މާލޭގައި ކުނި އުކާލުމަށް ހިނގާ ހަރަދުތައް ބޮޑުވުމުން ވެމްކޯގެ އިސްބޭފުޅުން މަޖިލީހުގެ ކޮމިޓީގައި މިއަދު ވާހަކަދައްކަވަނީ. ފޮޓޯ: ނިޝާން އަލީ /މިހާރު
އެމްޕީއެލް ސަރަހައްދުގައި އޮންނަ އުފުއްޔަށް އުކާލަން ގެންދާ ކުނިން ފީ ނަގަނީ ކުންފުނީގެ ހަރަދުތައް ހަމަޖައްސަން ކަމަށް ވޭސްޓްމެނޭޖްމަންޓް ކޯޕަރޭޝަން (ވެމްކޯ) އިން ބުނެފި އެވެ.
ކުނި އުކާލުމަށް ނަގާ ފީ ބޮޑުވުމާ ގުޅިގެން މަޖިލީހުގެ މަސްއޫލިއްޔަތު އަދާކުރާ ކޮމެޓީގައި މެމްބަރަކު ކުރެއްވި ސުވާލަކާ ގުޅިގެން ވާހަކަދައްކަވަމުން އެ ކުންފުނީގެ މެނޭޖިން ޑިރެކްޓަރު އިބްރާހިމް ފުއާދު ވިދާޅުވީ އެ ކުންފުނިން މި އަހަރުގެ ޖެނުއަރީން ފެށިގެން ކުނި އުކާލުމުގެ މަސައްކަތް ފެށުމަށް ފަހު ކުނި ނުވާ ޒާތުގެ ކުނި އުކާލުމަށް ވަކި ފީތަކެއް ނަގަން ފަށާފައިވާ ކަމަށެވެ. އަދި އެ ފީ ނެގުމުގެ ބޭނުމަކީ ކުންފުނިން ބޭނުންކުރާ ލޭންޑިން ކްރާފްޓުން އުކާލުމަށް ހިންގާ ހަރަދު ހަމަޖެއްސުމަށް ކަމަށް ވެސް އޭނާ ވިދާޅުވި އެވެ.
"އަޅުގަނޑުމެން ބޭނުން ވަނީ މާލެ އިން ކުނި އުކާލުމުގެ ހިދުމަތް ދެމެހެއްޓެނިވި ގޮތެއްގައި ކުރިޔަށް ގެންދަން. އެހެންވީމަ އެކަމަށް ފީއެއް ނަގަން ޖެހޭ. އަޅުގަނޑުމެން މި ބަލަނީ މިހާރު ހުރި ވެހިކަލްތަކާއި ލޭންޑިން ކްރާފްޓް މަރާމާތުކޮށްގެން ބޭނުންކުރަން ފެށުމުން ކުރަން ޖެހޭ 30 ޕަސެންޓްވަރު ކުޑަވާނެ،" ފުއާދު ވިދާޅުވި އެވެ.
ވެމްކޯގެ މެނޭޖިން ޑިރެކްޓަރު ފުއާދު (ކ) އަދި ޗެއާމަން އަލީ ހާލިދު މަޖިލީހުގެ ކޮމިޓީގައި މިއަދު ވާހަކަދައްކަވަނީ. ފޮޓޯ: ނިޝާން އަލީ /މިހާރު
އޭނާ ވިދާޅުވީ މާލެއިން ތިލަފުއްޓަށް ކުނި އުކާލުމަށް މަހަކު ދެ ލައްކައެއްހާ ރުފިޔާ އަށް ހަތަރު ދޯނި އަދި މަހަކު 1.4 މިލިއަން ރުފިޔާ އަށް ތިން ލޭންޑިން ކްރާފްޓް ކުއްޔަށް ހިފާފައިވާ ކަމަށެވެ. އަދި ކުއްޔަށް ހިފާފައިވާ އުޅަނދުތަކާއި ވެހިކަލްތައް ދޫކޮށްލުމަށް އެ ކުންފުނިން މަސައްކަތްކުރަމުން އަންނަ ކަމަށް ފުއާދު ވިދާޅުވި އެވެ.
