ކުރީގެ ރައީސް މައުމޫން
06 ޑިސެމްބަރ 2016 - 13:26
10 comments
ކުރީގެ ރައީސް މައުމޫން އަބްދުލްގައްޔޫމަކީ ޕީޕީއެމްގެ ރައީސް ކަން އަންގައިދޭ ލިޔުމެއް، މައުލޫމާތު ހޯދާ ލިބިގަތުމުގެ ގާނޫނުގެ ދަށުން އިލެކްޝަންސް ކޮމިޝަނަށް ފޯމު ހުށަހަޅައިގެން ވެސް އަދި ނުލިބޭ ކަމަށް މައުމޫންގެ ފެކްޝަނުން މިއަދު ބުނެފި އެވެ.
ރައީސް އަބްދުﷲ ޔާމީނާއި މައުމޫނާ ދެމެދު އުފެދުނު ހިޔާލު ތަފާތުވުމާ އެކު ޕީޕީއެމް ވަނީ ދެ ފަޅިވެފަ އެވެ. ޕީޕީއެމް ހިންގުމުގެ ހުރިހާ ބާރެއް ސިވިލް ކޯޓުގެ އެންގުމަކާ އެއްގޮތަށް މިހާރު ލިބިވަޑައިގެންފައި ވަނީ ޕާޓީގެ މުސްތަޝާރުގެ ރަމްޒީ މަގާމުގައި ހުންނެވި ރައީސް ޔާމީނަށެވެ.
މައުމޫނަކީ ޕާޓީގެ ރައީސްކަން އަންގައިދޭ ލިޔުމެއް ލިބޭތޯ މައުލޫމާތު ހޯދައި ލިބިގަތުމުގެ ގާނޫނުގެ ދަށުން އިލެކްޝަންސް އަށް މިިދިޔަ ހަފުތާގެ ހޯމަދުވަހު އެމަނިކުފާނުގެ ފަރާތްޕުޅުން ހުށަހެޅީ ކުރިން ސިޓީފުޅަކުން އެދިގެން ވެސް ލިޔުން ނުލިބުމުންނެވެ.
އެ ފަހަރު އިލެކްޝަންސް އިން ޖަވާބު ދިނީ، ޕާޓީތަކާ ގުޅޭ މައުލޫމާތު ދޭނީ އެ ޕާޓީއަކުން ކަމަށް ބުނެ އެވެ. ނަމަވެސް ޕާޓީއަކާ ބެހޭ މައުލޫމާތު ނުލިބިއްޖެ ނަމަ އެކަމުގައި ކޮމިޝަނަށް އެހީތެރި ވެވިދާނެ ކަމަށް އެތަނުން ކުރިން ބުނެފައިވެ އެވެ. މައުމޫނަކީ ޕީޕީއެމްގެ ރައީސްކަން އަންގައިދޭ ލިޔުމެއްގެ އިތުރުން އެ ޕާޓީގެ ފުރަތަމަ ކޮންގްރެސްގެ ޔައުމިއްޔާގެ ކޮޕީއެއް ހޯދަން ވެސް މައުމޫން އެދިވަޑައިގަތެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން މައުލޫމާތެއް ހޯދަން ހުށަހަޅައިފި ނަމަ އޭގެ ޖަވާބެއް ދޭން ކަނޑައަޅާފައި އޮންނަނީ 21 ދުވަހެވެ.
މިއީ ޕާޓީގެ ރައީސްގެ ހައިސިއްޔަތުން މައްސަލައެއް އިސްތިއުނާފު ކުރަން ހުރަސްތަކެއް ކުރިމަތިކުރަން ކޮށްގެން އުޅޭ ކަމެއް: އަލީމް
މައުމޫން ފެކްޝަނުން ޕީޕީއެމްގެ ސެކްރެޓަރީ ޖެނެރަލް އަބްދުލް އަލީމް ވިދާޅުވީ އެ ލިޔުންތައް ހޯދަން އިލެކްޝަންސްގެ އިންފޮމޭޝަން އޮފިސަރަށް ކޮންމެ ދުވަހަކު ވެސް ގުޅުއްވާ ކަމަށެވެ. އޮފިސަރުގެ ޖަވާބަކަށް ވަނީ "އެކަން ޕްރޮސެސް" ކުރަމުން އެބަ އަންނަ ކަމަށް، ކަމަށް އަލީމް ވިދާޅުވި އެވެ.
