ތައިލެންޑްގެ ޕްރޮފެޝަނަލް ވޮލީބޯޅަ ލީގުގުގެ މެޗުތަކުގައި ރާއްޖޭގެ ޓެކްނިކަލް ދެ އޮފިޝަލުން ކަމަށްވާ އޮފިޝަލުން ކަމަށްވާ ފަރުހާނާއި ޖަމްޝާދު މަސައްކަތް ކޮށްފި އެވެ.
މިދިޔަ ފެބްރުއަރީ 26 އިން އިއްޔެގެ ނިޔަލަށް ކުރިއަށްދިޔަ ކުރިއަށް ދިޔަ މުބާރާތުގައި ރާއްޖޭގެ މި ދެ އޮފިޝަލުން ވަނީ ޖުމްލަ 9 މެޗެއްގައި އަމަލީގޮތުން ޓެކްނިކަލް މަސައްކަތްތައް ކޮށްފައެވެ.
ވީއޭއެމްގެ ރައީސް މުހައްމަދު ލަތީފު "މިހާރު" އަށް ވިދާޅުވީ ފަރުހާނާއި ޖަމްޝާދަށް އެ ފުރުސަތު ލިބުނީ ތައިލެންޑްގެ ވޮލީ އެސޯސިއޭޝަނާއި ވީއޭއެމްއާ ދެމެދު ހަދަން މަޝްވަރާ ކުރަމުންދާ އެކްސްޗޭޖް ޕްރޮގްރާމްގެ އެއްބަސްވުމުގެ ދަށުންނެވެ.
އޭނާ ވިދާޅުވީ ދެ ގައުމުގެ ވޮލީ އެސޯސިއޭޝަންގެ މެދުގައި އެކްސްޗޭންޖް ޕްރޮގްރާމެތަކެއް ކުރިއަށް ގެންދިއުމަށް ހަދަން ޖެހޭ ރަސްމީ އެއްބަސްވުން އެކުލަވާލުމާ ބެހޭގޮތުން ވީއޭއެމާއި ތައިލެންޑްގެ ވޮލީ އެސޯސިއޭޝަންގެ ދެމެދުގައި ވާހަކަ ދައްކަމުން އަންނަ ކަމަށެވެ.
"ތައިލެންޑްގެ ޓެކްނިކަލް އޮފިޝަލުން ވެސް އައިސް ރާއްޖޭގެ މުބާރާތްތަކުގައި މަސައްކަތް ކުރާނެ،" ލަތީފް ވިދާޅުވި އެވެ.
އަމަލީ ގޮތުން ޓެކްނިކަލް މަސައްކަތް ފެށުމުގެ ކުރިން ފަރުހާނާއި ޖަމްޝާދަށް ފުރުސަތު ދިނީ ފުރަތަމަ މެޗު އޮބްޒާވްކުރުމުގެ ފުރުސަތެވެ.
"އެއަށް ފަހު ދެން އެހެން މެޗުތަކުގައި ޓެކްނިކަލް އޮފިޝަލުންގެ ގޮތުގައި އަމަލީ ގޮތުން މަސައްކަތް ކުރީ،" ލަތީފް ވިދާޅުވި އެވެ.
ވީއޭއެމުން ބުނި ގޮތުގައި ޖަމްޝާދާއި ފަރުހާންގެ އެ މުބާރާތުގައި ހާސިލު ކުރޯ ވޮލީބޯޅައިގެ ޒަމާނީ ޓެކްނޮލޮޖީތައް ކަމަށްވާ އޭވީސީ ޑޭޓާ ވޮލީ، ވީޑިއޯ ޗެލެންޖް ސިސްޓަމް، އަދި އީ-ސްކޯ ބޭނުންކުރާނެ ގޮތުގެ ފަންނީ ތަމްރީނުތަކެވެ. އަދި އޭވީސީގެ ވޮލީބޯޅަ އިންފޮމޭޝަން ސިސްޓަމް (ވީއައިއެސް) އާއި މެޗު މެނޭޖްމަންޓް ސިސްޓަމް (ވީއައިއެމްއެސް) ގެ މަސައްކަތްތައްވެސް އަމަލީގޮތުން ވަނީ ތަޖުރިބާ ކުރި އެވެ.
ތައިލެންޑްގައި ޖަމްޝާދާއި ފަރުހާން ޓެކްނިކަލް އޮފިޝަލުންގެ ދައުރު އަދާކުރި މެޗުތައް
- ފުރަތަމަ ދުވަސް: ސައުތު އީސްޓް އޭޝިއަން ވޮލިބޯޅަ އެސޯސިއޭޝަން (ސާވާ) ކްލަބް ޗެމްޕިއަންޝިޕް ކޮލިފިކޭޝަންގައި ތައިލެންޑްގެ ސުޕްރީމް ވީސީ އަދި ވިއެޓްނާމްގެ ބީޑީއެލްއޭ ބައްދަލުކުރި މެޗު.
- ތައިލެންޑްގެ ފިރިހެން ލީގުގެ މެޗުތަކުގައި ޑޭޓާ ވޮލީ އާއި ވީޑިއޯ ޗެލެންޖް ސިސްޓަމްގެ މަސައްކަތް.
- ތިތައިލެންޑްގެ އަންހެން ލީގުގެ މެޗުތަކުގައި ވީއައިއެސް އަދި ވީއައިއެމްއެސް ސިސްޓަމްގެ މަސައްކަތް.
ވީއޭއެމުން ވަނީ މި ފުރުސަތު ފަރުހާނާއި ޖަމްޝާދަށް ފަހިކޮށްދިނުމުގައި ތައިލެންޑް ވޮލީބޯޅަ އެސޯސިއޭޝަންގެ ރައީސް މިސްޓަރ ސޮމްޕޯން ޗައިބަންގްޔަންގް އަދާކުރި ދައުރު ފާހަގަ ކޮށްފަ އެވެ.
މިފަދަ ބައިނަލްއަގުވާމީ ފުރުސަތުތަކުގެ ސަބަބުން ރާއްޖޭގެ ވޮލީބޯޅަ ކުރިއަރުވަން ފަންނީ ގޮތުން އޮފިޝަލުން ބިނާކުރުމަށް ބޮޑު އެހީއަކަށް ވެގެންދާނެ ކަމަށް ވީއޭއެމް ބުންޏެވެ.