މިއަދު ދިއްލީއަށް ދަތުރުތައް ފެށި މޯލްޑިވިއަންގެ ފްލައިޓަށް ފަސިންޖަރުން އަރަނީ-- ފޮޓޯ: މޯލްޑިވިއަން
04 ނޮވެމްބަރ 2021 - 18:49
2 comments
ގައުމީ އެއާލައިން، މޯލްޑިވިއަން އިން އިންޑިއާގެ ދިއްލީއަށް ދަތުރުތައް މިއަދު ފަށައިފި އެވެ.
މިއީ ކޮވިޑް-19ގެ ފަހުން އެ އެއާލައިނުން އަލަށް ދަތުރު ފެށި ފުރަތަމަ މަންޒިލެވެ. އެ އެއާލައިނުން މިވަގުތު ދަތުރުތައް ކުރާނީ މާލެ އާއި ދިއްލީއާ ދެމެދު އެވެ.
މޯލްޑިވިއަން އިން މާފަރާއި ދިއްލީއާ ދެމެދު ދަތުރުތައް ފަށަން ވެސް ވަނީ ނިންމައިފަ އެވެ. ނަމަވެސް މި ދަތުރުތައް ފަށާ ތާރީހެއް އަދި އިއުލާނެއް ނުކުރެ އެވެ.
މާލެއިން އިން ދިއްލީއަށް ދަތުރުތައް ފެށުމުގެ ގޮތުން ފުރަތަމަ ދަތުރު ކުރި ބޯޓު ވެލާނާ އިންޓަނޭޝަނަލް އެއާޕޯޓުގައި-- ފޮޓޯ: މޯލްޑިވިއަން
މިއަދު ފެށި ދަތުރުތަކުގައި މާލެ އާއި ދިއްލީ ދެމެދު ހަފުތާއަކު ތިން ދަތުރު ކުރާނެ އެވެ. މި ދަތުރުތަކުގެ ޓިކެޓެއްގެ އަގު ފެށެނީ 142 ޑޮލަރު (2،180ރ.) އިންނެވެ.
މި ދަތުރުތައް ފެށުމުގެ ގޮތުން މޯލްޑިވިއަން އިން ވަނީ ފާއިތުވި ދުވަސްތަކުގައި ތަފާތު ހަރަކާތްތައް ހިންގައިފަ އެވެ. މީގެ ތެރޭގައި، ސޯޝަލް މީޑިއާގައި ހިންގި ހަރަކާތްތަކާއި ހުޅުމާލެ ސެންޓްރަލް ޕާކުގައި ބޭއްވި ކުޑަކުދިންގެ ހަވީރު ހިމެނެ އެވެ.
މީގެ އިތުރުން މޯލްޑިވިއަންގެ މުވައްޒަފުންގެ އާއިލާ މެމްބަރުންނަށް ދިއްލީއަށް ދެކޮޅު ޓިކެޓް އެންމެ 150 ޑޮލަރަށް ލިބޭ ޕެކޭޖެއް ވެސް ވަނީ ތައާރަފު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
04 November 2021
އޮޅުވާލުމާއި މަކަރާއިހީލަތް ހެދުމުގައިވެސް ހައްދެއްގެންގުޅެންވާނެ. އާންމުކޮށް އެއަރލައިންތަކުން Airfare ބުނާގޮތަކީ ރިޓާރން. އަދި އެއްކޮޅަށްނަމަ ސާފުކޮށް އެއީ ރިޓާރން ފެއަރ ނޫންކަންއިގޭގޮތަށް އިސްތިހާރުތަކާއި ލިއުންތަކުގައި އޮންނަނީ ކަމުގެޙަޤީގަތް މީހުނަށް އޮޅުވާނުލާންވެގެން. # ލިއުމުގައި ދިއްލީ ދަތުރު ޓިކެޓްގެއަގުތައް ފެއްޓެނީ 142 ޑޮލަރު (2،180ރ.) ކަމަށް ބުނެފައިނަނީ ރިޓާރން ޓިކެޓް 2 ބަޔަށް ބަހާލައިގެން ފުރަތަމަ ބައިގެއަގު ފެއްޓޭ އަގުގެ ވާހަކަތޯ؟
ހެޔޮހިޔާލު
05 November 2021
ދިއްލީއަށް ދެވޭ ވަރަށް ފައިސާ ނެތީވިއްޔާ މާފުއްޓަށް ޖައްސާލާ. ޕެރަނޮއިޑް ވާނެކަމެއްނެތް. އަހަރެން ހަދަނީ އެހެން.