މޯލްޑިވިއަންގެ ސީޕްލޭން ބޯޓުތަކެއް. ސީޕްލޭން ދަތުރުތައް ވަނީ ބ އަތޮޅަށް ފަށާފައި -- ފޮޓޯ: ނިޝާން އަލީ / މިހާރު
01 އެޕްރީލް 2025 - 13:23
ގައުމީ އެއާލައިން، މޯލްޑިވިއަންގެ ސީޕްލޭން ޝެޑިއުލް ދަތުރުތައް ކޮންމެ ހަފްތާއަކު ބ. އަތޮޅަށް ކުރަން ނިންމައިފި އެވެ.
މޯލްޑިވިއަން އެއާލައިން ހިންގާ އައިލެންޑް އޭވިއޭޝަނުން ބުނީ ކޮންމެ ހަފްތާއެއްގެ ބުރާސްފަތި އަދި ހޮނިހިރު ދުވަހު ސީޕްލޭން ދަތުރުތައް ކުރާނެ ކަމަށެވެ.
މޯލްޑިވިއަން އިން މި ދަތުރުތައް ކުރަނީ ބ. އަތޮޅުގެ ފުޅަދޫ އާއި ގޮއިދޫ އާއި ފެހެންދޫ އަށެވެ.
ފިތުރު އީދާ ދިމާކޮށް ސީޕްލޭން ދަތުރުތައް ފެށީ މިމަހުގެ 31 ވަނަ ދުވަހު އެވެ. މިހާތަނަށް ދެ ދަތުރު ކުރިއިރު ދެ ފްލައިޓު ވެސް ދިޔައީ ފުލްކޮށެވެ. އަދި އަންނަ ބުރާސްފަތި ދުވަހު އިތުރު ދަތުރެއްކުރަން ވެސް ވަނީ ނިންމައިފަ އެވެ. އެއީ ޝެޑިއުލްގެ ތެރެއިން ކުރާ ދަތުރުތަކެވެ.
މޯލްޑިވިއަންގެ ސީޕްލޭނެއްގައި އެއްފަހަރާ 12-13 އާ ދެމެދުގެ އަދަދަކަށް ދަތުރު ކުރެވޭނެ އެވެ. ޓިކެޓެއްގެ އަގަކީ ކޮޅަކަށް 1099ރ. އެވެ.
ސީޕްލޭންގައި ބ. ފުޅަދޫއަށް ދާން ނަގާނީ ގާތްގަނޑަކަށް 25 މިނެޓެވެ. ސީޕްލޭން ދަތުރުތައް ކުރުމަށް އެ އެއާލައިނުން 11 ބޯޓު ގެންގުޅެ އެވެ.
މޯލްޑިވިއަން އިން ވަނީ ފިތުރު އީދާ ދިމާކޮށް ޑޮމެސްޓިކް ދަތުރުތައް ވެސް އިތުރުކޮށްފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
909090999
01 April 2025
ދުވަސްކޮޅަކު ހިފަހައްޓާލާތި އޭރުން ޔަޤީންކަމާއެކު ގެސްޓުނަށް ވެސް ބުކް ކުރަން ކެރޭނީ!!! މިދިޔަ ފަހަރު ހެދި ގޮތަށް. ދެދުވަހަކު ބާއްވާފައި ގެއްލުންވަނީޔޭ ކިޔާފައި ހުއްޓާލަންޏާ ކާމިޔާބެއް ނުވާނެ!!!
ހާސަރު
01 April 2025
މިހަދާހާ އެއަރޕޯޓްތަށް ނުހަދާ ކުރަންވީ ކަމަކީ މިއީ.
އަލީ2
01 April 2025
ތެދުވަަހަކައެއް، އޭރުން ސަރުކާރަށްވެސް މޯލްޑިވިއަން އަށްވެސް ބޮޑު ތަނުން ޚަރަދު ކުޑަވީ
މަބުނީ
01 April 2025
ހާސަރު އަށް. 100 ގެ ވާހަކައެއް.
ެެެެެެެަަަަައސލ
01 April 2025
އަސްލުގަވެސް ކުރަންވިކަމަކީ ކަނޑަށްޖައްސާ މަތިންދާބޯޓުވިއުގައަކުން ރާއްޖެ އެކީގަ ގުޅާލަންވީ. އަގުބޮޑުވިނަމަވެސް ވަގުތު ސަލާމަތްކުރަންބޭނުން ކިތަންމެބަޔަކު ތިބޭނެ.
ވައު
01 April 2025
ވައި ނޮޓް ވާވު އަތޮޅު.
ވަައުވައު
01 April 2025
ތީ މީހަކު އުޅޭ އަތޮޅެއްތަ؟