މަންމައާ ދަރިއަކު ހަވާލުކުރަން ހަތް އަހަރު ފަހުން ކުރި ހުކުމް ދަމަހައްޓައިފި

ހައި ކޯޓް: ކުއްޖަކު މަންމައާ ހަވާލުކުރަން ހަތް އަހަރު ފަހުން ކުރި ހުކުމެއް އެ ކޯޓުން ވަނީ ދަމަހައްޓާފައި --- ފޮޓޯ/މިހާރު

01 ނޮވެމްބަރ 2021 - 12:56

7 comments

ދަރިއަކު މަންމައާ ހަވާލުކުރަން އެންގިތާ ހަތް އަހަރު ފަހުން އެ އެންގުން ތަންފީޒުކުރަން ފެމިލީ ކޯޓުން ކުރި ހުކުމް ހައި ކޯޓުން އިއްޔެ ދަމަހައްޓައިފި އެވެ.

ދަރިފުޅު މަންމައާ ހަވާލުކުރަން 2013 ވަނަ އަހަރު ފެމިލީ ކޯޓުން ފުރަތަމަ ހުކުމް ކުރިއިރު އެ ކުއްޖާގެ އުމުރުން ހަތަރު އަހަރެވެ. އެ ހުކުމް ކުރިއިރު އެ ކުއްޖާ ހުރީ ބައްޕަ ފަރާތު މާމަ ކައިރީގައި އެވެ. އޭރު އެގޮތަށް ހުކުމް ކުރިޔަސް، އެ ކުއްޖާ މަންމައާ ހަވާލެއް ނުކުރެ އެވެ. އެކަމަކު ހައި ކޯޓުން ވެސް އެ ހުކުމް އޭރު ދެމެހެއްޓި އެވެ. އަދި މިދިޔަ އަހަރުގެ އޮކްޓޫބަރު މަހު ސުޕްރީމް ކޯޓުން ވެސް އެ ހުކުމަށް ތާއީދުކުރި އެވެ. ސުޕްރީމް ކޯޓުން މައްސަލަ ނިމުނުއިރު އެ ކުއްޖާގެ އުމުރުން 11 އަހަރު ވަނީ ވެފަ އެވެ.

ސުޕްރީމް ކޯޓުން މައްސަލަ ނިމުމުން ހުކުމް ތަންފީޒު ކުރުމުގެ މައްސަލައެއް އެ ކުއްޖާގެ މަންމަގެ ފަރާތުން މިދިޔަ އަހަރު ފެމިލީ ކޯޓަށް ހުށަހެޅުމުން އެ ކޯޓުން މިދިޔަ އަހަރު އަމުރުކުރީ ދެ ދުވަސް ތެރޭގައި އެ ކުއްޖާ މަންމައާ ހަވާލުކުރުމަށާއި އެކަމަށް ބަޔަކު ހުރަސް އަޅާ ނަމަ، ފުލުހުން އެކަމުގައި އެހީތެރިވުމަށެވެ.

އެ މައްސަލަ އެ ކުއްޖާގެ މާމަގެ ފަރާތުން ހައި ކޯޓުގައި އިސްތިއުނާފްކުރީ އެ ކުއްޖާގެ އުމުރުން މިހާރު 11 އަހަރު ފުރިފައިވާތީ އެ ކުއްޖާ ބޭނުންވާ މީހެއްގެ ގާތުގައި ހުރުމުގެ އިހްތިިޔާރު ގާނޫނީ ގޮތުން އެ ކުއްޖާއަށް މިހާރު ލިބިފައިވާތީ އެވެ.

Manma dharifulhu hoadhan court gai 11 aharu!

The most trusted news source in the Maldives

Mihaaru

ހައި ކޯޓުން އިއްޔެ ކުރި ހުކުމުގައިވަނީ އެ ކުއްޖާ އިހްތިޔާރުކުރާ މީހެއްގެ ގާތުގައި ހުރުމުގެ ފުރުސަތު ހޯދަން ކޯޓަށް ދިއުމުގެ ފުރުސަތު މިހާރު އެބައޮތް ކަމަށެވެ. އެކަމަކު އެއީ އެ ކުއްޖާ މަންމައާ ހަވާލުކުރަން ކުރިން ކޮށްފައިވާ ހުކުމް ތަންފީޒު ކުރަން ހުރަސް އެޅޭނެ ސަބަބެއް ނޫން ކަމަށް އެ ހުކުމުގައިވެ އެވެ. އަދި ހުކުމް ތަންފީޒު ކުރުމުގެ މަރުހަލާގައި ކުރެވޭނެ ހަމައެކަނި ކަމަކީ ހުކުމް ތަންފީޒު ކުރުމަށް އަޅަންޖެހޭ ފިޔަވަޅުތައް އެޅުން ކަމަށާއި އެ ހުކުމަކަށް އަމަލުކުރުން ލާޒިމްވާނެ ކަމަށް ވެސް އެ ހުކުމުގައިވެ އެވެ.

