ދިރާގުގައި މިއަދު ބޭއްވި ނޫސްވެރިންގެ ބައްދަލުވުމެއްގައި އެ ކުންފުނީގެ ސީއީއޯ (ކ-2) ވާހަކަ ދައްކަވަނީ. - ފޮޓޯ: ދިރާގު
16 ފެބުރުއަރީ 2017 - 21:26
8 comments
މުވާސަލާތީ އެންމެ ބޮޑު ކުންފުނި، ދިރާގަށް މިދިޔަ އަހަރު ފައިދާގެ ގޮތުގައި ލިބުނު 1.1 ބިލިއަން ރުފިޔާ ބެހުމަށްޓަކައި ހިއްސާދާރުންނަށް ހުށަހެޅުމަށް އެ ކުންފުނީގެ ޑިރެކްޓަރުންގެ ބޯޑުން ނިންމައިފި އެވެ.
މިދިޔަ އަހަރުގެ މެދު ތެރޭގައި ލިބުނު ފައިދާ އިން އިންޓަރިމް ޑިވިޑެންޑްގެ ގޮތުގައި ހިއްސާއަކަށް 5.92ރ. ބެހި އިރު، އަހަރުގެ ހާއްސަ ފައިނަލް ޑިވިޑެންޑްގެ ގޮތުގައި 8.45ރ ހިއްސާދާރުންނަށް ވަނީ ބަހައިފަ އެވެ.
ދިރާގުން ވަނީ ފާއިތުވެދިޔަ ފަސް އަހަރު ދެމެހެއްޓެނިވި ފައިދާއެއް ހިއްސާދާރުންނަށް ބަހައިފަ އެވެ. މިދިޔަ އަހަރުގެ ހިއްސާގެ ފައިދާއާ އެކު ޖުމްލަ 3.9 ބިލިއަން ރުފިޔާ ހިއްސާދާރުންނަށް ބެހިގެންދާނެ އެވެ.
މި މުއްދަތުގެ ތެރޭގައި ދިރާގުގެ ހިދުމަތްތަކުގެ ފެންވަރު ރަނގަޅުކޮށް ޒަމާނީ ފެންވަރުގައި ހިދުމަތް ފޯރު ކޮށްދިނުމަށް 1.6 ބިލިއަން ރުފިޔާއާ ގާތަށް އިންވެސްޓްކުރެވިފައިވާ ކަމަށް އެ ކުންފުނިން ބުންޏެވެ. ދިރާގުގެ ހިދުމަތް ބޭނުންކުރާ ކަސްޓަމަރުންގެ އަދަދު ވަނީ ފަސް ލައްކަ އަށް އަރައިފަ އެވެ.
މިދިޔަ އަހަރުގެ މާލީ ނަތީޖާ އަށް ބަލައި، ދިރާގު ލިސްޓުކުރެވުނުތާ ފަސް އަހަރު ފުރޭ އިރު ހިއްސާދާރުންނަށް ހާއްސަ ޑިވިޑެންޑެއް ހުށަހެޅުމަކީ ކުންފުނީގެ ބޯޑަށް ލިބޭ އުފަލެއް ކަމަށް ދިރާގުން ބުންޏެވެ.
ދިރާގުގެ ސީއީއޯ އަދި މެނޭޖިން ޑިރެކްޓަރު އިސްމާއިލް ރަޝީދު ވިދާޅުވީ އެ ކުންފުނީގެ މި ކާމިޔާބީގެ އަސްލަކީ ކުންފުނީގެ ކަސްޓަމަރުން ކުންފުންޏަށް ކުރާ އިތުބާރާއި ހިއްސާދާރުންގެ މެދުގައި ކުންފުންޏަށް އޮންނަ ޔަގީންކަމާއި ހީވާގި މުވައްޒަފުންގެ ބުރަ މަސައްކަތް ކަމަށެވެ.
ދިރާގުން ބުނީ ފައިނަލް ޑިވިޑެންޑްގެ ގޮތުގައި އަހަރީ އާންމު ޖަލްސާގައި ފާސްކުރާ ފައިދާ ބެހުމަށް ހަމަޖެހިފައިވަނީ ކުންފުނީގެ މިދިޔަ އަހަރުގެ އާންމު ޖަލްސާ އަށް އިއުލާނު ކުރެވޭ "ބުކް ކޯލްޝާ ޑޭޓް" ގައި ކުންފުނީގެ ރަޖިސްޓާގައި ލިސްޓްކުރެވިފައިވާ ހިއްސާދާރުންނަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞިން
18 February 2017
މިފަހަރުވެސް 500 ރުފިޔާ ލިބޭނެތާ..100000 ގަތީ އަހަރަކު 500 ދެން ކަވަރުވާން 200 އަހަރު.
