ދުނިޔެ / އިންޑިއާ

ދުނިޔޭގެ ރެކޯޑް އަދަދަކަށް އިންޑިއާ އިން މީހުން ޕޮޒިޓިވްވެއްޖެ

ވޭތުވެދިޔަ 24 ގަޑިއިރު ތެރޭ އިންޑިއާ އިން ވަނީ 315،000 މީހުން ކޮރޯނާވައިރަހަށް ޕޮޒިޓިވްވެ 21،00 މީހުން މަރުވެފައި. ދުނިޔޭގެ އެއްވެސް ގައުމަކުން އެއް ދުވަސްތެރޭ މިހާ ގިނަ އަދަދެއްގެ މީހުން އަދި މިހާތަނަށް ޕޮޒިޓިވްވެފައެއް ނުވޭ.

އިންޑިއާ އިން ކޮވިޑް ޖެހުނު މީހުން ރެކޯޑް އަދަދަކަށް އިތުރުވެ އޮކްސިޖަން ލިބުމުގައި ވަނީ ތާށިކަން ކުރިމަތިވެފައި. --ފޮޓޯ:އީޕީއޭ

ހަސަން އާމިރު، މިހާރު

22 އެޕްރީލް 2021 - 13:09

11 comments

ނިއު ދިއްލީ (އެޕްރީލް 22) - ރެކޯޑް އަދަދެއް ކަމަށްވާ 315،000 މީހުން، ވޭތުވެދިޔަ 24 ގަޑިއިރު ތެރޭ، އިންޑިއާ އިން ކޮރޯނާވައިރަހަށް ޕޮޒިޓިވްވެ 2،104 މީހުން މަރުވެއްޖެ އެވެ.

ދެ ވަނަ ރާޅެއް ތަޖްރިބާކުރަމުންދާ އިންޑިއާ އިން އޮކްސިޖަނަށް ޖެހި އިތުރު ބިރުވެރިކަން މިހާރު ވަނީ އުފެދިފަ އެވެ. ވެރިރަށުގައި އޮކްސިން ސަޕްލައި އަށް ދިމާވި މައްސަލައާ ގުޅިގެން ދިއްލީގެ ހައި ކޯޓުން ވަނީ މައި ސަރުކާރަށް ފާޑު ކިޔައިފަ އެވެ.

"އިންޑިއާގައި އޮކްސިޖަން ސަޕްލައި ހައްލު ކުރަން މައި ސަރުކާރުން ކުރާ ކަމެއް އެނގެން ޖެހޭ،" އަމިއްލަ ހަ ހޮސްޕިޓަލަކުން ހުށަހެޅި ޕެޓިޝަނަކާ ގުޅިގެން ހައި ކޯޓުގެ ފަނޑިޔާރުން ނެރުނު ބަޔާނުގައި ބުނެފައިވެ އެވެ.

ފެކްޓަރީތަކުން ހޮސްޕިޓަލްތަކަށް އޮކްސިޖަން ލިބޭނެކަން ސަރުކާރުން ޔަގީންކޮށްދިނުމަށް ހައި ކޯޓުން އަންގާފައިވެ އެވެ.

Case thah ithuruve Delhi lockdown koffi

The most trusted news source in the Maldives

Mihaaru

އޮކްސިޖަން ނުލިބިގެން އިންޑިއާގެ އެކި ހިސާބުތަކުން އެތައް ބަޔަކު މަރުވެފައިވެ އެވެ. އިންޑިއާގެ އެކި ހޮސްޕިޓަލްތަކުގައި ކޮންމެ ދުވަހަކު ވެސް ދިގު ކިޔޫތައް އޮވެ އެވެ. ހޮސްޕިޓަލްތައް ފުރިގެން ޚިދުމަތް ނުދެވިގެން އެތައް ބަޔަކު ކޮންމެ ދުވަހަކު ވެސް އަނބުރާ ފޮނުވާލަން ޖެހެ އެވެ.

އިންޑިއާގައި ކޮވިޑް ކޭސްތައް އާދަޔާޚިލާފަށް އިތުރުވާން ފަށާފައި ވަނީ މިދިޔަ މަހުން ފެށިގެންނެވެ. ގިނަ ބަޔަކު ބުނެފައި ވަނީ ކޭސްތައް އިތުރުވުމުގެ ފަހަތުގައި ވަނީ ހިންދޫންގެ ދީނީ ފެސްޓިވަލެއްގައި އެތައް މިލިއަން ބަޔަކު ބައިވެރިވި ފަހުންނެވެ. އޭގެ އިތުރުން އިންތިޚާބުގެ ކެމްޕޭނަށް ބޮޑެތި ރެލީތައް ވެސް ބާއްވާފައިވެ އެވެ.

