ސަނާ.
09 އޮކްޓޯބަރ 2020 - 10:12
16 comments
އިންޑިއާގެ ބަތަލާ ސަނާ ޚާން ފިލްމު ކުޅުން ހުއްޓާލައި، ބުރުގާ އަޅައިފި އެވެ.
"ވަޖާ ތުމް ހޯ" އާއި "ޖެއި ހޯ" ފަދަ ފިލްމުތަކުގައި މަސައްކަތްކޮށްފައިވާ 33 އަހަރުގެ ބަތަލާ ވަނީ އިންސްޓަގްރާމްގައި އާންމުކުރި ޕޯސްޓެއްގައި ފިލްމީ ދުނިޔެއާ ދުރަށް ދިޔަ ސަބަބު ވެސް ވަރަށް ތަފުސީލުކޮށް ހިއްސާކޮށްފަ އެވެ. އޭނާ ބުނީ ފިލްމީ ދާއިރާއާ ދުރަށް ދަނީ އިންސާނިއްޔަތަށް ހިދުމަތް ކުރުމުގެ އަޒުމުގައި ކަމަށާއި ދިރިއުޅުމަށް މި ގެންނަ ބަދަލުގެ ސަބަބުން އޭނާގެ ހަޔާތް އެއްކޮށް ބަދަލުވެގެން ދާނެ ކަމަށެވެ. ސަނާ ވަނީ ބުރުގާ އަޅައިގެން ނަގާފައިވާ ގިނަ ފޮޓޯތަކެއް ވެސް އިންސްޓަގްރާމްގައި ހިއްސާކޮށްފަ އެވެ.
މުސްލިމު އާއިލާއަކަށް އުފަން ބަތަލާ ބުނިގޮތުގައި އިންސާނުން ދުނިޔެ އަށް އައުމުގެ މަގުސަދަކީ ފައިސާ އާއި މަޝްހޫރުކަމެއް ނޫނެވެ. އެހެންވެ އެކަމަށް އޭނާގެ އެއްވެސް ޝައުގުވެރި ކަމެއް މިހާރު ނެތް ކަމަށާއި ބޭނުން ވަނީ ހަމަހިމޭން އަބުރުވެރި ދިރިއުޅުމެއް ހޯދަން ކަމަށް ބުންޏެވެ.
އެކްޓިން އަށް ނުކުތް ނަމަވެސް މިހާތަނަށް ލީޑް ބަތަލާއެއްގެ ގޮތުގައި މާ ބޮޑު ކުރިއެރުމެއް ހޯދިފައި ނުވާ ސަނާ ފިލްމީ ދާއިރާ ދޫކޮށްލި އިރު، މި ފަހުން އޭނާގެ ވާހަކަ އެންމެ ބޮޑަށް މީޑިއާތަކުގައި ދެކެވުނީ ލޯބީގެ ގޮތުން ގުޅިގެން އުޅުނު ކޮރިއޮގްރާފަރު މެލްވިން ލުއީ ބޭވަފާތެރިވި މައްސަލާގައި ދެ މީހުންގެ މެދުގައި އުފެދުނު އަރާރުންގަނޑާ އެކީގަ އެވެ.
ސަނާ ބޮލީވުޑަށް ނުކުތީ 2005 ގެ "ޔެހީ ހޭ ހައި ސޮސައިޓީ" އިންނެވެ. އޭގެ ފަހުން އޭނާ މިހާތަނަށް 50 ވަރަކަށް ފިލްމު ކުޅެފައިވެ އެވެ. އޭގެ ތެރޭގައި ހިންދީ ފިލްމުގެ އިތުރުން ތެލެގޫ، ތަމަޅަ، ކަންނާޑާ އަދި މަލަޔާޅަމް ފިލްމުތައް ވެސް ހިމެނެ އެވެ. ސަނާ އެންމެ ފަހުން ފެނިފައިވާ ހިންދީ ފިލްމަކީ ކެމިއޯއަކުން ފެނުނު 2017 ގެ "ޓޮއިލެޓް: އޭކް ޕްރޭމް ޚަތާ" އިންނެވެ.
އޭނާ އެކްޓިން އަށް ދުރަށް ދިޔަ އިރު ކުޅެން ފަށާފައި އޮތް ފިލްމެއް ވެސް އެބައޮތެވެ. އެއީ "ޓޮމް، ޑިކް އެންޑް ހެރީ 2" އެވެ.
ސަނާ ވަނީ ބައެއް ރިއަލިޓީ ޝޯތަކުގައި ވެސް ވާދަކޮށްފަ އެވެ. އޭގެ ތެރޭގައި "ބިގް ބޮސް" އާއި "ހަތުރޯން ކޭ ކިލާޅީ" އަދި "ޖަލަކް ދިކްލާޖާ" ހިމެނެ އެވެ.
