ލޯކަލް މާރުކޭޓުގައި ގޮޅިއެއްގައި ހުރި ކާށި. ކާށީގެ އަގު ވަނީ ފަސް ގުނަ އިތުރުވެފައި-- ފޮޓޯ: ނިޝާން އަލީ /މިހާރު
08 މާޗް 2023 - 13:43
12 comments
ކުރިން 300ރ. އަށް ލިބުނު ކާށި ބަސްތާއެއް މިހާރު 1،600ރ. އަށް ބޮޑުކޮށްފި އެވެ.
މީގެ ތިން މަހެއްހާ ދުވަސް ކުރިން ކާށި ބަސްތާއެއް ލިބެން ހުރީ 250ރ. އާއި 300ރ. އާ ދެމެދުގެ އަގަކަށެވެ.
މާލޭގެ ލޯކަލް މާރުކޭޓުން މިހާރު ކާއްޓެއް ލިބެން ހުރީ 15ރ. އާއި 35ރ. އާ ދެމެދުގެ އަގެއްގަ އެވެ. މާރުކޭޓުގައި ތަކެތި ވިއްކާ ވިޔަފާރިވެރިއަކު ބުނީ، ކާށީގެ އަގު ފަސް ގުނަ އިތުރުވީ ރަށްރަށުން ކާށި ލިބޭ ވަރު ވަރަށް ބޮޑަށް މަދުވުމުން ކަމަށެވެ.
އެކަމަކު، މީގެ ދެ މަހެއްހާ ދުވަސް ކުރިން ބާޒާރުގައި ކާއްޓެއް ލިބެން ހުރީ ފަސް ރުފިޔާ އާއި 15ރ. އާ ދެމެދުގެ އަގުތަކެއްގަ އެވެ.
ރާއްޖޭގެ އެކި ހިސާބުތަކުން ކާށި ގެނެސްގެން ވިއްކަ އެވެ. އެންމެ ގިނައިން ލޯކަލް މާރުކޭޓަށް ކާށި ގެންނަނީ ހއ. ކެލަ އާއި އއ. ތޮއްޑު އާއި ކ. ކާށިދޫންނެވެ. އަދި ލ. އަތޮޅާއި އައްޑޫގެ ބައެއް ރަށްރަށުން ވެސް ކާށި ވިއްކަން މާރުކޭޓަށް ގެންނަމުން ދެ އެވެ.
ލޯކަލް މާރުކޭޓުގައި ގޮޅިއެއްގައި ހުރި ކާށި. ކާށި ބަސްތާއެއް މިހާރު ލިބެނީ 1600 ރުފިޔާ އަށް-- ފޮޓޯ: ނިޝާން އަލީ /މިހާރު
މާރުކޭޓުގެ އެހެން ވިޔަފާރިވެރިއަކު ބުނީ، ރާއްޖޭގެ ރަށްތަކުން ކާށި ނުލިބޭތީ، މިހާރު ކާށި ގެންނަނީ އިންޑިއާ އިން ކަމަށެވެ. އެ ގައުމުން ކާށި ގެނައި ނަމަވެސް ބާޒާރުގައި އަގުތައް އުޅެނީ އެއްވަރަކަށެވެ.
އޭނާ ބުނީ، ރޯދަމަހަށް ކާށީގެ ޑިމާންޑު ބޮޑުވެފައިވާ ކަމަށެވެ.
