އުރީދޫގެ "އޮލަ ވާހަކަ" ސްޓިކާ ޕެކް: މީގެ ކުރިން ވެސް އުރީދޫން ވަނީ ދިވެހި ސްޓިކާ ޕެކެއް ނެރެފައި.
22 ޑިސެމްބަރ 2016 - 21:22
11 comments
ރާއްޖެ އަށް ހާއްސަ ދެވަނަ ވައިބާ ސްޓިކާ ޕެކް، "އޮލަ ވާހަކަ"އިގެ ނަމުގައި އުރީދޫން މިއަދު ތައާރަފްކޮށްފި އެވެ.
ރާއްޖޭގައި ފުޅާ ދާއިރާއެއްގައި މުއާސަލާތީ ހިދުމަތް ދޭ ކުންފުނިން މިރޭ ނެރުނު ބަޔާނެއްގައި ބުނެފައި ވަނީ ދިވެހި މުޖުތަމައު އާއި އާދަކާދައިގެ ތެރޭގައި އެކުލެވޭ ބަހުރުވައިގެ މައްޗަށް ބިނާވެފައިވާ ސްޓިކާ ޕެކް ޑިޒައިންކޮށްފައި ވަނީ ރަށްޓެރިންނާއި އާއިލާގެ މީހުންނާ ކުރެވޭ މުއާމަލާތްތައް އިތުރަށް ފުރިހަމަވާނެ ގޮތަށް ކަމަށެވެ.
"އެންމެ އިހުއްސުރެ ދިވެހިންނަކީ 'އޮލަ ވާހަކަ'ތަކަށް ވަރަށް ފޯރި ހުންނަ ބައެއް. ހޮޅުއަށިތަކުގަ އާއި ޖޯލިފަތި ތަކުގަ އާއި އުނދޯލިތަކުގައި އަދި މިހާރު ކޮފީ މޭޒުތަކުގައި ވެސް މިކަން ކުރިއަށް ދޭ. މި ހުރިހާ 'އޮލަ ވާހަކަ'އެއް، ޒަމާނީ ޑިޖިޓަލް ޓެކްނޮލޮޖީ ބޭނުންކުރައްވާ ބޭފުޅުންގެ ފޯނުތަކަށް ވައިބާ މެދުވެރިކޮށް އިތުރަށް ފުރިހަމަ ކޮށްދިނުމަށް އުރީދޫން މިއަދު މި ތައާރަފް ކުރާ ސްޓިކާ ސެޓް އެހީތެރިވެދޭނެ،" އެ ކުންފުނީގެ ހެޑް އޮފް ސޭލްސް ހުސައިން ނިޔާޒު ވިދާޅުވި އެވެ.
އުރީދޫގެ މާކެޓިން ކޮމިއުނިކޭޝަން އެގްޒެކްޓިވް އިސްމާއިލް މަޒްހަމް ވިދާޅުވީ "އޮލަ ވާހަކަ" ވައިބާ ސްޓިކާ ޕެކް އުފެއްދުމުގައި އިސްކަންދީފައި ވާނީ ދިވެހިންގެ މެދުގައި ދެކެވޭ ވާހަކަ އަށް އިތުރު ފުރިހަމަކަމެއް ގެނެސްދީ، މުޖުތަމައު އާއި ސަގާފަތާއި ގުޅުންހުރި ބަސްމަގު އެކުލެވޭ ގޮތަށް ބައްޓަން ކުރުމަށް ކަމަށެވެ.
އުރީދޫން ބުނީ މައިގަނޑު ގޮތެއްގައި ދިވެހި ބަހުން ޑިޒައިންކޮށްފައިވާ ސްޓިކާ ސެޓުގައި މިހާރުގެ މުޖުތަމައުގައި ގިނައިން ބޭނުންކުރެވޭ ބައެއް އިބާރާތްތައް ވެސް ފެނިގެންދާނެ ކަމަށެވެ. އޭގެ ތެރޭގައި "އިރާދަ ކުރެއްވިއްޔާ"، "ކޮބާ ކިހިނެއް؟"، "އުފާވެރި އުފަންދުވަހެއް"، "ނާހަމަ ތެދެއް؟" ފަދަ ލަފްޒުތައް ހިމެނެ އެވެ.
އެ ކުންފުނިން ބުނީ ކުރިއަށް އޮތް ތަނުގައި ވެސް އުރީދޫން ވައިބާގައި ދިވެހި ބަހުގެ މުއްސަނދިކަން ދައްކުވައިދޭ އިތުރު ސްޓިކާތައް ތައާރަފް ކުރާނެ ކަމަށެވެ.
