ހުޅުމާލޭގައި އަލަށް އެޅި ދުވާ ޓްރެކް: މިތަން މިހާރު ވަނީ އާއްމުންނަށް ހުޅުވާލާފައި -- ފޮޓޯ: އެޗްޑީސީ
27 މެއި 2018 - 14:04
8 comments
ހުޅުމާލޭގައި ބައިނަލްއަގުވާމީ ފެންވަރަށް އަޅާފައިވާ ސިންތެޓިކް ދުވާ ޓްރެކްގެ މަސައްކަތް ނިންމައި، އާއްމުންނަށް މިއަދު ހުޅުވާލައިފި އެވެ.
ހުޅުމާލޭގައި މިހާރު ހަދަމުން އަންނަ އައުޓްޑޯ ސްޕޯޓްސް އެރީނާ ކައިރީގައި އަޅާފައިވާ މި ޓްރެކަކީ ބައިނަލްއަގްވާމީ ފެންވަރުގެ، 400 މީޓަރު ދިގު ތަނެކެވެ. ސަރުކާރުން ހަ ލައްކަ ރުފިޔާ ހަރަދުކޮށްގެން އެޅި މި ޓްރެކްގެ މަސައްކަތް ނިންމާފައި ވަނީ ޗައިނާ ކުންފުންޏަކާ ހަވާލުކޮށްގެންނެވެ.
ހުޅުމާލޭގައި އަޅާފައިވާ ދުވާ ޓްރެކް: މިއީ ބައިނަލް އަގްވާމީ ފެންވަރުގެ ތަނެއް-- ފޮޓޯ: އެޗްޑީސީ
ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން ބުނިގޮތުގައި ހުޅުމާލޭގައި މިހާރު މަސައްކަތް ކުރަމުން އަންނަ އައުޓްޑޯ ސްޕޯޓްސް އެރީނާގައި ފުޓުބޯޅަ ދަނޑެއްގެ އިތުރުން، ކުޅިވަރާ ގުޅޭ އެހެން ވަސީލަތްތައް ވެސް ލިބެން ހުންނާނެ އެވެ.
މި ޓްރެކް ނުނިމެނީސް، ރެޑްބުލް އާއި ނައިކްގެ އެތުލީޓް އިވާނާ ސްޕަނޮވިޗް ވަނީ ރާއްޖެ އައިސް މި ޓްރެކްގައި ދުވެފަ އެވެ. އަދި ޓްރެކްގެ މަސައްކަތް ނިމުމުން ތަމްރީނު ހެދުމަށް އޭނާ އެތަނަށް އަންނާނެ ކަމަށް ބުނެފައި ވެ އެވެ.
ޓްރެކްގެ މަސައްކަތް ބޭރު ކުންފުންޏަކާ ހަވާލުކުރީ މާލިއްޔަތު ގަވައިދާ ޚިލާފަށް ކަމަށް ޔޫތު މިނިސްޓްރީގެ 2016 ވަނަ އޮޑިޓް ރިޕޯޓުގައި ވަނީ ބުނެފަ އެވެ. އެ ރިޕޯޓުގައި ބުނެފައިވާ ގޮތުން، މޯލްޑިވްސް އެއާޕޯޓްސް ކޮޮމްޕެނީ (އެމްއޭސީއެލް) މެދުވެރިކޮށް 14 މިލިއަން ރުފިޔާ އަށް އެ ޓްރެކްގެ މަސައްކަތް ޗައިނާގެ ކުންފުންޏަކާ ހަވާލުކުރީ ޓެންޑާ ބޯޑަށް ހުށަހެޅުމެއް ނެތި އަދި ކެބިނެޓްގެ އިގްތިސާދީ ކޮމެޓީ އަށް ވެސް ހުށަހެޅުމެއް ނެތި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތަސް
28 May 2018
އިމާރަތެއް ފާރެއް ތޮށިގަނޑެއް ލޮކަރެއް ފާހަނައެއް ނެތް ހުސް ޓްރެކު 14މިލިއަން ރުފިޔާއަށް... ގަދަ އިނގޭ. ޖޯށާއެކީ ލާރިކެވޭތޯ ބަލާ.
ހަސަން999
28 May 2018
ދުވެގެން ކިހިނެއް ހިކޭނީ. ދުވަން ދާންވެސް ވަނީ ސައިކަލްގަ. ގޮސް ބަހައްޓަން ޖެހެނީ ދޮރުމަތީގަ. އެވެސް ދުރުން ހިނގާލާފަ އައިސްގެން ފަލަވެދާނެތީ. ދެން އެ ދުވެލާ 30 މިނެޓުން 24 ގަޑީ އިރު ކެއި ހުރިހާ ސަބްމެރީން ތަކާ ބުއި ފޮނި ބުއިންތަކާ ދެންވެސް ކުރި ހުރިހާ ކަމެއް ފައިބާގެން ދާންޖެހޭ. ކަންނެތް ވިޔަސް މީ ބޮޑުވަރު.
ޝޮކްތެރަޕީ
28 May 2018
އެމްޑީޕީ ޕަޕެޓުންނަ ރަގަޅުގޮތެ ނުފެންނާނެ ދުވަހަކުވެސް. ޔާމިން އެދަނީ ކުޅިވަރުގެ ވަސީލެއްތަ ގާއިމްކުރަމުން.
ސޯފީ
27 May 2018
މީ ކާކުގެ ވެރިކަމެއްގަ ތިލަވެގެންދިޔަ ތަނެއްބާ
ސައިނީ
27 May 2018
ރައްޔިތުން މިތަނުގެ ފުރިހަމަ ބޭބުން ހިފަން ވާނޭ އަދި ކުޅިވަރަށް ލިބުނު ކުރިއެރުމެއް މީ އަދި މީގެ 2 ޓެކްވަރު ވެބަޖެހޭ އިތުރަށް އަޅާލަން މާލޭއާއި ވިލިގިލީގަ
އަހްމަދު
27 May 2018
ތިތަން ތިއޮތީ ހަމަ އެއްކޮށް ނިމިފައި؟؟ 6 ލައްކަ ރުފިޔާއިން ތިޔަވަރު ރަނގަޅުބާ
=ހޯލި
27 May 2018
ފެންވަރު ކިހިނެތްވާނެބާ؟ ސަރުކާރުގެ ކުންފުނިތައް މެދުވެރިކޮށް ނުއަގުގައި އެކި ޕްރޮޖެކްޓަށް ބޭރުގެ ފަރާތްތަކަށް ދޫކުރަމުންދަނީ މޭޒުދަށުން ލިބޭ ބައި ބޮޑުވާގޮތައްކަމަށް ބެލެވެއެވެ.
ފޮނިކަލޯ
27 May 2018
ސަހަރޯ.....! މިހާރު މިފެންނަނީ ކޮންކަހަލަގެ މޮޅު ޗަރުކޭސް ގަނޑެއްބާ