ސުޝާންތުގެ ހަނދާނުގައި ފިލްމެއް ހަދަނީ

ސުޝާންތު.

އަހުމަދު އަދްޝަން، މިހާރު

23 ޖޫން 2020 - 08:12

ދާދި ފަހުން އަމިއްލަ އަށް މަރުވި އެކްޓަރު ސުޝާންތު ސިންގް ރާޖްޕޫތުގެ ހަޔާތަށް ބިނާކޮށް ފިލްމެއް ހަދަން ނިންމާފައި ވަނިކޮށް، ސުޝާންތުގެ ގާތް މީހަކު އޭނާގެ ހަނދާނުގައި ފިލްމެއް ހަދަން ނިންމައިފި އެވެ.

ކުރިން ސުޝާންތު ކުޅޭ ގޮތަށް އޮތް މި ފިލްމަކީ "ވަންދޭ ބާރަތަމް" އެވެ. މިއީ ސަންދީޕް ސިންގް ޑައިރެކްޓްކުރާ ފިލްމެކެވެ. ކާމިޔާބު ފިލްމުތަކެއް ޕްރޮޑިއުސްކޮށްފައިވާ ސަންދީޕްގެ މި ފިލްމުވެގެންދާނީ އޭނާގެ އަލަތު ޑައިރެކްޝަނަށެވެ.

"ވަންދޭ ބާރަތަމް" ގެ ސްކްރީންޕްލޭ ލިޔެފައި ވަނީ މިދިޔަ އަހަރުގެ "ޑްރީމް ގާލް" ލިޔެ، ޑައިރެކްޓްކުރި ރާޖް ޝާންޑަލިއާ އެވެ. ފިލްމުގެ ޕޯސްޓަރުގައި ސުޝާންތު ފޮޓޯއާ އެކު އިންޑިއާގެ ދިދަ ވެސް ސިފަކޮށްފައިވެ އެވެ.

"ވަންދޭ ބާރަތަމް" ގެ ޕޯސްޓަރު އިންސްޓަގްރާމްގައި ހިއްސާކުރަމުން ސަންދީޕް ބުނީ މި ފިލްމަކި އޭނާ އާއި ސުޝާންތު އެކީގައި މަސައްކަތްކުރަން ޕްލޭންކޮށްފައި އޮތް ފިލްމެއް ކަމަށާއި ފިލްމު ނުގެނެސްދެވެނީސް ޒުވާން އެކްޓަރު މަރުވުމަކީ ލިބުނު ވަރަށް ބޮޑު ހިތާމައެއް ކަމަށެވެ. އެކަމަކު މީގެ މަސައްކަތް ހުއްޓާނުލާނެ ކަމަށާާއި ދެ މީހުންގެ ދޭތެރޭގައި ވެވުނު ވައުދެއްގެ ގޮތުގައި ސުޝާންތަށް ދޭ ޓްރިބިއުޓެއް އަދި ހަނދާނެއްގެ ގޮތުގައި "ވަންދޭ ބާރަތަމް" ހަދަން ނިންމާފައިވާ ކަމަށް ބުންޏެވެ.

View this post on Instagram

You made me a promise. We, the Bihari brothers, will one day rule this industry and be the inspiration/support system for all young dreamers like you and me bhai. You promised me that my directorial debut will be with you. Raaj Shaandilyaa wrote this and we were to produce this together. I need your belief, that faith you showed, that was my strength. Now, with you gone...I'm lost...but I promise you this my brother. Now tell me how do I fulfil this dream? Who will hold my hand like you did? Who will give me the power of SSR, my brother? I promise you this... I will make this film! And it will be a tribute to the loving memory of SSR who inspired millions and gave them hope that anything is possible! Just dream it and believe it! Those hours of discussions on this film we dreamed to make together...the film 'Vande Bharatam'...now all I am left with is your memories and this poster which was our dream starting to come true, this film my brother, will be the symbol of the undying light of your soul ❤️

A post shared by Sandip Ssingh (@officialsandipssingh) on Jun 20, 2020 at 5:05am PDT

މިދިޔަ އަހަރު ވިވެކް އޮބެރޯއީ، އިންޑިއާގެ ބޮޑުވަޒީރު ނަރެންދުރަ މޯދީގެ ރޯލް ކުޅުނު ފިލްމު "ޕީއެމް ނަރެންދުރަ މޯދީ" ވެސް ޕްރޮޑިއުސްކުރި ސަންދީޕް ބުނިގޮތުގައި "ވަންދޭ ބާރަތަމް" އަކީ ސުޝާންތުގެ ހަނދާންތައް އަބަދުމެ ރަމްޒުކޮށްދޭނެ ވަރަށް ހާއްސަ ފިލްމަކަށްވާނެ އެވެ.

View this post on Instagram

A post shared by Sandip Ssingh (@officialsandipssingh) on Jun 19, 2020 at 8:44am PDT

ސުޝާންތާ އެކު ސަންދީޕް.

އެހެންވެ އެ ފިލްމު ހިތާއި ރޫހުން ސުޝާންތަށް ތަހުސީސްކުރާ ކަމަށް ސަންދީޕް ބުންޏެވެ. ނަމަވެސް ފިލްމާ ބެހޭ ތަފުސީލުތަކެއް އަދި ހާމައެއްނުކުރެ އެވެ.

ދުވަސްތަކެއް ވަންދެން ޑިޕްރެޝަންގެ ތެރޭގައި ވެސް އުޅުނު ސުޝާންތު ދަންޖެހިގެން މަރުވީ މި މަހުގެ 14 ވަނަ ދުވަހު އެވެ.

ސުޝާންތުގެ ހަޔާތުގެ މައްޗަށް ބިނާކޮށް ފިލްމެއް ހަދަން ނިންމާފައި ވަނީ ޝަމިކް މޯލިކެވެ. އެ ފިލްމަށް ދީފައިވާ ނަމަކީ "ސުއިސައިޑް އޯ މާޑާ؟: އަ ސްޓާ ވޯޒް ލޮސްޓް" އެވެ.

Sushant ge hayaathuge vaahaka film akah!

The most trusted news source in the Maldives