ކުރީގެ އިސްލާމިކް މިނިސްޓަރު އަހުމަދު ޒިޔާދު: އޭނާގެ މައްޗަށް ކުރި ދައުވާ ސާބިތުނުވާ ކަމަށް ވަނީ ހުކުމް ކޮށްފައި --- ފޮޓޯ/މިހާރު
02 ނޮވެމްބަރ 2021 - 19:28
9 comments
ކުރީގެ އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރުގެ މައްޗަށް ދައުލަތުން ކުރި ދައުވާ ސާބިތުނުވާ ކަމަށް ކްރިމިނަލް ކޯޓުން މިއަދު ހުކުމްކޮށްފި އެވެ.
ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ، ކުރީގެ ރައީސް އަބްދުﷲ ޔާމީންގެ ސަރުކާރުގައި އިސްލާމިކް މިނިސްޓަރުކަން ކުރެއްވި ޒިޔާދުގެ މައްޗަށް ދައުލަތުން ކުރީ ޒިކުރާ މިސްކިތް ހުރި ބިމުގައި އިމާރާތެއް އެޅުމަށް އެސްޖޭ ކޮންސްޓްރަކްޝަން ކުންފުންޏާ ހަވާލުކުރި މައްސަލައިގަ އެވެ. އޭނާގެ އިތުރުން އިސްލާމިކް މިނިސްޓްރީގެ އޭރުގެ އެންޑޯސްމަންޓް ސެކްޝަންގެ ކުރީގެ ވެރިިޔާ މ. މުހައްމަދީއާބާދު އިބްރާހިމް އަބްދުﷲ ސައީދުގެ މައްޗަށް ވެސް އެ މައްސަލައިގައި ދައުލަތުން ދައުވާކުރި އެވެ.
ކްރިމިނަލް ކޯޓުން މިއަދު ކުރި ހުކުމުގައި ވަނީ އެސްޖޭއާ އެކު ހެދި އެއްބަސްވުމުގައި ސޮއިކުރީ ފިނޭންސް މިނިސްޓްރީގެ ހުއްދަ ލިބިގެން ކަން ހެކިންގެ ބަހުން އެނގޭއިރު، އެއްބަސްވުމުގައި ކުށެއް އޮއްވައި އެއްބަސްވުމުގައި ސޮއިކުރި ކުރުމަކީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުން ކަމަށް ނުބެލެވޭނެ ކަމަށެވެ. އަދި އިސްލާމިކް މިނިސްޓްރީގެ ޒިންމާއަކީ މަޝްރޫއު ހިންގުން ކަމަށް އެ ހުކުމުގައިވެ އެވެ.
ހުކުމުގައިވަނީ އެއްބަސްވުމުގައި ސޮއިކުރުމުގެ ސަބަބުން ދައުލަތުން އެސްޖޭ ކުންފުންޏަށް 30 މިލިއަން ރުފިޔާ ދޭން ޖެހުމުން ދައުލަތަށް ގެއްލުންވި ކަމަށް ދައުލަތުން ބުންޏަސް، އެކަން ސާބިތުނުވާ ކަމަށެވެ. އެހެންވެ، ޒިޔާދާއި އިބްރާހިމް އަބްދުﷲ ސައީދަށް ކުރި ދައުވާ ސާބިތުނުވާ ކަމަށް އެ ހުކުމުގައިވެ އެވެ.
އެސްޖޭ ކޮންސްޓްރަކްޝަނާ އެކު ހެދި އެ އެއްބަސްވުން މި ސަރުކާރުން ބާތިލް ކުރުމުން އެ ކުންފުނިން ވަނީ ބަދަލު ހޯދަން ދައުވާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
03 November 2021
ނުވާނެ، ކޯޓް ތެރޭ ނުހިނގާ އެއްވެސް ކަމެއް ސާބިތު ކުރުން ވާނީ ދަތި އުނދަގުލަކަށް!
ކެމްބޯޑިޔާ
03 November 2021
ކޯޓުން ސަލާމަތްވެވިދާނެ ﷲ ހަޒުރަތުގައި ޖަވާބު ދާރީ ވާންޖެހޭނެ
ހެޔޮއެދޭމީހާ
03 November 2021
ނުވާނެޔޭ. ސައްދާމް މައްޗައް ކަމެއް ސާބިތުވިތަ؟
ހެޔޮއެދޭމީހާ
03 November 2021
ﷲ އަށް ހަމްދު ހުރި. ޑރ.ޒިޔާދު އަށް ބާއްޖަވެރި ހަޔާތަކަށް އެދެން.
ނަދީމާ
03 November 2021
ތިޔައްވުރެ މާއައުލާކަން ބޮޑުވާނޭ ޖީއެމް އާރ އޭކިޔާ ކުންފުންޏަކައް މިގައުމުގެ މައި ދޮރޯށި އެއަރޕޯޓް ދިންމީހުންގެ މައްޗައް ދައުވާކުރިއްޔާ ރޯމާދުވާލް %200 ފައިދާވަމުންދާ އެއަރޕޯޓް އެއްބައެއްގެ ޖީބްބަރުކޮއްލަން ބައިކުދިންނައް ބައިއެޅެގޮތައް ދިނީ އެކަމާހެދި އިންޑިއާ އެއުޅެނީ ނިދިނައިސްގެން މިގައުމު ބާރގެދަށައްނުލެވިގެން މިއުޅޭ މީސްކޮޅެއްގެބާރުގަ ވެދުން
އަސްތާ
03 November 2021
ކިހާ ސަޅި، މަ އަތް ޖަހާ ޖަހާ ހަލާކު ވެއްޖެ. 30 މިލިޔަން ވަނީ ކޮނތާކަށްބާ.
ގެއްލުން
03 November 2021
ތިގޮތަށް ހަދާ އެއްބަސްވުންތަކުން އަދި އުވާލާ އެއްބަސްވުންތަކުން ސަރުކާރަށް ކިތަށް ބިލިއަން ގެއްލުންވޭބާ؟؟؟ ޢެކަމުވެސް ގެއްލުންވަނީ އަދި ބުރައަކަށްވަނީ ހިޔާފުލެޓުގެ އަގުން 1 ރުފިޔާ ކަނޑާލުމުން އެކަނި ދޯ؟؟.
ސަލާމ
02 November 2021
މި ސަރުކާރުން ތިކަހަލަ އިސްރާފު މުޅިންވެސް ކުރާނީ.
އަބުރުކަތިލާ
02 November 2021
ތިޔައޭސީސީ އުވާލަބަލަ. އެމީހުންކުރި ކޮންދައުވާއެއްތަ ސާބިތުވީ. ހަމަބޮކިޖަހާފަ ބޮޑުމީހެއްވިއްޔާ އެމީހެއްގެ އަގުވައްޓާލަން ދައުވާކުރާނެ. ޢޭސީސީގެ ރައީސަކީ ސީދާބޮޑުވަޒީރު އަނބުރާ ބުމަރެއް. މީސްމީހުންގެ އަބުރުކަތިލުން ނޫންލަމެްްނުކުރޭ