ނައީބު ރައީސް ފައިސަލް ނަސީމް މިދިޔަ އަހަރު އޭއީއެޗްގައި.
24 އޮކްޓޯބަރ 2021 - 16:53
5 comments
ކަރުންމަތީގެ ބަލިތަކުގެ އޮޕަރޭޝަންތައް އައްޑޫ އިކުއަޓޯރިއަލް ހޮސްޕިޓަލް (އޭއީއެޗް) ގައި ފަށައިފި އެވެ.
އެ ހޮސްޕިޓަލްގެ އީއެންޓީ ޑިޕާޓްމަންޓްގައި މި ވަގުތު މަސައްކަތްކުރައްވަމުން ގެންދަވާ ޑރ. އައިޝަތު އަލީ ވިދާޅުވީ އީއެންޓީ އޮޕަރޭޝަންތައް ހޮސްޕިޓަލްގައި ފެށުމަކީ ލިބުނު ވަރަށް ބޮޑު ކުރިއެރުމެއް ކަމަށެވެ.
ސިއްހީ ދާއިރާގައި މަސައްކަތްކުރައްވާތާ 21 އަހަރުވީ ޑރ. އައިޝަތު ވިދާޅުވި ގޮތުގައި ކަރުންމަތީގެ ބަލިތަކުގެ އޮޕަރޭޝަންތައް ކުރެވޭނެ އިންތިޒާމުތައް ހަމަޖެހި، ކުރިއަށް އޮތް ތަނުގައި އެ ދާއިރާގެ މަސައްކަތްތައް ހޮސްޕިޓަލްގައި ފުޅާވެ، ހިދުމަތްތައް ފަސޭހަ އިން ރައްޔިތުންނަށް ލިބޭނެ ކަމަށެވެ.
"އުންމީދަކީ ކުރިއަށް އޮތް ތަނުގައި ހިދުމަތްތައް އިތުރަށް ފުޅާވެގެން ދިއުން،" އައިޝަތު ވިދާޅުވި އެވެ.
މި ވަގުތު އޭއީއެޗްގައި ކުރާ އީއެންޓީ އޮޕަރޭޝަންތަކުގެ ތެރޭގައި ކަރުންމަތީގެ އާންމު ހުރިހާ އޮޕަރޭޝަންތައް ހިމެނެ އެވެ. އޭގެ ތެރޭގައި ޓޮންސިލް، އެޑްނޮއިޑް އޮޕަރޭޝަން، ސެޕްޓޯރިނޯޕްލާސްޓީ (ނޭފަތުގެ ކަށިގަނޑު ސީދާކުރުން)، ތައިރޮއިޑް ސާޖަރީ، ޕެރޮޓިޑް ސާޖަރީ، ދުލުގެ ނާރު ބުރިކުރުމުގެ ސާޖަރީތައް ފަދަ އޮޕަރޭޝަންތައް ހިމެނެ އެވެ.
އޭއީއެޗްގައި އީއެންޓީ އޮޕަރޭޝަންތައް ފެށި އިރު އެ ޑިޕާޓްމަންޓްގައި މަސައްކަތްކުރައްވާ ޑޮކްޓަރުންގެ ތެރޭގައި އެ ދާއިރާގެ 12 އަހަރު ތަޖުރިބާ ލިބިފައިވާ ޑރ. ދިޕެންދުރަ ގޯތަމް ހިމެނެ އެވެ. އޭނާ އަކީ ކުރިން ނޭޕާލްގައި މަސައްކަތްކުރެއްވި ޑޮކްޓަރެކެވެ.