މި ފަހުން ފިލްމު ކުޅުން ހުއްޓާލި ބަތަލާއިންގެ ތެރޭގައި "ޑަންގަލް" އާއި "ސީކްރެޓް ސުޕަސްޓާ" ކުޅުނު ޒައިރާ ވަސީމް ހިމެނެ އެވެ. އޭނާ ފިލްމީ ދާއީރާއާ ދުރަށް ދިޔަކަން އިއުލާންކުރީ މިދިޔަ އަހަރު ގެނެސްދިން ޒައިރާގެ އެންމެ ފަހު ފިލްމު "ދަ ސްކައި އިޒް ޕިންކް" ރިލީޒްކުރަން ތައްޔާރުވަމުން ދަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓިޕިކަލް ދިވެހިން
11 October 2020
ކޮބާ މިކަމައް ވެސް ފާޑު ކިޔަން ފަށަން ވީނުން. ނޫނީ ކަމަކު ނުދާނެ
އަބްދުއްالله
11 October 2020
ސަނާހާނު ބުރުގާ ނާޅާ ކުރެހިފަ ހުރި ފޮޓިގިރާފު ކޮޅެއް ޖެހި ނަމަ ރަނގަޅު ވީސް. ސާޗު ކޮށްލަނިކޮށް ފެންނާނެ. ވަރަށް ރީތި. މާގިނަ ފޭރާމެއް ފެންނާކަށް ނެތް. ސަނާހާނު މިހާރު މިސްރާބު ޖަހާފަ ތިޔަ އިނީ ސީދާ ސީރިޔާ އަށް. އެތަނުން ދިވެހިންނާ ވެސް ބައްދަލުވާނެ. ދެން މޯދީ އަށް ސަލާން.
ގުލްޝަން ގްރޯވަރ
10 October 2020
ފިލްމު ކުޅެން ނުލިބުން އެއީ އަދި އެހެން ކަމެއް.ސަމާލުކަން އަބަދުވެސް ހޯދާލަންވާނެ ކޮންމެވެސް ކަމެއް ކޮށްގެން.
ތަލަ ޒިދާނު ބައްޕަ
10 October 2020
މުރަނގާ ހޭއަރާ
ާއަލީބަލީ
09 October 2020
މަށަށް އަދި މި އެނގެނީ ސަނާ ޚާން. އެނީވޭ ގުޑްލަކް
ޢަލީ
09 October 2020
'މުރަނގަ' ގެ ނަމުގައި ކޮމެންޓް ކުރި ފަރާތައް ބުނެލަން އޮތް ވާހަކައެއް މީ. ރަނގަޅު. މަރާ ބައްދަލުވާ ވަގުތު ނުޖެހޭނަމަ ދިރިހުރުމަށް މަސައްކަތް ކުރަން ޖެހޭ. އެކަމަކު އެއީ ހަަލާލު މަސައްކަތަކަށް ވާންޖެހޭ. މުސްލިމު އަންހެނަކު އަޢުރަ ކަޝްފުކޮށްގެން ގަޑިޔަކު މިލިޔަނެއް ލިބުނަސް އެއީ ހަލާލު އެއްޗެއްނޫން. އެމީހާއަށް ތެދުމަގު ވިސްނި އެކަމަށް ތައުބާވެ ހެޔޮމަގަށް ރުޖޫޢަވުމުގެ ނިޔަތުގައި އަޢުރަ ނިވާކޮށްގެން ގޭގައި މަސައްކަތްކޮށް ކިތަންމެ ކުޑަ އެއްޗެއް ލިބުނަސް އޭގެ ހެޔޮކަން މާބޮޑު
ހަމަ
09 October 2020
މުރަނގަ..ފައިސާ އަކީ އެއްވެސް އެއްޗެއް ނުނޭ އެބުނަނީ ނުކާ ނުބޮޢި އުޅޭ ވާހަކަ އެއްނޫން..
ޙާލިދު
09 October 2020
ސަނާ އަކީ ރަގަޅު ކުއްޖެ. މިދިޔަ ރޯދަ މަ ހު ވަރަށް ހީވާގި ކޮށް އަޅުކަންކުރި
900 ޑިގުރީ
09 October 2020
މޯދީއާއި ނަސީދު ތުރު ތުރު އަޅާނެ މިކަންކަމުން
ބަކޫރުބޭ
10 October 2020
ކަލޭ ދެމީހުނާ އެއްފަހަރާ އިންނަން ވީނު އަވަހަށް............
ހާމިދު ޝާހިދު
09 October 2020
ވަރަށް ބޮޑަށް އުފާވެއްޖެ ހެޔޮމަގަށް އަލުން ރުޖޫއަވުމުން. ސަނާ އަދިވެސް ފލްމީ ދުނިޔޭގައި ފިޔަޖަހަން ބޭނުންނަމަ، ޕާކިސްތާނު ޑްރާމާތައް ކުޅެވިދާނެ. އެ ހުންނީީ އިސްލާމީ ތަރަހައިގެ ތެރޭގައި .