބާރުތަކެއްދީ އިހްތިސޯސް ކަނޑައަޅައި، ރަށާއި އަތޮޅަށް ފައިދާ ހޯދުމުގެ ޒިންމާ މަތިކޮށްފައިވާތީ އެންމެ ބޮޑު ޝަކުވާއަކަށް މިހާރު ވެފައި އޮންނަނީ ރިސޯޓް ހަދަން ރަށް ނަގައި އަތް ނުލައި އެތައް އަހަރަކު ބާއްވާފައި އޮތުމެވެ.
ޓޫރިޒަމް މިނިސްޓްރީން 2020 ގައި އާއްމުކުރި ހިސާބުތަކުގައިވާ ގޮތުން ދޫކުރި ރަށްތަކުގެ ތެރެއިން 50 އަށް ވުރެ ގިނަ ރަށް ހުރީ ނުހެދި އެވެ. އޭގެތެެރެއިން 21 ރަށެއްގެ މުއްދަތު އިތުރުކޮށްދޭން ވެސް އެދިފައިވެ އެވެ. މީގެ ތެރޭގައި އެއްވެސް މަސައްކަތެއް ނުކޮށް 10-15 އަހަރުވެފައިވާ ރަށްތައް ވެސް ހިމެނެ އެވެ.
މި ގެންނަ ބަދަލާ އެކު ރައްޔިތުންނަށް ފެންނާނެ ރިސޯޓްތައް ހެދެމުންދާ ތަން. ނޫނީ ވަކިވެގެންދާ ތަން. -- މައުސޫމް
ޓޫރިޒަމްގެ އާ ޕްރޮޑަކްޓް، ހޯމް ސްޓޭއަށް ހިތްވަރު ދެއްވަން މި ހަފުތާ ބަންދުގައި މިނިސްޓަރު ޅ. އަތޮޅަށް ވަޑައިގަތުމުން ވެސް ބައެއް ކައުންސިލްތަކުން ވަނީ ރިސޯޓް ހަދަން ދޫކޮށްފައި ހުރި ރަށްތަކުން ފައިދާ ނުވާ މައްސަލައިގައި ހައްލެއް ހޯދައިދެއްވަން އެދިވަޑައިގެންފަ އެވެ.
މިކަމާ ގުޅޭ ގޮތުން "މިހާރު"ން ސުވާލު ދެންނެވުމުން މިނިސްޓަރު ވިދާޅުވީ ރަށްތައް ނެގުމަށް ފަހު އެއްވެސް ކަމެއް ނުކޮށް ދޫކޮށްލާފައި އޮތުމަކީ ޓޫރިޒަމަށް ވަރަށް ބޮޑު ގޮންޖެހުމެއް ކަމަށެވެ. ބީލަމަށް ހުޅުވާލައި ރަށެއް ދޫކުރަނީ ޕްލޭނެއްގެ ތެރެއިން ކަަން މިނިސްޓަރު ފާހަގަކުރެއްވި އެވެ.
ބޭނުމަކީ އެ އަތޮޅެއްގައި ވަކި ވަރަކަށް އެނދު އުފެއްދުމަށާއި ވަޒީފާ އުފެއްދުމުގެ އިތުރުން ދައުލަތަށް އާމްދަނީ ހޯދުމެވެ.
"ރަށެއް ނުހުޅުވުނީމަ އެ އަތޮޅަކަށް ވަޒީފާތަކެއް ނާދޭ. ޓޫރިޒަމާ ގުޅިފައި ހުންނަ އެހެން ފައިދާތަކެއް ނުވޭ. ދައުލަތަށް ލިބެން ޖެހޭ ޓެކްސްތަކެއް ނުލިބޭ. އެތަން ހަމަ ދޫކޮށްފައި އޮންނަނީ،" މިނިސްޓަރުގެ ކަންބޮޑުވުން ހިއްސާކުރެއްވި އެވެ.
ޅ. އަތޮޅަށް ކުރެއްވި ދަތުރުގައި ނައިފަރު ކައުންސިލާ މިނިސްޓަރު ބައްދަލު ކުރައްވަނީ. -- ފޮޓޯ/ ޓޫރިޒަމް މިނިސްޓްރީ
އެކަމުގައި މިނިސްޓްރީން އަމަލުކުރާ ގޮތަކީ، މައުސޫމް ވިދާޅުވި ގޮތުގައި، ފަސޭހަ އިން ނުކުމެވެން ހުންނަ އެއްބަސްވުންތަކުގެ ތެރެއިން ނުކުތުމެވެ. އެކަމަކު އެއްބަސްވުންތަކާ ގުޅިގެން ކޯޓާ ހިސާބަށް ގޮސްފައި އޮތް ނަމަ އުނދަގޫތަކަކާ ކުރިމަތިލާން ޖެހޭ ކަމަށާއި އެފަދަ އެއްބަސްވުން މިނިސްޓްރީއަށް ރޫޅާލަން ފަސޭހަ ނޫން ކަމަށް ވިދާޅުވި އެވެ.
