ގާޒާ ހޮސްޕިޓަލްގެ ގަތުލުއާންމުން ރެކެން އިޒްރޭލުން ކުރި މަސައްކަތް ނާކާމިޔާބުވެ، ޕްރެޝަރު ބޮޑުވެއްޖެ
އަލް އަހްލީ ހޮސްޕިޓަލަށް އިޒްރޭލުން ދިން އަނިޔާވެރި ހަމަލާގައި ޝަހީދުވި މީހުންގެ އާއިލާތައް ހިތާމަފާޅުކުރަނީ. އެ ހަމަލާގައި މިހާތަނަށް 500 މީހުން ވަނީ ޝަހީދުވެފައި. --ފޮޓޯ: އޭއެފްޕީ
18 އޮކްޓޯބަރ 2023 - 07:41
36 comments
އިޒްރޭލުން ގާޒާ އަށް ދެމުންދާ ހަމަލާތަކާ ގުޅިގެން ފަރުވާ ހޯދުމަށާއި ރައްކާތެރިކަން ހޯދުމަށް އެތަކެއް ހާސް ފަލަސްތީނުގެ މީހުން ތިބި ހޮސްޕިޓަލަކަށް އިއްޔެ ބޮން އަޅައި ހިންގި ގަތުލުއާންމުގެ ޒިންމާ ފަލަސްތީނުގެ ޖަމާއަތެއްގެ ބޮލުގައި އަޅުވަން ކުރި މަސައްކަތް ނާކާމިޔާބުވެ، އިޒްރޭލަށް ކުރިމަތިވެފައިވާ ފިއްތުންތައް އެތައް ގުނައެއް ބޮޑުވެއްޖެ އެވެ.
މެދުކެނޑުމެއް ނެތި އިޒްރޭލުން ގާޒާ އަށް ދެމުންދާ ހަމަލާތަކުގައި އަނިޔާވި މީހުންނާއި ހިމާޔަތް ހޯދަން އެތަކެއް ހާސް ފަލަސްތީނުގެ މީހުން ތިބި އަލް އަހްލީ އަރަބް ހޮސްޕިޓަލަށް އިޒްރޭލުން ދިން ވައިގެ ހަމަލާގައި މިހާތަނަށް 500 މީހުން ޝަހީދު ވެފައިވާ ކަމަށް ގާޒާގެ ހެލްތު މިނިސްޓްރީން ވަނީ ބުނެފަ އެވެ.
ފަހުގެ ތާރީހެއްގައި އިޒްރޭލުން ހިންގި އެންމެ އަނިޔާވެރި ގަތުލުއާންމުގެ ފަހަތުގައި އޮތީ ފަލަސްތީނުގެ އިސްލާމިސްޓު ޖިހާދު ކަމަށް އިޒްރޭލުގެ އަސްކަރިއްޔާ އިން ފުރަތަމަ ބުންޏެވެ. އަލް އަހްލީ ހޮސްޕިޓަލަށް އަމާޒުވީ، އެ ޖަމާއަތުން އިޒްރޭލަށް ދޭން އުޅުނު ރޮކެޓު ހަމަލައެއް ކަމަށް އިޒްރޭލުން ބުންޏެވެ.
އެކަމަކު އެއީ ކަނޑައެޅިގެން ދޮގެއް ކަމަށާއި އިޒްރޭލުން އުޅެނީ ހޮސްޕިޓަލަށް ދިން ހަމަލާ އިން ރެކެން ކަމަށް ފަލަސްތީނުގެ އިސްލާމިސްޓް ޖިހާދުން ވަނީ ބުނެފަ އެވެ.
