މުޅި ޣައްޒާ އިޒްރޭލުގެ ބާރުގެ ދަށަށް ގެންދާނަން: ނަތަންޔާހޫ

ފަލަސްތީނުގެ ޣައްޒާގައި، ކާބޯތަކެތި ބަހާ ތަނެއްގެ ކައިރީގައި ކުއްޖަކު އޭނާގެ ބައެއް ސާމާނާ އެކު މަޑުކޮށްލައިގެން: ހަމަލާތައް ވަރުގަދަވުމާ އެކު އާންމުން އަނެއްކާ ވަނީ އެކި ހިސާބުތަކަށް ދާން މަޖުބޫރުވެފައި. -- ފޮޓޯ: އޭއެފްޕީ

19 މެއި 2025 - 19:04

2 comments

އިޒްރޭލުން މިހާރު ކުރަމުން ދަނީ މުޅި ޣައްޒާ އިޒްރޭލުގެ ކޮންޓްރޯލްގެ ދަށަށް ގެންދިއުމުގެ މަސައްކަތް ކަމަށް ބޮޑުވަޒީރު ބެންޖަމިން ނަތަންޔާހޫ މިއަދު ބުނެފި އެވެ.

އިޒްރޭލުން ޣައްޒާ ހިފާނެ ވާހަކަ ބުނެފައި މި ވަނީ އެ ސަރަހައްދަށް ކާނާ އާއި ބޭސް ފަދަ އަސާސީ އެއްވެސް އެއްޗެއް ވެއްދުން މަނާކޮށްފައި އޮންނަތާ ދެ މަސް ފަހުން ބައެއް ތަކެތި ވެއްދުމުގެ ހުއްދަ ދޭން ނިންމިކަން އިއުލާނުކުރުމަށް ފަހުގަ އެވެ. މިއަދު ވަނީ ފުރަތަމަ ހުއްދަ ދޭނީ ކުޑަކުދިންގެ ކާނާ އެތެރެކުރުމުގެ ހުއްދަ ކަމަށް ބުނެފަ އެވެ.

"ހަނގުރާމަ ވަރަށް ވަރުގަދަ، ކުރިއެރުން ތަކެއް ހޯދަމުން މިދަނީ. ޣައްޒާގެ ހުރިހާ ސަރަހައްދެއްގެ ކޮންޓްރޯލް ނަގާނަން،" ޓެލެގްރާމްގައި އާންމުކުރި ވީޑިއޯއެއްގައި ނަތަންޔާހޫ ބުންޏެވެ.

އޭނާ ބުނީ އިޒްރޭލު ސިފައިން ފަސްނުޖެހޭނެ ކަމަށާއި ކުރިއަށްދާނީ ނުހުއްޓުވޭހާ ވަރުގަދަކޮށް ކަމަށެވެ.

ހަމަލާތައް ވަރުގަދަކުރުމުގެ އިންޒާރުތައް ދެމުން ދާއިރު އިޒްރޭލުން މިއަދު ވަނީ ޣައްޒާގެ ދެކުނު ސަރަހައްދުގެ ޚާން ޔޫނިސް އިން އާންމުން ނުކުންނަން އަންގައިފަ އެވެ. އިޒްރޭލުން ބުނީ މި ސަރަހައްދުގައި މީގެ ކުރިން ނުދޭހާ ވަރުގަދަ ހަމަލާތަކެއް ދިނުމަށް ތައްޔާރުވަމުންދާ ކަމަށެވެ.

ހަމާސްއާ ދެކޮޅަށް ވަރުގަދަ ހަމަލާތަކެއް ދިނުމުގެ ތައްޔާރީތައް ފުޅާ ދާއިރާއެއްގައި ކުރިއަށްދާ ކަމަަށާއި އެ އޮޕަރޭޝަންގައި އެއްގަމު މަގުން ޣައްޒާގެ އެކި ހިސާބުތަކަށް ވަންނަން ފަށާފައިވާކަން ވެސް އިޒްރޭލުން ވަނީ އިއުލާނުކޮށްފަ އެވެ. މިހާރު ކޮންމެ ދުވަހަކު ޣައްޒާއިން އެތައް ބަޔަކު ޝަހީދުކުރަމުން ދާއިރު މިއަދުގެ މިހާތަނަށް ވެސް 22 މީހަކު ވަނީ ޝަހީދުވެފަ އެވެ.

އިޒްރޭލް ފަލަސްތީން ގާޒާ ހަމާސް

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މީހާ1

20 May 2025

މި ހަމަ ޣައްޒާ ބޭނުންވެގެން މޮސާޑު އަޑީގަ އޮވެގެން ފެށި ގަތުލު އާންމެއް. ހަމާސްގެ ވެރިންނަކީ މޮސާޑު. ހީވޭތަ މޮސާޑަށް ނޭނގި ހަމާސްއަށް އެގޮތަށް ފުރަތަމަ ހަމަލާދެވިދާނެހެން. ހަމާސް ހިންގަނީ ނަތަންޔާހޫ ފަންޑުކޮށްގެން. މި ހަމަ ޣައްޒާ ބޭނުންވެގެން އެތަނަށް ވެރިވާން ވެގެން ހިންގާ ގަތުލުއާންމެއް.