ރޯދަމަހަށް ފަހު އަނެއްކާ ވެސް ކާށީގެ އަގު މިހާރު ހުރި ވަރަށް ވުރެ ކުޑަވާނެ ކަމަށާއި ނަމަވެސް، މީގެ ކުރިން ހުރި ވަރަށް އަގު ދަށް ނުވާނެ ކަމަށް ކާށި ވިއްކާ މީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބޭ
09 March 2023
ކުރިން މަސްދަޅެއް 4.5 ރުފިޔާބަޔަށް މިހާރު 20 ރ 5 ރުފިޔާއަށް ލިބުނުޕާން މިހާރު 18 ރުފިޔާއަށް 300ރުފިޔާއަށް ލިބުނު ކާށިބަސްތާ 1600ރުފިޔާއަށް އެރީމާ ހައިރާންވާކަށް ނުޖެހޭ، 0.25 ލާރިއަށް ލިބުނު ގުޅަ މިހާރު 2 ރުފިޔާ 3 ރުފިޔާއަށް ކަޅުސައިތަށި 0.50 ލާރިއަށް މިހާރު 5 ރުފިޔާއަށް މިއީ ހަމަ އަގުތަކަށް އައިބަދަލް، ކީއްވެގެން ކާއްޓާނާންނަންވީ
ތާރު ސޭޓު
09 March 2023
ކާށި އަގުބޮޑުވިޔަސް އަމީނީމަގުން ތާރު ގުޅަވަށައިގެން އޭގެން މާފުށް މޮޑެގެން ކާންލިބެނިކޮށް ހެޔޮ !
ބެލޭކަށްނެތް
08 March 2023
ހުރިހާ އެއްޗެއް މަދުން ކާން އާދަކޮށްފަ ވިޓަމިން ގުޅައަކަށް ހޭދަކުރަން ފަށަންވީ. ދެން ގިނަ ދުވަހު ރޯދައަށް ހުންނަންވީ. އަގުހެޔޮކޮށް ލިބޭ ކަދުރު ފަދަ ފައިދާކުރާ ދެތިން އެއްޗެއް ކައިބޮއި އުޅެންވީ. އެކިކަހަލަ ފަތާ މޭވާ ތަރުކާރީ އަމިއްލަ ގޭގަ ހައްދަން ފަށަންވީ.
ރާއްޖެ
08 March 2023
މި ސަރުކާރަށް މި ވަގުތަށް އެންމެ މުހިއްމު ކަމަކަށް ވެފަ އޮތީ އަމީނީ މަގުގަ ތާރު އެޅުމާއި، އިންޑިއާ އެމްބަސީން އަންގާ ބަޔަކާއި އެކި އެގްރީމަންޓްތައް ހެދުން. އެހެންވީމާ އިންފްލޭޝަނާއި ދަރަންޏާއި ވަޒީފާ ނެތް މީހުންނާއި، ހައުސިންއާއި މަސްތުވުމާއި މިއީ އެހާ އިސްކަންދޭ މައްސަލަ ތަކެއް ނޫން.
ސީޒަން ޖެކްޝަން
08 March 2023
ކޮންމެސްބަހަނާއެއްދައްކާފާ ކޮންމެ ރަމަޟާނުމަހަކު ކާބާވަތްތައް އަގޮބޮޑުކޮށްލާނެ. މިރުސް އަގުބޮޑުކުރިޔަސް ކާށި އަގުބޮޑުކޮށްގެންނުވާނެތާ.
އޮނަރަބްލް އަފީފު ދީދީ
08 March 2023
އާދައިގެ ހެޔޮވަރުކާއްޓެއް ބާޒާރުން ގަންނާންލިބެނީ 30ރ އަށް. ރޯދަމަހު ދެންއަޑުއުވޭނީ ކުޅުދުއްފުއްޓާއި އޭދަފުށި، ތިނަދުއާއި ފުވައްމުލަށް އަދި އައްޑޫސިޓީފަދަ ބޮޑެތިއާބާދީ ސާފުބޯފެނަށްޖެހި މިފަދަރަށްރަށުން ފެންހުސްވިވާހަކަ. # ޤައުމުގައިހުރި މިފަދަމުހިންމު ރައްޔިތުންގެ އަސާސީކަންކަމަށްވުރެން މާލޭސަރުކާރަށް އެއަރޕޯޓް ހެދުމުގެނަމުގައި ރާއްޖޭގެރަށްރަށުގައި "ކޮންކްރީޓް ތަޅުންގަނޑެއް އެޅުން" މުހިންމުކަމަކަށްވަނީ "ޖީބަށް" މިކަން މުހިންމުވާތީކަން ޔަޤީން.