އިޒްރޭލާ ދެކޮޅު ޝުއޫރުތައް ލިޔެފައިވާ ބޮޑެއް ހިފައިގެން ޕުއެޓަ ރީކޯގައި އަންހެނަކު މުޒާހަރާ ކުރަނީ: އަލް އަހްލީ ހޮސްޕިޓަލަށް ދިން އަނިޔާވެރި ހަމަލާއާ ގުޅިގެން ގިނަ ގައުމުތަކުގައި އިޒްރޭލާ ދެކޮޅަށް ދަނީ މުޒާހަރާ ކުރަމުން. --ފޮޓޯ: އޭއެފްޕީ
އެ ހަމަލާއާ އެކު، ބޭރުގެ ގިނަ ގައުމުތަކުގައި އިޒްރޭލާ ދެކޮޅަށް މުޒާހަރާތައް ކުރަމުންދާ އިރު، ފަލަސްތީނުގެ ރައީސް މަހުމޫދު އައްބާސް ވެސް ވަނީ އިޒްރޭލުން ދިން ހަމަލާއަކީ ގަތުލުއާންމެއްގެ ގޮތުގައި ސިފަކުރައްވައިފަ އެވެ.
އިޒްރޭލަށް ވާގިދޭ އެމެރިކާ އަށް ވެސް މި ހަމަލައާ ގުޅިގެން ވަނީ ބޭރުގެ ގިނަ ގައުމުތަކެއްގެ ފިއްތުން ބޮޑުވެފަ އެވެ.
އިޒްރޭލަށް ދަތުރުކުރެއްވުމުގެ މަގުމަތީގައި ހުންނެވި އެމެރިކާގެ ރައީސް ޖޯ ބައިޑެން ވެސް ވަނީ އެ ހަމަލާ ކުށްވެރި ކުރައްވައިފަ އެވެ. ނަމަވެސް، އިޒްރޭލަށް ތުހުމަތުގެ އިނގިލި ދިއްނުކުރައްވައި، ބައިޑެން ވިދާޅުވީ އެ ހާދިސާ ހިނގި ގޮތް އެމެރިކާގެ ކަމާ ގުޅޭ އިދާރާތަކުން ތަހުގީގު ކުރަމުން އަންނަ ކަމަށެވެ.
އިޒްރޭލަށް ވަޑައިގެންނެވުމުގެ ކުރިން ޖޯޑަންގައި މަޑުކުރައްވައި، އެ ގައުމުގެ ރަސްގެފާނުގެ އިތުރުން މިސްރުގެ ރައީސާއި ފަލަސްތީނުގެ ރައީސާ ބައްދަލުކުރެއްވުމަށް ކުރިން ހަމަޖެހިފައިވީ ނަމަވެސް، އެ ޕްލޭން މިހާރު ކެންސަލް ކުރައްވާފައިވާ ކަމަށް އެމެރިކާގެ ވައިޓް ހައުސް އިން ވަނީ ބުނެފަ އެވެ.
އިޒްރޭލާ ދެކޮޅަށް ހުޅަނގު އައްސޭރީގައި ގިނަ ބަޔަކު މުޒާހަރާ ކުރަނީ: އަލް އަހްލީ ހޮސްޕިޓަލަށް ދިން އަނިޔާވެރި ހަމަލާއާ ގުޅިގެން ގިނަ ގައުމުތަކުގައި އިޒްރޭލާ ދެކޮޅަށް ދަނީ މުޒާހަރާ ކުރަމުން. --ފޮޓޯ: އޭއެފްޕީ
ބައިނަލްއަގުވާމީ ގާނޫނުގެ ދަށުން ހޮސްޕިޓަލުތައް ހިމާޔަތް ކޮށްފައިވާ އިރު، އަލް އަހްލީ ހޮސްޕިޓަލަށް ދިން ހަމަލާ އދ. ގެ ސެކްރެޓަރީ ޖެނެރަލް އެންޓޯނިއޯ ގުޓެރޭޒް ކުށްވެރި ކުރެއްވި އެވެ. ގާޒާ އަށް އެއްވެސް ބާވަތެއްގެ ކާބޯ އެއްޗެއް އެތެރެކުރުން ވެސް އިޒްރޭލުން މަނާކޮށްފައިވާތީ ވެސް އޭނާ ކަންބޮޑުވުން ފާޅުކުރެއްވި އެވެ.