އެހެންވެ، ހައި ކޯޓުގެ ތިން ފަނޑިޔާރުންގެ އިއްތިފާގުން ކުރެއްވި ހުކުމުގައިވަނީ އެ ކުއްޖާ މަންމައާ ހަވާލުކުރަން ކުރި ހުކުމަށް ތާއީދުކުރާ ކަމަށެވެ.

އެ މައްސަލަ ހައި ކޯޓުން ބެއްލެވީ ފަނޑިޔާރު އަބްދުއްރައޫފް އިބްރާހިމާއި ފަނޑިޔާރު ފާތިމަތު ފަރުހީޒާ އަދި އިސް ފަނޑިޔާރު ހާތިފް ހިލްމީ އެވެ. އެ ބެންޗުގެ ރިޔާސަތު ބެލެހެއްޓެވީ ފަނޑިޔާރު ރައޫފެވެ.

ކުޑަކުދިން ހައި ކޯޓް ފެމިލީ ކޯޓު ކުޑަކުދިންގެ ހައްގުތައް ކޯޓް މައްސަލަތައް

7 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުއްލާދުލި

14 December 2022

ދަރީންގެ ޚަރަދަކީ ކޮންމެ ބައްޕައެއްގެ މައްޗަށް ވާޖިބެކެވެ. އެކަންނުކޮށް މަޙުޝަރުގައި ޖަވާބު ދޭނެގޮތެއް ނުވިސްނެއެވެ. ބައްޕައަކު ހަންމުށި އެޅުމަށް ވާގިވެރިވުމަށްވުރެ ދަރީންނަށް އެންމެރަނގަޅު ގޮތަކީ އެކުދިންގެ މަންމަ އާއި ބައްޕައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢްއްސޭ

01 November 2021

ސްޕްރީމްކޯޓުން ނިމޭއިރު ދަރިދުޅު ބޮޑުވެ ދަރިންވެސް ތިބޭނެ ކައްނޭހެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނު ކަތީބު

01 November 2021

ކަލޯ ގަޔާ، މަނިކާ ރޯއްޖާ!. ކަލޭމެންނަށް ރައްޔިތުންގެ އަތުން ކިހާ ބައިވަރެއް ލިބިގެންތަ މިގައުމުގަ އިންސާފުގެ އަލިފުވެސް ކުރަހާލެވޭނީ؟ މިކަހަލަ ހަބަރު ކިޔާފަ މި އަންނަނީ އަމަށަކު ރުޅިއެއްނޫނޭ. ތިހެން ރައްޔިތުން ރުޅިއަރުވާ އެ ރައްޔިތުން ހާރުވާ ހެދީމަ ދެން އަތުންފައިން ގޯހެއް ނުހެދޭވަރެއް ނޫނެއްނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުމީ

01 November 2021

ޢަދި 2ރ ކޮތަޅު ޓެކްސްލީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

01 November 2021

ކޮބާހޭ މަންމަގެ ހައްގު. މިހެންވީމައޭ އިންސާފު ނުލިބޭ ވާހަކަ މީހިން ދައްކަނީ. މުޅި މައްސަލަ މިއޮތީ އެކޮޅުކޮޅުންޖެހިފައި. 4 އަހަރުގައި އެ ކުއްޖާ ޙަވާލު ކުރިނަމަ، ކުއްޖާ އިޚްތިޔާރުކުރާނީ މަންމަ ކަން ގައިމު. މިހާރު ތި މާމައާއި ބައްޕަ އޮންނާނީ ކުއްޖާގެ ބޯ ކާލާފައި. އެހެންވީމާ މިހާރު އިޚްތިޔާރު ކުރާނީ ބައްޕަ. މިޔަކަށް ޢަދުލު އިންސސާފެކޭ ނުކިޔާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހުސޭނު

01 November 2021

ތިތާ ތިބެނީ މަރުމޯލުންތަ؟ އަދިވެސް ބޮޑެތި ގެެއާ އަތުގަޔާ ފައިގަ ރަން އަޅުވާދީފަ މުސާރަ ބޮދުކޮއްދޭންވީ! އަހަރުމެން ލަދުގަނޭ ކޯޓޭ ވޯޓޭ ކިޔާތީވެސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

01 November 2021

ރައްޔިތުންގެ ފައިސާއިން ބޮޑު ހޭދައެއް ކޮށްގެން ހިންގަމުންދާ ޖުޑިޝާރީ ބޮއްސުން ލައިފައިވާވަރު ހައިކޯޓުގެ ތި ހުކުމުން ވަރަށް ސާބިތު. ދަށު ކޯޓުން ދަރިފުޅު މައްމައާއި ހަވާލު ކުރުމުން ހައިކޯޓުން އިސްތިއުނާފުގެ ހުކުމް މިއައީ 7 އަހަރު ފަހުން ދަރިފުޅުގެ އުމުރުން އެގާރަ އަހަރުގައި. މީހަކު މަރައިގެން ދައުވާ އުފުލީމާ ހައިކޯޓުން ހުކުމް މިއައީ 13 އަހަރު ފަހުން.