މި ސްޓިކާ ޕެކް އިތުރު އެއްވެސް އަގަކާ ނުލައި ވައިބާ ސްޓިކާ މާކެޓުން، ޑައުންލޯޑު ކުރެވެ އެވެ.
ރާއްޖޭގެ ގިނަ ބަޔަކު ވައިބާ ބޭނުން ކުރާ އިރު، އުރީދޫން ވަނީ މީގެ ކުރިން ވެސް ދިވެހި ބަހުން ސްޓިކާ ޕެކެއް ވައިބާގައި ތައާރަފްކޮށްފަ އެވެ. އެއީ ވައިބާ އަށް އައި ފުރަތަމަ ދިވެހި ސްޓިކާ ޕެކެވެ.
މީގެ އިތުރުން، އުރީދޫންވަނީ ވަރަށް އަގުހެޔޮކޮށް ވައިބާ ބޭނުން ކުރެވޭ ޗެޓް ޕެކުތަކެއް ވެސް ތައާރަފްކޮށްފަ އެވެ. އެއް ދުވަހު ވައިބާ ބޭނުންކުރެވޭ ގޮތަށް ތައާރަފްކޮށްފައި ވާ "ވައިބާ5" އިން ފަސް ރުފިޔާ އަށް، 30 އެމްބީއާ ހަމައަށް ވައިބާ ބޭނުން ކުރެވެ އެވެ. އަދި "ވައިބާ11" ޕެކޭޖުން 11 ރުފިޔާ އަށް، ފަސް ދުވަހުގެ ތެރޭގައި 80 އެމްބީއާ ހަމައަށް ވައިބާ ބޭނުންކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
23 December 2016
މިތާގަ ހާދަ ދިރާގު މުވައްޒަފުންގެ ކޮމެންޓް ހުރިހެން ހީވެޔޭ
ބަލަގަ
22 December 2016
އުރީދޫ ވައިބަރ ސްޓިކަރ ހަދާ މޮޔަ ކުދިން ނޭ ދޯ. ބަލަގަ ބާއްޖަވެރި އޮންނަނީ ހެދުނޭ. ރޭގަނޑަކީ ބާއްޖަވެރި ރޭގަނޑެއް ނޫނޭ. ރޭގަނޑަށް ކިޔާނީ "ނިދާލާށޭ" މިހެންނޭ. ބުނަންތަ ތަމެން ތިޔާ ހަދާ ކޮންފިއުޒް ވާ ބަސް ތަކާއި ހެދި ތީ ދެން ކިހާ ދެރަ ކަމެއް ނޫންތޭ ދޯ.
ކޯއްޗެކޭ
22 December 2016
އުރީދޫގެ އާ ވައިބަރ ސްޓިކާ ތަކުގައި ބާއްޖަވެރި ރޭގަނޑެކޭ. ކޯއްޗެކޭތޭ. މަމެން އަދި ދުވަހަކު ވެސް އަޑު ނައަހަން ބާއްޖަވެރި ރޭގަނޑެކޭ ކިޔާ އަޑު. ތަމެން ތިޔާ ގޮވަނީ ކޮން އެއްޗެއްތޭ. ބާއްޖަވެރި ރޭގަނޑެއް އޮވޭތޭ. ނުދަންނަން މަމެން.
ކަމަނަ
24 December 2016
ކޯއްޗެކޭ އެބުނީ ތެދެއް ބައްޖަވެރި ރޭގަނޑެކޭ ބުނެއެއް ނޫޅޭ އަދިހަމައެހެންމެ ބަލަގަ ބުނެފައިވާ ގޮތައް ނިދާލާށޭވެސް ބުނެ އުޅޭ ނަމަވެސް ނިދާލާށޭ ބުނެއުޅެނީ ބާއްޖަވެރި ރޭގަނޑެއްގެ މަނައިގައެއްނޫން އެހެން ބުނެއުޅެނީ މާ ދަންވާންދެއް މަސައްކަތެއްގައި އުޅެ އެމަސައްކަތެއް އަވަހާ ނުނިމޭނެކަން އިހުސާސްވާހިނދު ވެރިމީހާ އެހެން ބުނެއުޅޭ މިސާލަކަށް ދެންމިރޭ ނިދާލާށޭ ނުވަތަ ކުޑަ ކުއްޖެއްގެ ކައިރީގައި މަންމަ ބައްޕަ ނުވަތަ ބޮޑުމީހަކު އެހެން ބުނެލަފާނެއެވެ. ކޮންމެއަކަސް "ބާއްޖަވެރި ރޭގަނޑެއް" އެހެން ބުނުމުގެ ބަދަލުގައި "ބާއްޖަވެރި ރެއަކަށް އެދެން" އެހެން ބުނެއުޅެއެވެ. މިދެބަސް ެއްގޮތް ވުމުން ކިޔުންތެރީން ބުނެފާނެ ދެން ކީކޭހޭ އެކިޔެނީ ހަމައެކައްޗެކޭ ނޫންހޭ އެކިޔެނީ. ނޫން އެއީ މުޅިން ދެބަހެއް
ކްރޭޓް
24 December 2016
އޭއި " ކަމަނަ" ކްރިއޭޓިވް އެން ކްރޭޓް ނިއު ތިންގްސް ދޯ. އެއީ ދޯ ހިއުމަން ކައިންޑް ގެ ބޭނުމަކީ.