ގާޒާގެ މިލިއަނަކަށް ވުރެ ގިނަ މީހުން މިހާރު ތިބީ ހައިހޫނުކަން މަތީގައި ކަމަށް، އިންސާނީ އެހީ ފޯރުކޮށްދޭ ބައިނަލްއަގުވާމީ އިދާރާތަކުން ބުންޏެވެ. އަވައްޓެރި މިސްރުން ގާޒާ އަށް އިންސާނީ އެހީތެރިކަމުގެ ސާމާނު ހިފައިގެން ރަފަހް ބޯޑަރު ހުރަސްކޮށް، ގާޒާ އަށް ވަންނަން އުޅުނު އެހީގެ ގާފިލާތަކަށް އިޒްރޭލުން ދެ ފަހަރެއްގެ މަތިން ބޮން އަޅައި، ރަފަހް ބޯޑަރު ވަނީ ބަންދުކޮށްފަ އެވެ.
އިޒްރޭލުން ގާޒާ އަށް ދެމުންދާ ހަމަލާތަކުގައި 1،300 އަށް ވުރެ ގިނަ އިމާރާތް ބިމާ ހަމަވެފައިވާ އިރު، މި ހަނގުރާމައިގެ ފުރަތަމަ ހަތް ދުވަހުގެ ތެރޭގައި މިލިއަނަކަށް ވުރެ ގިނަ މީހުން ގެދޮރު ގެއްލި، ހާލުގައި ޖެހިފައިވާ ކަމަށް އދ. ގެ އިދާރާތަކުން އަންދާޒާ ކުރެ އެވެ. އެންމެ ބާރު ގަދަ ހަތިޔާރުތަކުން ގާޒާ ސުންނާފަތި ކުރަމުން ދާއިރު، އިޒްރޭލުން ވަނީ ގާޒާ އިން ފެނާއި ކަރަންޓު ވެސް ކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންސޭ
19 October 2023
އިޒްރޭލަކަށް ހަމަ އެއްވެސް ޕްރެޝަރެއް ނެތް. ބޭނުން ގޮތަކަށް ފަލަސްތީނު ސުންނާފަތި ކުރަމުން އެދަނީ. ގައުމުތަކުން ޓީވީ އަށް އަރާ ކިޔާ އެއްޗަކުން ހަނގުރާމައަށް ކުރާނެ އަސަރެއް ނެތް. ކަމެއް ކުރަންޏާ އިޒްރޭލަށް ހަމަލާދީ ކުޑަކަކޫ މައްޗަށް ތިރި ކުރަންވީ.. އަހަންނަން ވީ ވަރަކުން ދުޢާ ކުރާނަން
ޔޫނުސް ހުސެން
18 October 2023
މި އަރަބި ގައުމުތަކުން ހަނގުރާމައިގައި އެހީތެރި ނުވެ ކާބޯތަކެތި ދޭން އުޅުމާއި ގާޒާ ވަށައިގެން ބަންދުކޮށް ހިތުހުރިހާ ގޮތަކަށް ބޮން އަޅަމުންދާއިރު ސިފަވަނީ ފިލްމު ހަންގާ ގޭމްސް. އެންމެންވެސް ކުޅިބަލަން ލައިކް ދޭއާރ އެންޖޯއިން ދި މިޒެރީ އޮފް ފަލަސްތީނިއަންސް. އަސްލު ކެރިގެން ކުރިމަތިލާން ކެރޭ އެއްވެސް މުސްލިމް ގައުމެއް ނެތް. ހިތާމަކުރަން!