އަޅުގަނޑުމެން މި މަސައްކަތްކުރަނީ އަންނަ އަހަރުން ފެށިގެން މި ކުންފުންޏަށް ލިބޭ އާމްދަނީއަކުން ކުންފުނީގެ ހަރަދުތައް ހަމަޖައްސަން. ސަރުކާރުން މިދިޔަ ފަސް އަހަރުގެ ތެރޭގައި ކުނި އުކާލަން ގާތްގަނޑަކަށް 200 މިލިއަން ރުފިޔާ ހަރަދުކޮށްފައިވޭ، ވެމްކޯ
"އަޅުގަނޑުމެން މި މަސައްކަތްކުރަނީ އަންނަ އަހަރުން ފެށިގެން މި ކުންފުންޏަށް ލިބޭ އާމްދަނީއަކުން ކުންފުނީގެ ހަރަދުތައް ހަމަޖައްސަން. ސަރުކާރުން މިދިޔަ ފަސް އަހަރުގެ ތެރޭގައި ކުނި އުކާލަން ގާތްގަނޑަކަށް 200 މިލިއަން ރުފިޔާ ހަރަދުކޮށްފައިވޭ. އެއީ ގާތްގަނޑަކަށް އަހަރަކަށް 30 މިލިއަން ރުފިޔާ،" އޭނާ ވިދާޅުވި އެވެ.
އެ ކުންފުނިން ކުނި އުކާލުމަށް ނަގާ އަގުތައް ރިވައިސްކުރުމާ މެދު ނިންމާފައިވާ ގޮތެއް އަންނަ ހޯމަ ދުވަހުގެ ކުރިން ކޮމިޓީ އަށް އެންގުމަށް މުގައްރިރު ވިލުފުށީ ދާއިރާގެ މެމްބަރު ރިޔާޒު ރަޝީދު ދެންނެވުމުން އެ ކޮމިޓީގެ ނައިބު މުގައްރިރު މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވީ މެމްބަރުންގެ ވޯޓަކަށް އަހައިގެން ނޫނީ އެގޮތަށް ނިންމައިގެން ނުވާނެ ކަމަށެވެ. އަދި އެއީ ކޮމިޓީގެ ނިންމުމެއް ކަމަށް ބަލައިނުގަތުމަށް އޭނާ ވަނީ ވެމްކޯގެ މެނޭޖިން ޑިރެކްޓަރާއި ޗެއާމަން އަރިހުން އެދިވަޑައިގެންފަ އެވެ. އަދި ކޮމިޓީ ނިންމާލިއިރު ވެސް ޝަރީފް ގެންދެވީ މުގައްރިރާ ދެމެދު ބަހުގެ އެކި ހަމަލާތައް ދެއްވަމުންނެވެ.
އިތުރު ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަަައަބޫ
15 June 2016
ގްރީން ޓެކްސް ނަގަނީ ތިކަމަށް. USD 6.00 x 1.2 Million = USD 7.2 Million x 15.42 = MRF 111 Million އަހަރަކަށް މިހާރުވެސް އެބަނަގާ 111 މިލިއަން ރުފިޔާ ބިކަމަށް..
އައްޓަމަސް
15 June 2016
ބޮންދުއަސް މަހަކު 150ރ ދޭންޖެހހުނަސް ދިވެހިންނަށް އޯކޭ! ސަރުކާރުންނަމަ ކޮއްދޭންޖެހޭނީ ހިލެޔޯ! އަރަތެއްތަ މީ ؟! އެކަކައްވެސް ރަނގަޅު އުޖޫރައެއް ނުލިބެޔޯލަ؟! އެކަމަކު އައިފޯން 7 ވިޔަސް އެހެންއެއްޗަކަސް ޕްރިއޯޑަރ ކުރާނެ 300000 މީހުންގެ އާބާދީއެއްގެ %10 މީހުން ! މާލެވަށާ އަދި އެތެރޭގައި ހުރިއްޔަ ހުރިކެފޭއެއް އަބަދު ފުލްވެފައި! 300 އަށް "8 ރާގޮނޑިއެއްހުއްޓަސް ވަނީހުސް، ކަރާހެޔޮ 75އައް ކިލޯވިޔަސް ހަމަ އޯކޭ! ޕްރައިވެޓްވީމައި ހުޅުލެއަށް -/10ރ އޯކޭ،! ސަރުކާރުގެ ހިއްސާއޮތް އެމް.ޓީ.ސީ.ސީއިން ހުޅުމާލެއަށް 5/25ރ ނެގީމަ ބޮޑު! ހުސް އަރަތް ކުކުޅުކެވޭ، މަހަކު 10 ހެދުން ގަނެވޭ، ޝީޝާއަށް ކިތަންމެ އަގުފަލަ ސައިކެއް އަޔަސް ގަނެވޭ! ބޭހެއް ކުރަންޏާ ސަލާންޖަހަން ދުވަނީ! "ލާރީ ނެތް" ޝަޙަދަތުގެ 2 ކަލިމަފަދަ އިސްމެއް ދިވެހިން ދަސްކޮއްގެން އުޅޭ!