ޏާއްކޮ
08 March 2023
ނަންވާނީ އަބަދުވެސް ޔާމީނު. ކޮންކުރީޓު ތަރައްގީ ގެނެސްގެން. މިސަރުކާރު މޮޅުކަމުން ތަރައްގީ ލޮލަށް ނުވެސް ފެނޭ. ކޮންމެ ސަރުކާރެއް އަޔަސް އަސާސީ ކަންކަން މިހުންނަނީ ހަމަ ސުމެއްގައި. 40 އަހަރު 50 އަހަރު ވާއިރުވެސް ބަދަލެއް ނުވޭ. ޕާޓީ އަވައިގަ ޖެހިފަ ތިބޭ ދިވެހިންނަށް ވިސްނޭނީ ކޮން ދުވަހަކުންބާ އަޅެފަހެ
އެމްސް
08 March 2023
ރާއްޖޭގަ އުފައްދާ ތަކެތީގެ އަގު ކޮންޓްރޯލް ނުކޮށެއް ބިދޭސީންގެ ވަކިތަކުން ދަނޑުވެރިކަންވެސް މިހާރަކު ސަލާމަތެއް ނުކުރެވޭނެ! ލޯކަލް މާކެޓްގެ ގިނަ ގޮޅިތަކަކީވެސް މިއަދު ދިވެހިންގެ ނަންމަތީ ހުރި ބޮންދުންގެ ތަންތަން!
ކަހެރުވައް
08 March 2023
ހޫނ ތިއޮތީ ކަންތަކާ ޖެހިފަ. ދެން މިތާ މިއުޅޭ ވޯރާ ވިޔަފާރިވެރިން ބޭރުން ކާށި ގެނެސް ވިއްކަން ފަށާނީ. އޭރަށް ދިވެހި ކާށީގެ ޒަމާން ދިޔައީ. މިހާރުވެސް އެމީހުންނާ ހުރެ ދިވެހިން އެއްޗިހި އުފެއްދުން ވަޅުޖެހެެމުން އެދަނީ..
ދޮންބެޑ
08 March 2023
މިހާރުވެސް އެތެރެކޮށްފި. އިންޑިއާއިން..
ޗަިއނާ
08 March 2023
@ދޮންބެޑ ހިގާ އަހަރުމެން ތިޔަ އިންޑިޔާގެ ހުރިހާ އެއްޗެއް ބޮއިކޮޓް ކޮށްފަ، އިންޑިޔާއަށް ނުވެސް އަރަންނިންމާ، ޗައިނާއިން ކާއެއްޗިއްސާ، ބޭހާ، ކާއްޓާ ދެންވެސް މިފަދަ އެއްޗެހި ގެންނަމާ. ކޮން އިންޑިޔާއެއް، ޗައިނާއިން ގެންނާނީ.
ާއަލިމޯޑު
08 March 2023
ވިޔަފާރިވެރިއަކު ބުނެފަވާކަމަަށް އޮތީ ކާށި އަގުބޮޑުވަނީ ރަށްރަށުން ކާށި މާލެ ގެނައުން މަދުވެފަވާތީ ކަމަށެވެ.އެހެންކަމުން: ރުއްތައް އާކުރަން އައު ރުއް ޖަހަންޖެހޭ. ފަޅުރަށްތައް ރިސޯޓުހަދަން އަދި އަމިއްލަ ފަރާތްތަކަށް ފަޅުރަށްތައް ދިނުމުން އެރަށްތަކުން ކާށި ނުލިބޭނެ އާއްމުންނަކަށް. ޖީއެސްޓީ ބޮޑުކުރުމާއި ޑޮލަރުލިބުން ދަތިވުމުގެ ސަބަބުންތަކެތީގެ އަގަށް އަންނަ ބަދަލު އާއްމުމީހާއަށް ވަރަށް ބޮޑަށް ކުރޭ. އެބައި ކަވަރުކުރަން އެމީހާ ވިއްކާ ކާށި އަގުބޮޑުކުރޭ