ވިޔަފާރި / ނޮވެލްޓީ ބުކް ފެއާ

ނޮވެލްޓީ ބުކް ފެއާ ބުރާސްފަތި ދުވަހު، ނަސީބުވެރިއަކަށް 11،111.11 ޑޮލަރު!

މިދިޔަ އަހަރު ބޭއްވި ބުކް ފެއާގެ ތެރެއިން.

އަލީ ޝިނާން، މިހާރު

24 ސެޕްޓެމްބަރ 2017 - 10:18

9 comments

ނޮވެލްޓީ ބުކްޝޮޕްގެ ބުކް ފެއާ، އަންނަ ބުރާސްފަތި ދުވަހު ފަށަން ތައްޔާރުވެއްޖެ އެވެ.

ނޮވެލްޓީން ބުނީ ކޮންމެ އަހަރަކު ވެސް ބާއްވަމުން އަންނަ ބުކް ފެއާގެ މި އަހަރުގެ ފެއާ ކުރިއަށް ގެންދާނީ ބުރާސްފަތި ދުވަހުން ފެށިގެން އަންނަ މަހުގެ ހަތް ވަނަ ދުވަހާ ހަމައަށް އާޓް ގެލަރީގަ އެވެ. ފެއާގެ ނަސީބުވެރިއަކަށް ގުރުއަތުން ހޮވޭ މީހަކަށް 11،111.11 ޑޮލަރު ދޭނެ ކަމަށް ވެސް ބުންޏެވެ.

ފެއާގެ ކަންކަމުގައި އިސްކޮށް ހަރަކާތްތެރިވާ ނޮވެލްޓީ ބުކްޝޮޕްގެ މާކެޓިން މެނޭޖަރު އިރުފާން އިސްމާއިލް ވިދާޅުވީ، ގުރުއަތުގައި ބައިވެރިވުމަށް ކޫޕަން ދޫކުރާނީ ފެއާގައި ކުރާ ކޮންމެ 100ރ.ގެ ވިޔަފާރިއަކަށް ކޫޕަނެއްގެ މަގުން ކަމަށެވެ.

ފެއާގެ ތެރެއިން 10 ޕަސެންޓުން ފެށިގެން 70 ޕަސެންޓާ ހަމަ އަށް ޑިސްކައުންޓް ލިބޭނެ ކަމަށް ވެސް އިރުފާން ވިދާޅުވި އެވެ.

"އަޅުގަނޑުމެން ބުކްޝޮޕުން ކުރާ ކޮންމެ 100ރ. ގެ ވިޔަފާރިއަކަށް 'ބުކްޝޮޕް މަނީ' ދޫކޮށްފައި ހުންނާނެ. އެ ބުކްޝޮޕް މަނީތައް ބޭނުން ކޮށްގެން ފެއާގެ ތެރެއިން ވިޔަފާރި ކުރެވޭނެ. ކޮންމެ ބުކްޝޮޕް މަނީ އަކީ ފަސް ރުފިޔާގެ ގޮތުގައި އަޅުގަނޑުމެން މި ބަލަނީ،" އިރުފާން ވިދާޅުވި އެވެ.

ފެއާގައި ބޭނުން ކުރެވޭ "ގިފްޓް ވައުޗާ" ވެސް މިހާރު ނޮވެލްޓީ ބުކްޝޮޕުން އަންނަނީ ވިއްކަމުންނެވެ.

އިރުފާނު ވިދާޅުވީ މިއީ ހަދިޔާއެއްގެ ގޮތުގައި މީހަކަށް ދެވޭނެ ގޮތަށް ތައްޔާރުކޮށްފައިވާ ގިފްޓް ވައުޗާ ތަކެއް ކަމަށެވެ. ގިފްޓް ވައުޗާ ހިފައިގެން ފެއާ އަށް ގޮސް އޭގެ އަގަށްވާ ވަރަށް ވިޔަފާރި ކުރެވޭނެ ކަމަށް ވެސް ވިދާޅުވި އެވެ.

ފުޅާ ދާއިރާއެއްގައި ފޮތާއި ސްކޫލް ސާމާނުގެ ވިއްކުމުގެ އިތުރުން ޕްރިންޓް ހިދުމަތް ދެމުން އަންނަ ނޮވެލްޓީން ބުނީ ބުކް ފެއާގައި ކުޑަކުދިން ކުލަ ޖައްސާ ފޮތުން ފެށިގެން ވާހަކަ ފޮތާއި މައުލޫމާތު ފޮތްތަކުގެ އިތުރުން މެނޭޖްމަންޓް ފޮތްތައް ވެސް ލިބެން ހުންނާނެ ކަމަށެވެ.

ނޮވެލްޓީން ކޮންމެ އަހަރަކު ވެސް ބާއްވަމުން އަންނަ ބުކް ފެއާ އަކީ ރާއްޖޭގައި މިފަދަ ގޮތަކަށް ބާއްވާ އެންމެ ބޮޑު ބުކް ފެއާ އަށް ވާއިރު، އެ ފެއާގެ ނަސީބުވެރިއަކަށް ހޮވޭ މީހަކަށް ކޮންމެ އަހަރަކު ވެސް ފައިސާގެ ބޮޑު އިނާމެއް ލިބެ އެވެ.

ނޮވެލްޓީ ބުކް ފެއާ ނޮވެލްޓީ ބުކްޝޮޕް ވިޔަފާރި ޕްރޮމޯޝަން

9 ކޮމެންޓް, 41 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޟދުރީސް

24 September 2017

ނޮވެލްޓީއިން ކުރިޔަށްގެންދާ ބުކްފެއަރ އަކީ ވަރަށްރަނގަޅޫކަމެއް ، ކުޑަ އިސްލާހެއް ގެންނަނިކޮށް ހަމަ ހަބޭސްވާނެ ، ތިދެއްވާ އިނާމް 10 ފަރާތަކަށް ބަހައިލައިގެން ދޭގޮތަށް ހަމަޖެއްސުން ވަރަށްރަނގަޅުވާނެ.