25 ޖެނުއަރީ 2020 - 08:25
6 comments
"ބޭވޮޗް" އިން ވިދައިލި ހޮލީވުޑްގެ ކުރީގެ މަޝްހޫރު ބަތަލާ ޕަމެލާ އެންޑަސަން ފަސް ވަނަ ކައިވެންޏެއް ކޮށްފި އެވެ.
ދެ ކުދިން ވެސް ތިބި އުމުރުން 52 އަހަރުގެ ބަތަލާ މި ފަހަރު ކައިވެނިކޮށްފައި ވަނީ މަޝްހޫރު ޕްރޮޑިއުސަރު ޖޮން ޕީޓާޒް، 74، އާ އެވެ. އެ ދެ މީހުން ކައިވެނިކުރީ ކެލިފޯނިއާގެ މަލިބޫގައި މިދިޔަ ހޯމަ ދުވަހު ބޭއްވި ހަފުލާއެއްގަ އެވެ.
ޕަމޭލާއާ އެއްގޮތަށް ކުރިން ހަތަރު ކައިވެންޏެއްކޮށް، ތިން ކުދިން ތިބި ޖޮން އަކީ ވަރަށް ކާމިޔާބު އެތައް ފިލްމެއް ޕްރޮޑިއުސްކޮށްފައިވާ މީހެކެވެ. އޭގެ ތެރޭގައި 2018 ގައި ރިލީޒްކުރި "އަ ސްޓާ އިޒް ބޯން" އާއި އޭނާގެ އޮރިޖިނަލް ފިލްމާއި 2013 ގެ "މޭން އޮފް ސްޓީލް" 2001 ގެ "އަލީ" އާއި 1999 ގެ "ވައިލްޑް ވައިލްޑް ވެސްޓް" ގެ އިތުރުން 1998 ގެ "ރެއިންމޭން" ފަދަ އެތައް ފިލްމެއް ހިމެނެ އެވެ.
ޖޮންއާ ކައިވެނިކުރުމުގެ ކުރިން 2017-2019 އަށް ޕަމޭލާ ވަނީ ފްރާންސްގެ ފުޓްބޯޅަ ތަރި އާދިލް ރަމީއާ ވެސް ލޯބީގެ ގުޅުމެއް ބާއްވައިފަ އެވެ. އޭނާ އެންމެ ފުރަތަމަ ކައިވެނިކުރީ މިއުޒިޝަން ޓޮމީ ލީއާ އެވެ. ޕަމޭލާގެ ދެ ކުދިންގެ ބައްޕަ އަކީ ވެސް ޓޮމީ އެވެ.
ޖޮންއާ ކައިވެނިކުރުމުގެ ކުރިން ޕަމޭލާ އެންމެ ފަހުން ކައިވެނިކުރީ ޕޯކާ ޕްލެޔާ ރިކް ސެލަމަންއާ އެވެ. އެ ކައިވެނި ރޫޅުނީ 2015 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިޔާ
25 January 2020
ކާމިޔާބު އެތައް ފިލްމެއް ޕްރޮޑިއުސްކުރިއަސް އާދަޔާ ޚިލާފު އެއްޗެއް ޕްރޮޑިއުސްކޮށްގެން ޕަމެލާ ގާތުގައި ބެހެއްޓޭނީ. 5 ވަނަ ފަހަރުވިއްޔަ.
ނެޑް
25 January 2020
އެއީކީ ބަތަލާ އެއްގެ ގޮތުގައި މައްޝްހޫރު މީހެއް ނޫން. އެހެން ކަމަކުން މައްޝޫރުކަން ހޯދައިގެން ފިލްމުން ފުރުސަތު ލިބުނު މީހެއް.
ބެންޑޭ
25 January 2020
ތިގޮތަށް ގިނަމީހުން ދޯ. ކިމް ކާޑާޝިއަންވެސް އޭނަ މަންމަ ބުނެގެން ގަސތުގަ ކުރިކަމެއް ކަމަށް ވަނީ މަޝްހޫރުވާން
ބަސް މަގު
25 January 2020
"ހުންގާނު ނެތް އޮޑި" ދުވާނީ ދުވާނެ ގޮތަކަށެވެ.
ގަސްމަގު
25 January 2020
ކަލޭ ތިހެން ހުއްޓަ އެއޮޑިތަކަށް އެތަކެއް މިލިއަން ލިބިއްޖެ. ދެން އެހެންވީމަ ކާކުގެ ހުންގާނު ނެތީ؟
ބަސް މަގު 2
25 January 2020
ގަސްމަގު ހީކުރަނީ ހުރިހާ ވެސް އެއްޗަކީ ފައިސާ ކަމަށްތަ؟ދުނިޔޭގެ އުފަލާ އަރާމަކީ ހިނދު ކޮޅެއްގެ ކަމެކެވެ. އަހަރެމެންގެ މުއްސަދި ކަމަކީ ހިތުގެ މުއްސަދި ކަމެވެ. އަހަރެމެންގެ މުދަލަކީ އީމާން ތެރި ކަމެވެ.