ވިޔަފާރި / ދައުލަތުގެ ބަޖެޓް 2022

37 ބިލިއަން ރުފިޔާގެ ބަޖެޓް މަޖިލީހަށް ހުށަހެޅުން އާދިއްތަ ދުވަހު

ބަޖެޓް ކޮމިޓީގައި ފިނޭންސް މިނިސްޓަރު އިބްރާހިމް އަމީރު ވާހަކަދައްކަވަނީ-- ފޮޓޯ: ނިޝާން އަލީ/ މިހާރު

ފާތިމަތު ޝަނާ މުހައްމަދު، މިހާރު

26 އޮކްޓޯބަރ 2021 - 09:47

އަންނަ އަހަރަށް ލަފާކުރާ 37 ބިލިއަން ރުފިޔާގެ ބަޖެޓް ރައްޔިތުންގެ މަޖިލީހަށް އަންނަ އާދިއްތަ ދުވަހު ހުށަހަޅަން ސަރުކާރުން ނިންމައިފި އެވެ.

ފިނޭންސް މިނިސްޓްރީން މިއަދު ބުނީ، މަޖިލީހަށް ބަޖެޓް ހުށަހެޅުމުގެ ކުރިން ކުރަންޖެހޭ އެންމެ ފަހުގެ ކަންކަން މިހާރު ކުރަމުން އަންނަ ކަމަށެވެ.

ގާނޫނުގައިވާ ގޮތުން ކޮންމެ އަހަރެއްގެ ބަޖެޓް ވެސް އޮކްޓޫބަރު 31 ގެ ކުރިން މަޖިލީހަށް ހުށަހަޅަން ޖެހޭއިރު، އަންނަ އާދިއްތަ ދުވަހަކީ މި މަހުގެ އެންމެ ފަހު ދުވަހެވެ.

މަޖިލީށް ބަޖެޓް ހުށަހަޅަން ތައްޔާރުވަމުން އަންނައިރު، ރައީސް އިބްރާހިމް މުހައްމަދު ސޯލިހު ވަނީ ރައްޔިތުންގެ މަޖިލީހުގެ އެމްޑީޕީގެ ބައެއް މެމްބަރުންނާ މިދިޔަ ހަފުތާގައި މުލީއާގޭގައި ބައްދަލުކުރައްވައި މަޝްވަރާ ކުރައްވައިފަ އެވެ. އެ ބައްދަލުވުމުގައި ފިނޭންސް މިނިސްޓަރު އިބްރާހިމް އަމީރާއި އިކޮޮނޮމިކް ކައުންސިލްގެ ބައެއް ބޭފުޅުން އަދި ފިނޭންސް މިނިސްޓްރީގެ ބައެއް އިސްވެރިން ބައިވެރިވެވަޑައިގަތެވެ.

ފިނޭންސް މިނިސްޓްރީގެ "މެދު ރާސްތާ ފިސްކަލް ޑެޓް ސްޓްރެޓެޖީ" ގައިވާ ގޮތުން އަންނަ އަހަރަށް ސަރުކާރުން ހުށަހަޅާނީ 37 ބިލިއަން ރުފިޔާގެ ބަޖެޓް ކަމަށް ވާއިރު، މަޖިލީހަށް ހުށަހަޅާ އަދަދުގެ މާ ބޮޑު ތަފާތެއް ނޯންނާނެ ކަމަށް އެ މިނިސްޓްރީން ބުނެފައިވެ އެވެ.

މި އަހަރަށް ރައްޔިތުންގެ މަޖިލީހުން ފާސްކޮށްފައި ވަނީ 34.9 ބުލިއަން ރުފިޔާގެ ބަޖެޓެކެވެ.

އަންނަ އަހަރުގެ "މެދު ރާސްތާ ފިސްކަލް ޑެޓް ސްޓްރެޓަޖީ" ގައި ވާ ގޮތުން އާމްދަނީގެ ގޮތުގައި އެ އަހަރަށް ލިބޭނެ ކަމަށް ލަފާކުރެވެނީ 23.6 ބިލިއަަން ރުފިޔާ އެވެ. އެ ރިޕޯޓުގައިވާ ގޮތުން ދައުލަތުގެ އަންނަ އަހަރުގެ ބަޖެޓުން 33.8 ބިލިއަން ރުފިޔާ ހަރަދުކުރަން ކަނޑައަޅާފައިވެ އެވެ. އޭގެ ތެރެއިން ރިކަރަންޓް ހަރަދަށް 21 ބިލިއަން ރުފިޔާ ހޭދަކުރާނެ އެވެ.

ފިނޭންސް މިނިސްޓްރީ ދައުލަތުގެ ބަޖެޓް ދައުލަތުގެ ބަޖެޓް 2022 ރާއްޖޭގެ އިގްތިސާދު

4 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޤައުމުގެ މުސްތަގުބަލް ދަރަނީގަ

26 October 2021

މި ކުނޑަ ކުނޑަ ދިވެހިރާއްޖެއަށް އުފަންވާ ކޮންމެ ދަރިޔަކީ މިދަރަނީގައި އެގިގެންނާއި ނޭންގިވެސް ހިއްސާވާފަރާތެއް.ކަށއވަޅަށް ސަންދޯކުގައި ތިރިކުރާ މާމަ ފަކީރު ވެސް އާހިރަތައް އެގެންދަވަނީ މިދަރަނިތަކުގެ ހިއްސާ ވާފަރާތެއްގެ ގޮތުގަ އެހެންނޫތޯ؟ސަބަބަކީ މިބިލްތައް ފާސްކުރަން ހުންނަފަރާތްތަކާ މެންބަރުން ގެ އިތުރުން ޤައުމުގެ ރައީސް އައްޔަން ކުރުމުގައި ވެސް އަހަރެމެން ގެ އާބާދީގެ ގިނަގުނަ ބައެއް ގެ ވޯޓްތަކެއްވުން.މަރުވެފައިވާ މާމަ އަދި ކީފަ ގެ އިތުރުން މަންމަ އަދި ބައްޕަ ފަކީރުގެ ނިމިދިޔަ އަހަރުތަކުގެ ދަރަނިން މިންޖުނުވަނީސް އިހައްވުރެ ބޮނޑު ދަރަންޏަކަށް ވޯޓު ދެއްވާ މަޖިލީސް މެންބަރުންނަށް ހެޔޮވިސްނުމުގެ ތައުފީޤުލައްވާށި.އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 October 2021

ވެލާނާއެއަރޕޯޓުން ދައުލަތަށްލިބޭ އާމްދަނީފަދަ "ރަނގަޅު އާމްދަނީއެއްހޯދިދާނެ ފުރުސަތުއޮތް" ހަނިމާދުއާއި ގޭންއެއަރޕޯޓް ފުލްފުލޭޖްގައިހިންގުމަށް ބޭނުންވާފައިސާ ބަޖޭޓްގައިހިމަނާންޖެހޭ. # ގޭންއެއަރޕޯޓް އޮތީ ސްޓްރެޓެޖިކް އަދި ޖިއޮގްރަފިކަލް ގޮތުން ރަނގަޅު ލޮކޭޝަނެއްގައިކަމަށްވާތީ އެއީ ސައުތުއޭޝިޔާގެ Changi Airport ފަދަ ޕެސެންޖަރ އަދި ކާގޯޓްރާންސިޓް ހަބެއްގެގޮތަށް ތަރައްޤީކޮށްފިނަމަ ރާއްޖޭގެ 200 ރިސޯޓުންލިބޭ އާމްދަނީއަށްވުރެން ބޮޑުއާމްދަނީއެއް ހޯދިދާނެ.