"އެހެންވީމަ މިހާރު މި ހަދާ ގޮތަކީ އެގްރިމެންޓްތައް ރޫޅާލެވޭނެ ގޮތަށް ހުރިހާ ތަނަކާ އެކު އަލުން ސޮއިކުރަނީ. އޭގައި މި އިންނަނީ ތިން އަހަރު ވާ އިރު ނުހުޅުވައިފިއްޔާ އޮޓެމެޓިކުން އެއްބަސްވުން ނިމޭނެ ކަމަށް،" މައުސޫމް ވިދާޅުވި އެވެ.
އޭނާ ވިދާޅުވި ގޮތުގައި އެއްބަސްވުން ރޫޅާލަން ތިން އަހަރު ވަންދެން މިނިސްޓްރީން މަޑެއް ވެސް ނުކުރާނެ އެވެ. ރަށް ދޫކުރާތާ އާއްމުކޮށް ދޮޅު އަހަރުގެ ތެރޭގައި ރިސޯޓެއް ހަދައި ނިންމާލެވޭ ކަމަށް މިނިސްޓަރު ވިދާޅުވި އެވެ.
"ދޮޅު އަހަރުވާ އިރު ހަދަން ނުފެށޭ ތަނެއް އަނެއް ދޮޅު އަހަރުގެ ތެރޭގައި ނުނިމޭނެ. އިރާދަކުރެއްވިއްޔާ މި ގެންނަ ބަދަލާ އެކު ރައްޔިތުންނަށް ފެންނާނެ ރިސޯޓްތައް ހެދެމުންދާ ތަން. ނޫނީ ވަކިވެގެންދާ ތަން،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޓޫރަބޭ
19 October 2021
ބުނަން ވާވަރުގެ ކަންކަން ކިޔާ ވާހަކަ ދައްކާއުޅެމާ. ގަވައިދާ ގަނޫނު ނެތިގެނެއްނޫން ކަންކަން ބޮއްސުންލައިގެން މިގައުމު ގޮސްމިވަނީ. ގަވާއިދާއި ގާނޫނު ހިންގަން ތިބިމީހުންގެ ގާބިލުކަމެއްނެތީމަ. ކޮންމެވެސް މީހެއްގެ ދަށުވެފަ، ކޮރޮޕްޓުވެފަ ނޫނީ ވާނުވާނޭގިފަ ތިބޭތީ.
ގާބިރު
19 October 2021
ހެޔޮ ނުވާނެ ކަލޭނޭ ޖާބިރު އަތުން އަލިދޫ ނަގައިދީބަލަ އާދޭސް ކޮއްފަ މިބުނީ
އޮނަރަބްލް އަފީފު ދީދީ
19 October 2021
ތިން އަހަރުން ރިސޯޓް ހުޅުވުން އެކަންޏެއްނޫން. ހިގަހިގާ ހުންން ރިސޯޓް ބަންދުކޮށްގެން އެތައް އަހަރެއްވަންދެން ތިބެންވެސް ފުރުސަތު ދީގެން ނުވާނެ. # ހިގާ ވަރަށް އާދައިގެ ކަމަކަށް ބަލާލަމާ. ހުއްދަދީފައިވާ ޓެކްސީ ދަތުރު ނުކޮށް އޮންނަނަމަ ހުއްދަ ބާތިލް ކުރާނެ ކަމުގެ އިންޒާރު ސަރުކާރުން ދީފައިވާއިރު ކީއްވެގެންތޯ އެފަދަ ޤަވާއިދު ރިސޯޓް ތަކުގެ މައްޗަށް ނުހިންގާންވީ؟ ކޮބާތޯ އިންސާފު؟ ޒީރޯ ޓޮލަރެންސް އޮތީ ކުޑަމީހާއަށް ކުޑަކޮށް ބޮޑުމީހާއަށް ބޮޑުކޮށްތޯ؟!
އުއްތަމަ އުސްތާޛް
19 October 2021
5 އަހަރު ރަނގަޅު. 3 މާ މަދު
ޢަރުތަ
19 October 2021
މިހާރުވެސް ފަސް އަހަރަށްވުރެ މާގިނަ އަހަރުތަކެއް ވަނީވެފަ، އެހެންވީމަ އަނެއްކާ އަނެއް ފަސްއަހަރު ދޭނެކަމެއްނެތް، ޤާނޫނުތަން ދޭނަމަ 10 ނޫނީ 15 އަހަރުވީ އިރުވެސް އެއްވެސް ކަމެއް ނުކޮށްއޮތް ރަށެއްވިއްޔާ އެގްރީމަންޓް ބާތިލުކޮށް ރަށް އަތުލަންވީ، ތިން އަހަރުވެސް ދޭނެކަމެއްނެތް.