ބޮޑުމީހާ
18 October 2023
މުސްލިމް ގައުމުތައް މިތިބީ ޓްވިޓަރ ފޭސްބުކަށްގޮސް ހުސްވެފައި. އެމީހުންނަށް ކުރެވޭހާވެސް ކަމަކީ ހަރުކަށި އިބާރާތުން ކުށްވެރިކޮށް ބަޔާންނެރުން. 75 އަހަރުވީ ބަޔާން ނެރޭތާ. އިޒްރޭލުގެ ދިފާއުގައި އެތައް ހާސް މޭލު ދުރުގައި ތިބި އެމެރިކާ އަދި ހުޅަނގުން އެ އަންނީ ވަގުތުން. ޖެހިގެން ތިބި އަރަބި ގައުމުތައް މިތިބީ ބަޔާން ނެރެން. އަރަބިން އަމިއްލައަށް ފަލަސްތީނު އިޒްރޭލަށް ވިއްކާލާފައި މިއޮތީ
ޚާއިން
18 October 2023
ނޮޓް އެރެބްސް! އެތާތިބި އެމެރިކާ ގެ ޕަޕެޓް ވެރިން
އަފްރާސިޔާބު
18 October 2023
ކޮބާހޭ ތިޔަމުގެ ޒިންމާ ނަގާ ބަޔަކީ؟ އެއީ އަރަބި ޔަހޫދީންނޭ ޒަޔަނިސްޓުން އެތާ ގާއިމް ކުރީ.
ކަމަނަގޯތީ އާދަނު
18 October 2023
ކޮބާހޭސައުދީ ވަލީއަހުދު މުހައްމަދާއި ގަތަރުގެ އަމީރާއި ޑުބާއީގެ ވެރިޔާއާއި ޖޯޑަންގެ ހުސެން ރަސްގެފާނާއި ކުވެއިތުގެ އަމީރާއި މިސްރުގެ ރައީސްއާއި މިމީސްމީހުން.އެއްޗެއް ބުނާ އަޑެއްނީވޭ.މިމީހުން ތެޔޮ އުފައްދާ މިންވަރު ދުވަސްކޮޅަކަށް ދައްކޮށްލިޔަސްއެމެރިކާ ޕްރެޝަރަށް ވެއްޓޭނެ. އެއިރުން އެމިރިކާގެ ނަހަލ|ާލު ދަރި އިޒްރޭލަށްޖެހޭނީ ހަގުރާމަ ހުއްޓާލަން.މިހާއެއްބައިވަންތަ ކަމެއްނެތް ބަޔަކު އުޅޭ ސަރަހައްދެއްގެ ބަޔަކުގެ ދިފާއުގައި ހަމަގައިމުވެސް މަޝެއްނޫޅޭން
ޝަހީމާ
18 October 2023
ޔަމަނުގެ ޖަނާޒާއެއް ކުރިއަށް ދަނިކޮށް ދިން ވައިގެ ހަމަލާއެއްގައި 140 މަރު https://mihaaru.com/world/7015
ޝަހީމް ޢަލީ
18 October 2023
ސައުދީ-ސުންނީ ކޯލިސަނުން ޔަމަނުގެ ހޮސްޕިޓަލަކަށް ބޮން އަޅައިފި. https://mihaaru.com/world/52470
އަފްރާސިޔާބު
18 October 2023
އެއީ އެކޯލިޝަނަކީ ޔަހޫދީން ހިންގާ ކޯއޮލިޝަނަކަށްވާތީ. އެއަށް ކިޔަނީ ސެލްފު ޑިފެންސް.
