މިސްރާއި އިޒްރޭލުން ގޭހުގެ 35 ބިލިއަން ޑޮލަރުގެ ޑީލެއް

އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ: އޭނާ ވަނީ ގޭސް އެކްސްޕޯޓްކުރަން މިސްރާ އެކު 35 ބިލިއަން ޑޮލަރުގެ އެއްބަސްވުމެއް ހެދިކަން އިއުލާނުކޮށްފައި. -- ފޮޓޯ: އޭއެފްޕީ

18 ޑިސެމްބަރ 2025 - 12:20

5 comments

ގޭސް އެކްސްޕޯޓް ކުރުމަށް މިސްރާ އެކު 35 ބިލިއަން ޑޮލަރުގެ އެއްބަސްވުމެއް ހަދާފައިވާކަން އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އިއުލާނުކޮށްފި އެވެ.

"އިޒްރޭލުގެ ތާރީހުގައި ހެދި ގޭހުގެ އެންމެ ބޮޑު ޑީލަށް އަޅުގަނޑު ރުހުން ދީފިން. މި ޑީލްގެ އަގު 112 ބިލިއަން ޝެކެލްސް (34.7 ބިލިއަން ޑޮލަރު) އަށް އަރާ. މީގެ ތެރެއިން 58 ބިލިއަން ޝެކެލްސް (18 ބިލިއަން ޑޮލަރު) ދާނީ ދައުލަތުގެ ހަޒާނާއަށް،" ޓީވީން ދިން ބަޔާނެއްގައި ނަތަންޔާހޫ ބުންޏެވެ.

"މި އެއްބަސްވުން ހަދާފައިވަނީ އިޒްރޭލުގެ ޕާޓްނަރުން ހިމެނޭ އެމެރިކާގެ ކުންފުންޏެއް ކަމަށްވާ ޝެވްރޮންއާ އެކު. އެ ކުންފުނިން މިސްރަށް ގޭސް ސަޕްލައިކުރާނެ."

ނަތަންޔާހޫއާ އެކު ބައިވެރިވެ މިސްރުގެ އެނާޖީ މިނިސްޓަރު އެލީ ކޯހެން ވިދާޅުވީ މިއީ އެ ގައުމުގެ ތާރީހުގައި ގޭސް އެކްސްޕޯޓަށް ހެދި ގޭހުގެ އެންމެ ބޮޑު އެކްސްޕޯޓް ޑީލް ކަމަށެވެ.

ނަތަންޔާހޫ ބުނީ މި ޑީލުން ލިބޭ ފައިސާގެ ސަބަބުން ތައުލީމާއި ސިއްހީ ހިދުމަތާއި އިންފްރާސްޓްރަކްޗާ އާއި ސަލާމަތީ ކަންކަން ވަރުގަދަކުރެވި ކުރިއަށް އޮތް ޖީލުތަކުގެ މުސްތަގުބަލު ވަރުގަދަ ވެގެންދާނެ ކަމަށެވެ.

އިޒްރޭލުގެ ކުންފުންޏެއް ކަމަށްވާ ނިއުމެޑް އެނާޖީ އިން އޯގަސްޓް މަހު ވަނީ މިސްރަށް ގުދުރަތީ ގޭސް ސަޕްލައި ކުރުމަށް 35 ބިލިއަން ޑޮލަރުގެ އެއްބަސްވުމެއްގައި ސޮއިކުރިކަން އިއުލާނުކޮށްފަ އެވެ. މި އެއްބަސްވުމުގެ ސަބަބުން މިސްރަށް ފޯރުކޮށްދޭ ގޭހުގެ އަދަދު 130 ބިލިއަން ކިއުބިކް މީޓަރަށް އިތުރުވާނެ ކަމަށް އެ ކުންފުނިން ވަނީ ބުނެފަ އެވެ.

އިޒްރޭލް މިސްރު

5 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިތުގެ ރިހުން

18 December 2025

އުއްމަތުގެ ވެރިން މިތިބެނީ ޔަހޫދީންނަށް އަޅުދާސްތުވެގެން..ދެން ކިހިނެއް ފަލަސްތީނުގެ ރައްޔިތުންނަށް އެކުރާ އަނިޔާއިން ސަލާމަތެއް ހޯދަ ދޭނީ! ފަލަސްތީނުގެ ހައްޤުގަ ފައިސަލް ރަސްގެފާނު ވެލެއްވިފަދަ ޤުރުބާނީއެއް ވެވޭނެ ފަދަ ވެރިޔަކު މިއަދަކު ނެތް. މިއިން ޒަމާނަކުވެސް ފެންނާނެކަމުގެ އުއްމީދެއްވެސް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަސްތީނީން

18 December 2025

އަމިއްލަ އެދުމާ ޖެހުނީމަ އިންސާފުމީ ހާދަ ފާޑެއްގެ އެއްޗެކޭ. ފަލަސްޠީންގެ ރިސޯސްތައް ފޭރިގަނެގެން ޢަރަބި ކަރައަށް ވިއްކައިގެން ފައިސާ ހޯދައިގެން ފަލަސްޠީނީން މެރުމުގައި ޔަހޫދީން އަވަދިނެތި. އެހެންވީމަ އަހަރެމެން މިކިޔަނީ ޢަރަބި ސިޔާސީ ވެރިންނަކީ މިދުނިޔެމަތީގައިތިބި އެންމެ ބޮޑެތި މުނާފިގުންނޭ.