ފީފާ
15 June 2016
ޓެކްސް ނަގަންޏާ ފީ ނެގިގެން ނުވާނެ.
އަހަންމަދު
15 June 2016
ދުނިޔޭގެ ކޮން ގައުމެއްގަ ތޯ ޔުނިވަރސަލް ހެލްތް އިންޝޫރަންސް، ސްކޫލް ފީ، 65 ޕްލަސް ލާރި، އެކަނިވެރި މައިންނަށް، ޚާއްސަ އެހީގެ މީހުންނަށް ލާރި ހިލޭ ސާބަހަށް ބަޖެޓުން ދެނީ؟ ދިވެހިން ވިސްނަން ވެއްޖެ ދުނިޔޭގެ ގައުމުތަކުގަ ކަންތައްތައް ހިގާ ގޮތާ މެދު.....
މުދީރު
15 June 2016
ދުނިޔޭގެ ތަރައްގީވެފަ ކަމަށް ބުނާ ކޮންގައުމެއްގަތޯ މިހާބޮޑު ފީއެއް ދައްކައިގެން ތިމާމީހާގެ ގެއިން އުކާލާ ކުނިކޮޅު ނުވަތަ ގެ ސާފުކޮށްފަ އުކާލާސާމާނު ބޮޑުއަގުދީގެން އުކާލަނީ؟ އަގުނަގާއިރު މީހުނަށް ލިބޭ އުޖޫރަ އާއި ނުބައްދަލު އަގުތައް މިކަނޑައަޅަނީ؟ މިސާލަކަށް ކޮން ގައުމެއްގަތޯ ކަރަންޓް ގިނައިން ބޭނުން ކުރުމުން އަގު ބޮޑުވާގޮތައް އޮތީ؟ ފެން ބޭނުން ކުރާމިންވަރު ގިންވުމުން އަގު ބޮޑުވާތޮތައް އޮތީ؟ އެހެން ގައުމު ތަކުގައި ޙިދްމަތް ގިނައިން ހޯދީމަ އަގު ވަނީ ހެޔޮ؟ #ޝުކުރިއްޔާގައުމު.
ބަލާބަލަ
14 June 2016
ކުނި އުކާލަން ފީނެގުމަކީ އެއީ މޭންޑޭޓްރީ ކަމެކެވެ. މިރާއްޖޭގެ ރައްޔިތުންގެ މަޖްލީހުގައި ތިބެނީ ހިސާބު އިލްމާއި އެއްގޮތަކަށް ވެސް ސްކޫލް ގައި ކިޔެވި އިރު ވިޔަފާރި އާއި އިގްތިސާދުގެ އަލިފުބާ ވެސް ނުކިޔަވާ މީހުންތޯއެވެ. އައްޑޫ ޝަރީފު މެން އަމިއްލަ އަށް އިކޮނޮމިސްޓުންނަށް ހެދިގެން އުޅޭ އިރު ވެމްކޯ އަށް ކިހިނެެއްތޯ ހިލޭ ކުނި އުކާލާނީ. ރައްޔިތުން އުނަގަނޑު ބިންދައިގެން ހޯދާ ފައިސާ އިން ޓެކްސް ސަރުކާރަށް ދެއްކުމުން ވެލްފެއާރ އުސޫލުން ސަރުކާރުގެ ކަންކަން ކުރާނަމަ ދެން ދުވަހަކު ވެސް ރައްޔިތުންގެ އިންފްރާސްޓްރަކްޗަރ ތަރައްގީ ކުރާނެ ފައިސާ އެއް ދައުލަތުގެ އަތުގައި ނުހުންނާނެއެވެ. އަދި ކެޕިޓަލް އިންވެސްޓް ކުރާނެ ފައިސާ އެއްވެސް ނުހުންނާނެއެވެ. މީ ސަރުކާރުގެ އިކޮން ކައުންސިލުން ބަލަން ޖެހޭ ކަންކަމެވެ.