ަްއަބަސަ
17 January 2017
ބަލަގަ "ގުޑް މޯނިންގް" "ގުޑް ނައިޓް" ވެސް ކިޔާ ގޮތައް "ބާްއްޖަވެރި ދުވަހެއް" ބާއްޖަވެރި ރެއެއް" ކިޔޭނެ ދޯ
މީހައް
22 December 2016
އައްޑޫބަހުން އިސްޓިކާތަކެއް ހަދާބަލަ. ވަރަށްހަބޭސް ވޭހެއް.
އޭއި
22 December 2016
އައްޑޫ އޮވޭތޭ ބަހެއް. ނުދަންނަން މަމެން. ދިވެހި ބަސް އެކަނި ދިވެހިރާއްޖޭގައި އޮންނަނީ އިނގޭ. ޓްވިޓަރޭ ތަމެން ދެން އެހެން ކަމަކާއި ގެން ރަށުތެރޭން އުޅެގަ އައްޑޫ ބަހޭ ނުކިޔާ އިނގޭ. ބަސް އޮންނާނީ ބޮޑު އެއްބަސް. އެއީ ދިވެހި ބަސް އިނގޭ.
ހެހެ
22 December 2016
އޭއި އެގޭތަ ދިވެހި ބަހައް ވުރެ މާ މުއްސަދި ބަހެއް އައްޑޫ މީހުން ވާހަކަ ދައްކާ ބަހަކީ
މާ އެނގޭ
23 December 2016
އަަައްޑޫ ކިޔާ ބަހެއް ނޯވޭ. އޯންނަނީ ދިވެހިބަސް. އޮންނަނީ އައްޑޫ ބަހުރުވަ. ބަހުރުވަ ގިނަވިވަރަކަށް ބަހުގެމުައްސަދިކަން އިތުރުވާނެ.
ހަތާ / މެދު ޕްރޮވިންސް
24 December 2016
ދެން އައްޑޫ ބަހޭ ކިޔާ މާބޮޑު ބަހެއް އޮވެގެން މިއުޅެނީކާކޮންބައެއްބާ؟ އައްޑުގައިވެސް އަދި ފުވައްމުލަކުގައިވެސް ނުވަތަ ހުވަދުއަތޮޅު ދެބުރީގައި ވެސް އޮއްނަނީ ހަމަ ދިވެހިބަސް ތަފާތަކީ ބަހުރުވަ ތަފާތީ ބަސްތަފާތެއްނޫން. އެގޮތުން އަހަރުމެންރަށު މީހުންވެސް ވާހަކަ ދައްކަނީ ހަމަ ތަފާތު ބަހުރުވައަކުން. އެހެންބަހެއް ދަސްކުރާ ފަދައިން އައްޑޫބަސް އަރެން ދަހެއް ނުކުރަން އެކަމް އެމީހުން ވާހަކަ ދެއްކީމަ ދެނެގަންނާކަށް އަރެންނަކަށް އެއްވެސް ދަތިކަމެއް ނޯވޭ އެގޮތުން ކޮންމެރަށެއްގައިވެސް ހުރޭ އަނެއްރަށެއްގައި ބޭނުން ނުކުރާ ބައެއްބަސް އެހެންރަށެއްގެ މީހަކަށް އަލަށް އަޑުއިވޭއިރު ފަހަރުގަ ނޭނގި ހިނގައިދާނެ އޭގެ މާނައަކީ އެރަށު މީހުން ވާހަކަ ދައްކަނީ ތަފާތު ބަހަކުންނެއްނޫނޭ.