އޮސްޓްރޭލިއަން އޯޕަން ޓެނިސް މުބާރާޓުން ކެޓުމާ ގުޅިގެން، އިނގިރޭސިވިލާތުގެ އެއްވަނަ އަންހެންޓެނިސް ކުޅުންތެރިޔާ އެމާ ރަޑުކަނޫ އޭނާގެ ކޯޗުކަމުން ފްރާންސިސް ރިއޯގް ވަކި ކޮށްފި އެވެ.
އުމުރުން 23 އަހަރުގެ އެމާ ކެޓީ މެލްބަން ޕާކުގައި ކުޅުނު ދެވަނަ ބުރުގެ މެޗުގައި ސީދާ ތިން ސެޓުން ބަލިވެގެންނެވެ.
ރަފައެލް ނަޑާލް ކާމިޔާބު ކުރި 22 ގްރޭންޑް ސްލޭޟްގެ ތެރެއިން 16 ގްރޭންޑް ސްލޭމް ހޯދައިދޭން އެހީވި ކޯޗު ރިއޯގް، އެމާގެ ކޯޗެއްގެ ގޮތުގައި މަސައްކަތް ކުރަން ފަށާފައި ވަނީ މިދިޔަ އޮގަސްޓް މަހު އެވެ.
"އެކުގައި ކުރިއަށް ނުދާޏް އަހަރެމެން ނިންމާފައި ވާއިރު، އަބަދުވެސް ހަނދާން ކުރާތި އަހަރެންނަށް މި މުއްދަތުގައި ދަސްކޮށްދިން ހުރިހާ ކަންކަމާއި އެކުގައި ހޭދަވީ ވަގުތުތަކަށް އަހަރެން ޝުކުރު އަދާކުރަން،" އެމާ ސޯޝަލްމީޑިއާގައި ދޫކޮށްލި މެސެޖުގައިވެ އެވެ.
ރިއޯގްގެ ކޯޗުކަމުން ވަކި ކުރުމާ އެކު، 2021 ގައި ޔޫއެސް އޯޕަން ކާމިޔާބު ކުރި އެމާ އަންނަނީ އޭނާގެ ކެރިއަރުގައި 10 ވަނަ ކޯޗު ހޯދަމުންނެވެ.
ރިއޯގް އަކީ 2021 އަށް ފަހު އެމާ އާއެކު މަސައްކަތް ކުރި ނުވަވަނަ ކޯޗެވެ. އޭގެ ކުރިން އޭނާ އަށް ކޯޗު ކޮށްދިނީ ކުޑައިރުން ފެށިގެން އޭނާގެ މެންޓާ ނިކް ކަވަޑޭ އެވެ. އޭނާ ވަނީ ފަހުން 2024 އިން 2025 އަށް އެމާ އަށް ކޯޗު ކޮށްދީފަ އެވެ. ނަމަވެސް އޭނާ މަގާމުން ދުރަށް ޖެހިލީ ސިއްހީ މައްސަލަތަކަކާ ހުރެ އެވެ.
އޮސްޓްރޭލިއަން އޯޕަން އިން ކެޓުމާ އެކު އެމާ ދެން ތައްޔާރުވާނީ އަންނަ ހަފްތާ ރޮމޭނިއާގައި އޮންނަ ޓްރާންސިލްވޭނިއާ އޯޕަން އަށެވެ.