20 އޮކްޓޯބަރ 2021 - 13:17
1 comments
ކޮމްޕިއުޓަރުން ޖެނެރޭޓްވާ މާހައުލެއްގައި، ވާޗުއަލް ދުނިޔެއެއްގައި އުޅެވޭ ކަމުގެ އިހްސާސްވާ ގޮތަށް ފޭސްބުކް ބަދަލުކުރަން ނިންމާފައިވާތީ ކުންފުނީގެ ނަން ބަދަލުކޮށް ރިބްރޭންޑްކުރަން ނިންމާފައިވާ ކަމަށް ރިޕޯޓްތައް ބުނެފި އެވެ.
ބައެއް މީޑިއާތަކުން ބުނި ގޮތުގައި މި މަހުގެ 28 ގައި ބާއްވާ ފޭސްބުކްގެ އަހަރީ ކަނެކްޓް ކޮންފަރެންސްގައި މިކަމާ ބެހޭ ގޮތުން ފޭސްބުކްގެ ވެރިޔާ މާކް ޒަކަބާގް ވާހަކަ ދައްކަވައި، އެކަމާ ބެހޭ ތަފުސީލުތައް ހާމަކުރައްވާނެ އެވެ.
މިކަމާ ގުޅޭ ގޮތުން ދައްކާ ވާހަކަތަކަށް އެ ކުންފުނިން ރަސްމީކޮށް އެއްވެސް އެއްޗެއް ނުބުނެ އެވެ.
Exclusive: Facebook is planning to rebrand the company with a new name https://t.co/0NuPhWQsc5 pic.twitter.com/htkzkRBCGI
— The Verge (@verge) October 20, 2021
ބައެއް މީޑިއާތަކުން ބުނި ގޮތުގައި ރީބްރޭންޑްކުރާނީ ފޭސްބުކް އުފެދުނީއްސުރެ ރަސްމީ ކުލައެއްގެ ގޮތުގައި ބޭނުންކުރާ ނުލާއި ހުދު ކުލަ ދޫކޮށްނުލަ އެވެ. ރީބްރޭންޑްކުރާ އިރު، އޭގެ ދަށުން ހިންގާ ވަޓްސްއެޕާއި އިންސްޓަގްރާމާއި ވީއާރް ކުންފުނި އޮކިއުލަސް ފަދަ ޕްލެޓްފޯމްތައް ފޭސްބުކާ ގުޅުން އޮތްކަން މިހާރަށް ވުރެ ބޮޑުކޮށް އެނގޭނެ ގޮތަށް ބަދަލު ގެންނާނެ ކަމަށްވެ އެވެ.
އެންމެ ގިނަ ބަޔަކު ބޭނުންކުރާ ސޯޝަލް މީޑިއާ ޕްލެޓްފޯމްގެ ގޮތުގައި މަޝްހޫރު ފޭސްބުކް ވުޖޫދަށް އައީ 2004 ގަ އެވެ.
ފޭސްބުކުން "މެޓަވާސް" އަށް ކުރާ މަސައްކަތަށްޓަކައި ޔޫރަޕްގެ ގައުމުތަކުން ކުރިއަށް އޮތް ފަސް އަހަރުގެ ތެރޭގައި 10،000 މުވައްޒަފުން ނަގަން ނިންމިކަން ވެސް މިދިޔަ ހޯމަ ދުވަހު އިއުލާންކޮށްފައިވެ އެވެ. ފޭސްބުކްގައި މިހާރު ވެސް 60،000 އަށް ވުރެ މީހުން މަސައްކަތްކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައިސެންޓް
20 October 2021
މިކަމާ ގުޅޭގޮތުން ބޭރުގެ ނޫސްތަކުގަ ހުރި ޚަބަރުތަކުގަ އޮތީ ފޭސްބުކް ހިންގާ ކުންފުނި ރީބްރޭންޑް ކުރާ ވާހަކަ. އެއީ "ފޭސްބުކް އިންކޯޕަރޭޓެޑް" ގެ ދަށުން މިހާރު ހިންގަނީ ހަމައެކަނި ފޭސްބުކް ކަމަށް ނުވާތީ، އަދި ޚަބަރުގަވާ ފަދައިން ވާޗުއަލް ދުނިޔެއެއްގެ ޕްރޮޖެކްޓެއްވެސް ކުރިއަށް ދާތީ. އެކަމަކު ފޭސްބުކް ޕްރޮޑަކްޓް ހަމަ އެބްރޭންޑްގަ ކޮންޓިނިއުކުރާ ގޮތަށް އޮތީ.