ފުންއަސަރު
18 October 2023
އާއިލާތައް މުޅިން އޮޔާލީމާ، ހާލުގާޖެހި މި އިންދިރާސްވީމާ، ކާކުތޯ މީހަކަށް އެހީވާނީ، ކާކު ކާކަށް ހިމާޔަތެއްދޭނީ. ޔާ އިލާހީ މިހާލު ހާލުތަކުން، އާއިލާތައް ނަޖާ ކުރައްވާންދޭ. ޔާރުނޭ ނިމި ދަނީ މިހާލަތުގާ، މުސްލިމުންނޭ އެހީވެދެއްވާށޭ. ލިބުނު ހަމަ ކޮންމެ މިންވަރެއް ދެއްވާ، އެންމެ ލޯ ލާރިއެއް ވިޔަސް ދެއްވާ، މިތިބަ ހުވަފަތް ޔަތީމު އިންސާނުން، މިތިބަ ހާލަށްޓަކާ އެހީދެއްވާ! ހެޔޮވާނީ ކިހިނެތްތޯ ކޮންމެ ބަޔަކު މިހެން ކިޔާލަކިޔާލަ ތިބެން. ﷲއަކްބަރް ﷲއަކްބަރް!
އަސަރު69
18 October 2023
ތިމީހުން ތިހެން ކިޔާލަ ކިޔާލަ ތިބޭ. ކޮންކަމެއްވަނީ. އެމީހުން ކުރާނެ ހުރިހާ ކަމެއް ލަހެއް ފަހެއް ނެތި އެދަނީ ކުރަމުން. ބާރުގަދަ ގައުމުތައްވެސް އއެކަން ކުށްވެރިކުރުން ނޫން އިތުރުކަމެއް ނުކުރޭ. އެއީކީނޫން މިފަދަ ވަގުތުގާ ކަންކުރަންވާ ގޮތަކީ. އިޒްރޭލްގެ މަތިންވެސް ހަމަ އެއަށްވުރެ ބާރުގަދަ އެއްޗެއް ވައްޓާލާ އެމީހުން ފަނާކުރުމަށް ހިފާލަބަލަ. ބޮން އަޅަންޏާ ބޮން އަޅައިގެން ވާނީ. ގަދަނޑު ކެނޑޭނީ ދަގަނޑުން. ނޫނީ މަތީފަރާތުން ކަމެއް ހިންމަވައިދެއްވަންވީ.
އަފްރާސިޔާބު
18 October 2023
އެދޭ ޓެރަރިސްޓް ހަމަލާގައި މަރުވެގެންދަނީ ފަލަސްތީނުގެ މުސްލިމުން. އެހެން އެއްވެސް ބަޔަކަށް ވާކަމެއްނޫން. އިޒްރޭލަށް ލިބޭ ކޮންމެ ގެއްލުމެއް ބައިނަލްއަގްވާމީ ޖަމްޢިއްޔާ ތަކުން ކުށްވެރިކުރާނެ. އަދި އެ ގެއްލުމަށް ބަދަލު ދިނުމަށްވެސް އަރަބީން ތިބީ ތައްޔާރަށް.
ޓާޚޫޜޭޜޭ
18 October 2023
ކޮން ޕްރެޝަރެއް.. ހަމަ ކޫލް ކޮށް ހަމަލާ ދެމުން އެދަނީ.. ދުނިޔެ މިތިބީ މަންޒަރު ބަލަން "ކުށްވެރިކޮށްލަ ކޮށްލާ".. މީ ދުނިޔެ އޮތްގޮތް..
އަފްރާސިޔާބު
18 October 2023
ޕްރެޝަރޭ ބުނީމާ ޕްރެޝަރު. އެހެން އެއްވެސް ކަމެއްނުވާނެ. ޔުކްރޭނުގެ ހަނގުރާމަ ރަޝިޔާއަށް ކާމިޔާބު ވުމަކީ ކޮންމެ މުސްލިމަކު އެދޭ ގޮތް. ހަމަ އެފަދައިން ފަލަސްޠީނަށްވެސް މުސްލިމުން އެދޭނެ. އަރަބި ވެރިން ތިބޭނީ ޒަޔަނިސްޓް އިސްރާއީލާ އެއްކޮޅަށް.