އިބިރާ
17 February 2017
އަހަރެމެން އެއްވެސް ވަރަކަށް އިތުބާރެއް ނުކުރަމެވެ.
ޢައްޔޫބް
17 February 2017
އައިޕީއޯ އަކަށް ދިޔަތާ 5 އަހަރު އެކަމަކު އަދިވެސް ޝެއަރއެއްގެ މަަރކެޓް ވެލިއުއަކީ އަލަށް ވިއްކި އަގު ކަމުގައިވާ 80 ރުފިޔާ. މިއީ ކީއްވެގެން ވާ ކަމެއްބާ؟ އިވެސްޓަރސް އަކަށް އެއްވެސް އިތުބާރެއް އޮތްކަމަކަށް މާރކެޓް ވެލިއުން ނުދައްކާ.
އަހުމަދު
17 February 2017
ދިރާގަކީވެސް ހިއްސާ ވިއްކި ކުންފުންޏެކެވެ. އަޅުގަނޑު ހިއްސާގަތީ އިސްހާރު ގައި ދޮގާއި މަކަރު ހުރެގެންކަން އަދު ކަށަވަރު ވެއްޖެއެވެ. އެއީ ކުންފުނީން ލިބޭ ފައިދާ ބެހުމުގައި އިހުމާލު ވަމުން ދާތީއެވެ. ކުންފުނީގެ ފައިދާއަކީ ޓެކްސްއާއި ޒަކާތާއި ކުއްޔާއްި މުސާރައާއި އިންވެސްޓުމަންޓުތަކަށް ކުރި ޚަރަދުތަކާއި ހުރިހައި އެއްޗެއް ކަނޑައި ލިބުނު ރުފިޔާކަށް ްަޞޫލުކުރެވޭއިރު އެފައިދާއިން ބަހަނަިވެސް ކުންފުނީން ބޭނުންވީ މިންވަރެކެވެ. އެންމެން ބައިވެރިވެގެން ކުރާ ވިޔާފާރިއެއްގައި ފައިދާއާއި ގެއްލުން ހިއްސާކުރާނީ އެންމެނެވެ. ފައިދާވާފަހަރު ހިއްސާދާރުންނަށް ފައިދާ އކުގައި ބަހާންޖެހޭނެއެވެ. ގެއްލުންވާފަހަރު ހިއްސާދާރުންގެ ހިއްސާއިން ގެއްލުން ނެގޭން ޖެހޭނެއެވެ.
ހިއްސާދާރު ވެރިޔާ
16 February 2017
ހިއްސާ ގަތީ އުފަލުން ފަސް ވަރަކަށް އަހަރު ވާއިރު ފައިދާ ވާނެކަމަށް އެކަމަކު އަދި ހިއްސާ ގަތް އަގު ހަމަވާންވެސް ކާރި ވާވަރަކަށް ޑިވިޑިންޑެއް ނުލިބޭ.. ދުނިޔޭގެ ހިއްސާ ވިއްގާ ގިނަ ކުންފުނި ތަކުގަ 5 އަަހަރުން އިންވެސްޓްމެންޓް ކަވާ ކުރެވޭ..
ރޯނު އެދުރު
17 February 2017
ދުނިޔޭގައި ހިއްސާ ވިއްކާފައި ހުރި ބައެއް ކުންފުނި ހިއްސާ ދާރުންނަށް އެއްވެސް އެއްޗެއް އަނބުރައި ނުލިބި ބަނގުރޫޓްވެސް ވެފައި އެއބަހުރި.
ހަސަންބެ.
16 February 2017
ފަސް އަހަރު ވާއިރުވެސް މިއުޅެނީ ގަތް ދިހަ ހިއްސާ ގަތްއަގު އަބުރާ ނުލިބިގެން. ދެން ބިލިޔަނުން ތިޔަ ބެހި އަސް މަށަށް ކީ.
ލަބީދް އެންޑް ކަބީރް
16 February 2017
ތަންކޮޅެއް ހިއްސާ ވިއްކާލެއްގިނައީ. ގިނަކަމުން ފައިދާއަށް މިޖެހެނީ ސުޕާރީ ފޮއްޓެއް ގަނެލާހާވަރު.