ހަސަނުު
19 October 2021
ވަރަށް ރަނގަޅު އެހެން ވީމައި ގާސިމަށް ދޫކޮށްފައި ހުރި ރަށްތަކާއި ފަޅުތަކުން ފަށަމާ؟
އެޑްމުންޑޯ
19 October 2021
ގދ ގަޒީރާ ގާސިމް އަށް ދިންފސހުން 15 އަހަރު ވެއްޖެ ، އެއްވެސް މަސައްކަތެއް އަދި ކޮއްފައެއް ނެތް ، މިނޫހުން މިކަން ސަރުކާރުގެ ސަމާލުކަމަށް ގެނެސްދީބަލަ
ދޯޝަނީ
19 October 2021
ގާސިމު ދެކެ ހާދަ ލޯބިވެޔޭ މިކުދިން. ބަލަތެންގެ ދައުަލަތައް އެއްމެ ބޮޑުޓެކުހެއް ދައްކަނީ ޤާސިމު، އެ ފައިސާ ޚަޒާނާއިން ލޫޓުވާގެން ކަމުންދާ މީހުންގެ ވާހަކަ ލިއެބަލަ މާތާހިރުވާނެ
ނޭކުރަންދޫ އިބްރާހިމް
19 October 2021
ހަމްޒާ ޢާއި އަލީ ޟިޔާމްގެ ވާހަކަ ވެސް ބުނެލިނަމަ މިހާރު 30 އަހަރިވަނީ ވިއްޔާ ހދ އިން ރިސޯޓްހަދަން ނެގިރަށްތަކަށް
ބޮޑުމީހާ
19 October 2021
ތިކަންވާނެގޮތް ރައްޔިތުންނަށް ވަރަށް ސާފު. 3 އަހަރުވީމަ އަދި ދޭނެ އިތުރު 5 އަހަރު. ނުވިތާކަށް ކުލިވެސް މާފްކުރާނެ. ޑިއުޓީފްރީކޮށް ރިސްޯޓް ހަދަން މުދާ އެތެރެކޮށް ރަށްބަހައްޓާފަ އެތައް ފިހާރަ ހުޅުވައިގެން އުޅޭ ކިތައްމީހުން ތިބީ. ނުވާވަރުގ ވާހަކަތައް ނުދއްކުން ބުއްދިވެރި
ހިތަދޫ 2
19 October 2021
އެކަނި ރަށްތަކެއް ނޫން ހުރިހާ ޕްރޮޖެކްޓްވެސް ޕްރޮޕޯސަލް އިން ޑީވިއޭޓް ވާނަމަ އަޑިޓް ކޮއްފަ ޖުރިމަނާ ނުވަތަ ޓާމިނޭޓް ކުރަން ޖެހޭ އެހެންނޫނީ ކޮންޓްރެކްޓަރަސް އެކައުންޓަބަލް ނުކުރެވޭނެ ހާދަ ގެއްލުމެކޭ ލިބޭ ޑިލޭތަކަކީވެސް. ބަލާ ނިކަން ހުޅުމާލެ ހުރި ފްލެޓްތަށް، ނަސަނދުރާ، ގުޅި ބްރިޖް.. މިވެސް ކޮރަޕްސަން ގެ ވައްތަރެއް ހަމަ އަޅާނުލާ ނުވަތަ އިތުރު މުހުލަތް އަބަދު ދީ ދީ ލަސްކުރުން.
އިސްމާލި
19 October 2021
ހެހެ.. ރަނގަޅު އެޓެމްޕްޓްއެއް. އެކަމު ތި ރައްތަށް އަތުލުމާއިއެކީ ފެންނާނީ މިނިސްޓަރުގެ ވަޒީފާގަނޑުވެސް ގެއްލޭތަން ހެން ހީވަނީ. ތިކަމުގައި އެންމެ ކުރީގައި އުޅޭނީ އިސްތިއުފާ ދިން ރައީސް.
އޮނަރަބްލް އަފީފު ދީދީ
19 October 2021
ރިސޯޓް ހަދަން ހަވާލުކުރި ގިނަރަށްތައް އެމީސްމީހުންގެ ތަރިކަމުދާކަމުގައިހަދާ އެރަށްތައް މުޅިއުމުރުދުވަހަށް އަމިއްލަކޮށްފި. # މިކަންހުއްޓުވުމަށާއި ދައުލަތުގެ މިފަދަތަރިކަތަކަކީ ރައްޔިތުންގެ މުދަލުގެގޮތުގައި ބޭއްވުމަށްޓަކާ ރިސޯޓްހަދާންދޫކުރާ ހުރިހާރަށްތަކަކީވެސް ދައުލަތާއިރައްޔަތް ޙިއްސާވާ އެސްޓީއޯ، ބީއެމްއެލްފަދަ ކުންފުނިތަކުގެ މިލްކުވެރިކަމުގައިވާ ރަށްތަކެއްކަމަށް ހަދާ ލީޒް ކުރާމުއްދަތު ހަމަވުމާއިއެކު ޕްރޮޕަޓީ އެފަރާތަށް ޙަވާލުކުރަން ކަޑައަޅުއްވާ.