ރާއްޖޭގެ ގުދުރަތީ ރީތިކަން ދައްކުވައިދޭ ގޮތަށް ހުޅުމާލޭގައި ތަރައްގީކުރާ، އަކުއާ ވިޓާ ރެޒިޑެންސީގެ މަސައްކަތް ހަލުވިކަމާއެކު ކުރިއަށްދާ ކަމަށް އެ ކުންފުނިން ބުނެފި އެވެ.
އަކުއާ ވިޓާ އިން ބުނި ދޭގޮތުގައި މިދިޔަ އަހަރުގެ ފެބްރުއަރީން ޑިސެމްބަރު މަހުގެ ނިޔަލަށް ސްޓްރަކްޗާގެ 90 ޕަސެންޓް މަސައްކަތް ވަނީ ނިމިފަ އެވެ. އަދި ރޭނުމުގެ 20 ޕަސެންޓު ވެސް ޑިސެމްބަރުގެ ނިޔަލަށް ނިމިފައިވާ ކަމަށް ބުންޏެވެ. މި ޕްރޮޖެކްޓް ފެށީ 2018 ވަނަ އަހަރު ނޮވެމްބަރު މަހު އެވެ.
ޒަމާނާ ގުޅޭގޮތަށް ފަރުމާކޮށްފައިވާ މި އެޕްޓާޓްމަންޓުތަކަކީ އެންމެ ފަހުގެ ޓެކްނޮލޮޖީ ގާއިމުކޮށްފައިވާ ޖާގައިގެ ގޮތުން ބޮޑު އެޕާޓްމަންޓުތަކެކެވެ. މި ރެޒިޑެންސީގައި ހުންނާނީ ދެ ކޮޓަރި، މެއިޑް ރޫމު އާއި ތިން ކޮޓަރި، މެއިޑް ރޫމު އަދި މީގެ އިތުރުން ޕެންޓްހައުސް ހިމެނޭ ލަގްޒަރީ އެޕާޓްމަންޓުތަކެކެވެ.
މި ރެސިޑެންސީގައި ޖިމަކާއި ސްވިމިން ޕޫލެއް އަދި ކުޑަކުދިންގެ ކުޅޭ އޭރިއާއަކާއި ބާބަކިއު އަށް ހާއްސަ ސަރަހައްދެއް ވެސް ހުންނާނެ އެވެ. އަދި ރެޒިޑެންސީގައި ދިރިއުޅޭ މީހުންނަށް ހާއްސަ ޕާކިން ސަރަހައްދަކާއި އިވެންޓްތައް ބާއްވާނެ އިވެންޓް ހޯލެއްގެ އިތުރުން މުނިފޫހި ފިލުވުމުގެ ހަރަކާތްތައް ބާއްވާ ސަރަހައްދެއް ވެސް ހުންނާނެ އެވެ.
މީގެ އިތުރުން ހުޅުމާލެއިން ކަރަންޓު ދާ ހާލަތްތަކުގައި އަމިއްލައަށް ކަރަންޓު ދިނުމުގެ ގޮތުން ބެކަޕް ޖަނެރޭޓަރެއް ވެސް ހުންނާނެ އެވެ.
އަކުއާ ވިޓާއިން މިހާރު ވަނީ މި ރެޒިޑެންސީން އެޕާޓްމަންޓުތައް ގަންނަން ބޭނުންވާ ފަރާތްތަކަށް އެ ފުރުސަތު ހުޅުވާލާފަ އެވެ. މި އެޕާޓްމެންޓުތައް ބަލާލަން ބޭނުންވާ މީހުންނަށް އެ ފުރުސަތު ވެސް އެކުއާ ވިޓާގެ ނަންބަރު ( 7708866 ނުވަތަ 7388866 ނުވަތަ 7288661 ) އަށް ގުޅާލުމުން ލިބޭނެ އެވެ. މި ރެޒިޑެންސީން އެޕާޓްމަންޓުތައް ބައްލަވައިގަންނަ ފަރާތްތަކަށް މި އަހަރުގެ މެއި މަހުން ފެށިގެން ހަމަސް ދުވަހުގެ ތެރޭގައި އެޕާޓްމަންޓުތައް ހަވާލު ކުރެވޭނެ ކަމަށް އެކުއާ ވިޓާއިން ބުންޏެވެ.