އެކަމަކު އޭނާ ވިދާޅުވި ގޮތުގައި އެއީ މާ ބޮޑު ޕްރޮސެސްއެއް ބޭނުންވާ ކަމެއް ނޫނެވެ.
"މިއީ ޕާޓީގެ ރައީސްގެ ހައިސިއްޔަތުން މައްސަލައެއް އިސްތިއުނާފު ކުރަން ހުރަސްތަކެއް ކުރިމަތިކުރަން ކޮށްގެން އުޅޭ ކަމެއް،" އަލީމް ވިދާޅުވި އެވެ.
މުޅި ރާއްޖެ އަށް އެނގޭ ގޮތަށް ޕީޕީއެމުން ބޭއްވި ބޮޑު ކޮންގްރެސްއަކުން އެ ޕާޓީގެ ރައީސްކަމަށް މައުމޫން އިންތިހާބުކޮށްފައި ވިޔަސް، ޕީޕީއެމްގެ ރައީސަކީ އެމަނިކުފާނުކަން އަންގައިދޭ ރަސްމީ ލިއުމެއް ހޯއްދަވަނީ ޕާޓީ ހިންގުން ރައީސް ޔާމީނާ ހަވާލުކުރަން ޕާޓީގެ ކައުންސިލުން ނިންމި ނިންމުން ބާތިލްކުރަން ކޯޓަށް މައްސަލަ ހުށަހެޅުއްވި އިރު އެ ލިޔުން ބޭނުންވުމުންނެވެ. އެކަމަކު ކޯޓުން މިހާރު ވަނީ އެ މައްސަލަ ބޭރުކޮށްލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުރަވަރި
06 December 2016
މި ދެން ކޯއްޗެއް ލިޔުމެއް ނުދޭން ޔ ތި އަންގަނީ
އަޙްމަދު
06 December 2016
ހެޔޮނުވާނޭ ރައީސް މައުމޫނައް ކޮއްމެވެސް ކަހަލަ ލިޔުމެއް ކޮއްމެވެސް ބޭފުޅަކު ދެއްވަބައްލަވާ ހެޔޮނުވާނޭ ހެޔޮނުވާނެ!؟
ކޮމޮށޮން
06 December 2016
ރައީސް މައުމޫނަށް ވެދުންސަލާމަށް ފަހު ދަންނަވަމެވެ. ތިޔަ ހޯއްދަވަން އެދިލެއްވި ލިޔުން އަދި ރައީސް އޮފީހުން މި ކޮމޮށޮނަކަށް ނުފޮނުއްވައެވެ. އެލިޔުން ލިބުނުހައި އަވަހަކަށް މަނިކުފާނާ ޙަވާލުކޮށްދޭނެ ވާހަކަ ދަންނަވަމެވެ. ޝުކުރިއްޔާ 6 ޑިސެންބަރ 2016 ޕީއޭއަށް ވަފާތެރި ކޮމޮށޮންގެ ރައީސް
ފަޅުވެރިން
06 December 2016
އެހެންތަނަކުން ދޭ ލިޔުމެއް ހޯދައިގެން ކަށަވަރު ކުރަންޖެހޭ ރައީސްކަމެއް ކަމަށްވެއްޖިއްޔާ ޚުދު މައުމޫންވެސް މިހާރު ޤަބޫލެއް ނުކުރައްވާތާ ތިޔައީ ޕީޕީއެމްގެ ޙަޤީޤީ ރައީސް ކަމަކަށް! އެހެންވީމާ ތިޔަފަދަ މަޤާމެއްގައި ނުހުންނަވާ އަވަސްގޮތަކުން އިސްތިޢުފާ ދެއްވުމެއް ނޫންތޯ އެންމެ ރަނގަޅު ގޮތަކީ. ޕާޓީގެ ރައީސުންނަކީ ރާއްޖޭގައި ވަރަށް ގިނަ ބައެއް. ނަމަވެސް "ނިޝާން ޣާޒީގެ ޢިއްޒަތް" އޮތް ދުނިޔޭގައި ހުންނެވި ހަމައެކަނި ބޭފުޅަކީ މައުމޫން. އެހެންވީމާ އެޢިއްޒަތާއިގެން މަޑުން ހުންނެވުން ދެންވެސް އެންމެ ރަނގަޅު ގޮތަކީ! ޝަރުޢީ، ޤާނޫނީ ހަމަތަކުން ހޮވި، ޤާއިމްވެފައިއޮތް ވެރިކަމަކާ ދިމާއިދިކޮޅަށް ތެދުވެގެން މާދިގު ހިސާބަކަށް ނުދެވޭނެ. މިކަން އަވަހަށް ވަޒަންކުރެވުނު ވަރެއް މައުމޫނަށް ރަނގަޅު. މައުމޫނަކީ އެއްގޮތަކަށްވެސް ޤައުމަށް ހެޔޮއެދިގެން އުޅުއްވާ ބޭފުޅެއް ނޫން. 03 އަހަރާއި 03 މަހުގެ ނަހަލާލު ސަރުކާރުން އެއޮއްހުރިހާ ޖަރީމާ ހިންގިއިރުވެސް ޓްވީޓެއްގެ ސިފައިގައި އަކުރެއްވެސް އަޅާނުލައްވާ!
ޙަސަން
06 December 2016
އަޙްމަދު ސުލައިމާން ދީނީ ޢިލްމު އުނގެނިގެންހުރެ ޤިޔާމަތް ދުވަހަށް ބިރުވެތިވޭބާ؟
އީ
06 December 2016
އަޅެމީ މައުމޫން އާއި ޔާމީން ގެ ގަޢުމެއްތަ ހިގާ މިތަނުން ދާން
މަޒް
06 December 2016
ތިޔަ ލިޔުން ލިބޭނީ ރައިސ އޮފީހުން ތިލިޔުމުގެ ޖަވާބު ތައްޔާރުކޮއް އިލިކެޝަންއަށް ފޮނުވި އިރަކުންކަން މައުމޫނަށް ނޭންގެނީ ތޯ؟
މަސީހު
06 December 2016
ސިޔާސީ މަސްރަހަށް ބަލާއިރު އެއްމެ ރަގަޅުވާހަކަ ދައްކަވަމުން ގެންދަވަނީ ރައީސް މަައުމޫން. އެބޭފުޅާއަކީ ރާއްޖޭގެ މަސްރަހު ރަގަޅަށް އެގިވަޑައިގެން އެދުވަސްވަރަކައް ރައްޔިތުން ގެ ބޭނުންތައްް ހުރިގޮތަށް ބައްލައިވައިގެން ރާއްޖެއާގެން ކުރިޔަށް ވަޑައިގަންނަވަން އެގިވަޑައިގެން ހުންނެވި ލީޑަރެއް.
މެންޓަލިސްޓް
06 December 2016
ރައިސްމައުމޫންއަށް ވަރަށްވެދުން ، މަނިކުފާނުވެސް ވެރިކަންކުރިއިރު ހުރިހާގާނޫންއަކާޢި ގަވާއިދެއް އޮންނަނީ މައުމޫންގެ މުށުތެރޭގައި ހަމައެގޮތްމިހާރު ޙުދު ރައީސްމައުމޫންއަށް ދިމާވެގެން ތިޔައުޅުއްވަނީ ،، އެއަށް ކިޔާއުޅޭ " ކާރމާ" އޭވެސް ،،،، އެމީހަކު ކުރިކަމެށްގެ އަސަރުއަމީހަކަށް އަނބުރާއަންނާނެ ،،،،، އެއީދުނިޔޭގެ އުސޫލް ،،، އިލާހީ ގާނޫން ،، ވަރަށްވެދުން
އަލިފުތު
06 December 2016
30 އަހަރަށް އިތުރުި 30 އަހަރު ؟