"ހުވާކޮށްފާ ބުނަން" ފަށާނީ މި މަހުގެ 27 ގައި

އަހުމަދު އަދްޝަން، މިހާރު

25 ޑިސެމްބަރ 2020 - 11:00

ޔޫސުފް ޝަފީއު (ޔޫއްޕެ) ލިޔެ، ޑައިރެކްޓްކޮށްފައިވާ ސީރީޒް "ހުވާކޮށްފާ ބުނަން" މި މަހުގެ 27 އިން ފެށިގެން ބައިސްކޯފުން ސްޓްރީމްކުރާ ގޮތަށް ނިންމައިފި އެވެ.

ބައިސްކޯފްގެ ސޯޝަލް ޕްލެޓްފޯމްތަކުގައި ވަނީ ދައްކަން ފަށާ ތާރީހާ އެކު އާ ޓީޒާއެއް ވެސް ދައްކާލައިފަ އެވެ. "ހުވާކޮށްފާ ބުނަން" ބައިސްކޯފުން ސްޓްރީމްކުރާނީ ކޮންމެ ހަފުތާއެއްގެ އާދީއްތަ ދުވަހުގެ ރޭ 9:00 ގަ އެވެ.

މިއީ ޔޫއްޕެ ތިން ސީޒަނަކަށް ގެނެސްދޭން ނިންމާފައިވާ ސިލްސިލާގެ ފުރަތަމަ ސީޒަނެވެ. ކޮންމެ ސީޒަނެއްގައި ހިމެނޭނީ 26 އެޕިސޯޑެވެ.

Different stories. Different lives.
All striving for love.
'Huvaakoffaabunan' is coming to Baiskoafu on December 27th.
Stream it only on #Baiskoafu every Sunday night @2100hrs! pic.twitter.com/sn9mLExtPw
— Baiskoafu (@baiskoafu) December 23, 2020

"ހުވާކޮށްފާ ބުނަން" ގެ ކާސްޓްގައި ފިލްމީ ދާއިރާގެ ތަޖުރިބާކާރު ބައެއް ތަރިންނާއި މި ފަހުން ދާއިރާ އަށް ނުކުމެ، މަގުބޫލުކަން ހޯދަމުން އަންނަ އާ މޫނުތަކެއް ވެސް ފެންނާނެ އެވެ. އޭގެ ތެރޭގައި އަހުމަދު ސައީދާއި ނާޝިދާ މުހައްމަދު (ނާއްކޮ) އާއި އަހުމަދު އަޒްމީލް (އަޒޭ) އަލީ އާޒިމް (ދޮންއައްޔަ) އާއި މުހައްމަދު ފައިސަލާއި އަހުމަދު އީސަ (އާނަންދު) ގެ އިތުރުން މަރިޔަމް ޝިފާ އާއި ވާޝިޔާ މުހައްމަދު (ޝިޔާ) އާއި ނަތާޝާ ޖަލީލާއި އިބްރާހީމް ޝާފިއު (ފުބޫ) އަދި އިރުފާނާ އިބްރާހީމް ހިމެނެ އެވެ.