ކޮރިއޮގްރާފަރު ސަރޯޖް ޚާން މަރުވެއްޖެ

ސަރޯޖް.

އަހުމަދު އަދްޝަން، މިހާރު

03 ޖުލައި 2020 - 09:31

ނޭވާލާން އުނދަގޫވެގެން މިދިޔަ މަހު ހޮސްޕިޓަލްގައި އެޑްމިޓްކޮށް ފަރުވާ ދެމުން ގެންދިޔަ ބޮލީވުޑްގެ ކުޅަދާނަ ކޮރިއޮގްފާރު ސަރޯޖް ޚާން މަރުވެއްޖެ އެވެ.

އިންޑިއާގެ ނޫސްތަކުން ބުނިގޮތުގައި 71 އަހަރުގެ ސަރޯޖް މަރުވީ ހާޓްއެޓޭކެއް ޖެހިގެން ރޭ މެންދަމުގެ ވަގުތެއްގަ އެވެ. އޭނާ ހޮސްޕިޓަލްގައި އެޑްމިޓްކުރީ މިދިޔަ މަހުގެ 17 ގަ އެވެ.

ސަރޯޖްގެ މަރުގެ ޚަބަރަކާ އެކު ބޮލީވުޑްގެ އެތައް ފަންނާނުންނެއް ޓްވިޓާގައި ހިތާމަފާޅުކޮށްފައިވެ އެވެ. އޭގެ ތެރޭގައި ސަރޯޖް އަބަދު ވެސް މޮޅު ނެށުންތެރިއެއްގެ ގޮތުގައި ފާހަގަކުރާ މަޝްހޫރު ބަތަލާ ޑިކްސިޓް ހިމެނެ އެވެ. މަދޫރީގެ އައިކޮނިކް އެތައް ލަވައެއްގެ ނެށުން ހަދާފައި ވަނީ ސަރޯޖެވެ. އޭގެ ތެރެއިން އެންމެ ފަހުގެ ލަވަ އަކީ މިދިޔަ އަހަރު ރިލީޒްކުރި ފިލްމު "ކަލަންކް" ގެ ލަވަ "ތަބާ ހޯޔޭ" ހިމެނެ އެވެ.

ބޮލީވުޑްގެ ފިލްމުތަކަށް ދެހާހަށް ވުރެ ގިނަ ލަވައިގެ ނެށުން ތައްޔާރުކޮށްދީގެން ސަރޯޖަކީ ތިން ނެޝަނަލް އެވޯޑް ވެސް ހޯދާފައިވާ ބޮލީވުޑްގެ އެންމެ ހުނަރުވެރި އަދި ކާމިޔާބު އެއް އަންހެން ކޮރިއޮގްރާފަރުންގެ ތެރެއިން އެކަކެވެ.

I'm devastated by the loss of my friend and guru, Saroj Khan. Will always be grateful for her work in helping me reach my full potential in dance. The world has lost an amazingly talented person. I will miss you💔 My sincere condolences to the family. #RIPSarojji
— Madhuri Dixit Nene (@MadhuriDixit) July 3, 2020

އޭނާ ނެށުންތައް ތައްޔާރުކޮށްދިން މަޝްހޫރު ލަވަތަކުގެ ތެރޭގައި ފިލްމު "ތޭޒާބް" ގެ "އޭކް ދޯ ތީން" އާއި "ދޭވްދާސް" ގެ "ޑޯލަރޭ" އާއި " "ޖަބް ވީ މެޓް" ގެ "ޔޭ އިޝްގް ހާޔޭ" އާއި "ތަނޭދާރު" ގެ "ތައްމާ ތައްމާ" އަދި "ބޭޓާ" ގެ "ދަކް ދަކް ކަރްނޭ ލަގާ" ފަދަ އެތައް ލަވައެއް ހިމެނެ އެވެ.

Woke up to the sad news that legendary choreographer #SarojKhan ji is no more. She made dance look easy almost like anybody can dance, a huge loss for the industry. May her soul rest in peace 🙏🏻
— Akshay Kumar (@akshaykumar) July 3, 2020

"ދަ މަދާ އޮފް ޑާންސް/ކޮރިއޮގްރަފީ އިން އިންޑިއާ" އަދި "މާސްޓަޖީ" ގެ ގޮތުގައި ގިނަ ބަޔަކު ސިފަކުރާ ސަރޯޖަކީ އިންޑިއާގެ ޓީވީ ޗެނެލްތަކުން ގެނެސްދީފައިވާ ބައެއް ޑާންސް ޝޯތަކުގައި ޖަޖެއްގެ ގޮތުގައި މަސައްކަތްކޮށްފައިވާ ފަންނާނެކެވެ. ތިން ކުދިން ތިބި ސަރޯޖް ފިލްމީ ދާއިރާ އަށް ނުކުތީ 1958 ގަ އެވެ.

Saroj Khan admitkoh faruvaadhenee

The most trusted news source in the Maldives