މާލެ ސަރަހައްދު ފިޔަވައި ރާއްޖޭގެ އަތޮޅެއްގައި ގާއިމުކުރި ފުރަތަމަ ޓާޝަރީ ހޮސްޕިޓަލްގެ ގޮތުގައި 100 އެނދުގެ އޭއީއެޗް ހުޅުވައި ހިދުމަތް ދޭން ފެށީ މިދިޔަ އަހަރުގެ ޖެނުއަރީ މަހުގެ 15 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފުތާ
24 October 2021
އީއެންޓީ؟ އެކަމަކު ވާ އިޝްތިހާރު ކުރަން މޮޅުބައެއް. ވާކަމެއް ނެތް. ޑޮކްޓަރެއް ނެތް ތަނެއްގަ، ދެން ކޮން އޮޕަރޭޝަނެއް ކުރެވޭނީ، ރޮބޮޑުން ގެނައިބާ އަނެއްކާ.
އޮނަރަބްލް އަފީފު ދީދީ
24 October 2021
އޭއީއެޗް އަށް ގެންނަ ކޮންމެ ކުރިއެރުމެއް އުފަލާއިއެކު ބަލަންގަންނަން. އަހަރުމެން އެދެނީ ހޮސްޕިޓަލުގެ ރައްޓެއްސަކަށް، މަޖިލިސް މެންބަރަށް ނުވަތަ ކޮންމެވެސްބާރުގަދަ އެހެންފަރާތެއްގެ ނުފޫޒެއްނެތި އަހަރުމެން އަމިއްލައަށް ހޮސްޕިޓަލަށްގޮސް ކައުންޓަރުން ނަންނޯޓްކޮށްގެން އެދުވަހު ނޫންނަމަ ޖެހިގެންއަންނަދުވަހު ޑޮކްޓަރަށް ދެއްކޭގޮތް ހަމަޖެހިގެން ދިއުން. # އައްޑޫ އިކްއިޓޯރިއަލް ހޮސްޕިޓަލަކީ ރައްޔިތުން އިތުބާރުކުރާ ހިދުމަތް ރަނގަޅު ހޮސްޕިޓަލަކަށް ހަދާންޖެހޭ.
ނަގިއްޔާ
24 October 2021
ދުނިޔޭގެ އެންމެ ގަދަ ހޮސްޕިޓަލްތަށް ހުންނަނީ ރާއްޖޭގައި. ހުރިހާ ޚިދުމަތެއްވެސް ލީބޭނެ ވާހަކަ ބުނާގެ އެކަމަކު ނަންބަރެއް ނުލިބޭނެ. ފުލްވެފަ. ވެއިޓް ލިސްޓްކުރާނެ، ދުވަހަކުވެސް އެދުވަސް ޖެހޭތަނެއް ނާންނާނެ ނޫނީ ބުނެފާނެ އެބުނާދުވަހެއްގެ އެބުނާ ވަގުތަކު އެބުނާ ކިއުއެއްގަ ޖައްސަން. އެއީ ނިމުމެއްނެތް ކިއުއެއް. ނަސީބުން އެނަންބަރު ލިބިއްޖެއްޔާ ދައްކަންދާ ދުވަހު ބުނާނެ ކުއްލި މީޓީންއެއް އޮތީމަ މިއަދު ކެންސަލްވެއްޖެއޭ. އަނެއްކާ ދަ ސޭމް ތިންގް ރިޕީޓް!
އެޗް އެމް.
24 October 2021
ހޮސްޕިޓަލަކަށްވުރެ، ބޮޑަށް ތިޔައީވެސް ސްކޭން، ލެބެއް. ނަތީޖާ ލިބުނީމަ ފަރުވާހޯދަން ފުރައިގެން ދާންޖެހެނީ! ދެންތިބެނީ ގޫގުލް ޑޮކްޓަރުން. މާލޭގެ ވެސް ހާލަތު! ގޯހެއްނޫން. އަހަރެމެންގެ ފެންވަރު.
ރަދީފްއޮފިޝިއަލް
24 October 2021
މިފަދަ ކަންކަން ފަހިވެގެން ދިޔައީމަ އެކަމުގެ ފަސޭހަތައް ހުރިހާ ރައްޔަތުންނަށް ކުރާނެކަން ޔަގީން.އުއްމީދަކީ ހިދްމަތް ފުޅާވެ ރައްޔަތުން އުފަލުގަ އުޅޭތަން ފެނިގެން ދިޔުން.