މެލޭޝިއާގައި ދުންބޯވެ 1،000 ސްކޫލް ބަންދުކޮށްފި

އިންޑޮނީޝިއާގެ ޖަންގަލިތަކުގައި ރޯވެފައިވާ އަލިފާނުގެ ސަބަބުން މެލޭޝިއާގެ ޖައްވުގައި ދުން ބޯވެފައި. --ފޮޓޯ:އޭއެފްޕީ

ހަސަން އާމިރު، މިހާރު

18 ސެޕްޓެމްބަރ 2019 - 12:17

ކުއާލަ ލަމްޕޫރު (ސެޕްޓެމްބަރު 18) - އިންޑޮނީޝިއާގެ ޖަންގަލިތަކުގައި އަނދަމުންދާ އަލިފާނުގެ ދުމުގެ އަސަރު ބޮޑުވުމުން މެލޭޝިއާގެ 1،000 އަށް ވުރެ ގިނަ ސްކޫލް މިއަދު ބަންދުކޮށްފި އެވެ.

ދަނޑުވެރިކަމަށް ބިން ސާފު ކުރުމަށް އިންޑޮނީޝިއާގައި ޖަންގަލިތަކުގައި ބައެއް މީހުން ރޯކުރި އަލިފާންގަނޑު ކޮންޓްރޯލުން ނެއްޓި ސުމަތުރާ އާއި ބޯނިއޯ އައިލެންޑްސް އަށް އަލިފާން ނިއްވާ އިތުރު ޓީމުތައް ވަނީ ފޮނުވައިފަ އެވެ.

އިންޑޮނީޝިއާގެ ޖަންގަލިތަކުގައި ރޯކުރާ އަލިފާނުގެ ދުމުގެ އަސަރު އެ ސަރަހައްދުގެ ގައުމުތަކަށް ކުރުމަކީ ކޮންމެ އަހަރަކު ވެސް ދިމާވާ ކަމެކެވެ. ނަމަވެސް މިއީ 2015 ވަނަ އަހަރަށް ފަހު އެ މައްސަލަ އެންމެ ބޮޑުވި އަހަރެވެ.

އިންޑޮނީޝިއާގެ ޖަންގަލިތަކުގައި ރޯވެފައިވާ އަލިފާނުގެ ސަބަބުން އެ ގައުމުގެ ރިއާު ޕްރޮވިންސްގައި ކުޑަ ކުއްޖަކު މާސްކް އަޅައިގެން. --ފޮޓޯ:އޭއެފްޕީ

މެލޭޝިއާ ސަރުކާރުގެ އިންޑެކްސް އިން ދައްކާ ގޮތުގައި ވައިގެ ކޮލިޓީ މިއަދު ވަނީ ވަރަށް ދަށްވެފަ އެވެ. މެލޭޝިއާގެ ތައުލީމީ އޮފިޝަލުން ލަފާކުރާ ގޮތުގައި 1،200 ވަރަކަށް ސްކޫލް ވަނީ ބަންދުކޮށްފަ އެވެ. ދުމުގެ އަސަރު އެންމެ ބޮޑަށް ކޮށްފައި ވަނީ ސެލަންގޯ އާއި ސަރަވަކަށެވެ.

ދުމުގެ ސަބަބުން ސިންގަޕޫރުގެ ވައިގެ ކޮލިޓީ ވެސް ވަނީ ސިއްހަތަށް ނުރައްކާވާ މިންވަރަށް ގޯސްވެފަ އެވެ. އެހެންވެ މި ހަފުތާ ބަންދުގައި ބޭއްވުމަށް ހަމަޖެހިފައިވާ ފޯމިއުލާ ވަން ރޭސް ބޭއްވިދާނެ ކަމާ މެދު ވަނީ ސުވާލު އުފެދިފަ އެވެ.

ފޮޓޯ ގެލަރީ / މެލޭޝިއާ، ސިންގަޕޫރުގެ ޖައްވުމުގައި ދުންބޯވުން

އަލިފާން ނިއްވަން ކުރެވެން ހުރި ހުރިހާ މަސައްކަތެއް ކުރަމުންދާ ކަމަށް އިންޑޮނީޝިއާ ސަރުކާރުން ވަނީ ބުނެފަ އެވެ. ޖަންގަލިތަކުގައި އަލިފާން ރޯކުރިކަމުގެ ތުހުމަތުގައި އިންޑޮނީޝިއާ އިން ވަނީ 200 އަށް ވުރެ ގިނަ މީހުން ހައްޔަރުކޮށްފަ އެވެ.

މެލޭޝިއާ

5 ކޮމެންޓް, 50 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޝްރަފު

18 September 2019

ދިވެހި އެމްބެސީ އެއް ހުންނަ ޤައުމެއްގައި މިވަރުކަމެއް ހިނގާ އިރުވެސް އެމްބަސީ އިން ސަމާލު ވުމަށް އެދި އެއްވެސް މެސެޖް ގަނޑެއްވެސް ފޮނުވާ ނުލާ! މުސާރަ ނަގައިގެން ތިބެނީ!