ނިއު ޔޯކް: ސެޕްޓެމްބަރު 21، 2021: ރާއްޖޭގެ ރައީސް އިބްރާހިމް މުހައްމަދު ސޯލިހު އދ. 76 ވަނަ އާންމު ޖަލްސާގައި ތަގުރީރު ކުރެއްވުން: މި ފަހަރުގެ ސެޝަންގެ ރިޔާސަތު ރާއްޖޭގެ ފޮރިން މިނިސްޓަރު އަބްދުﷲ ޝާހިދު ބަލަހައްޓަވާތީ ރާއްޖެ އަށް މިއީ ތާރީހީ އަދި ބޮޑު ޝަރަފެއް ލިބޭ ކަމެއް. ރައީސް އިބްރާހިމް މުހައްމަދު ސޯލިހު އދ. ގެ ޕޯޑިއަމްގައި ވާހަކަފުޅު ދެއްކެވިއިރު އދ. ގެ އާންމު ޖަލްސާގެ ރިޔާސަތުގައި ފުރަތަމަ ފަހަރަށް ދިވެއްސަކު އިންނެވުމަކީ ތާރީހުގައި ލިޔެވޭނެ ކަމެއް. އަދި ރައީސް ވެސް ވާހަކަފުޅު ދެއްކެވީ ދިވެހި ބަހުން ކަމަށް ވާއިރު، އެ މަނިކުފާނު އދ. ގެ މަޖިލީހުގައި ތަގުރީރު ކުރައްވަން ޝާހިދު ދިވެހި ބަހުން އެދިވަޑައިގަތްކަން ފާހަގަކުރެވޭ.---ފޮޓޯތައް: ރައީސް އޮފީސް/އޭއެފްޕީ

ނިއު ޔޯކް، އެމެރިކާ: އދ. ގެ 76 ވަނަ އާންމު މަޖިލީހުގެ ޖަލްސާގައި ބައިވެރިވެވަޑައިގަތުމަށް ނިއު ޔޯކަށް ކުރައްވާ ދަތުރުފުޅުގެ ބައެއް މަންޒަރުތައް: ރައީސްގެ މި ފަހަރުގެ ދަތުރުފުޅު ހާއްސަ ވާ އެއް ސަބަބަކީ މި ފަހަރުގެ ސެޝަންގެ ރިޔާސަތު ބަލަހައްޓަވަނީ ރާއްޖޭގެ ފޮރިން މިނިސްޓަރު އަބްދުﷲ ޝާހިދު ކަމަށް ވުން. މިއީ އދ. ދިގު ތާރީހުގައި ވެސް ދިވެހިންނަށް ލިބޭ އެންމެ މަތީ ޝަރަފު. ރައީސް ވަނީ ޝާހިދާ ރަސްމީކޮށް ނިއު ޔޯކްގައި ބައްދަލުކުރައްވައި މަރުހަބާ ދަންނަވާފައި. ޝާހިދުގެ އިތުރުން ބައެއް ގައުމުތަކުގެ ރައީސުންނާ ވެސް ރައީސް އިބްރާހިމް މުހައްމަދު ސޯލިހުގެ ގެންދަވަނީ ބައްދަލުކުރައްވަމުން.---ފޮޓޯތައް: ރައީސް އޮފީސް