އިންޑިއާ އިން މިހާތަނަށް ވެކްސިން ދީފައި ވަނީ 130 މިލިއަން މީހުންނަށެވެ. ވެކްސިންގެ ސަޕްލައި ވެސް ތާށިވެފައިވީ ނަމަވެސް އިންޑިއާ އިން ހަމަޖައްސާފައި ވަނީ އަންނަ މަހު 1 ވަނަ ދުވަހުން ފެށިގެން 18 އަހަރުން މަތީގެ އެންމެންނަށް ވެކްސިން ދިނުމަށެވެ.

ދުނިޔޭގައި ދެ ވަނަ އަށް އެންމެ ގިނަ މީހުން ޕޮޒިޓިވްވި އިންޑިއާ އިން މިހާތަނަށް ވަނީ ގާތްގަނޑަކަށް 16 މިލިއަން މީހުންނަށް ކޮވިޑް ޖެހިފަ އެވެ. އެ ގައުމުން ވަނީ 185،000 މީހުން މަރުވެފަ އެވެ.

އިންޑިއާ

11 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާރާ

23 April 2021

އަދި ކޮބާ ހިސާބުތަކަށް ނާރާ ހުރިހާ އަދަދު. ރަސްމީކޮށް އަދަދުތައް ނުލާ ކަމަށް އެތައް ބަޔަކު ބުނަމުންދަނީ. ހަގީގީ އަދަދުތައް މާ މަތިވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

22 April 2021

ޕޮޒިޓިވް ތިހާ ވަރު ވާ ވަރަށް އެމީހުން އަޅުކަން ކޮއްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްބެ..

22 April 2021

އަޅެ މިވަރުވާއިރުވެސް އިނޑިއާއިން ރާއްޖެއަށް އެއްވެސް ހުރަހެއްނެތި އާދެވޭ ދޯ! އެކަމަކު ބަންގާޅުން 3 މީހުން ފައްސިވެގެން ވަގުތުން އެމީހުންނައް އިތުރު ހުރަސްތަކެއް ކުރިމަތިކުރިޔޭ، މިސަރުކާރުން އިންޑިއާ ވީމަ ހާދަ ނުކެރެޔޭ ހަމަ ރައްކާތެރިކަމުގެ ފިޔަވަޅެއްވެސް އަޅަން،،،،،، ޝޭމް އޮން ޕޮލިޓިޝަންސް،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބީބު

22 April 2021

އިންސާނާގެ ނުކުޅެދުންތެރިކަމާ ނިކަމެތިކަން ދެކިބަލަ ހައްގުދީން އޮއްވާ އަތުން ކޮށާމަށައިގެން ބުދެއް ހަދައިގެން ނުވަތަ ގެރިޔެއް ހަދައިގެން އަޅުކަން ކުރަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިބިން

22 April 2021

އެހެންވެގެންދޯ ސައުދީއަށާ ޤަތަރަށް ދާން ބޭނުންވާ އިންޑިޔާ ޕާކިސްތާނު މީހުން ކަރަންޓީނަށޭ ކިޔާ އަތޮޅުތެރޭގެ ރަށްތަކަށް އަރުވާ ފުރާލާފަ އެއޮތީ! އެޗްޕީއޭއަށް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯމާފާން

22 April 2021

މިއީ އެމީހުންގެ އަވަށެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައިދުރު

22 April 2021

ރާއްޖޭގެ މިހާރުގެ ރޯލް މޮޑެލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫހަމްޒާ

22 April 2021

ރާއްޖޭގައި ހުރި ވެކްސިން ކޮޅު ފޮނުވަން ވީއެއްނޫންތަ މޯދީ ޖީ އަށް ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

22 April 2021

އަހަރުމެން އަދިވެސް ބަލަންވީ ވާދަވެރި ގައުމުތަކާ ހަނގުރާމައެއްކޮށްލެވޭނެ ގޮތެއް ހޯދޭތޯ.އެކިކަހަލަ އެލަޔަންސްތައް އުފައްދައިގެން ވާދަވެރިންގެ ''ފިޔަ'' ބިންދާލަން މަސައްކަތްކުރީމަ ގައުމުގަ ހުރި ގިނަ މައްސަލަތަަކަށް ހައްލު ލިބޭނެ.މީގެ އިތުރުން އިރު ، ހަނދު ނުވަތަ މާސްއަށް ރޮކެޓެއް ފޮނުވާލަން ޕްރޮޖެކްޓެއް ލޯންޗްކުރީމަ ހުރިހާ މައްސަލަތައް ހައްލު ކުރެވޭނެ.ނިޔާވި ހުރިހާ މީހުންގެ އާއިލާތަކަށް ކެތްތެރިކަން މިންވަރުކުރައްވާށި.އާމީން.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

22 April 2021

ކޮވިޑްތެރޭގައި މޯދީވެރިކަން ބަދަލުވެއްޖެނަމަ އަވަހަށް އަހަރަމެންގެ ބޮޑުވަޒީރު ނަޝީދު ވެރިކަމަށް ހަވާލުކުރަން އިންޑިއާއަށް ފޮނުވާދިނުމަށް މޑޕ ގެ ލީޑަރޝިޕަށް ދަންނަވަން..