އިބިރިހިން ތައްކާނު
15 June 2016
ޝަރީފުމެންގެ ވިޔަފާރި ކުރިޔަށް ނުދާ ސަބަބު އުތަ.
ރަދުން
14 June 2016
ގްރީން ޓެކްސް ނަގަނީ ކީއްކުރަންތަ؟
އުމަރު
14 June 2016
ދެން އާސަންދައިގެ ހަރަދުވެސް ހަމަޖައްސަން ފީއެއް ނަގަންވީނޫންތޯ؟ މުސްކުޅިންނަށްދޭ އިނާޔަތް ފޫބައްދަންވެސް ފީއެއް ނަގަންވީނޫންތޯ؟ ތައުލީމަށްކުރާ ހޭދައިގެ ހަރަދުނަގަންވެސް ފީއެއް ނަގަންވީނޫންތޯ؟ ސަރުކާރުން ޖެހެނީ ރައްޔިތުންނަށް ހިދުމަތްދޭން ޓެކުސް ނަގައިގެން، މިޒަމާނުގައި ކުންޏަކީ ފައިސާ، އެހެންކަމުން ކުނި ބޭނުންކޮށްގެން ކަރަންޓް އުފެއްދިދާނެ، ގަސްކާނާ އުފެއްދިދާނެ، ލޭންޑްފިލް އުފެއްދިދާނެ، ހަމަ ކުންފުނިތަކެއް ހަދައިގެން ރައްޔިތުންގެ އަތުން ފައިސާފެލަނީ
މޮޔަ
15 June 2016
ދެން ކަލޭ ކުނި އުކާނުލާ ކަރަންޓް އުފައްދާނަމަ އެއްނު، އޭރުން ނުޖެހޭނެެއްނު ކަރަންޓް ބިލް ބޮޑުވާތި އުޅޭކަށް.. ނޫނީ ބޮޑު މޮޔަ ކުނިން ގަސްކާނާ އުފައްދައިގެން ވިއްކަން ވީއެއްނު
ޥެލެޒިނީ
14 June 2016
ތިޔަކަމަކީ ނަޝީދުގެ ވެރިކަމުގަ ކުރިކަމެއްނަމަ މިހާރު އެއބަޔަކު ތިބޭނީ ބޮޑުދިދަިގަ އެލިގެންނެވެ. އެންމެ ކުރީދަފުގަ ރިޔާޒު ރަޝީދާ އުމަރު ހުންނާނެ އެވެ.
ސަލާމް
14 June 2016
މުގައްރިރު އަމިއްލައަށްދޯ ގޮތް ނިންމަނީ
އަލްޖިބްރާ
14 June 2016
ސަރުކާރުގެ ވެރިން މިލިއަނުން ބިލިއަނުން ރުފިޔާ ކާލިއަސް އެފައިސާ ހޯދޭނެ ގޮތެއް ނޯވޭ ! އެތަންތަން ފޫބައްދަން ރައްޔިތުން އުކާލާ ކުނިން ބޮޑުއަގުނަގައިގެން ރައްޔިތުން ފެލާލުން ނޫންކަމެއް ކަލޭމެނަށް ކުރެވޭތަ ؟
އިއްސެ
14 June 2016
ކޮބާ ޓޭކްސް ލާރި. ޖީ އެސް ޓީ އާ އެއްޗެހި މި ދައްކަނީ ތިކަހަލަ ކަންކަމަށް ނޫން. ދެން ކޮން އިތުރު ބަހަނާ ދައްކައިގެން ލާޜި ތިނަގަނީ. ޜައްޔިތުން ހަމަ ފެލަނީ. ޥިސްނޭ ބަޔަކު ތިބި ކަމަށް ހީކުރަން